Simple Cheque: Happy :-)

الحمد لله
A word that says it all...

I was accepted for Masters in Computer Science in KSU in 2014. It was of 5 semesters but I took a semester off as I was extremely depressed due to many factors including taking a course with Dr. Heba Kurdi that was so challenging so I decided to stay back. When I resumed, I challenged myself and asked her to be my graduation project supervisor and she accepted... Being a non-Saudi, I was not given the monthly reward of 1,000 SR. Sometimes I was sad but I remembered that fact that I was accepted in the first place and was grateful, I never felt that I needed that money الحمد لله ... Allah is so generous, I graduated in 2018 (exactly one year back) and my supervisor sent me 2 months back that there was a competition for the best research paper and the best Masters project and she asked me to apply. I was not enthusiastic about the application at all but I said that there was nothing whatsoever to lose. After a week, I was announced as a winner for the top three positions and was invited to give a short presentation! I did not see that coming! Although they ran out of time and I couldn't give my presentation, I was awarded the first position ! I couldn't believe my ears and eyes and all senses ! الله أكبر
On that day, they gave me a certificate and an honorary shield. I overheard the dean stating that they were supposed to give us a monetary reward ...

After 2 weeks, she sent us an email asking us to come and get a cheque with our reward. It was a cheque with my name and ID number written on it and went to the Samba branch in uni to withdraw the money :-) ...

يشاء الله إني ما أسيبش الكلية إلا لما آخد منها مكافأة (وأي مكافأة يا فيدو) وتكون تقريبا دي آخر مرة هروح الجامعة

I am so o o o o happy, Although I don't need the money, but it felt nice!


P.S. He gives me 2000 per month for our monthly groceries expenses. This month they finished a bit early as I got gifts for Egypt and he was questioning the reasons and felt puzzled. Although he has all the bills and he knows what I get, but ... I hope that I get a decent job and I get my own personal money ... 

ذات الرداء الأسود :)

هذا عنوان ما كتبته أمووونة عني يوم الأربعاء ، ١٨ أغسطس ٢٠١٠

كنت دائمًا ما ألمحها تعبر مسرعة ردهة الدور الأول بمبنى كهرباء .. برداء طويل يغطي كل جسدها و حجاب يستوفي كل متطلبات الشرع .

لا اعرف ما السبب لكنني كنت أستريح لرؤيتها .. تمنيت دائمًا أن أحادثها و لكنها لم تكن تتوقف .. كانت دائمًا مسرعة جادة تنظر أمامها فقط .. تسائلت كثيرًا عمّا تفكر فيه و هى تمشي مسرعة كذلك .. و لماذا لا تتلفت لتنظر حولها أو ترى من بالردهة كما يفعل الآخرون ..

ذات مرة رأيتها في مكتبة الكلية تجلس أمام حاسوبها المحمول .. و على الشاشة برنامج أزرق اللون- أو هكذا بدا لي من رؤية جانبية -  سأعرف بعدها أنه

Eclipse

كنت أعرف أنها تكبرني لكن لم أعرف بأي قسم كانت .. سمعتها تقول 

debugging

فعرفت أنها بقسم كمبيوتر .. أو خمنت أنها بقسم كمبيوتر و كان تخميني صحيحًا .. 

اعتدت دائمًا أن أراقب الناس و لا يعرفوني .. ربما تجدني غريبة الأطوار و ربما تجدني فضولية ..لكني أحب معرفة كيف يفكر الناس .. و لا أظنني سأعرف هذا أفضل من أن أراقب حركاتهم ..

لكنها كانت مسرعة دائمًا .. أحيانًا كنت أراها وحيدة في المكتبة ..لم أعرف كيف تفكر .. و لا كيف تتكلم .. كل انطباعي عنها كان أنها شخصية جادة للغاية ..

انضممت لقسم كمبيوتر .. و في السنة الأولى تصادف أن جلست خلفها في إحدي محاضرات التنمية البشرية لدكتور عمرو الطويل

سأل هو سؤالًا فأجابت و كانت اجابتها تكشف أنها بقسم كمبيوتر .. انحنيت عليها من الخلف و سألتها - و أنا عالمة بالإجابة - سألتها إن كانت بقسم كمبيوتر ..فلما أجابت بنعم أخبرتها أني أصغرها بعام و في نفس القسم 

 

و ﻷني حادثتها ﻷول مرة كانت سعادتي لا توصف هذا اليوم .. غالبًا هى لا تتذكر هذا الموقف .. إذا كان يصح لي أن أطلق على هذه الجملة موقفًا ..

 

التقيتها مرة أخرى في إجازة نصف العام في محاضرة لدراسة 

Programming using C language

و كان من المصادفة أيضًا أن جلست بجانبها .. ..عرفت يومها أن اسمها فدوى .. اسم جميل .. غير معتاد كصاحبته 

كنت أعرف معظم طلاب السنة الثانية في قسمي .. و أحيانًا كنت أصعد لفصلهم ﻷراهم .. و الحقيقة لم تكن رابطتي قوية بأى منهم  إلا هى .. أو كانت قوية من ناحيتي فقط .. لم أكن أجدها غالبًا .. لكنني كنت أسعد للغاية عندما أجدها ..

 

يومًا ما أمام المسجد وجدتها .. هى و إحدى الفتيات معها في نفس السنة .. كانت عصبية للغاية و عندما سألتها عن السبب أعطتني الإجاية .. و التي لا يهمني ذكرها الآن .. و لكن هذه الإجابة قادتنا إلى الحديث عن النقاب ..

كانت تريد أن تنتقب و ترى النقاب فرضًا .. أخبرتها أن تنتقب إذا شائت و لكنه ليس فرضًا ..

ظلت تردد 

" و ما كان لمؤمن و لا مؤمنة إذا قضى الله  و رسوله أمرًا أن يكون لهم الخيرة "

قالتها بقوة و ظلت ترددها كثيرًا لدرجة أني  شعرت بجسدي يرتد كلما قالتها ..

"و ما كان لمؤمن و لا مؤمنة إذا قضى الله و رسوله أمرًا أن يكون لهم الخيرة "

 

تحدثت كثيرًا عن النقاب و كعادتي حينما أغضب تجنبت النظر لوجهها و حاولت بقدر الإمكان ألا أستمع لها !!

لم أغضب لحديثتها .. و لم أغضب لاختلافها معي.. في هذه الفترة كنت أكره المنتقبات .. لموقف مؤلم حدث لي قبل ذلك 

و أنا أدرك تمامًا أن كرهك لأشخاص معينيي بسبب شخص واحد فيهم هو خطأ كبير و كنت أعرف ذلك حينها .. لكنني من هؤلاء الذين يربطون بين ما يرونه و بين إحساسهم إذا رأوه .. لذلك لم يكن بيدي حيلة ..و إن كنت لم أعامل أى منتقبة بسوء لهذا السبب ..

 

لى صديقات منتقبات لكنهن كن منتقبات قبل حدوث هذا الموقف فكنت معتادة على ذلك .. لكني اعتدت فدوى بدون نقاب .. لذلك كانت فكرة أن تنتقب مثيرة للغضب بالنسبة لي ..

 

و نسيت ما حدث .. و بعد يومين صعدت ﻷراها و لم تكن موجودة .. و عندما سألت عن مكانها أخبروني 

"فدوى انتقبت و لبست أسود .. و هى في المسجد دلوقتي "

عند هذه اللحظة شعرت بسخونة الدم يتصاعد إلى رأسي .. و بساقىّ ترتعشان و أنا أنزل السلم متجهة نحو المسجد..

فدوى انتقبت .. و لم تنتقب فقط بل لبست الأسود .. و هو تمثيل كامل للموقف الذي جعلني أكره المنتقبات في هذه الفترة ..

فدوى انتقبت و لبست السواد .. و ربما سأكرهها طوال عمري .. و سيتلاشى ذلك الارتياح الذي كان يجتاحني حينما أراها ..

وقفت قليلًا ﻷهدأ قبل أن أدخل ﻷراها .. هل أذهب ﻷراها من الأصل ؟ .. 

و في حيرتي هذه وجدت رضوى .. إحدي فتيات السنة الثانية .. و عندما أخبرتها بانتقاب فدوى .. وجدتها تجذبني من يدي و تدخل للمسجد لترى فدوى ..

 

رضوى تحتضن فدوى و تهنئها بالنقاب و أنا أقف من بعيد أراقبها ... و عندما تركتها رضوى أخيرًا .. سنحت لي الفرصة أن أراها فعلًا ..

لم تكن مختلفة .. كانت فدوى .. كدت أقسم أنى أكاد أرى ابتسامتها تنير من خلف نقابها الأسود .. في هذه اللحظة نسيت كرهي للنقاب .. و نسيت تلك الفتاة التي كرّهتني فيه .. و نسيت الموقف و نسيت كل شئ ..

و ابتسمت لها و أنا أخبرها 

"شكلك حلو "

 

---------------------------

 

لفدوى :

و هذه أشياء  لم تعرفيها .. لكني كنت أفكر فيها في الآونة الأخيرة .. 

أشكرك جدًا .. و أنتِ وحشاني  :)

 

 

بالمناسبة هذه ليست فدوى .. هى صورة لفتاة منتقبة وجدتها .. أجدها جميلة :)

الأيام دُوَل ....ء

ال label هو gratitude عشان بحاول أبص على الجانب المشرق في كل ظلمة .... أكيد فيه ، مش عشان الجانب مديني ظهره يبقى هو مش موجود .....

مش بقول لك خليك زي فُلانة ولا علانة ، لإن المُقارنة بالغير تحطيم ، ما حدش عمره كان في مكانك ولا حد عمره هيقوم بدور "فدوى" إلا "فدوى" .... أنا بطلب منك تكوني فدوى التي يرضاها الله ورسوله .... شوفي ربنا أمر بإيه والرسول دعى لإيه ....

صعبة دي ؟؟؟ والله إنها لسهلة على من سهلها الله عليه .....

ووالله لو صدقت الله لصدقك ....

بشكرك يا رب على الدروس القاسية اللي باخدها اليومين دول .....

كذا درس ورا بعض ....

طع طع طع طع ......

طخ طخ طخ طخ ......

وكله بيصب في نفس المصب .... أكيد استخدمت مكانتي كأخت كبيرة أو كمعلمة لطالبات استخدام خاطئ ولو مرة .... لأ ، أكيد كذا مرة ... لإن ربنا بيستر وبيرحم في أول كذا مرة ... لكن لما العبد يتمادى ، بيوريه حقيقة نفسه ....

حتى لو أنا شايفة إن هم فيهم استهتار الدنيا ولا مبالاة الحياة وبيغيظوا أوي و و و و ......

هي دي مدرسة الحياة ...

هي دي الكلمة اللي اتقالت لي كتير أوي وكنت بقول " هي الناس اللي هقابلها في الشغل ولا في الحياة عامةً هتفرق عن الجامعة ولا العائلة إزاي ؟" .... أديني عرفت بتفرق إزاي .....
حتى لو حاجات في كيفية التعامل اتقالت لي في البيت ، مش هتركز في عقلي ولا هقتنع بيها إلا لما أتعك فعلاً .... أتعك بجد وأتوجع .... الألم بردو بيعلم ... بس نبص على الدروس كويس ... مش نقعد نضمد الجرح وننسى سبب الجرح ...... ممكن حتى لو سبناه ينزف نلاقيه طلع كل الخبث اللي موجود ..... شكراً يا الله :)

1) اللي بتعمله في الناس مصيره في يوم من الأيام يتعمل فيك .... حتى لو انت مش قاااااصد .... حتى لو انت شايف إن اللي بتعمله دة يستحقوه ... مش انت اللي هتحاسب الناس .... بالذات طريقة تعاملك مع الناس ... طريقة ردك على الناس ... ازدراء الناس .... الرد من تحت مناخيرك ....

انت اللي لم " تُخفض جناحك للمؤمنين " ....

2) حتى لما تكون في موقف قوة (من وجهة نظرك التعبانة) وتقول كلمة حلوة لحد بصوت عالي وأمام الكثيرين كإنه هو بس اللي كويس والباقيين زي قلتهم ، وتحسسه فعلاً إنه كدة ( ما هو من وجهة نظرك مجتهد و و و والباقيين كُسالى و و و )، هيجي يوم في موقف ضعف ليك وهيتقال لك نفس الحاجة على مسمع من ناس كتيرة .... بتوجع أوي .....

3) مش طول عمرك هتفضل أحسن واحد على اللي حواليك (من منظورك الضعيف ونظرة الناس الغير مُنصفة) .... هيجي يوم تكون فيه انت فعلاً أسوأ من حولك ومش عارف حتى تتقدم أي خطوة عن اللي حواليك وتحس بعجز رهيب .... اعتياد النجاح له نهاية .... الفشل كتير بيخلي الواحد يخفض راسه شوية اللي بقالها سنين مرفوعة ويا ريتها مرفوعة على حاجة تستحق .....

4) لما تقلل من قدرات الناس وتقول " إزاي يعني مش عارفين يعملوا كذا كذا ، دي هبلة أوي " ، هتتحط في موقف تلاقي كل اللي حواليك بيعملوا حاجة وشايفنها " سهلة أوي أوي " وانت الوحيـــــــــد اللي محتااااس وعامل زي الغرقان مش لاقي مخرج ....

5) لما حد يقول لك " حاولت ومش عارف " وانت بكل كبر تقول في نفسك " ياااه ، على دي مش عارف ؟؟؟" هتتحط في موقف تلاقيك فعلاً " مش عارف ولا قادر " واللي حواليك " قادرين وعارفين " ....

5) بدايتي كانت نطفة قذرة ونهايتي جيفة نتنة ... أفخم لبسي من دودة وأحلى أكلي من حشرة .... فعلام التعالي ؟؟؟

من تواضع لله رفعه .....

كنت بسمع زمان " كما تُدين تُدان " وكنت كتير برددها وبقولها لغيري بس كتير أوي كنت بنساها وأنا بعامل غيري ..... 

قفي مع نفسك ، لما ربنا يحطك في موضع سلطة ( رتبة أعلى من غيرك أو علم أكتر من غيرك ) تواضعي .... اللي مش عندك ممكن أوي يكون عند غيرك .... حطي نفسك مكان اللي قدامك ....

التواضع ، الابتسامة ، حسن الظن ، التماس الأعذار ، إلقاء السلام ، عدم احتقار أحد حتى لو كنت شايفاه يستحق الاحتقار (انت مين عشان تحكمي عليه ؟؟؟ لعل بينه وبين الله سريرة ترفعه فوق منزلتك الحقيرة أضعافاً مضاعفة) .....

يا رب أتعلم بجد ... مش أكون مجرد بكتب كلام وبس ....

يا رب ، انت عارف إن الموضوع دة صعب علي أوي أوي وانت عارف الأسباب وبقالي فترة كبيرة بدعي تحل لي المُعضلة دة ، حلها من عندك يا رب ، أنت الرحيم وأنت على كل شئ قدير ....

الأيام دُوَل .....

شوق وتكريم الجامعة :)

عرفوا نقطة ضعفي (الشوكولا) فانهالوا علي بها !! :)))

عرفوا إزاي يوصلوا لي :)))

من البنات اللي لن أنساها ... مش عشان الشوكولا :))) (والله :( ) ، بس عشان حكتلي حاجات في حياتها زيي أوي ... تشبهني في حاجات معينة ....

-------------------------- 

دة تكريم الجامعة بتاع العميدة عشان حصلنا على المركز التاني أنا وطالباتي على مستوى الجامعة ....

درع زجاج وبتاع :)))

البوكيه مش لي ، كان محطوط في مقدمة المسرح، بس غلاسة اتصورت معاه :)) ...

الحمد لله :)

ختام دورة مختصر صحيح البخاري :(

النهاردة كان آخر يوم في الدورة التي امتدت شهرين .... أحلى شهرين عدوا علي السنة دي كانوا آخر شهرين لأسباب كتيرة أوي ، ودي أحدهم .... 

بدأت أركز في ما ينفعني بجد ... صحيح كتير بقع ، لكن سبحان من بيقويني تاني ....

سبحان من وفقني لختمها .... سبحان من خلاني يوم الخميس اللي هو المفروض أجازة وراحة من كل الخلق أقوم من بعد الفجر عشان أروح وأرجع بعد الظهر ....

سبحان من جمعني بناس بترتاح بمجرد إنك تشوفهم ....

سبحان من وفقني لدروس العلم وحفظ ما يقرب من ال150 حديث من صحيح البخاري وقراءة وفهم ما يقرب من ال2200 حديث !!! :) أصدق الكتب بعد القرآن الكريم

كلام الحبيب محمد ابن عبد الله

اللهم صلي وسلم على نبينا محمد ....

اتعلمت حاجات كتيرة أوي

أوي

أوي

أولها: الصبر على طلب العلم ... كنت بحفظ الأحاديث في أوقات غريبة (في المواصلات، بين المحاضرات، قبل الفجر أتشجع أقوم، ......)

ثانيها: من سلك طريقاً يلتمس به علماً ، سهل الله له به طريقاً إلى الجنة :) .... يا رب أكون ممن صدقك .... يا رب ارزقني الجنة وأنت تعلم أني أحبك وأشتاق للقاءك :(

يا رب ارزقني الإخلاص :(

ثالثاً: الواحد حاسس بغربة شديدة في مقر عمله ، وربنا عوضه عن الغربة دي بمكان روحه التقت فيها مع من هم مثله .... أنا أنتمي لتلك الحلقات .... هناك الراحة .... كفاية تحفنا الملائكة ويقولوا "قوموا مغفوراً لكم" !!!

رابعاً: الصحبة الصالحة أقوى حاجة تثبت الإنسان بعد الله .... جنبهم الواحد بيحس إنه نملة ... وسبحان الله، أحياناً كتيرة مع غيرهم ، بيحس إني عالم من علماء الأمة !!! عشان لو الواحد قارن نفسه بالدنئ، هيحس إنه ما فيش زيه، لهلوب، ولو جه يقارن نفسه بالكبار، هيحس إنه دنئ ... دنئ ... دنئ ....

خامساً: لسة الدنيا بخير ... والخير في أمة محمد إلى قيام الساعة ....

سادساً: فطوبى للغرباء .... القابضون على الجمر .... يا الله !! حتى في بلاد التوحيد الغربة الدينية ؟؟؟ يا رب الثباااات حتى ألقاك ....

دي صورة من هدية جميلة ادوهالنا ، وتورتة عمالوهالنا :)))

كنت عاوزة أحط باقية الأكل ، بس حرام يعني ، أراعي نفسيات الناس والجوع وبتاع :)) ....

أول حاجة هطلبها لما أدخل الجنة إني أشوفهم (أو بإذن الله هشوفهم تحت عرش الرحمن لما ربنا بكرمه يظلنا لإننا أحببنا بعضنا البعض فيه) وأكل/أشرب من أنهار الشوكولاتة واكل ورق عنب شامي !

إدمااااان :)))

تكريم المشاريع الفائزة

الواحد لما يبدأ يعد ويركز على النعم والعطايا، بيتعب من كترهم ... اللهم لك الحمد حتى يبلغ الحمد منتهاه :) .... عشان كدة قررت أعمل label جديد اسمه gratitude فيه كل حاجة حلوة تحصل لي عشان كل ما أحزن أو يجيلي اليأس، أقرأهم كلهم وأشكر ربنا إن في أيام كتيرة أوي حلوة أنا بنساها وقت الإبتلاء ....

النهاردة كانت حفلة تكريم المشاريع اللي كسبت في مادة الحاسب، وحضرت الوكيلة وناس تانية من الإدارة ..... 

بدأنا الحفل بقراءتي للقرآن :) .... قرأت نهاية سورة الزمر "وسيق الذين اتقوا ربهم إلى الجنة زمراً" :( ... أيات بتقشعر ..... ربنا يتقبلها مني ويحفظ علي حفظي :(

ويجعلنا من اللي بيقرأوا وبيرتقوا :( مش من اللي بيقرأوا والقرأن بيلعنهم .... 

بعدين بدأوا يكرموا ....

بدأوا بفئة الكارتون ....

والمركز الأول :) ....

أنا وطالباتي :)

الحمد لله حمداً كثيراً طيباً .....

دة على مستوى آلاف الطالبات (مش فاكرة 8 ولا 9 ألف)  :) ....

الوكيلة قالت لي "حسبتك طالبة !! مش باين عليك خالص إنك معلمة !" الحمد لله :) .... ما شاء الله، اللهم بارك !! :)  حلو الواحد يفضل باين صغير ، ربنا يجعل عمرنا في طاعته ويختم لنا بالصالحات ...

بعدين كرموا اللي عملوا workshops لتعليم برامج للطالبات .... 

أنا كنت عملت ورشة عن ال video studio اللي هو بيصنع فيديوهات (زي الموفي مايكر بس متطور عنه أوي أوي وأروع منه)

لسة إن شاء الله يوم الحد تكريم كل الأقسام (حاسب، رياضيات، صحية، مهارات) وهنتكرم تاني إن شاء الله عشان حصلنا على أحد المراكز الخمسة الأولى على كل المشاريع بجميع الفئات !!!.....

الحمد لله الذي بنعمته تتم الصالحات :) ...

صحيح النجاح مش مش مش بالشهادات ، بس بردو إحساسها حلو :)

حديقة :)

حديقة .....

طالبة من شعبة ON 

عسولة أوي :)

ربنا يحفظها ويجبر بخاطرها

جابت لي دي النهاردة بما إننا مش هنشوف بعض تاني .... كانت آخر محاضرة ....

قالت لي "حببتيني في الحاسب مرة ، ادعيلي يا تيتشر ...." وحضنتني وباستني ....

Chocolate is a women's (girl's) best friend

هي اسمها "غادة" وكنت بحسب معناها حديقة :)) فسميتها حديقة طول الترم ... دة كان دلعي ليها !!!... حتى لما بكون عاوزة أرصد درجاتها ، بقعد أدور على حديقة في الكشف !!!

One of His many blessings ...

I saw it by mistake ... One of my students' status update on watsapp ... Although it doesn't notify u when there is an update, she put this as her status ... Scrolling through my iphone in a hurry, I glimpsed it :( ....

Me too Shouq, me too :( ....
I love my students .... Although they sometimes make me crazy, but they are loveable ... Alhamdulillah that they love me too ... I am loveable :p ....
-----------
The small party we threw for the winners ... I fed them from the cake and they were very shy ;) ... True feelings were expressed on that day .... I have improved alhamdulilla .... A step towards my goal ....

بناتي حبيباتي !! :*

الحمد لله الذي بنعمته تتم الصالحات

الحمد لله كما ينبغي لجلال وجهه وعظيم سلطانه

فرحانة أوي .... فرحة تغسل أحزان كتيرة .... سبحان الملك الكريم

عندنا لازم البنات يعملوا مشروع في أي فئة من فيلم ، إعلان ، تصميم ، موقع ، كرتون ، مجلة .... بناتي من شعبة NJ عملوا كرتون رااااائع عن التحطيم .... كنت من البداية بقول لهم "لو سمحتم عاوزاكم تحصلوا على مركز ، مش بس تسلموا عشان الدرجات" .... كنت الحمد لله بديهم الدفعة والحماس طول الطريق ... 

سلموني المشروع وكان اروع حاجة شفتها من الطالبات من أول ما بدأت تدريس ....

قيمتهم وسلمت مشروعهم للإدارة .... عملوا تصفية وطلعوا أفضل 50 مشروع .... كان مشروع البنات منهم ....

فرحت البنات وقلت لهم ، "لو سمحتم المركز الأول" وقعدت أديهم نبذة عن إزاي ممكن يناقشوا اللجنة ....

اتبعت لي إي ميل دلوقت بيقول

إن في فئة الكرتون ، حصلنا على المركز الأول

وعلى كل الفئات ، حصلنا على أحد المراكز الخمسة الأولى (ما قالوش أنهون بالظبط عشان تكون مفاجأة) من ستة آلاف طالبة !!!

الحمد لله :) ...

البنات استخدموا برنامج ال toon boom لعمل الشخصيات وتحريكها، وبرنامج ال video studio لدمج الصوت والصور مع الكرتون وعمل الفيديو النهائي ....

هم لسة في أول سنة في الكلية ، إعدادي يعني ، فبإذن الله تكون دفعة ليهم يعملوا أكتر ...

هنتكرم إن شاء الله مرتين ، مرة على نطاق قسمنا بس ومرة على نطاق الجامعة كلها والعميدة وبتاع ....

اللهم لك الحمد كله :) ...

------------------

المشروع

فكرة كرتونهم مبنية على قصة واقعية لرجل بريطاني اسمه Willard Wigan
كان بيصمم وبينحت أشياء على مستوى المايكرو !!!

http://www.willard-wigan.com/Default.aspx?AspxAutoDetectCookieSupport=1

دة هو في TED



قصته ....

كان في طفل غربي فاشل في دراسته ... مرة مدرسته وهو 5 سنوات وزعت ورق الإختبار وقالت له "انت سقطت تاني، دايماً ساقط" .... راح البيت متضايق وكره المدرسة وما كانش عاوز يروح تاني .....
مرة كان مستخبي من المدرسة وشد انتباهه النمل عالأرض .... قرر يعمل لهم حاجة تفيدهم ... بنى لهم بيت ... وراه لمامته ومامته افتخرت بيه أوي وقالت له ما يستهينش ولا يستقل بالحاجات الصغيرة ...
قرر يعمل للنمل حاجات تانية ، زي لبس وجزم ، و ، و .... وبدأ مشواره في عمل مجسمات تكفي تدخل جوا خرمة الإبرة !!!!
مع إنه كان فاشل دراسياً (مش مقياس لأي حاجة) إلا إنه بقى ناجح ....
أمه كان ليها دور كبير (وأكتر الأمهات كدة، والبيت عموماً هو اللي بيحطم الطفل أو بيشجعه، لو قرأنا سيرة الإمام مالك وناس تانية كتير هنلاقي إن نجاحهم كان بفضل الله ثم بوجود امرأة ما "أمهم أو زوجتهم أو أختهم أو ابنتهم")  ....
المهم .....
بعدين عملوا مقارنة بين الشخص دة وبين لو كان في العالم العربي إزاي مامته غالباً (بنسبة 99%) كانت هتقول له "إيه الهبل دة ؟؟؟ بيت لنمل إيه ؟؟؟ انت فاشل !!! أهم حاجة الدرجات اللي بتجيبها في المدرسة وسيبك من الكلام الفارغ"
وجابوا الطفل دة لما كبر ، كرشته أمامه مترين وماسك ريموت التليفزيون وعمال يقلب في القنوات ....

في العالم العربي نعيش :(....

بجد اختيارهم للموضوع كان رائع ....
اللهم لك الحمد ...
بقيت كل ما يحصل لي ابتلاءات في الحياة ، بستنى بشرة خير من ربنا ... وعبادة عظيمة انتظار الفرج ....
آخر يومين في الأسبوع اللي فات كانوا سيئين أوي في الشغل من نقطة معينة ، وإذا بعوض الله يأتي في نفس مكان الكرب ، أي الشغل ...
رحيم يا رب :) عظيم ، كريم ، معطي وأنا لا أستحق عطاءك !!

وانقضى نصف عام ...

حديث قوي أوي أوي .... كل قطعة فيه لوحدها ممكن الواحد يعمل عليها محاضرة ....

قال الحبيب محمد صلى الله عليه وسلم : (( 1- احفظ الله تجده أمامك، 2- تعرف إلى الله في الرخاء يعرفك في الشدة، 3- واعلم أن ما أخطأك لم يكن ليصيبك، 4- وما أصابك لم يكن ليخطئك، 5- واعلم أن النصر مع الصبر، 6- وأن الفرج مع الكرب، 7- وأن مع العسر يسرا )) ...

رواه أحمد :) ....

-----------------------------------

في ناس كدة ربنا بيبعتها لك في حياتك عشان تعرف إنك مش وحش زي ما هم أقنعوك وزي ما انت متخيل طول حياتك .... إنك فعلاً أوي ممكن تتحب ....

إنك حتى ولو كانت فيك سلبيات الدنيا ، فإيجابياتك كتيرة بردو وبتغطي السلبيات دي لإن ما حدش بدون سلبيات .....

عايش طول عمرك بفكرة معينة وصورة معينة عن نفسك ( ربنا يسامح اللي زرعها فيك بقى )، وتلاقي ناس أصغر منك يغيروا تفكيرك ... 

لسة الدنيا بخير  :)

وأنا لسة بخير :)
الحمد لله :) 

--------------------------------

خلص الترم الأول ... أول محاضرة دخلتها الترم دة في أول يوم كانت لبنات أول مرة في حياتهم يقعدوا في قاعة محاضرات ....أول مرة يشوفوا الجامعة ... كانوا فعلاً خايفين ... الناس كلها كانت بتتكلم عن فرق التعامل بين ثانوي وجامعة .... دخلت على شعبة RR ... كانوا مكسوفين وصامتين وخايفين ... حبيتهم أوي من أول يوم :* .... 

كل أسبوع هم اللي كنت بستفتح بيهم ، يوم السبت أول فترة .... بيدوني بعد الله دفعة لباقي الأسبوع ....

منهم اللي قال لي " صحابنا وبنات خالاتنا أرعبونا من الكلية وبيقولوا إن الدكاترة عصبيين أوي و و و ، بس شكراً ليك والله ، انت حببتينا في الجامعة ، ربنا يسهلها عليك زي ما سهلتيها علينا " ....

اتقالت لي في تاني أسبوع .....

كان في مطبات في النصف بس الحمد لله كنت بسعى إني أشجعهم .... الحمد لله ، كلامهم لي كان فعلاً حلو وبانت الثمار مع RR أوي ...

النهاردة في آخر فترة ، كانت آخر محاضرة لي الترم دة ، وكانت بردو مع RR  ... هي أصلاً مش محاضرتهم بس عشان أنا بقالي يومين غايبة عشان عملت عملية وكنت محطمة نفسياً لأسباب كتيرة (مش وقته ولا عمره ما هيكون وقته ، من شكى همه للناس زاد ، ومن شكى همه لله زال :)  ) ، فدي كانت تعويض ليهم عشان أراجع على شوية حاجات مهمة من المنهج وعشان قالوا إني وحشتهم :) .... 

"أسيس" ، عرفت إني بحب القراءة ، جابت لي كتاب :) ، ولا أروع

"أسيس" دي حتة سكر ... ربنا يجعلها جراحة قلب قد الدنيا يا رب ....

طبعاً دبدوبي لازم يقرأ معايا (أنا اللي جبته لنفسي هدية من أسبوعين لأسباب ما :)  )

و "ضحضوحة" جابت لي نتيجة ، قلت أحطها على مكتبي في أوضة المعلمات :)

ضحضوحة دي حكاية لوحدها .... ربنا يجبر بخاطرها يا رب ويحقق لها كل ما تتمنى ... يا رب تدخل طب أسنان ، يا رب :)

والنهاردة قبل وبعد المحاضرة ، دموع وأحضان :( ... مش أحضان رسمية بتاعت تأدية واجب ، لا لا لا ، لو قعدت أوصف ، مش هخلص :( ... بنات عمري ما كنت أتخيل إنهم يحضنوني ، حضنوني جامد أوي وتنهدوا بشدة :(

sigh !!!! ;( 

وقعدوا يعيطوا ويقولوا "أحسن مدرسة شوفناها في حياتنا" ، "أحسن حاجة حصلت لنا في الجامعة" ، وحاجات كدة .... الحمد لله :)  ... الإحساس دة بالدنيا .... لا يشترى بمال ولا شهادات الدنيا تعادله ....

وقعدوا يتخانقوا على أقلامي :)))  وهاتك يا شخابيط على السبورة 

الحمد لله ، بعد كل محنة منحة .... ممكن تكون محنة شديدة أوي وبعدها منحة، من شدة المحنة اللي كنت فيها ومن جمال المنحة ، تحس إنها حاجة عظيمة أوي ... وفعلاً حب الناس حاجة عظيمة ... بالذات الحب الصادق اللي من غير مصلحة ... أصلي خلاص ، مش هشوفهم تاني ومفهماهم إني مش أنا اللي هصحح ورق الإختبارات اللي هتبدأ الأسبوع الجاي ....
ربنا يوفقهم يا رب في كل خطوة في حياتهم ... احتلوا زاوية من قلبي ... :(

----------------------------

كمان "رورو" من NN فاجئتني بهدية جميلة أوي وقالت لي "ودي أعطيها لك من زمان ، بس خفت تقولي عطيتها لك عشان الدرجات ، فاستنيت لآخر يوم" ....

--------------------------------------

" هدول " من ND قالت لي "كان ودي أجيب لك ورد ، بس لإنه يذبل بسرعة ويموت، قلت هذه أحلى "

ميدالية قلب فيها مراية :)

ربنا يسخر لها زوجها يا رب ويجعله قرة عين لها ... يا رب يفضل هواها على هواه وما يبص لغيرها أبداً يا رب يا رب ....

Nada Alhamoud : You are my teacher :)

Today is the first day of my life .... 23 years have passed and a new one began ..... Seriously, a new one .... I was in a terrible state yesterday morning due to many reasons ... It was Nada's makeup IT quiz as she did not attend the first 4-5 weeks of college where I explained the chapter and they had a quiz on it .... She came up to me despite all the physical and (probably slight mental) illness in her and gathered her strength to ask me for the quiz ..... "But I haven't explained it for you?" "I studied and tried my best" ,.... I did not want her to feel bad or low so I gave her the paper and stood beside her in case she needs anything ... She said "I don't like people to look at me while I am writing! I become shy" .... She's absolutely right, I totally understand her, she can barely hold any pen in her hand , I left her but sat on the ground far away ensuring she's ok and no one is bothering her ... She called me when she was done .... I checked her quiz paper and to continue the series of surprises she has been supplying me with the previous month, she got a 18/20 !!!!!! My eyes became so teary and my voice shaky but I gathered all the strength and said that I was so proud of her and that she really is one of the best people I ever met in my entire (23) years of living .....

At the beginning, she was taking her quiz inside my staff room on my desk as we did not find an empty classroom, but then the staff room became so noisy and so she asked me to take it outside ... All my colleagues were looking at her with pity and sympathy and I was repeating inside myself "we are the ones that need pity and should be looked at with sympathy!!!" ....

When she first arrived about month back, the way she was walking and talking frightened me as I felt that she'll be a great burden on me trying to explain things to her and re-re-re-re-explain them .... And I went home that day thinking "this is a test from Allah, He wants to teach me how to treat such people and how to be more patient" ... "How could she possibly hold the mouse or a pen? Will I have to write for her her exams and move around the mouse for her ???? I will work with her إن شاء الله  and won't allow her to feel for a second in my lectures that she's inferior ..... "The following lessons and quizzes to my utter amazement, she was participating in class and finishing her work before time while others were lazily wondering what the heck we are taking ....

Two weeks back, they had a mid-term test, many people got lazy marks and her continuous surprises proved me an 18/20 !!! I cried in the staff-room while checking her paper and while writing down the mark .... I kissed and hugged her paper .... The next lecture, I said it out loud in the lecture hall in front of all her colleagues "Nada, you are amazing ! You came more than a month late but succeed in getting what others did not !!" and many words of appreciation and kept on praying for her and gave her a small prize ..... :)  ..... I said "I shall call her "my teacher" from now in in front of her colleagues as she really is teaching me great things day by day .....

Going back to yesterday, when she was done with her quiz and took her mark, I re-entered the staff room to see all my colleagues waiting for me with eyes of sympathy like "poor Fadwa, she had to deal with a person like Nada" .... They kept on asking questions and I replied with "she arrived a month late and from that second and she keeps on amazing me with her strength, courage and ability" and I cried like I have never cried before ....

I ran out of the staff room and cried more and more ..... I felt so little and weak in front of Nada ..... inferior ..... I felt that I did NOTHING useful in the 23 years of life ..... I wanted to pray that Allah cures her, but was scared that if He did, maybe she'll become a "normal" person with no potential and will lose all her iron abilities ... So I prayed that He does what's good for her and that he joins me with her in Janna ... I really wish to stay with her in Janna where she'll be in good shape إن شاء الله .....

This was a part of her practical quiz, I shall keep it as my desktop background for as long as I want to be encouraged ....



خلتني أتولد من جديد بجد
I was feeling that I had done nothing in life but then said "look at her, she did not say I am good for nothing although if I was in her place I would have sat at home and cried day and night over my fate " ..... Thank you Nada Al-Homoud, thank you "my teacher' , your presence in my life made a BIG change which seriously can NOT be described in words ..... The feeling I have is so new and indescribable ....

------------------------------------

Reem Al-Qahtany (my sweetest colleague) came outside to talk to me (as she usually does when I am angry or sad), (she really is a great softhearted person who is so so so good mannered ما شاء الله ) .... and she continued the brightness in my day that Nada started .....
Thank you Reem, may Allah give more than what you wish for .... She's like a light breeze that doesn't force you to talk when you're sad, you find yourself involuntarily talking and you feel great as you don't keep on saying inside of you "now she'll say I am stupid" like you do if you talk to millions of other people ......

-----------------------------------

I had the last lecture (from 2:30 pm) which I always HATE as this is the worst group and the worst timing for a lecture (they are already so lazy and the last day of the week, the last lecture, no one feels like explaining or understanding anything) .... I screamed at this group a couple of times as they keep on talking and then ask me to repeat a million times and I can't say "no" .....
I was still touched by my day events and was walking with my head drooped down when all of a sudden a group of 5-6 girls appeared out of nowhere and handed me those flowers !!! walahi I was shocked that something like this comes out from the people I like the least ..... I thanked them (and wanted to cry of happiness) and we entered the lecture hall together ... This lecture, being almost the hardest in the syllabus, I felt that I'll erupt but they surprised me , they were quite, participating with me and they understood and applied everything from the first time without the need for repetition ! They also to my utter amazement thanked me at the end and told me "today's lecture was so easy, thank you teacher" !!!!!

Thank you Nada, Reem and ND group, you made my 23th birthday without any of you knowing it was my birthday and without noticing that you made it ....

Thank you Allah ,  you are so merciful especially when I need your mercy the most :)

22/2 and I am 22 :)

On 22/2/12, at 6:30 am and when I was 22 years old, a dream came true :)

الحمد لله الذي بنعمته تتم الصالحات :) :) :)

الحمد لله الذي هدانا لهذا وما كنا لنهتدي لولا أن هدانا الله :)

لو ربنا أراد أن يعين أحد على شئ ما ، مهما كنا شايفينه صعب ونادراً ما تلاقي حد عامله ، أكيد هيعمله ....

كل واقع كان في يوم من الأيام حلم ، واللي بيمشي، بيوصل بعد أمر وتوفيق الله طبعاً .... طريق ال 6 ألاف خطوة :) بيبدأ بخطوة :)) ...

اللهم تقبل واجعلني قد المسؤولية دي .. آميــــــــــــــــــــن .... وعقبال كل اللي عزم :)

بس كدة :)

ذكريـــــــــات

أتُرى ستجمعُنا الليالي كي نعودُ ونفترق ؟؟؟

أتُرى تُضئ لنا الشموعُ ومن ضياها نحترق ؟؟؟

أخشى على الأمل الصغير بأن يموت ويختنق !!! فاروق جويدة ....

---------------------------------

هل تًرانا نلتقي أم أنها *** كانت اللُقيا على أرض السراب ؟؟

----------------------------------

ذكريات، ذكريات .... منها ما عاش ومنها ما مات .... رحيق ذكرى بالية ...

---------------------------------

ما هي إلا عبَراتٌ مُؤقتة تذرفها عيونكُن :(

-----------------------------------

ألم الفراق يهُزُ أعماق الفؤاد ** ويبُثُ شكواه الحزينة في البلادْ

ويقول يا صحبي الكرام تمهلوا ** ما كُلُنا ينوي فراقاً وابتعادْ

------------------------------------

إحساس صعب أوي لما تقعد فترة بتصلي الصلوات الخمسة في جماعة لا تقل عن 7 أفراد بتحبهم وفجأة تلاقي نفسك بتصلي كل حاجة لوحدك :( .... حاجة حزينة لما تكون كل وجبة بتاكلها مع على الأقل 7 أفراد بتحبهم وفجأة تلاقي نفسك بتاكل لوحدك (أو مش بتاكل أصلا عشان ما لكش نفس) :( .... حاجة مؤلمة لما تنام وإيدك في إيد حد وبتحكيله حاجات، بس بعد كدة تنام وإيدك فاضية وبتكلم نفسك :(( ..... كنت بحسب إني بقى عندي مناعة من الألم والفراق، بس اكتشفت إني أكتر واحدة بتتعب منهم .... نفسي أبقى زي غيري، الموضوع مش فارق معاهم أوي .... لكن أنا للأسف برتبط بكل حاجة أوي :( .....

------------------------------------

Our GP poster, the cutest ever :) the other groups wanted to take a picture with it

ما شاء الله

Great thanx to Alia Hany

on my laptop

after being hanged

------------------------------------

Dr. Hesham : THANK YOU !!! I am soOOoo proud of working with you.... You are an amaAazing person ما شاء الله .....

We shall never forget you kindness, help, motivation, continuous encouragement and support .... We shall always never forget your manners and morals ما شاء الله

2 days before the discussion: " The whole report looks like a Masters thesis. Congrats! I am proud of your achievements" .... 2 hours after the discussion: "Soon-to-be engineers! Today, you made me proud of your work. wafakaqom Allah" ......... Dr.Hesham

No words can express our gratitude .... I thank Allah for granting me the chance to work with you

-------------------------------------

Special thanx to Susu, Amoona, Monmon, Mahawy, Mahawy 2, Noga, Da7doo7a, Miro, Amoona 2, Sheemo, Lulu, Sheemo 2 for supporting me and attending my GP discussion :) ..... You made me soOOo happy

عقبالكم يا رب :*

-------------------------------------

أهي بطاطساية حُبنا ... سبحان الله، على شكل قلب :)

---------------------------------------

السلفيات تنظفن معسكر التخرج D:

السلفيات تحتفلن بالتخرج P:

----------------------------------------

تيجوا نلعب غمزة ؟؟؟؟ بجد كنا فظااااااع !!! "نرجو أن تكون الغمزة واضحة" !!! D:

-------------------------------------

أجمل من في الحفلة مين ؟؟ حمودة الجميلة :) ....

اللي لابس بدلة و، بدلة وببيونة ..... P:

-----------------------------------

هتوحشني يا مودي .... ربنا يحفظك يا رب :****

----------------------------------------------

ربما تجمعُنا أقدارنا ذات يومٍ بعدما عز اللقاء

De BAFRZ

مامي الحلوة P: ... هتوحشنا يا مودي :(

-----------------------------------

وانتصرت ميمي على الصرصار D:

-----------------------------------

بطاطساية حبنا ... ما رضيناش نعملها لحد ما باظيت ....

-----------------------------------

مناقشة مشروع تخرجنا كانت النهاردة الظهر .... أنا ممكن أقول لكم اسمه

De BAFRZ: Massive Parallel Processing of Spatio-temporal Queries

كفاية عليكم كدة D:

مبرووووووووووك علينا يا بناتيت

الحمد لله الذي بنعمته تتم الصالحات

وآخيرا خلصنا آخر زلطة من الكلية

سبحان الله، آخر شهر كان أحلى شهر (بالذات آخر اسبوع) مع إنه كان مضغوط أوي ومليان حاجات غريبة، بس الناس مش بتقرب من بعضها إلا بعد حاجات غريبة (واسأل مجرب)

حبيت أشكر الجميع على التعاون، بجد كلكم اجتهدتوا أوي أوي حتى وإن كنا بنلعب أغلب الوقت طول السنة، بس بردو يعني، شغلكم جميل ما شاء الله والشغل معاكم مريح فعلا (واسألوا واحدة اشتغلت مع كل بنات الدفعة تقريبا D: )

يا ريت الكل يسامحني لو ضايقته سواء بقصد أو من غير قصد

ويا ريت نفضل في تواصل على طوووووووووووول

أجدع صحاب ما شاء الله

أكتر ناس برتاح معاها الحمد لله

كلنا بنرتاح مع بعض، فبلاش نحرم بعض من بعض

وبلاش الشغل أو الجواز والعيال ينسونا بعض ....

ويا ريت ندعي لبعض ديما .... يعني بدل ما نقول "يا رب اديني كذا كذا" ممكن نقول "يا رب اديني أنا وصاحباتي كذا كذا" وكفاية يعني إن الملايكة بتقول "ولك مثل ذلك"

هتوحشوني أوي أوي أكتر مما تتخيلوا وأكتر مما تقدر الحروف تقول أو تعبر

An Unforgettable Hour

لازم أسجل الساعة دي، بجد من أحلى الساعات اللي عدت عليا في حياتي الجامعية، الحمد لله ...

Call us the three musketeers, call us three sisters, call us whatever, they are all names to a single soul dwelling in three bodies .... No matter how FAR (Fido Mimi Roudy :D) apart our bodies might be, this soul will stay intact forever إن شاء الله

مش عارفة كل واحدة من دول تمثل أنهو واحدة فينا ؟؟؟

وطالما هي ساعة ما كانتش خاصة بي أنا بس، فما ينفعش خاااالص أحطها في البلوج التاني عشان انتم كمان لازم تشوفوها وتفتكروها

بجد احنا تحف متحركة (واخدة بالك يا رودي؟؟ متحركة !!! ههههه)

أجدع صحاب الحمد لله، قلبتوني 180 درجة بدون مبالغة

ربنا يخليكم ليا يا رب ويسعدنا مع بعض في أي حاجة وكل حاجة

رضوى، هي التورتة كلها شوكولاتة ؟؟؟

رضوى، هي طنط ممكن تقول عليا إيه لو روحتلكم ؟؟؟

رضوى، إيه دة، انت رايحة تجيبيلي التورتة ؟؟؟

رضوى، أنا عاوزة أكل نصف تروتة لوحدي من يوم الdish party، حاسة إني عاوزة أنتقم ....

ههههههههه، كل أما هتاكلي تورتة، هتفتكريني

وعلى فكرة يا ميمي، إن شاء الله يجيبوها معاهم والموضوع يكمل للآخر (بلاش موضوع سنة ونصف دة الله يخليك :) )، بس لازم تكون بالشوكولاتة وإلا هرفض .... ههههههههه، كله متوقف على الشوكولاتة P: ....

بعدين الخرشوف مع اللحمة المفرومة عمل شغل جامد ... بجد طنط تلاقيها مزبهلة مننا ..... عسل أوي ما شاء الله "هو دة المشروع بتاعكم؟؟؟" هههههههههه

بعدين أنا تقاسمت معاكم حاجات لم أتقاسمها مع حد أبداً غير اخواتي (باقيلكم المستيكة بس، ههههههههه، هتقدروا ؟؟؟ واسعة دي على رأي ميمي ;) ) ......

Three beautiful roses

باقي بس يوم الفشار إن شاء الله عشان الفيلم الهندي يكمل ..... هههههههه ...... ما تخافيش يا رودي، هنجيب معانا مايتنا D: وما تخافيش يا ميمي، في خضرة وماء وطبيعة خلابة، فكك من الحاجات التانية، ركزي في المهم ... (كلمة السر، يا ع---ة) .... ههههههههههه

الحمد لله الذي بنعمته تتم الصالحات

أحبك ربي، كم رزقتني بأكثر مما تمنيت وتخيلت !!!.... اللهم اجعل لنا في ما نحب نصيب واكتب لنا نحن الثلاثة ما نريد واجعل لنا الخير فيه (طماعة بقة في كرم ربنا، ومن لا يسأل الله، عذبه الله) ....

ربنا أرحم مما نتخيل

معلش، أنا مش هقدر أستنى لحد 11 أو 12 بالليل D:، لسة جايلي خبر جميــــل أوي ما شاء الله

سبحان الله، حاجة كنت شايلة هم إنها احتمال كبير أوي تحصل بعد 3 أسابيع تقريبا وخايفة منها بس الحمد لله خوفي ما وقفنيش، كملت عادي وقعدت أدعي ربنا جامد أوي أوي في كل وقت وحين مع إن أصلا كان تقريبا ما فيش منها مفر

بس سبحان الرحيم الرحمن اللي عمره ما تخلى عني ولا سابني، لسة دلوقت حالا عارفة إن خوفي دة ما كانش ليه أي داعي (أو ممكن كان ليه داعي عشان هو اللي دفعني أدعي ربنا لحد ما الغمة انكشفت وأتذلل إليه :) ) وعرفت إن إن شاء الله ما فيش حاجة هتحصل واللي كان نفسي يحصل، هيحصل بالظبط

يا رب أدم عليا نعمتك والحاجة دي ما تحصلش أبدا (ومش بس مش بعد 3 أسابيع)

طب انتم مالكم بالكلام دة ؟؟ هو لازم كل ما تحصل لي حاجة سيئة أو حلوة تعرفوا ؟؟

أقول لكم، أولا this is my personal online diary فطالما انتم بتقرأوا، فانتم متقبلين إني أكتب أي حاجة وحابين تعرفوا إيه اللي بيحصل لي أو بتحاولوا تفكوا شفراتي ;)

ثانيا ودة الأهم بقة، إن إوعى إوعى إوعى تفقد الأمل ولا تقول خلاص، حتى لو مثلا كان في حد جاي يقتلك والسكينة على رقبتك، يعني بينها وبين رقبتك سانتي واحد، بردو خليك مطمئن وواثق في الله ولا تكف عن الدعاء والأمل ... والله بيكون امتحان من ربنا عشان يشوفك هتتصرف إزاي وحاول قد ما تقدر تتصرف صح عشان ربنا يعوضك بحاجة أحلى مما كنت تتمنى :)

الموقف دة فكرني بقصة جميلة أوي أثرت فيا قرأتها من فترة

كان في واحدة عصبية جدا :) اتجوزها واحد هادي جدا جدا

المهم، كل ما يحصل لهم موقف صعب، تلاقيها قاعدة بتزعق أو تعيط أو خايفة وهو قاعد مبتسم ولا في باله

مرة من المرات كانوا في سفينة والامواج بدءت تمطوحها يمين وشمال ورعد وبرق وماء بدأ يدخل السفينة وهي طبعا كعادتها شايلة الهم ومرعوبة وقاعدة بتزعق ومش عارف إيه وهو قاعد مبتسم (منظر مستفز صراحة :)) ) .... المهم، راحت له بقة وقالت "انت إيه ؟؟ كل مرة يحصل حاجة تفضل كدة قاعد وما تعملش حاجة وأن اللي أشيل الهم لوحدي"؟؟ راح بهدوء شديد جاب سكينة وحطها على رقبتها وسألها "مش بتزعقي ليه ؟؟ مش خايفة مني؟" .... قالت له"طبعا لأ" ... سألها "اشمعنا" ؟؟؟ ردت "عشان أنا متأكدة إنك بتحبني وعمرك ما هتؤذيني" .... قال لها، "أنا كمان متأكد إن ربنا بيحبنا وبيحب لنا الخير ومش هيضيعنا أبدا عشان كدة بكون هادي ومطمئن وشيل الهم مش بيجيب نتيجة" ...

ما أعرفش بقة إذا كانت هي اقتنعت وبطلت تشيل الدنيا على راسها ( :) ) بس أنا صراحة اتأثرت بالقصة أوي لما قرأتها وكل ما يحصل لي موقف، أفتكرها وأحاول أهدى وأبتسم كدة وأثق في اختيار الله ليا

اللهم خير لي فاختار لي فإني لا أحسن الاختيار

اللهم دبرلي أمري فإني لا أحسن التدبير

My PainKiller

أنا استغربت من نفسي جدا، إزاي لون البلوج قبل ما أسوده كان بني مع إني مش بحب اللون البني خااالص ؟؟ أنا ألواني المفضلة الأسود والكحلي الغامق أوي بالذات في اللبس :) ... أديني بغير.....ء
---------------------أنا هنا :)

أنا بخير الحمد لله

كان يوم عجيب

سبحان مغير الأحوال

سبحان مقلب القلوب

سبحان من ينزل السكينة على من يشاء

أول مرة أحس إني مبسوطة إني قدرت أتخطى ألم بمساعدة ربنا بس

في كلام كتير عاوزة أقوله

أولا الحمد لله

ثانيا شكرا أوي
ثالثا ودة الأهم، "مع كل محنة منحة" صدق اللي قال كدة، كلامه دقيق أوي أوي ومش هتحس بيه إلا لما يحصل لك ... جايز المنحة لا تتم للآخر، بس أحيانا البدايات بتدي أمل ... زي الواحد كدة يكون دخل الكلية وحط رجليه على الطريق، هو لسة مش عارف هيعمل إيه ولا هيوصل لإيه وجايز ما فيش حاجة بيحبها تحصل، بس إحساس دخول الكلية جميل أوي .. أديني قربت أسيبها

..................

فاصل غير متوقع

يا رب اكتب الخير وارضينا بيه

أنا واثقة في اختيار الله

أنا ديما بدعيه
-------------

أكمل بقة اليوم كان عامل إزاي

صحيت من الصبح بدري أغير البلوج واخليه كئيب

ونزلت كمية صور كئيبة وحفظت أشعار مكتئبة لنزار قباني وفاروق جويدة (نصيحة، ابعدوا عنهم خاااالص، كلامهم يا إما غزل يا إما ألم ودموع، أنا طبعا كنت بدور على "مود" الألم :)) )ء

بعدين لاقيتني بقالي أكتر من يومين ما أكلتش حاجة تًذكر وماليش أي نفس أحط حاجة في بقي

وكنت قايلة إني مش هروح الكلية إلا لو في تسليم أو أيام الإمتحانات بس

بالذات كمان إني ما حضرتش الحفلة :((

So I will feel left out until all the decorations are removed

ربنا يسعدهم ويبسطهم، كان نفسي أكون معاهم الحمد لله

إن شاء الله في حفلة التخرج الكبيـــــــــــرة أو حد فيهم يتخطب ونهيص له

المهم، افتكرت إن كل أربعاء بعد المغرب الشيخ محمد الصاوي ربنا يعزه بيدي درس في مسجد عباد الرحمان في سبورتنج على البحر

أنا بروح أحيانا ، بس للأسف عشان الدراسة والتسليمات مش عارفة أظبط وقتي فبسمع الحاجات دي في البيت مع إن الحضور والجو بيبقى غير خاااالص في المسجد

المهم بقة، قررت إني أنزل الساعة 6 وأركب لحتة قريبة من المسجد بعدين أتمشى على البحر شوية بعدين أروح الدرس

حسيت حاجة بتقولي إنزلي إنزلي

وماله، ممكن أوي ربنا يبعتلي كلمة تغير كياني في الدرس دة
أنا كنت قاعدة بقول فقدت الأمل في الحياة والثقة في الناس بس ما فقدتش الأمل ولا الثقة في الله، ماليش غيره

ركبت وطلع بينا على البحر، لاقيت ناس مصيفة ومهيصة ونازلة الماية عادي جدا (نفسي أنزل الماية أوي، في الجنة إن شاء الله :) )ء

نزلت الإبراهيمية ورجعت مشي لسبورتنج الكبيرة بعدين رجعت تاني لسبورتنج الصغيرة

وصلت على المغرب

البحر كان عليه ناس بتتمشى وناس ربنا يهيدها، عايشة في كوكبها الخاص

بس الحمد لله كان في ناس ماشية زيي كدة مالهاش دعوة بحد
ولاقيت مكتوب على الصخور "ومن يتوكل على الله فهو حسبه" آه والله، ديما كنت بلاقي مكتوب تفاهات زي "يا توتو مش عارف بعمل إيه ويا ميدو جرالي إيه" وكلام مش موزون كدة، بس بجد المرة دي "أترضاه لأختك"؟؟ "ومن يتق الله يجعل له مخرجا"، "قل للمؤمنين يغضوا من أبصارهم"ء

كان لازم ألتقط صورة للغروب، اللي هرياه تصوير


سبحان المبدع، أنا عندي كمية صور أنا مصورها للطبيعة، سبحان الخلاق العليم، فعلا بديع السماوات والأرض، مش فاهمة الناس اللي مش مؤمنة بالله دي بتقول يعني مين اللي خلق الحاجات دي ؟؟ البقرة ؟؟ الصليب ؟؟ ولا الطبيعة خلقت نفسها ؟؟ تعالى الله عما يقولون علواً كبيراً ... كان إحساس جميل أوي كدة وانت بتاخد نفس عميق ونقي من البحر ... الحمد لله .. في حديث بيقول إن التأمل في البحر عبادة :) ء
وصلت المسجد، صلينا المغرب واستنينا الشيخ .. جو تاني خالص المسجد دة، مع إني ما أعرفش أي واحدة فيهم، بس حسيت إني بحبهم كلهم ونفسي أقوم أسلم عليهم واحدة واحدة .. بجد والله تحس إن دي الناس اللي نفسك تبقى زيهم، أيوة بتفشل كتير أوي بس هتوصل إن شاء الله ... الشيخ اتأخر، مش عوايده .. طلعت كتيب "الهوية الإسلامية" للشيخ محمد إسماعيل المقدم ربنا يكرمه، الكتاب دة لازم أعمل عنه بوست مخصوص، قرأته مرتين تلاتة وبقرأه تاني .. عاوزة أحفظه، جميــــــــــل وبيفوق الواحد كدة ، بجد بستمتع بيه أوي ... المهم، الناس اقترحوا على واحدة تروح تسأل الشيخ فين ، المهم رجعت تقول إنه مش جاي !!! لأأأأأأأ !!! قدر الله وما شاء فعل، كان نفسي في درس من بتوعه دول اللي بينسوني أنا فين وبيخلوني أقعد أعيط بقوة وأحس إني اتغسلت بعدها ... الحمد لله

طلعت من المسجد وقلت أروح بقة، لاقيت سوبر ماركت جنبه، ولاقيت عنده عصيري المفضل اللي مش بلاقيه خاااالص (سيزر بالتفاح) ولاقيت بتاعة كدة كنا بناكلها أيام المدرسة (من 6 سنين) بالتفاح بردو ... جيبتهم وجيت

إيه دة ؟؟ أمال اكتئابك راح فين وألمك راح فين ؟؟ ما أعرفش ، كله اختفى ، بمعنى الكلمة، تلاشى .. طول ما أنا مشاية على البحر كنت بفكر في حاجات كتيرة وأدعي ربنا بثقة إني أثبت وأصبر وأكمل
سبحانه، من غير ما أسمع درس ولا أعمل حاجة، كل حاجة فعلا اختفت وحسيت إن أصلا ما كانش في حاجة

وأنا في طريقي للمنزل، لمحت حاجة مكتوبة على مشورع خليتني أبتسم وأقول "يا ريت يا رب" وسبحان الله، ربنا ليه تدبيراته في أنسب أوقات هو شايفها .... قررت وأنا في السكة أجدد شكل البلوج وأرجع أحسن مما كنت وسبحان الله، رجعت ولاقيت ناس صاحباتي مكلمني على النت كذا مرة وزعلانين إني مش برد وقلقانين (أصلي قافلة موبايلي من الصبح) وكنت هقفله لأجل غير مسمى ... طمنتهم عليا الحمد لله وكنت بكتب هنا في نفس الوقت
-------------------
حاجة أخيرة، حسبي الله ونعم الوكيل في كل اللي بيكره الناس في الإلتزام، حسبي الله ونعم الوكيل في اللي شايف نفسه ربنا وبإيده ومن حقه يحاسب الناس، حسبي الله ونعم الوكيل في اللي بينشر الكلام ولو كان صحيح، حسبي الله ونعم الوكيل في اللي بيفتي من غير علم "فليتبوأ مقعده من النار"، حسبي الله ونعم الوكيل في اللي بيتتبع عوراتي ومستنيلي غلطة، حسبي الله ونعم الوكيل في اللي بيفرح في غلطي، حسبي الله ونعم الوكيل في أي حد ظلمني، حسبي الله ونعم الوكيل في أي حد قاصد يضايقني
وإلى لقاء قريب بإذن الله، لا تنسوني من الدعوات، أهم حاجة في حياتي :) ء