فسيخ ولا شوكولاتة

Dearest WYMB :)

Today was a beautiful day :) اللهم لك الحمد
أولا ، صحيت الصبح وأنا مبتسمة ومقررة إن ما فيش أي حاجة مهما كانت ضخمة أو أي إنسان مهما قال أو عمل هيعكر مزاجي ... بعد وقت التحضير لاقيت الساعة بقيت 8 إلا تلت ، يعني إنذار خطر، كان لازم أنزل من 10 دقايق عشان سكة البحر من ميامي للكلية ... هي الناس بتقولي إنها بتاخد معاهم نص ساعة بس مش عارفة ليه ديما معايا بتكون السكة واقفة بالذات الحتة اللي عند سيدي بشر فبتاخد يا إما ساعة يا أكتر ، ممكن أقل لو السكة سالكة بس نادرا ما بتكون سالكة .... قلت يا رب مزاج الدكتورة ليلى يكون حلو عشان تسمحلي بالدخول بعدها ....
طريق البحر بتاع الصبح دة رغم طوله إلا إنه بيدب فيا النشاط وبيجدد في روحي الحياة ، سبحان الله، البحر رائع اوي ...
نزلت من البيت ولاقيت عمو اللي بيبيع فاكهة تحتينا حاطط فسيخ بدالها !!! يعععع ! أنا بكره الفسيخ !!! الشارع كله بقة ريحته فسيخ ، في حد بردو يستبدل الفاكهة بالفسيخ ؟؟؟ الحمد لله ما حدش بيحبه في البيت ... إشمعنا فيه موسم للفسيخ وما فيش موسم للشوكولاتة ؟؟؟ ياااه !! يا ما نفسي أمشي كدة وألاقي الناس كلها بتبيع شوكولاتة !!!! مع إني كل يوم بيكون ليا لقاء مع الشوكولاتة ومش عاتقة نفسي شوكولاتة بس بردو الشوكولاتة ما بيتشبعش منها .... صحبتي بتقولي الإنسان اللي بيحب حد بيجبله شوكولاتة أو ورد وأنا فعلا لما بصالح صحباتي بلاقي نفسي بجيبلهم شوكولاتة أو ورد ..... ربنا يسامح اللي صور الصورة دي ...



الغريب بقة إني لما نزلت، متوقعة إني زي كل مرة ألاقي الدنيا زحمة ومافيش مواصلات والناس واقفة والناس قاعدة بتجري ورا أي حاجة وبتشاور حتى للعربيات الملاكي والرجالة تقعد تزق فيا كل ما يجي مشروع واللي يوقعني كإني مش موجودة ، ربنا يسامحهم بقة، مرة كنت خلاص بطلع المشروع لاقيت واحد بيسحبني من ورا عشان يركب، والله كنت هضربه بس ما حبيتش أوجعه فقعدت أشخط فيه ولاقيت الراجل اللي جنبه بيهزقه .. يستاهل، رجالة أخر زمن

المهم، المرة دي، ولشدة إندهاشي لاقيت مشروع فاضي وواقف مستني أي حد يحن عليه ويركب ، أنا كنت عاوزة أقول له متاكد إنك رايح المنشية ؟؟؟ والغريب بقة إنه كمان فضل واقف يحمل، بجد غريب، الحمد لله، نصيبي بردو ما أجريش ورا المشاريع النهاردة ودة من الحاجات اللي ثبتتني على قرار إن ما فيش حاجة هتعكنني ....

فجأة لاقيت نفسي وصلت نفق كامب شيزار وبقول للسواق على جنب، جيت أبص في الساعة عشان أعرف دكتور ليلى هتدخلني ولا لأ، لاقيتها 8 إلا خمسة !!! نعم ؟؟؟؟ من إمتى ؟؟ قعدت أضحك أوي ، الحمد لله إن وجهي مش باين وإلا الناس كانت قالت عني مجنونة ... بدأت رحلة المشي ( أو الهرولة ) لحد الكلية، كل يوم يا إما حد يتف من بلاكونة، يا إما حد يسيق بلاكونته يا إما حد يعصر غسيله على راسي وأنا بتنرفز، بس اللي حصل النهاردة خلاني أسخسخ من الضحك والحمد لله ما حدش أخد باله عشان ما يتهمونيش بالجنون ، فجأة وأنا ماشية، حد رمى عظمة فرخة !!! عظمة الظهر بالتحديد
:D

أنا طبعا كنت مقررة إن ما حدش هيقلب مزاجي فأخدتها ضحك وقعدت أقول يا ترى الفرخة كانت مشوية ولا مسلوقة ؟؟؟ يا ترى أكلوها مع إيه ؟؟؟ وليه الناس بقيت بتفطر فراخ ؟؟؟ وكملت ضحك وأنا ماشية ....
وصلت الكلية ولاقيتها 8 وخمسة .. قعدت أتمشى وأعمل حاجات كدة بعدين جت الدكتورة ليلى والحمد لله كانت أول محاضرة أركيتكتشر أفهمها من بداية الترم ... عرفت المشكلة في مين !!! المشكلة فيا أنا انا أنا ، كل يوم بنزل وأنا مقنعة نفسي إني مش بفهم ومش هفهم حاجة في اليوم دة عشان كدة بحس إنني بتعذب وأنا بفهم بس سبحان الله النهاردة اكتشفت إني مش غبية
:D
الحمد لله .... بعدها سكشن أو أر ( حلوة أو أر دي ) فهمت أغلبه الحمد لله عشان كنت قاعدة ببتسم وبقنع نفسي إن الحاجة سهلة

بعدها سكشن داتا بايس
بعدها محاضرة دكتور صلاح الراجل دة زي السكر ما شاء الله، بحس إنه كتلة سكر متحركة .... أنا صراحة ما كونتش فاهمة حرف من اللي بيتقال مش عشان صعب طبعا بس عشان أنا ماحضرتلهوش ولا محاضرة ولا بصيت حتى في الشيت .. ( ما فيش حاجة في الدنيا صعبة، إحنا اللي بنقنع نفسنا إنها صعبة وأنا قرأت إن المخ بيشتغل على أساس إنت أقنعته بإيه ) دا أنا حتى متأكدة إنهم لو ماكانوش قالوا إن في مسائل إن بي، كنا عرفنا نحل المسائل دي بس هما أقنعونا إن مالهاش حل فمخنا اتبرمج على كدة


المهم أنا قعدت أضحك طول محاضرة الدكتورصلاح ومش عارفة ليه كنت حاسة بانبساط غريب
بعدها الباش مهندس محمد عبدالعزيز ربنا يجزاه خير شرح كومبايلرز وأنا اكتشفت إني كنت فاهمة المنهج، كل حاجة قالها تقريبا كنت عارفاها الحمد لله، ورضوى قعدت تقولي إن أسئلتي غريبة ( وأنا من إمتى أسئلتي ما كانتش غريبة :) ) بس نفسي أفهم ليه ديما بحس إني مش فاهمة وإن الدنيا مظلمة ؟؟؟ ممكن عشان الناس كلها بتقول إنها مش فاهمة فأنا بقيت مقتنعة إني زيييهم ؟؟؟؟ فعلا الواحد لما يقعد يسمع كلام سلبي بيتأثر مع إني بحارب الناس عشان تتفاءل والله وبقعد أديهم أمل بس باخد منهم يأس للأسف
الحمد لله يا رب، بجد يومي كان حلو ماشاء الله، يارب أيامنا كلها تكون حلوة ومليانة تفاؤل وانبساط وأحلامنا كلها تتحقق


أنا لاحظت إني مش بكتب هنا حاجة إلا لما بكون متضايقة وحسيت إني ظلمت الانبساط فقلت أكتب خصوصا إنه كان يوم حلو الحمد لله

قررت إني بعد التوكل على الله، هقنع نفسي إن كل شئ ممكن وإني أثق في الله ثم في نفسي، هتقوللي جايا تعملي الكلام دة دلوقت، هقول
Now is better than never !!
يللا، سلاااااااام عشان نفسي أناااااااااااااام :D
:) ويبقى الأمل :)

وغبائي لا يُغفر

دي مجرد مقدمة، الكلام اللي يستاهل القراءة بعد الخطوط الحمراء تحت ...

بعد أسبوع مليااااان مشاكل وألام من كل جهة ولله الحمد قررت أبعد عن كل الناس وبقيت في أي فرصة أسيب الفصل وأروح في أي حتة، المهم أبعد عنه وعن كل اللي فيه ( بس رفيقة دربي خلتني أكسر القرار معاها ، ليها أسلوبها الساحر معايا والله، ربنا يخليهالي، بجد أحلى حاجة حصلتلي في الكلية، ما شاء الله :) ) ....

غالبا يا إما باخد الكلية من أولها لأخرها مشي سريع ( بلف حوليها كلها :) ) ، با إما بطلع لحد الدور السادس في المبنى وأنزل تاني، يا إما بروح لصحابي في سنة أولى أو سنة تانية أجدد أملهم وأرفع معنويتهم ، بجد أنا بحبهم أوي أوي وأكيد هاجي أزورهم لما أتخرج إن شاء الله ( ما تقلقيش يا سارة ويا أماني :) ) .... فعلا لما الواحد يكون متضايق ويخفف ألام أو أحزان حد، بيلاقي نفسه فجأة بقة مبسوط والحمد لله، كتير قالولي إن ليا نصيب كبير في اسمي، فدوى من الفداء والتضحية ، :) .....

كمان قعدت في طرف الصف ( والله كدة أحسن ألف مرة )، ومابقيتش أكلم حد إلا للضرورة القصوى، أو لو حد كان محتاجني بس .... وكمان بقيت ماليش نفس أروح البيت، أصلي لازم أتصنع الفرح قدامهم وإلا هيقعدوا يسألوني مالك وأنا مش بحب أعرف حد أنا متضايقة ليه حتى لو كان سبب زعلي تافه..... فعلا فقدت الشهية على إني أروح أي حتة حتى المناطق اللي كنت بروحها لما بكون متضايقة زي المكتبة والبحر، وكمان ما كانش ليا نفس أكتب ..... كان نفسي بس أقعد أجري دون توقف، هي البنت لو حبت تجري في البلد دي تجري فين ؟؟؟؟؟؟ في المسجد ؟؟؟؟؟!!! فينك يا مدرستي ؟ :((( كنت بجري فيك براحتي وبتسابق مع صحباتي وكنت دايما أنا اللي بكسب !!!! :) .... " ألا ليت الطفولة تعود يوما، فأخبرها بألام الشباب " ... وغالبا لو ماعرفتش أجري باكل، بطلع غلي في الأكل،وأقعد أطخن !!!

بس بردو الواحد لازم يتعايش مع البشر مع إني بتمنى إني أنتمي لعالم آخر غير الدنيا اللي احنا عايشينها، تكون فيها أهل الحاضر والمستقبل وحبة الناس اللي بحبهم وبيحبوني بس ... كلامي مش إحباط، بس بجد الناس أنانية أوي وقاسية أوي أوي وللأسف، أنا طلعت بكره الأنانية وبتجرح من القسوة، فإزاي أعيش وسط الناس ؟؟؟؟؟

صدق اللي قال " لا تنتظر شكرا من أحد " لإنك هتفضل مستني كتير أوي والناس مابقيتش تاخد بالها انت بتعمل إيه عشانها بس منين ما تحصل أي حاجة منك ماعجبتهومش، يمسكوهالك ..... يا رب، متى الجنة ؟؟؟؟؟؟؟؟ ياااه: حديث حبيبي محمد رسول الله صلى الله عليه وسلم : " كن في الدنيا كأنك غريب أو عابر سبيل " قاعد بيرن في وداني وفعلا دة العلاج ......

ممكن يكون النحو بايظ شوية بس أنا فعلا كتبته على طول هنا ومش عاوزة أراجع عليه ......

--------------------------------------------------------------------------

تجمدت العبرات في عيني، فقد عجزت عن الهروب من جفوني ... طالما ركضت على خدي .... طالما أحرقتني بمرارتها وآلامها ... كانت زائرتي اليومية، فلم يمض يوم دون بكاء ... ولكن اليوم، ولسوء حظي، لم تستطع الدموع توديع عيني، فرصيدي من الدموع أوشك على النفاذ !!!! قرأت أن لكل منا رصيدا للدموع ولقد استهلكت رصيدي منذ زمن .....

آآآآه من الآم قلمي !!! قلمي الحزين كف عن البوح بأسراره ... فإنه ( وكما تتوقعون ) ما عاد يقوى على الكتابة، فقد انتهت جميع العبارات وسُطرت كل الآهات .... قلمي حائر، بماذا عساه أن يبوح ، هل على دمعي أم على قلمي أنوح ؟؟؟

أناس أحببناهم، يا لغبائنا !!! ظننا أن الحب كما يتغنون به في قصائد العشق والهيام ... كذبت علينا أنفسنا وأقنعتنا أنهم أحبونا أيضا، ولكن كيف وهم لم يظهروا لنا سوى العداء الدائم ؟؟؟ ألم أسمع من أحدهم " قمة الغباء أن تهتم بمن لا يهتم بك " ؟؟؟ ولقد أضفت إليها " وأن تحب من لا يحبك " .... واليوم أيقنت أنني كنت شديدة الغباء وغبائي لا يغفر !!!!

فأنا أعلم أن الحب لم يخلق لي وأنه لم يكن من حقي يوما .... يا الله !! كيف أخفي حبي لهم وهو مسيطر على فكري وأحلامي،؟؟؟ كيف أنسى من أحبهم وقد نبض فؤادي باسمهم ؟؟؟

قالوا: " انتظري، فعقب الصبر ظفر " ولكن الصبر قد ملَ مجالستي لإنه كان معي منذ طفولتي واليوم يودعني قائلا ببرود " خارت قواي معك، لا أظنك ستظفرين بشئ، ابحثي عن صبر غيري " .... نسى العهد الذي كان بيننا فبقيت وحيدة، بلا صبر ودون ظفر ....

شكرا لكل من جرحني، فقد جعلتني أقوى، وكلما زادت عليك ألام الحياة، كلما زادت قيمتك ....

قل للذي بصروف الدهر عيرنا - هل عاند الدهر إلا من له خطر

أما ترى البحر تعلو فوقه جيف - وتستقر بأقصى قعره الدرر

فإن تكن عبثت أيدي الزمان بنا - ونالنا من تمادى بؤسه الضرر

ففي السماء نجوم لاعداد لها - وليس يُكسف إلا الشمس والقمر

وكم على الأرض من خضرا ويابسة - وليس يُرجم إلا ما له ثمر

وليس يُرجم إلا ما له ثمر

ويبقى الأمل :) ء :)

فضفضة، أصلي بحب أكتب أكتر من الكلام مع حد

Dear WYMB;

Sub7an Allah !! I am registered in a website that sends me an inspirational quote everyday and guess what it sent me today morning ???

"Even if the hopes you started out with are dashed, hope has to be maintained."

أحلى حاجة إن الناس قاعدة في محاضرة الكومبايلرز المش مفهومة (تلاقي الدكتور عامللهم كويز) وأنا بكتبلك ... لازم دماغي تكون عالية بردو !!

أولا، كل سنة ونقابي طيب !! هههههه، أصله تم سنة أول امبارح الحمد لله، ربنا يثبتني يا رب .... يااااه !!! سنة عدت بسرعة أويييييي ... والله العمر كله بيجري وفجأة هلاقي نفسي بتخرج إن شاء الله ...

ثانيا: الباش مهندسة ريم معيدة عندنا ماشاء الله اتخطبت لمعيد بردو من دفعتها الباش مهندس عمرو ماجدي ماشاء الله، ربنا يتمملهم بخير ويباركلهم ويسعدهم يا رب وعقبال أي حد عاوز .... فكروني بدكتور مصطفى والدكتورة ناجية ودكتور أيمن والدكتورة سحر ... يا ترى مين في دفعتنا هيمشي على نفس المنهج : ) ؟؟؟ صحابي بيقولوا " بقاله 6 سنين معاها، لسة فاكر يتقدملها " ؟؟

:D

ثالثا: كروت الدعوة لحفلة الوفاء والتفوق نزلت والحفلة بكرة إن شاء الله بس أنا ماليش نفس أحضر طبعا ومش هحضر إن شاء الله ... مش عارفة أفرح على أساس إيه وأنا خايبة ( فينك يا دكتور إبراهيم عبدالسلام ) أوي السنة دي ، كمان هجيب مين معايا كمرافق ؟؟؟؟ طب هتولي المرافق الأول وأنا أروح إن شاء الله ( المرافق في حفلة التخرج بقة إن شاء الله ) ....

رابعا: الحمد لله، أنا مابقاش ليا نفس أحضر حاجة خالص، بقيت بغيب كتير وبقالي محاضرتين أركيتكتشر وتلاتة داتا بايس مش بحضرهم ( والنهاردة غايبة بردو عشان العملية تكمل ) ... نفسي أعيد أو أأجل السنة أو أسيب القسم خالص وأقعد في البيت !! ههههههههه ... نفسي مسدودة أوي وبحس إني أغبى واحدة في الدفعة في كل المحاضرات، بجد بحس إنهم بيتكلموا في كلام كبير أوي وطلاسم ورموز خطيرة وأنا يا دوب بفهم العنوان !!! بجد سنة تالتة غريبة أو أنا اللي بقيت غريبة ( غالبا العيب فيا كالعادة عشان الناس شغالة زي الفل ماشاء الله ، ربنا يزيدهم ويباركلهم ويديني ... مش عارفة إيه اللي أصابني... ) ...

امبارح طبعا انا ماسلمتش لاب الإمبدد عشان مش عارفة أكتب فيه إيه وكل أما أسأل حد يستغرب إني مش عارفة أعمل فيه إيه ... أنا تقريبا كتبت كود كامل مالهوش أي علاقة بال لييفز

:D

الحمد لله، كل ما أحس إن حالتي ميؤس منها ربنا يبعتلي كذا واحد مريض في الشارع ( مرض الماغول ) عشان أحس بالنعمة اللي أنا فيها وأقعد أعيط عشان أنا مش زييهم، أصل كان ممكن ربنا يطلعني متشوهة ولا قدراتي العقلية محدودة أو أي حاجة تانية بس هو سبحانه أختار إني أكون فدوى ( لو لم أكن فدوى، لوددت أن أكون فدوى ، هههههههههههه) ... يللا، أكون أغبى واحدة في الدفعة أحسن من ما أبقى أغبى واحدة في العالم... استغفر الله، إيه الإحباط اللي أنا فيه دة ؟؟؟ يعني عشان مش فاهمة أي حاجة في أي حاجة تقولي كدة ؟؟؟... بجد أحبطتيني من كتر إحباطك يا ست فدوى، ربنا يسامحك .... لا لا ، على فكرة، دة مش إحباط: دة الواقع بعينه وكفاية إن الأيام بتتكلم بنفسها ....

ربنا يرحمني، كل ما أمسك كتاب أو أي حاجة متعلقة بالدراسة أقعد أعييط وكإن حاجة بتشدني بعيد عن الكتاب وأحس إني دايخة وعندي صداع والكلام يقعد يدخل في بعضه، بس برضو بحاول ..... وفي المحاضرة بسرح كتير أوي بس برضو مش بيأس الحمد لله ... وما بكم من نعمة فمن الله ...

نفسي أحس إني ليا فايدة أو متميزة في أي حاجة ... إن شاء الله حتى لو إتش سي أي ، أي حاجة .... يا رب أفهم الكلام الغريب اللي بيتقال في المحاضرات يا رب ، إنك على كل شئ قدير ....

يا رب اشفي عمو اللي عنده غرغرينة في رجليه يا رب وخليله مراته وعياله وارفع عنه وعوضه .. واجزى الباش مهندس اللي قال لنا عنه خير الجزاء واحفظه هو وأهله ومراته وعياله

:D

من كل سوء .... الواحد لو وهو بيطلع فلوس لربنا حط في باله إنه ممكن هو يكون مكان المحتاج أو يحصلله أي ظرف بعد الشر، هيلاقي نفسه بيدي من غير ما يفكر وبكمية كبيرة بس احنا للأسف بنحسب إن الفلوس اللي بنطلعها لله راحت ونسينا إن ربنا بيضاعفها عنده وكفاية إن ( من نفس عن مؤمن كربة من كربات الدنيا، نفس الله عنه كربة من كربات الدنيا والأخرة ) ...

في حاجات كتيرة أوي فيا نفسي أغيرها وبقالي 3 سنين بحاول بس الظاهر ما فيش فايدة، أنا يا إما أسوأ يا إما زي ما أنا ... يا رب ارحمني ....

كفاية جرعة الإحباط دي، وإلى اللقاء في إحباط آخر .... هههههههههههه.....

هبطل أتكلم

Dear Whoever You Might Be (WYMB :)),

أنا متنرفزة أوي من الناس كلها ومن الدنيا واللي عليها ... بجد العالم غريب أوي ومستفز أوي أوي ... ببساطة، مواقف كتيرة أوي مالهاش لزمة حصلت من الناس اللي في دفعتي الاسبوعين اللي فاتوا وأنا ما عودتش عاوزة أكلم ولا حتى أعرف حد ، هحاول إن شاء الله من أول ما أروح الكلية لحد ما أروح، ما افتحش بقي أبدا إلا لو حد سألني حاجة هرد رد مختصر أوي أوي أوي ....ء

وكمان لو حد كلمني على النت أو بعتلي ميل، مش هرد أو هرد بكلمة ... بجد انا تعبت من العالم !!!!!!!ء


بداية، أنا بعت ميل أول السنة عن سكتشات سمر اللي كانت قاعدة بتتصور وبقوللهم فيه إننا هنتبع نظام جديد من الترم دة، ناس كتير بعتتلي برايفت تقولي إن كلامي جميل وشجعوا الفكرة ومحدش فيهم إعترض على الأسلوب !!! يجيلي اليوم اللي بعده واحد في الدفعة يقوللي إن الأسلوب كان وحش أوي ؟؟؟ وبعدها بكام يوم صاحبه يلف على الناس ويقول إن أسلوبي كان وحش ؟؟؟ !!!

أنا شكيت فنفسي فقعدت أسأل البنات وقلت للبنات يسألوا اللي بيكلموهم من الولاد لو اسلوبي كان وحش وكلهم قالوا لا !!!!!!!!! ء

بعدين دلوقت حد بعتلي برايفت مايل بيسألني على حاجة ، فقلتله إن الشغل الفلاني كتير أوي وحطيت علامتين تعجب راح قايللي متزعقيش ؟؟؟؟؟؟؟؟؟؟؟ أعمل إيه طيب ؟؟؟ هو الديفولت بتاعي إني أكون بزعق وأسلوبي وحش ولا الناس دي مستقصداني ؟؟؟

كمان من فترة بعت حلول كتاب الأركيتكتشر على الجروب راح واحد مكلمني بزعيق بردو أوف لاين والأسلوب كان وحش أوي كأني عملت جريمة وقعد يقول الحاجات دي المفروض تتبعت من ورا المعيد ومش عارف إيه ... خلاني مرعوبة والله واليوم اللي بعديه الصبح حسيت إني مش عاوزة أروح الكلية لحسن حد يزعقلي !!!!ء
وحلمت إن عويضة عمال بيشتمني ويهزأني في الفصل قدام الناس، ومحمد مجدي بيبصلي باستحقار من فوق لتحت وأحمد قطب باعتلي أوف لاين فيه تهزيئات وأسلوب وحش أوي .... فقمت من النوم بقول مش هروح الكلية ولما ربنا خلاني أتشجع واروح، لاقيت محمد مجدي قاعد مع أحمد قطب، افتكرت الحلم وقلت تلاقيهم بيتأمروا عليا وقعدت أقول لا إله إلا أنت سبحانك غني كنت من الظالمين، مع إني والله ديما بدعيلهم، بس مش عارفة بقة إشمعنا هما اللي طلعولي في الكابوس

أنا إن شاء الله هقلل كلامي أوي أو هعدمه عشان من كثر كلامه كثر خطؤه، يا رب أفهم الناس دي بتفكر إزاي !!!!!!!!ء
مع السلامة عشان ورايا كل حاجة ممكن تكون ورا أي حد

سأنتظر....... ء

قمت بكتابته ليلة إمتحان الكونترول أعاذنا الله منه ........ ء

سأنتظر رجوعك يا حُبي *** من المجهول ِ إلى درب ِ حياتي

فأنا بدونك أعشقُ الحُزن َ *** وأتمنى أن تحين وفاتي

وأنا فضلتُ الموت َ عنْ رحيلك *** فأخذتُ أنحت في الدُجى تابوتي

وأظلُ أصنعُ بالدموع ِ مِداداً *** لأكتُب لك أعذب الكلمات ِ

وربما جفت دموعي، فسكبتُ *** من دمي على هذه الورقات ِ

أواهُ يا قلبي الحزين !! أما *** شبعت من ذرف ِ العَبَرات ِ ؟؟؟

آه ِ يا قلبي المسكين، طعنت *** ب " الوداع " من حبيب ِ حياتي

حائرٌ أنتَ في دُنيا الأحقاد *** وتُهدى بأخبث الابتسامات ِ

رحَل الذي كانَ يحميكَ بحُبِه ِ *** ويزيل عن خُطاك َ العَثَرات ِ

ذهب من تعرِفُ الناسَ أنك *** أفضلُ ما حَدَثَ لهُ في الحياة ِ

تركَكَ وحيداً تتخبطُ في *** ألآم ِ الحياة ِ ساعة ً تِلوَ الساعات ِ

بالأمس ِ أضاءَ ظلامَ كَونِكَ *** واليومَ أرى نهارَكَ سَيدُ الظُلُمات ِ

بعدَ الرَحيل ِ توقَفَتْ أفراحي *** وانطفأت في داخلي الشمعات ِ

بعدَ الفُراق ِ تحطَمَتْ أحلامي *** وتكاثَرَتْ في قلبي الآهات ِ

ما عُدتُ أعرِفُ للسعادة ِ لوناً *** منْ سَيُرجِعُ لقلبي النبضات ِ ؟؟؟

منْ سَيُرجِعُ لقلبي النبضات ِ ؟؟؟

لو أتنا لم نفترق

فاروق جويدة ... كم أعشق كتاباته .....ء

لو اننا ...لم نفترق

لبقيت نجما في سمائك ساريا

وتركت عمرى في لهيبك يحترق

لو اننى سافرت في قمم السحاب

وعدت نهرا في ربوعك ينطلق

لكنها الاحلام تنثرنا سرابا في المدى

وتظل سرا.. في الجوانح يختنق

لو اننا .. لم نفترق

كانت خطانا في ذهول تبتعد

وتشدنا اشواقنا

فنعود نمسك بالطريق المرتعد

تلقي بنا اللحظات

في صخب الزحام كأننا

جسد تناثر في جسد

جسدان في جسد نسير .. وحولنا

كانت وجوه الناس تجرى كالرياح

فلا نرى منهم احد


مازلت اذكر عندما جاء الرحيل

وصاح في عينى الأرق

وتعثرت أنفاسنا بين الضلوع

وعاد يشطرنا القلق

ورأيت عمرى في يديك

رياح صيف عابث

ورماد أحلام .. وشيئا من ورق

هذا أنا...

عمرى ورق

حلمى ورق

طفل صغير في جحيم الموج

حاصره الغرق

ضوء طريد في عيون الافق

يطويه الشفق

نجم اضاء الكون يوما ... واحترق



لا تسأل العين الحزينه

كيف أدمتها المقل؟!

لا تسأل النجم البعيد

بأي سر قد أفل؟!

مهما توارى الحلم في عينى

وأرقنى الأجل

مازلت ألمح في رماد العمر

شيئا من أمل

فغدا ستنبت في جبين الأفق

نجمات جديده

وغدا ستورق في ليالي الحزن

ايام سعيده

وغدا أراك على المدى

شمسا تضئ ظلام أيامي

وان كانت بعيده

لو اننا لم نفترق

حملتك في ضجر الشوارع فرحتى

والخوف يلقينى على الطرقات

تتمايل الاحلام بين عيوننا

وتغيب في صمت اللقا نبضاتى

والليل سكير يعانق كأسه

ويطوف منتشيا على الحانات

والضوء يسكب في العيون بريقه

ويهيم في خجل على الشرفات

ماكنت اعرف والرحيل يشدنا

انى اودع مهجتى وحياتى

ماكان خوفي من وداع قد مضى

بل كان خوفي من فراق آت

لم يبقى شئ منذ كان وداعنا

غير الجراح تئن في كلماتى

لو اننا ..لم نفترق

فسيكفيكهم الله

قال تعالى في كتابه العزيز " الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ .... فَانْقَلَبُوا بِنِعْمَةٍ مِنْ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ عَظِيمٍ .... إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِنْ كُنْتُمْ مُؤْمِنِينَ "
[آل عمران:173]

قال -صلى الله عليه وسلم- -: " بدأ الإسلام غريبا، وسيعود غريبا كما بدأ، فطوبى للغرباء. قالوا: يا رسول الله ومن الغرباء؟ قال: الذين يصلحون إذا أفسد الناس "

عن أنس بن مالك رضي الله عنه قال: قال رسول الله صلى الله عليه وسلم : "يأتي على الناس زمان القابض على دينه كالقابض على الجمر" رواه الترمذي


اللهم اكفيناهم بما شئت وكيف شئت وأنى شئت إنك على كل شئ قدير


إنا سمعنا أختنا شيئاً عُجاب

قالوا كلاماً لا يسُرُ عن الحجاب

قالوا خياماً علقت فوق الرقاب

قالوا ظلاماً حالكاً بين الثياب

قالوا التأخرُ والتخلفُ في النقاب

قالوا الرشاقة والتطور في غياب

نادوا بتحرير الفتاةِ وألفوا فيه الكتاب

رسموا طريقاً للتبرجِ لا يضيعه الشباب

يا أختنا هم ساقطون إلى الحضيض إلى التراب

يا أختنا هم سافلون بغيهم مثل الكلاب

يا أختنا هذا عواءُ الحاقدين من الذئاب

يا أختنا هذا نباحٌ لا يؤثر في السحاب

يا أختنا صبراً تذوب بحبره كل الصعاب

يا أختنا أنتِ العفيفة والمصونة بالحجاب

يا أختنا فيك العزيمة والنزاهة والثواب

فالنار مثوى الظالمين لهم عقاب

والله يكشف ظلمهم يوم الحساب

والجنة المأوى ويا حسن المآب

A New Year

Dear blogger,
I don't know what made me open u now, but I feel like saying a lot of things, maybe because I feel very helpless this year and my mind is not in focus ( I think it is placed in a blocked queue { the effect of OS :D }) , but as I always tell people to never lose hope, work as best as they could and try my best to spread a smile on their sad faces, why shouldn't I spread one over my own tearful face ???

First of all, if any of u is caring to continue reading now, please secretly pray for me that I understand algorithms and control :) and start studying and that Allah rescues me !!! :D I am very different this year and I really dont know the reason, I stopped asking questions, I stopped concentrating, I stopped understanding, I stopped studying but I never told anyone this as they will all feel that I am just making up a story, but Allah knows :) .... I am always trying and I never lose hope although it is too late but I am always sleepy and non-focused :) الحمد لله

A year has passed, it was one of my worst years in life ( actually my two worst years were 2009 and 2008 ) due to many reasons thanks to AlMighty Allah :) .... However, my faith in Him assures me that this year will be a very new beginning for me :) ... I just wanted to tell people some words, I hope that I could tell them these words face to face, but due to many reasons, this could NEVER happen, so I will just put a symbol for their name ( maybe the beginning letters of their name or any other symbol if their symbols were too obvious ) ....

I would like to thank Allah for placing me in my current position, no matter how hard my life might be, I am sure that there are millions of people who wish to have a life like mine, I really thank You for all Your signs ya Allah , every time I feel useless, I suddenly see a handicapped or a blind person in the street and I cry as I was thinking of the things I don't have and never thought of the blessings I got used to having ... I know that many people might find my words difficult to understand ( as English is their second language ) and that is absolutely why I chose to write using it this time as only those who truly care about me will receive my message ... ;)


I thank my mom for everything she has done, and she has done A LOT, I love her sooooo much although she never feels I do, she is really the best and strongest woman I ever met in my life masha2a Allah and I know that all of u might be saying that their mom is also like that but despite the things my mom had gone through, she proved to be the best person, best mom and best everything, ربنا يخليك ليا يا ماما وفي يوم تحسي بجد أنا بحبك قد إيه، انت اللي علمتيني أرضى بأي حاجة ربنا كتبهالي وكفاية دعاويك ليا اللي مخلياني لسة ليا نفس أتنفس

I would like to deeply thank my dad :) , although I never got to know him properly, but he is also the greatest man I ever met and will ever meet in life :) .. He is the best Ahmad I shall know ( as Egypt is full of Ahmads :D ) ... His actions taught me what it is like to be living for everyone but yourself, I know that he loves me so much although he never showed it as he feels that showing ur love to someone is being week, but trust me, love makes us stronger ... ربنا يحفظك يا أقوى وأروع راجل وأحب راجل لقلبي


I would like to thank my sister soOOOOOo much for being my sister, she was my everything throughout my life, she played the role of a mom, a dad, a sister, a friend, a lover, an EVERYTHING with me and she played all the roles perfectly well ... May Allah give u everything u want, trust me, Allah will reward u for everything u did and will replace all ur past pains with happiness :)
I thank my brother for being caring and protective :-* .... Although I always fight with him :D :P but I think that fights strengthen love :P ....
I miss all four of u soOOOOOOOOo much ...

Eng/Mahmoud Bassiouny : U are the best person we all have met at college and in life in general ... I have never met a person who mentioned ur name without praising u and strongly praying for u ... Everyone wishes that u teach us all the subjects not only because of ur excellent explanation masha2a Allah, but because of ur patience and ur readiness to help everyone and at all times ... We never met anyone with ur excellent manners and great personality .... U were never proud of urself and never made any one feel that he is lower than the others or he is unable of doing certain things .... U really have touched each one of us's life in a certain way and we ( honestly ) will never forget a person like u ... U are a very decent person masha2a Allah Allahu akbar and I really thank Allah for entering this department as I got to meet a fabulous person like u masha2a Allah .... I know that u will not by any chance read this, that is why I am saying everything I really want to say so that no one feels I am exaggerating or complimenting u, a MILLION thanx on EVERYTHING and I hope that u get all the happiness and success this life could give and be one of the successful people at the Day of Judgment and may u face no obstacles whatsoever in all ur life aspects .... ameen, ameen, ameen ....

M.A: U increase my self esteem from time to time and telling me that I remind u of urself and that I am a scaled version of u fills my life with a bright light but it still depresses me that I cant be like u !! :( U have a strong faith in , which no one ever had in me before and u found things in me I dont think others would have found ... Thnx for being there when I need u and thanx for talking to me when u r sad or worried, it really shows that u trust me :)

M.A: U showed me exactly how to fight for a dream and that anything is possible if u set ur mind to it, but I still didnt apply what I learnt from u :( Do u think that it is too late ?? I am about to graduate and many things I wanted flew away and will never ever come back ....

puma: U r the most respectable person I ever met and i dont think that there are similar people in life, I love the way u think and all ur words ... Thanx A LOT for being there for me many times ( even though u never felt that u were beside me, but I felt that u cared for me once, ( I dont know about now :-S ) ... U really taught me that it doesnt matter if u fall once, twice or a million times as long as u can get up again and u really are one of the few people who encouraged me to keep on evaluating myself and to take the step of becoming a better person after I saw the great change that took place in u after u got closer to Allah , masha2aAllah ... ربنا يثبتك يا رب ويحققلك كل اللي نفسك فيه وزيادة ويكتبلك الخير كله ويحفظك من شرور وعيون الناس .... آمين يا رب
U were one of the few good things that happened to me the previous two years and that started from 2008's summer vacation ;) and I hope that it will never end ...

September: I dont know what to say, I just know that u were also one of the very few good things that happened to me the past 2 years .... U taught me exactly what it is like to love someone and want him even if all life circumstances prevent the two of u to be together ... I learnt patience, love and care from u and I am really happy that I knew u ....

rafeeqaty: بحبك وبموت فيك ومش عارفة كان ممكن يحصللي إيه لو معرفتكيش، علمتيني حسن الخلق والتعامل الطيب وحب الناس كلها وغرقتيني بحبك ، بجد ما أتوقعش في حد في الدنيا بعد أهلي بيحبني كدة ... ربنا يجمعنا تحت ظل عرشه

A.S: Really, thank u for knowing me, u are a great friend, support and love ... I am never scared to tell u my worst secrets and seeing u makes me happy ... I love talking to u and standing with u even if we dont talk :) ....

Thanks to all of u, and I hope that u reach the highest levels of success in this life and in the Hereafter and that all ur dreams, hopes and wishes come true :) ameen ya rab ya rab ya rab , u left a great بصمة and بسمة in my life .... :) I ask Almighty Allah to let me continue being with u forever ( although it is absolutely impossible for many of u :(( ) but who knows what might happen in the future ?? Insha2a Allah once I enter paradise, I will ask Allah to see u all :) وساعتها بقة الواحد هيكون قاعد براحته والحاجات اللي نفسه يعملها في الدنيا ومش قادر، ربنا ساعتها هيسمحله يعملها إن شاء الله


I feel that this was the longest post ever, goodbye 2009, I shall throw u and all ur bad memories and experiences in the sea, and shall start a new page and beginning with 2010 and I am sure that Allah will make all my pages and the people I love white :) ...

أنا مصدووووومة

أول مرة أعرف إن المسجد الأقصى مش اللي قبته ذهبية !!! يعني تركيزنا المفروض يكون على المسجد اللي قبته سوداء
أَبْكِي عَلَى أمةٍ مشلولةٍ عَجَزَتْ *** عن أن تَصُونَ حِمَاهَا عْن أَذَى الجَانِي
كانتْ عَلَى السحبِ فاندكتْ قَوَاعِدهَا *** فَهَلْ لَهَا اليومَ من مجدٍ ومنْ شَانِي
النَّاسُ تَلهُو بصاروخٍ وطَائرة *** وَنحْنُ نلْهُو بأوتارٍ وَعِيدَانِي

المسجد الاقصى هو المسجد المقدس الذي تشد اليه الرحال ( قبته رمادية ) اول القبلتين وثالث الحرمين بينما مسجد قبة الصخره هو المسجد الذي بناه الخليفة الاموي عبد الملك بن مروان على الصخرة الشريفه ( قبته ذهبية ) ويسعى اليهود عليهم من الله ما يستحقون الى محاولة التلبيس علينا وخلط المفاهيم لدينا حتى ننسى المسجد الاقصى ونظن ان مسجد قبة الصخره هو المسجد الاقصى فنتيح لهم فرصة التخريب بالمسجد الاقصى


معركة حطين الشهيرة أقيمت بسبب إرسال أحد المسلمين من بيت المقدس ورقة إلى القائد البطل صلاح الدين كتب فيها :

يا أيها الملك الذي *** لمعالم الصلبان نكّس
جاءت إليك ظلامةٌ *** تشكو من البيت المقدس
كل المساجد طهرت *** وأنا على شرفي أدنّس

سئل صلاح الدين ذات يوم .. لماذا لا تضحك ؟! فأجاب بعبارته اللتي سجلها التاريخ (وكيف أضحك والأقصي أسير ؟) ولم يري الناصر صلاح الدين يضحك بعد تلك اللحظة قط إلا حينما مات وبعد أن حرر القدس وبيت المقدس ولكن وهو على فراش الموت إبتسم وقال: الآن أضحك

أما لسان حال الأمة اليوم : كيف اضحك والفريق الفلاني مهزوم ؟؟ وكيف امرح والمطرب الفلاني خرج من التصفيات في البرنامج ؟؟؟ كيف أضحك ولم تتصل بي حبيبتي اليوم ؟؟!!

أرسل النصارى جاسوسا ً لهم يوم كان للمسلمين قدم في الأندلس فضيعوها وتخاذلوا كما يحصل اليوم في فلسطين ، دخل إلى الأندلس يرى حال المسلمين وهل سيستطيع النصارى هزيمتهم وطردهم أم لا .. وبينما هو هناك إذا بطفل يبكي ويشتد بكاؤه أتعرفون ما سبب بكاؤه ؟ بكى لأن أباه لم يأخذه معه للجهاد !! رجع الجاسوس إلى قومه وقال : لا سبيل لكم على المسلمين .. ذهب مرة أخرى بعد سنوات ، وجد شاب يبكي ولكن يبكي لماذا ؟ يبكي لأن خاتم حبيبته سقط في النهر ، فرجع النصراني وقال لقومه : الآن الآن ..

وإلى الآن لم نعيد الأندلس ونسي الجميع أنه كان لنا في يوم من الأيام .... فهل سيأتي ذلك اليوم الذي ننسى فيه أن القدس لنا وتمحى فلسطين من الخريطة كما محيت الأندلس ؟؟؟

لما تخاذلنا وتقاعسنا وفرطنا طمع فينا أعداؤنا ، وتقووا علينا ومالنا من حيلة إلا البكاء، هذا إن بكينا !!

قال تعالى في كتابه الكريم في سورة محمد ( وَإِنْ تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لا يَكُونُوا أَمْثَالَكُمْ )

جميل أوي بس محزن

الصور توضح أكثر

http://alfetn.net/vb3/showthread.php?t=23463

صور تتتقطع لها القلوب
http://alfetn.net/vb3/showthread.php?t=23463

الرسم بالكلمات

للأسطورة نزار قباني

الرسم بالكلمات

لا تطلبي مني حساب حياتي
إن الحديث يطول يا مولاتي

كل العصور أنا بها فكأنما
عمري ملايين من السنوات ...

تعِبَت من السفر الطويل حقائبي
وتعِبْتُ من تيهي ومن غزواتي ...

واليوم أجلسُ فوق سطح سفينتي
كاللص .. ابحث عن طريق نجاة

اليوم تنتقم العيون لنفسها ..
وترد لي الطعنات بالطعنات ..

إني كمصباح الطريق، صديقتي
أبكي .. ولا احدٌ يرى دمعاتي ...

انا عاجزٌ عن عشق اية نملة
او غيمة .. عن عشق اي حصاة

جربتُ ألف محبة ومحبة
فوجدتُ أفضلها محبة ذاتي

فالحبُ أصبح كله متشابها
كتشابه الاوراق في الغابات

كل الدروب امامنا مسدودة
وخلاصنا .. في الرسم بالكلمات

ء " الفرانكو أراب "، لنا أم علينا ؟؟؟

هل أنا مكبرة الموضوع ولى هو فعلآ كبير بس ماحدش واخد باله ؟؟؟ أو واخد باله ومطنش ؟؟؟

التساؤل دا مطروح في ظل انتشار ما يسمي بـ"الفرانكو آراب" , هل ممكن فعلاً اننا نكتب انجليزي بـ حروف عربي؟ يعني نقول مثلاً
أي أم شور ذات يو أول فايند ذيس ديفيكالت تو ريد ... إت توك مي أ لوت أوف تايم تو رايت، أي فيل ذات أي أم بينج تورتشرد ... أوه الله هلب أس بليز

هل ممكن حد فينا يرضي إنه يكتب كدا ؟؟؟؟
الكل طبعا هيقول إيه المنظر دا , مستحيل !! و مستحيل تلاقي قبول , لكن لو فكرنا شوية هنلاقي نفسنا بنعمل كدا "حرفيا" دون أي وعي بكتابتنا للفرانكو آراب , بنكتب لغة بحروف لغة تانية , طب ليه ماحدش هيرضي إنه يكتب إنجليزي بحروف عربي و راضي إنه يكتب عربي بحروف إنجليزي؟ هل لأن حروف اللغة العربية أحقر من حروف الإنجليزي مثلا ؟؟؟ هل حروف الإنجليزي ماشية ع الموضة و أكثر شياكة ؟؟؟؟ هل حروف اللغة العربية دلالة علي التخلف و الجهل و حروف اللغة الإنجليزية دلالة علي الحضارة و التقدم ؟؟؟

لا بالتأكيد, بلاش نقول إنها الحروف اللي اتكتب بيها القرآن طالما دي مش مقنعة , لكن الحروف دي عظيمة لأنها حروف لغتنا و اللي بتدل على ثقافتنا , دا لساننا و ماحدش بيغير لغته "القومية" مهما عمل ....
طب هل الشعوب الناطقة بالانجليزية فكرت إنها تكتب انجليزي بـ حروف عربي, او عبري او حتي هندي؟ ,لا الشعوب دي ما عملتش كدا لانها بتعشق لغتها و بتقدسها و لو ع السهولة - زي ما شباب الفرانكو بيدعوا - كانوا استخدموا الابجدية الكورية ف الكتابة لانها بتحتوي علي 14 حرف فقط !!!ء
لكنهم دايما شايفين نفسهم الأعلي و ما سواهم الأدني , و احنا بطيب خاطر بنستبدل حروفنا العربية بحروفهم اللاتينية دون اي وعي ! ف الوقت اللي شبابنا بيضيعوا فيه حروفهم و بيستهينوا بيها ,بنلاقي شعوب تانية -رغم خلافاتها الشديدة مع العرب- بتستخدم الحروف العربية كأبجدية لـ لغاتهم ! , اللغة الفارسية و اللغة الكردية و لغات شتي حروفها مازالت عربية ! طب ليه شبابنا مستمر بالكتابة بالفرانكو ؟ هل احنا ناقصين تدخل اكتر من كدا ف لغتنا و ثقافتنا و بلادنا؟؟؟

طب ايه الهدف من الموضوع دا كله , من مهاجمة الفرانكو و الدفاع عن الحروف العربية , رغم الاهانات شبه اليومية من مستخدمي تلك الكتابة "الغير مبررة",هل احنا فاضيين فعلا و مش لاقيين حاجة نقولها؟ هل احنا مكبرين الموضوع وهو أصلآ مش مستاهل ؟؟؟, هل احنا بنعشق تعذيب نفسنا؟ لا , الحكاية ان الموضوع اكبر من مجرد استخدام الشباب للفرانكو علي النت او الموبايل ..الخ,

الخوف , كل الخوف من تضاؤل استخدام العربية علي مرور السنين , التقليل من الخطر دا مش ف محله , لان فيه تجارب مماثلة قدامنا , و الغرب دايما بيهدف للتحول دا , اللغة التركية و حتي قدوم مصطفي كمال اتاتورك 1920 كانت تكتب بالحروف العربية و بدلها اتاتورك بالحروف اللاتينية ليعلن انفصاله رسميا عن الشرق و العالم العربي و اتجاهه لاحضان الغرب !!!! يعني اللغة التركية دلوقتي اصبحت "فرانكو تركي" !!!! ,و اللغة الماليزية للاسف ف الطريق لترك الحروف العربية ! , يا ريت حد يديني سبب اكثر اقناعا لكتابته للفرانكو بعد ما عرف اخطار و عدم جدوي الكتابة بالفرانكو ,

البطء و التعود مش اسباب أبداً لترك حروفنا العربية , إدي نفسك وقت تكتب فيه بحروف عربي , زي ما اتعودت على الكتابة بالحروف الإنجليزي، اتعود تكتب بالعربي !!! أو لو بتحب الحروف الإنجليزي أوي، خلاص اتعلم انجليزي صح واكتب انجليزي بالحروف الانجليزي ... ما تخلطش الأمور !!! انت ما اتعلمتش ف المدرسة تكتب عربي بـ حروف انجليزي ! , تصوروا كدا بعد مرور السنين و حروفنا العربية بتختفي-بعد اختفاء الفصحي و ظهور العامية- و بيحل محلها حروف لاتينية , "العقلاء" من احفادنا هيلعنونا ! هيسألوا ليه اجدادنا فرطوا ف حروفنا العربية و سابولنا الحروف دي؟
هل من مجيب ؟؟