لم يتغير شيئاً

Why do I keep on avoiding my destiny ??? Will I meet it where I am avoiding it the most ???

------------

تحمر وجنتاها كلما ذُكر اسمهم .... وتتوقف أنفاسها كلما تذكرتهم .... ويتلعثم لسانها إذا أرادت أن تتحدث معهم ... وتتجمد أطرافها كلما فكرت في الكتابة لهم ....

ما بها ؟؟؟ ألم تُشفى منهم بعد ؟؟؟ لم اختارت طريق الألم لها ولهم ؟؟؟ أم ربما كعادة الألم اختارها رفيقة له ؟؟؟ ألن تسعد أبداً ؟؟؟؟!!!!

أيمكنهم أن يُسامحوها ؟؟؟ ولكن على ماذا ؟؟؟ ماذا صنعت ؟؟؟ تباً لها ولإحساسها الدائم بالذنب ....

أستلقاهم في الجنة ؟؟؟ أم ربما لن يتعرفوا عليها حينها لأنهم سيكونون برفقة من يستحقونهم ؟؟؟

عجباً لأمرنا .... نحلم بشئ ونتمناه وندعو به ، وإذا أتى ننسى كل شئ ونبحث عن أي شئ .... أهو الخوف من السعادة أم اليقين في الألم ؟؟؟

صدقت حينما أخبرتني زميلتي ابنة الخمسون عاماً المتزوجة " هناك أشياء لن يستطيع الزمان محوها حتى وإن استُبدلت بغيرها " .... وإذا بها تطأطئ رأسها وتتنهد بعمق .... ابنة الخمسون سنة ، أُم الأربع شباب لم تستطع نسيان شئ حدث معها منذ ثلاثين سنة .... 

أتراني أكون مثلها أم ربما يمنحنا القدر فرصة أخرى ؟؟؟

أيقنت أنني أغلقت بابي بعدهم وأضعت المفتاح في مكان ما أو ربما هم قد سرقوه ....

تباً للذكريات والتمثيل باللا مبالاة !!!

ما أقسى الحياة !!!! 

عوااااصف

في ناس وأنا بتكلم بكون نفسي أبصلها وأقول " على فكرة، مش مطلوب مني يعجبك كلامي ، ولا مهم عندي ... أنا والله والله ما اتخلقت عشان أبسطك :) !!! ببساطة ، اللي مش عاجبه ما يسمعش ولا يبص :)  الباب يفوت جمل ... لأ ، دة بقى يفوت حوت :)) " .....
-----------
مش ممكن :/ ..... ما حدش هيصدق ..... محتااااجة أقرأ أكتر عن تاريخ الإخوان والشيعة واليهود وعلاقتهم ببعض :/ ..... الواحد مش مطمن .... الموضوع كبير جداً وما حدش هيصدق اللي بيتقال .... لازم يكون معايا دليل .....
حسبي الله ونعم الوكيل في كل من وضع يده في يد اليهود والشيعة في السر والعلن .... مصيرنا ننتصر على "اللي شعارهم ديني والدين منهم برئ" بس لسة ، مش دلوقت ...
فعلاً زي ما اليهود (الشيعة) قالوا " صحيح المسلمين هينتصروا علينا ، بس مش أنتم اللي هتنتصروا ولا احنا اللي هنتهزم .... لسة ما جاش المسلمين الأقوياء ولا جم اليهود الضعفاء" ....
محتاجين نفوق .... عودة إلى الله بصدق ...
فاكرين معركة بدر ؟؟؟ ما تعرفوهاش أصلاً ؟؟؟ طب اقرأوا عنها !!! دي حتى ذكرت في سورة آل عمران .... الملائكة حاربت معاهم !!! فكركم ليه ؟؟؟ مائة أمام آلااااف !!! يللا بقى !!! قوموا !! قومي !!! قوووووم !!! :/
-----------
بمرن نفسي أتكلم على قد الضرورة .... كان نفسي أقول لها " 1) هو انت أصلاً اتعاملت معاي ولا عمرك كلمتيني عشان تحكمي علي ؟؟؟ و 2) حتى لو انت اتكلمتي معايا واتعاملت معايا وحكمتي علي ، فحكمك لا ولن يدل علي :) .... و 3) لو افترضنا إن انت كلمتيني وحكمتي علي وحكمك دل علي فلي الشرف إني أكون فعلاً زي ما انت قلت عني ، ويا رب يجعلني كدة بجد :)) .... و 4) خلص الكلام ، سلام :)
-----------
حد يفكرني يعني إيه مسلم ؟؟؟؟ الواحد بقى شاكك في كل اللي حواليه .... إيه العقليات دي ؟؟؟ للدرجة دي ما فيش انتماء ولا مبادئ ؟؟؟؟ إيه العقيدة التعبانة دي ؟؟؟؟ إيه المعتقدات البايزة (بايظة ؟؟ :/ ) دي ؟؟؟؟ للدرجة دي اتلحس العقل ؟؟؟ فين "ألف ، باء ، تاء " دين ؟؟؟؟؟!!!
والله طبيعي ... حياتهم قائمة على "الأفلام" و"المسلسلات التركية" و "الكليبات" و "آخر صيحات العُري" ، اللي داخل عقلهم قرف ، متوقعة اللي يطلع يكون إيه ؟؟؟ شَهْد مثلاً ؟؟؟ إلى الله المشتكى .... والله ما عارفة اللي عندهم أطفال بيربوهم إزاي ؟؟؟؟ ربنا نجاني :)) .... دة في اليوم الواحد الفساد بيبقى الضعف !!! كنا عايشين في عصر برئ من سَنة !!! آه والله ، برئ بالنسبة للي بشوفه دلوقت .... هي الناس متخدرة ؟؟؟؟
دة أحد التفاسير لإن الناس كانت بتجيب بال 6-7 ، دلوقت يا دوب اتنين .... ربنا يعينهم ، هم اللي جابوه لنفسهم .... ما علينا .....
-----------
لما واحد محسوب عالمسلمين يكلمك عن الشيعة ويقول "في منهم كويسين" أو "مش كل اليهود وحشين" !!!!! بجد يعععععع !!! حضرتك كدة خلتني أحط عليك إكس كبيرة حمراء !!!.... الكلام معاك مش هيجيب نتيجة بالذات لما تكون انت أصلاً فلسطيني ... إزاي تنسى جرايمهم ؟؟؟؟ إزاي ؟؟؟؟ للدرجة دي ؟؟؟؟ إخي ي ي ي !!! يع ع ع ع !!! :((
قلبي الصغير لم يعد يحتمل .....

------------
اللي بيصلي بس بيتقال عليه ملتزم !!! ههههه !!! ههههه !!!! ههههه !!! زمن العجايب .... ههههه :(((
------------

في ناس ما بتنزلش من زورك .... حتى لو شربت عليهم نهر كامل وعصرت على نفسك شجرة ليمون .... 

وفي ناس أول مرة شفتهم حسيت فعلاً إنك عارفهم من زمان أوي (دة واقع عيشته، مش كلام أفلام).... ولما جيت تكلمهم أول مرة كنت عاوز تقول "ما انتم عارفين بقى" مع إنهم لا عارفين ولا حاجة ....

تلاقي نفسك كملت مع الأولين وتلاقيهم في كل مكان قدامك وشغااال تعصر ليمون :/.... 

والتانيين تبعد عنهم بمحض إرادتك و ..... sigh !!!

إنها الأقدار .....

-----------

 يعني إيه صداقة ؟؟؟
-----------

-----------
الغيرة .....
-----------
الغبطة ......
-----------
التخن (طخن؟؟) ......

شخابيط

Pain .... Patience .... Professor ....

They all start with P ..... 

----------------

Could someone remind me what the meaning of hope is ?? I am starting to believe that it is " dreaming of something you will never get " .....

Hope ??? Sounds ugly !

--------------------

ما تقعدوش تسألوا ليه ؟؟؟ إزاي ؟؟ غريبة ؟؟؟؟ الله !!! واو !!!

الخلاصة في أربع حروف: " ف د و ى" :)

-------------------

إيه العلاقة بالرضى بالأمر الواقع والعمل على تغيير الواقع ؟؟؟ منين الواحد يحسن من نفسه (حتى لو مش عارف الكيفية) ومنين مهما عمل مش هياخد إلا نصيبه ؟؟؟ حاجة تحير ..... هل أنا عملت حتى جزء من اللي علي ؟؟؟ هو إيه اللي علي أصلاً ؟؟؟

-----------------------------

بقالي كتير أوي ما كتبتش .... بطلت أكتب .... الموهبة ماتت لأسباب كتيرة أوي وأكترها مشى ولسة الموهبة ما رجعتش ..... إلهام .... محتاجة إلهام .... كله انطفى ....

-------------------

Middle-Easterns neeeeeeed to change their way of thinking regarding this thing .... Leave females aloOone !!!

This is just one thing I like about the West ....

-----------------

اسبوعان من الشوكولا :)))  ... yummy yumm .... هحتاج شهرين من الرياضة !!! ouch ouch :(

------------------ 

حبيب قلبي أحمدي :* ..... يا رب احفظه يا رب ... برنس من يومه :**

يخوااااتي ... ما شاء الله ، اللهم بارك ... أول وآخر طفل أحبه :) ....

----------------------

صباح الطفولة :)

Some of my screenshots ... Pardon me if the resolution was low :)

How to train your dragon

---------------------

Brave

-----------------------

Tangled

cute :)

أعد حساباتك

شوق وتكريم الجامعة :)

عرفوا نقطة ضعفي (الشوكولا) فانهالوا علي بها !! :)))

عرفوا إزاي يوصلوا لي :)))

من البنات اللي لن أنساها ... مش عشان الشوكولا :))) (والله :( ) ، بس عشان حكتلي حاجات في حياتها زيي أوي ... تشبهني في حاجات معينة ....

-------------------------- 

دة تكريم الجامعة بتاع العميدة عشان حصلنا على المركز التاني أنا وطالباتي على مستوى الجامعة ....

درع زجاج وبتاع :)))

البوكيه مش لي ، كان محطوط في مقدمة المسرح، بس غلاسة اتصورت معاه :)) ...

الحمد لله :)

ختام دورة مختصر صحيح البخاري :(

النهاردة كان آخر يوم في الدورة التي امتدت شهرين .... أحلى شهرين عدوا علي السنة دي كانوا آخر شهرين لأسباب كتيرة أوي ، ودي أحدهم .... 

بدأت أركز في ما ينفعني بجد ... صحيح كتير بقع ، لكن سبحان من بيقويني تاني ....

سبحان من وفقني لختمها .... سبحان من خلاني يوم الخميس اللي هو المفروض أجازة وراحة من كل الخلق أقوم من بعد الفجر عشان أروح وأرجع بعد الظهر ....

سبحان من جمعني بناس بترتاح بمجرد إنك تشوفهم ....

سبحان من وفقني لدروس العلم وحفظ ما يقرب من ال150 حديث من صحيح البخاري وقراءة وفهم ما يقرب من ال2200 حديث !!! :) أصدق الكتب بعد القرآن الكريم

كلام الحبيب محمد ابن عبد الله

اللهم صلي وسلم على نبينا محمد ....

اتعلمت حاجات كتيرة أوي

أوي

أوي

أولها: الصبر على طلب العلم ... كنت بحفظ الأحاديث في أوقات غريبة (في المواصلات، بين المحاضرات، قبل الفجر أتشجع أقوم، ......)

ثانيها: من سلك طريقاً يلتمس به علماً ، سهل الله له به طريقاً إلى الجنة :) .... يا رب أكون ممن صدقك .... يا رب ارزقني الجنة وأنت تعلم أني أحبك وأشتاق للقاءك :(

يا رب ارزقني الإخلاص :(

ثالثاً: الواحد حاسس بغربة شديدة في مقر عمله ، وربنا عوضه عن الغربة دي بمكان روحه التقت فيها مع من هم مثله .... أنا أنتمي لتلك الحلقات .... هناك الراحة .... كفاية تحفنا الملائكة ويقولوا "قوموا مغفوراً لكم" !!!

رابعاً: الصحبة الصالحة أقوى حاجة تثبت الإنسان بعد الله .... جنبهم الواحد بيحس إنه نملة ... وسبحان الله، أحياناً كتيرة مع غيرهم ، بيحس إني عالم من علماء الأمة !!! عشان لو الواحد قارن نفسه بالدنئ، هيحس إنه ما فيش زيه، لهلوب، ولو جه يقارن نفسه بالكبار، هيحس إنه دنئ ... دنئ ... دنئ ....

خامساً: لسة الدنيا بخير ... والخير في أمة محمد إلى قيام الساعة ....

سادساً: فطوبى للغرباء .... القابضون على الجمر .... يا الله !! حتى في بلاد التوحيد الغربة الدينية ؟؟؟ يا رب الثباااات حتى ألقاك ....

دي صورة من هدية جميلة ادوهالنا ، وتورتة عمالوهالنا :)))

كنت عاوزة أحط باقية الأكل ، بس حرام يعني ، أراعي نفسيات الناس والجوع وبتاع :)) ....

أول حاجة هطلبها لما أدخل الجنة إني أشوفهم (أو بإذن الله هشوفهم تحت عرش الرحمن لما ربنا بكرمه يظلنا لإننا أحببنا بعضنا البعض فيه) وأكل/أشرب من أنهار الشوكولاتة واكل ورق عنب شامي !

إدمااااان :)))

تكريم المشاريع الفائزة

الواحد لما يبدأ يعد ويركز على النعم والعطايا، بيتعب من كترهم ... اللهم لك الحمد حتى يبلغ الحمد منتهاه :) .... عشان كدة قررت أعمل label جديد اسمه gratitude فيه كل حاجة حلوة تحصل لي عشان كل ما أحزن أو يجيلي اليأس، أقرأهم كلهم وأشكر ربنا إن في أيام كتيرة أوي حلوة أنا بنساها وقت الإبتلاء ....

النهاردة كانت حفلة تكريم المشاريع اللي كسبت في مادة الحاسب، وحضرت الوكيلة وناس تانية من الإدارة ..... 

بدأنا الحفل بقراءتي للقرآن :) .... قرأت نهاية سورة الزمر "وسيق الذين اتقوا ربهم إلى الجنة زمراً" :( ... أيات بتقشعر ..... ربنا يتقبلها مني ويحفظ علي حفظي :(

ويجعلنا من اللي بيقرأوا وبيرتقوا :( مش من اللي بيقرأوا والقرأن بيلعنهم .... 

بعدين بدأوا يكرموا ....

بدأوا بفئة الكارتون ....

والمركز الأول :) ....

أنا وطالباتي :)

الحمد لله حمداً كثيراً طيباً .....

دة على مستوى آلاف الطالبات (مش فاكرة 8 ولا 9 ألف)  :) ....

الوكيلة قالت لي "حسبتك طالبة !! مش باين عليك خالص إنك معلمة !" الحمد لله :) .... ما شاء الله، اللهم بارك !! :)  حلو الواحد يفضل باين صغير ، ربنا يجعل عمرنا في طاعته ويختم لنا بالصالحات ...

بعدين كرموا اللي عملوا workshops لتعليم برامج للطالبات .... 

أنا كنت عملت ورشة عن ال video studio اللي هو بيصنع فيديوهات (زي الموفي مايكر بس متطور عنه أوي أوي وأروع منه)

لسة إن شاء الله يوم الحد تكريم كل الأقسام (حاسب، رياضيات، صحية، مهارات) وهنتكرم تاني إن شاء الله عشان حصلنا على أحد المراكز الخمسة الأولى على كل المشاريع بجميع الفئات !!!.....

الحمد لله الذي بنعمته تتم الصالحات :) ...

صحيح النجاح مش مش مش بالشهادات ، بس بردو إحساسها حلو :)

الرياض اليوم !!!

سبحان الله

تقلب الجو في الرياض غريب أوي !!! عمرها ما كانت كدة !!! :/

امبارح كانت صخووور ماية نازلة من السماء ، وقفت تحت المطر أنا وأختي وقعدنا نتألم من شدة طخ طخ طخ المطر !!! بس كان ممتع :)) !!

اتغرقنا ولعبنا في الحوش بعدين دخلنا لما هدى :))

من علامات يوم القيامة :(

إن الجزيرة العربية ترجع خضراء .... الجو عمره ما كان كدة ....

النهاردة بقى وأنا مروحة، كانت الدنيا ضالمة واحنا العصر لسة مأذن !!! والسواق قعد محتاس .... 

فجأة كدة من غير سابق إنذار !!! كانت الشمس طالعة وفي ثواني ، درب درب درب .... 

رملة رهيبة تك تك تك تخبط في العربية بعدين شلالات من المطر طخ طخ طخ

الدنيا كلها قعدت تتكسر واللوح اللي في الشارع تقع وفي كذا نخلة وقعت !!!

في الجامعة، سقف غرفة معلمات وقع .... الحيط واللوح قعدت تتهشم ....

دة جزء من اللي حصل في الجامعة

دة شكل السماء !!! لونها كان بني غامق الساعة 4 العصر !!!

ودة تصويري وصوتي :)  

يا جمالي

حديقة :)

حديقة .....

طالبة من شعبة ON 

عسولة أوي :)

ربنا يحفظها ويجبر بخاطرها

جابت لي دي النهاردة بما إننا مش هنشوف بعض تاني .... كانت آخر محاضرة ....

قالت لي "حببتيني في الحاسب مرة ، ادعيلي يا تيتشر ...." وحضنتني وباستني ....

Chocolate is a women's (girl's) best friend

هي اسمها "غادة" وكنت بحسب معناها حديقة :)) فسميتها حديقة طول الترم ... دة كان دلعي ليها !!!... حتى لما بكون عاوزة أرصد درجاتها ، بقعد أدور على حديقة في الكشف !!!

قررت أتعلم :))

تذكرت تعليق أحدهم على استخدامي ل "لو" و"إذا" في مدونتي منذ سنتين ، وتذكرت تعليق أحدهم على تعريبي ل"غير" منذ أسبوعين، فحزنت على حالي .... أفتقد إلى الكثير من العربية ... محيط وأنا منه كقطرة :( ويراني الناس "فصيحة" !!!!

------------------------

الممنوع من الصرف :))

بما إني عمري ما درست عربي وأعتبر جاهلة بالدرجة الأولى في لغة القرآن ولغتي الأم -وللأسف- وكل اللي اكتسبته من النطق بالعربية الفصحى الصحيحة (أُعتبر أفضل صديقاتي وزميلاتي في النطق بها ولله الحمد كما شخصوني هم "حلوة شخصوني دي :))" وأكتر المتزوجين منهم بيقولوا لي "عاوزين أولادنا يبقوا زيك ، نعمل إيه ؟" هههههه ، ما علينا!!!
المهم، نُطقي وكتاباتي الخجولة كانت وبفضل الله من حفظي للقرآن ومن عشقي للقراءة (متيمة بها) مع إني ما بدأتش أقرأ إلا متأخر أوي لأسباب مؤلمة ، ما علينا ......

كل خميس بقى واحنا بنقرأ وبنشرح أحاديث البخاري من "التجريد الصريح لأحاديث الجامع الصحيح" للإمام الزبيدي رحمه الله، وألحن في القراءة وألاقي المعلمة بتقول لي "كيف قمت بقراءتها هكذا وهي ممنوعة من الصرف!!" وأحس إني أجرمت .... وكل شوية تحصل حاجة وتقول "غلط، دي ممنوعة من الصرف" ... بقالي أكتر من شهر عالوضع دة ، ومش بلحق أشوف موضوع "ممنوع من الصرف" دة ولا أسألها عشان أكيد كل اللي في الفصل (وأكترهم أصغر مني) هيضحكوا علي عشان دة هم درسوه في المدرسة ... المهم بقى، النهاردة في وقت فراغي بين المحاضرات ، قررت أشوف موضوع "ممنوع من الصرف" .... قلت أخد عنه نبذة بس عشان حماسي الزايد لو تشعبت فيه، هقعد شهور بعدها مش بعمل أي حاجة بسبب إني بحثت في موضوع "الممنوع من الصرف" !! حماس شباب بقى ... المهم ....

دورت شويتين ، وحسيت بجهلي الشديد اللي كل مدى بيكبر "كلما أخذت من العلم ، زاد جهلي" ، طبيعي أكيد ....

توصلت للآتي ....

لسة محتاجة قاعدة كبيرة مع همزة الوصل والقطع عشان أنا اتعقدت ، مش عارفة مين تتنطق وإمتى ومين وإمتى تتكتب .... ما علينا ....

من أسبوعين بدأت أبص في البحور شوية ، لاقيت الموضوع سيتعدى ال"بص" بكتير عشان عيني احولت وراسي وجعتني وقلت "دة مش بتاعي ، دة مش لي :)) !! " ....

نبدأ بقى ....

-----------------------------

الممنوع من الصرف: اسم معرب، لا يدخله التنوين ويجر بالفتحة إلا إذا عُرف ب "ال" أو بالإضافة ، فإنه يُجر بالكسرة ....

يا إما بيكون ممنوع من الصرف لعلتين أو لعلة واحدة ....

أ) الممنوع من الصرف لعلتين: اسم علم معرب ، اجتمع فيه مع علة العلمية علة أخرى مساندة. بعض ما يشتمله:

1) اسم على وزن الفعل، خال من الضمير (كالضمير المستتر في "يشكر الطلاب"، ليس منقوص الآخر (ك "يغز"، "يدع" أصلهم "يغزو" و "يدعو"، وزنه ليس مشتركاً بين الأسماء والأفعال (ك "رجب") .... مثال "أحمد، يزيد" .....

2) علم مؤنث مختوم بتاء التأنيث "فاطمة/طلحة"، أو المؤنث المزيد على ثلاثة حروف وليس به علامة تأنيث (مؤنث معنوي) ك"مريم" ...

3) علم أعجمي ك"آدم ويوسف"

أما إذا كان ثلاثياً، ينظر لوسطه، لو كان متحركاً ك"حلَب وقطَر"، وجب منعه، ولو كان ساكناً ك"نوح وعاد" وجب صرفه.

4) العلم المختوم ب"ان" زائدتين، وحروفه الأصلية ثلاثة أو أكثر ك"رمضان، سليمان"

وإن شك في زيادة النون أو عدم زيادتها كأن تكون أصلية ك"عثمان" لم يمنع الإسم من الصرف لو اعتبرنا أصلها "عثمن" ، وإن كانت ك"سنان" وهو أقل من ثلاثة حروف، لم تمنع ... 

5) العلم المركب الغير مختوم ب"ويه" (ربنا يرحم أيام سيبويه :( ) ، مثل "حضرموت وبورسودان"... أما إذا انتهى ب"ويه"، يبنى على الكسر في إعراباته الثلاثة ...

6) كل صفة على وزن "أفعل" لا تلحقها تاء التأنيث ك"أسوَد، أفضَل" ، فإذا لحقته تاء التأنيث ك"أرمل ومؤنثه أرملة" لا يمنع من الصرف ....

7) صفة مختومة ب "ال" زائدتين ك"عطشان، غضبان" ولا يدخل مؤنثها تاء التأنيث ك"ندمان وعلان" لأن مؤنثهما "ندمانة وعلانة" ....

ب) الممنوع من الصرف لعلة سدت مسد العلتين:

1) الاسم والصفة المختومة بألف التأنيث المقصورة ك"فدوى :)"

فالعلة الأولى التي سدت مسدها: مشاركتها للتاء في الدلالة على التأنيث

والعلة الثانية: الألف لازمة لا تتغير من آخر الكلمة فهي تصير مع الاسم كبعض حروفه أما التاء لا تكون لها تلك الميزة ....

2) الاسم والصفة المختومة بألف التأنيث الممدودة ك"صحراء، شعراء، بيضاء" وأن تكون رابعة فأكثر في بناء الكلمة، ف"هواء وسماء ... دعاء ورجاء" (إيه الشاعرية دي :)) ) تُصرف ...

* ما كان على صيغة منتهى الجموع "مفاعل/مفاعيل" -وهو كل جمع تكسير في وسطه ألف ساكنة بعدها حرفان أو ثلاثة وسطها ساكن-، ولا ينتهي بتاء تأنيث ك"أبابيل، حدائق، مناديل"...

* العلم المؤنث الثلاثي الساكن الوسط يجوز صرفه أو منعه ك"مصر وهند" ....

* كل اسم منقوص، آخره ياء لازمة غير مشددة قبلها كسرة وكان على صيغة منتهى الجموع، في الرفع والجر تحذف الياء وتعوض بالتنوين ك"معنى - معان"

ولكن لو اقترنت ب"ال"، تبقى الياء وتقدر الضمة والكسرة عليها في حالتي الرفع والجر وتظهر الفتحة في حالة النصب ك"المساعي"....

كان في شواذ كتيرة للقواعد وحالات زيادة بس أنا اختصرت :) ....

One of His many blessings ...

I saw it by mistake ... One of my students' status update on watsapp ... Although it doesn't notify u when there is an update, she put this as her status ... Scrolling through my iphone in a hurry, I glimpsed it :( ....

Me too Shouq, me too :( ....
I love my students .... Although they sometimes make me crazy, but they are loveable ... Alhamdulillah that they love me too ... I am loveable :p ....
-----------
The small party we threw for the winners ... I fed them from the cake and they were very shy ;) ... True feelings were expressed on that day .... I have improved alhamdulilla .... A step towards my goal ....

إزاي ؟؟؟ هَزَتني .... :( ء

Heroes !!! He's amaAAAazing walahi :(

ما شاء الله :)

I took part in translating one of his DVDs before and he wrote my name in the credits at the end :)) !!! It was my first time to work with a داعية

عقبال أما أنا أبقى داعية ... صحيح الواحد بيحاول يصحح أخطاء كتيرة حواليه ، بس للأسف كتير بيضعف أمام سخرية البشر بيه .... إحساس الغربة بين المسلمين صعب أوي .... الحمد لله :)  الواحد في مصر كان مبسووووط عن كدة ، الرفقة الصالحة هي السحر .... وحشوني أوي .... الحمد لله :)

May Allah tighten his grip upon the straight path ... All his videos are amaaaaAAAaaazing ما شاء الله ، اللهم بارك :)

بناتي حبيباتي !! :*

الحمد لله الذي بنعمته تتم الصالحات

الحمد لله كما ينبغي لجلال وجهه وعظيم سلطانه

فرحانة أوي .... فرحة تغسل أحزان كتيرة .... سبحان الملك الكريم

عندنا لازم البنات يعملوا مشروع في أي فئة من فيلم ، إعلان ، تصميم ، موقع ، كرتون ، مجلة .... بناتي من شعبة NJ عملوا كرتون رااااائع عن التحطيم .... كنت من البداية بقول لهم "لو سمحتم عاوزاكم تحصلوا على مركز ، مش بس تسلموا عشان الدرجات" .... كنت الحمد لله بديهم الدفعة والحماس طول الطريق ... 

سلموني المشروع وكان اروع حاجة شفتها من الطالبات من أول ما بدأت تدريس ....

قيمتهم وسلمت مشروعهم للإدارة .... عملوا تصفية وطلعوا أفضل 50 مشروع .... كان مشروع البنات منهم ....

فرحت البنات وقلت لهم ، "لو سمحتم المركز الأول" وقعدت أديهم نبذة عن إزاي ممكن يناقشوا اللجنة ....

اتبعت لي إي ميل دلوقت بيقول

إن في فئة الكرتون ، حصلنا على المركز الأول

وعلى كل الفئات ، حصلنا على أحد المراكز الخمسة الأولى (ما قالوش أنهون بالظبط عشان تكون مفاجأة) من ستة آلاف طالبة !!!

الحمد لله :) ...

البنات استخدموا برنامج ال toon boom لعمل الشخصيات وتحريكها، وبرنامج ال video studio لدمج الصوت والصور مع الكرتون وعمل الفيديو النهائي ....

هم لسة في أول سنة في الكلية ، إعدادي يعني ، فبإذن الله تكون دفعة ليهم يعملوا أكتر ...

هنتكرم إن شاء الله مرتين ، مرة على نطاق قسمنا بس ومرة على نطاق الجامعة كلها والعميدة وبتاع ....

اللهم لك الحمد كله :) ...

------------------

المشروع

فكرة كرتونهم مبنية على قصة واقعية لرجل بريطاني اسمه Willard Wigan
كان بيصمم وبينحت أشياء على مستوى المايكرو !!!

http://www.willard-wigan.com/Default.aspx?AspxAutoDetectCookieSupport=1

دة هو في TED



قصته ....

كان في طفل غربي فاشل في دراسته ... مرة مدرسته وهو 5 سنوات وزعت ورق الإختبار وقالت له "انت سقطت تاني، دايماً ساقط" .... راح البيت متضايق وكره المدرسة وما كانش عاوز يروح تاني .....
مرة كان مستخبي من المدرسة وشد انتباهه النمل عالأرض .... قرر يعمل لهم حاجة تفيدهم ... بنى لهم بيت ... وراه لمامته ومامته افتخرت بيه أوي وقالت له ما يستهينش ولا يستقل بالحاجات الصغيرة ...
قرر يعمل للنمل حاجات تانية ، زي لبس وجزم ، و ، و .... وبدأ مشواره في عمل مجسمات تكفي تدخل جوا خرمة الإبرة !!!!
مع إنه كان فاشل دراسياً (مش مقياس لأي حاجة) إلا إنه بقى ناجح ....
أمه كان ليها دور كبير (وأكتر الأمهات كدة، والبيت عموماً هو اللي بيحطم الطفل أو بيشجعه، لو قرأنا سيرة الإمام مالك وناس تانية كتير هنلاقي إن نجاحهم كان بفضل الله ثم بوجود امرأة ما "أمهم أو زوجتهم أو أختهم أو ابنتهم")  ....
المهم .....
بعدين عملوا مقارنة بين الشخص دة وبين لو كان في العالم العربي إزاي مامته غالباً (بنسبة 99%) كانت هتقول له "إيه الهبل دة ؟؟؟ بيت لنمل إيه ؟؟؟ انت فاشل !!! أهم حاجة الدرجات اللي بتجيبها في المدرسة وسيبك من الكلام الفارغ"
وجابوا الطفل دة لما كبر ، كرشته أمامه مترين وماسك ريموت التليفزيون وعمال يقلب في القنوات ....

في العالم العربي نعيش :(....

بجد اختيارهم للموضوع كان رائع ....
اللهم لك الحمد ...
بقيت كل ما يحصل لي ابتلاءات في الحياة ، بستنى بشرة خير من ربنا ... وعبادة عظيمة انتظار الفرج ....
آخر يومين في الأسبوع اللي فات كانوا سيئين أوي في الشغل من نقطة معينة ، وإذا بعوض الله يأتي في نفس مكان الكرب ، أي الشغل ...
رحيم يا رب :) عظيم ، كريم ، معطي وأنا لا أستحق عطاءك !!

Our Final Home ....

إن شاء الله ....

This is where we will meet all those we wanted to be with one day but couldn't .... Even if they don't want to be with us, we can request Allah to see them .... At lease once .... 

No fights, arguments or even a simple frown .... No misunderstandings and no worries .... No pains and no tears .... Enjoying FOREVER and not being tired ... Getting to do all the things you were prevented from doing in this life out of fear of Allah ....

This is where I will be reunited with all my loved ones, once and for all ... No more separations and heart burns ....

فُرَصْ لأجمل نظرة .....

7 major events in a very short time ....

رحماك ربي !! قلبي الصغير لم يعد يحتمل .... :(

Sigh !!!!

لن أدخل في التفاصيل ، وإلا احتجت إلى مدونة بأكملها لسرد كل شئ ....

لن تكفيني تدوينة صغيرة

سبعة أحداث وقعت في أقل من شهرين !!! أحداث عظمى !!! سأسرد كل حدث باختصار ، أو ربما سأستنبط منه الدرس المستفاد .... هذه هي الحياة ، مطباتها جُعلت لنكون أقوى .... أقلت أقوى ؟؟؟ نعم ، أقوى .... 

أقوى ....

إنها قناعات ....

1) ضحكت علينا كلنا .... قدرت تخدع عشرين واحدة .... اتمسكن لحد ما تتمكن .... عرفت المدخل بتاعي فدخلت لي منه .... كنت فاكراها أطيب واحدة في الحياة ، وقلت لها كدة ، طلعت من أخبث الناس .... ما فيش أعذار ، الناس مش لعبة ...

اتعلمت منها ما أثقش في أي حد ، مهما كان شكله ملاك برئ ....

اتعلمت ما أحكمش على حد بسرعة ... ولا بعد كذا سنة ....

يا رب ما تحطني في مكانها أبداً ....
اتعلمت أنغلق على نفسي أكتر ....

2) ..............................

.......................

سبحان من سهلها علي .... كنت حاسة إني هـــ...... .... سبحان من ربط على قلبي ... أنا مندهشة :) .....

..............

.........

أحتاج إلى مجلد .....

بس من ضمن الحاجااااات اللي اتعلمتها إني مش هاخد اللي أنا عايزاه وإني مش بعرف أختار لنفسي ..... لازم أنزع كل حاجة من قلبي وأسيب كل حاجة على الله .... كفى بالله .... صحيح الناس الكويسة صعب تتلاقى ، وصعب تسيبهم ، بس ما زالوا موجودين في العالم ، في مكان ما ، وهقابلهم ، في وقت ما ... أو في الجنة :) ....... 

3) الناس كلها قعدت تجري ... قليلين اللي فكروا في غيرهم ... أنا كالعادة ، نسيت نفسي ... امتى هتعلم ؟؟؟ يا فدوى ، نفسك ليها حق عليك !!! صحيح بعد اللي حصل الكل قعد يمدح تصرفي اللي في نظرهم "بطولي" بس أنا اتضايقت من نفسي ، المفروض نفسي أولاً ... 

امتى هبص لنفسي بقى ؟؟؟ امتى ؟؟؟

4) مصيرك تسيبي اللي بتحبيهم .... ياما سبتِ ... ومن زمان أوي ..... من نعومة أظافرك !!! (ولا حتى قبل ما يكون عندِك ظوافر؟؟؟) ......

بس دي اختلفت عنهم .... 

مصيرها تنساني ... هل هقدر أنساها ؟؟؟؟

الأخلاق ، الأخلاق ، الأخلاق .. 

الرفق واللين والتواضع .....

علمتيني .... 

نفسي أطبق ....

نفسي ....

5) "أكترهم اتقفلوا ... وهم جايين " .... والكل بيجري بردو .... 

بس أنا ما عملتش حاجة غلط ، أنا مندهشة من أسلوبهم السئ .... حسبي الله ونعم الوكيل ...

مسكين اللي شايف إنه هو اللي بيعطي غيره ... انت ضعيف زيك زي غيرك وربنا هو اللي فوقك وأقوى منك ....

" علمت أن رزقي لن يأخذه غيري ، فاطمأن قلبي " .....

بس لازم أتحرك ..... حاسة إني مشلولة .... يا حنان ! يا منان !! إلى من تكلني ؟؟؟؟

6) فجأة لازم نمشي .... ما فيش نقاش .... ما فيش حاجة مستنيانة هناك ... احنا اللي هنستنى كتير .... حوسة من حوسات الحياة ...

لست وحدك ....

مش كانوا يستنوا شهرين ؟؟؟ بس ربنا اللي أراد ذلك ، مين هيقول لربنا "لأ" ؟؟؟ مين ؟؟؟

والكل بيستغل الموقف .... الكل بياكل في بعضه .... 

7) خبث السنين ... بكرهك ... نفسي أبقى زيهم ... أبتسم في وجهك وأطعنك من وراك ... لا عارفة أبتسم في وجهك ولا قادرة أطعنك من وراك .... كدة هيبقى نفااااق .... وانت ما تستاهليش تاخدي حسنات مني ... بكرهك .... بكرهك ...

ربنا يبعدك عن طريقي لحد ما أموت ...
عاملة هبلة .... وهي أفعى ... مهما تخفيه تظهره الأيام .... 

يا رب ما أشوفك في الجنة ... كل واحد يكون في حتة ، حتى في الجنة .... 

للدرجة دي اللي حواليك ممكن يستعبطوك ؟؟؟!!! خُـبث .... خبرة سنيــــــن !!!

زمن الذئاب .... ما اتعلمتهاش لا في البيت ولا في المدرسة ... بس الحياة بتعلمهاني ... آآآآآه من دروس الحياة .... وأي دروس !!!! ..... 

اتعلمت إن في ناس كويسة معاك لسبب ما .... بعدين بتزهق منها ... بتحس بقرف وهي معاك ....

نفسي أتعلم أبتسم في وجه اللي مضايقنني .... 

نفسي أعرف أمَثِّل .... 

نفسي أروح وما أرجعش .... 

نفسي .....

Sigh !!!

Not afraid to stand alone :)

I really love it :) .... " If Allah is by my side "

Together ......

Thank you "The Love of My Life" (RaRa :*** <3 <3 <3) ..... I can NOT just imagine how life in general (and my life in specific) would have been without you .....

اللهم لك الحمد :) ..... 

يا أجمل هدية ......

* People who are meant to be together find their way back, they may take a few detours, but they're never lost.

* لا إله إلا الله وحده لا شريك له ، له الملك وله الحمد وهو علي كل شئ قدير ......

- لا إله إلا الله وحده لا شريك له .....

له الملك : ( ما تطمع في تحقيقه في هذه الدنيا أو في الآخره فهو عند المالك الحقيقي الذى يملك كل شئ فتوجه بالسؤال إليه ) .... "مَنْ كَانَ يُرِيدُ ثَوَابَ الدُّنْيَا فَعِنْدَ اللَّهِ ثَوَابُ الدُّنْيَا وَالْآخِرَةِ " النساء 

- وله الحمد : ( ما أنت غارق فيه من الخيرات فهو من عند الله وحده لا بحولك ولا قوتك ) ... " وَمَا بِكُم مِّن نِّعْمَةٍ فَمِنَ اللّهِ " النحل .

- وهو علي كل شئ قدير : ( وما تريد أن تنجزه في هذه الدنيا وأنت لا تستطيعه فاعلم أن الله علي كل شئ قدير ) .

أترحل ؟؟؟

أترحل ؟؟؟

هي التي لم تستطع حماية غموضها فكان طريقاً للوصول إليها ... ماذا عساها تفعل ؟؟ لماذا تبقى إن كان هناك احتمالٌ ولو ضئيلٌ جداً أنها ستزيد من آلامهم ؟؟؟ ولم اختاروها هي ؟؟؟ أم ربما هي من اختارت نفسها لهم ؟؟؟

كيف يتسارع الزمان أمام جميع الفتيات ولا يجد مكاناً للتوقف إلا عندها ؟؟ أكانت خواطرها تواعدهم بشئ ؟؟ أم ربما هم من أوهموا أنفسهم أن الزمان لن يطيب إلا بها ؟؟؟ 

أترحل ؟؟ سؤال تطرحه على نفسها منذ الأزل .... لم لا، وهي التي ستحول أحلامهم آلاماً في جميع الحالات، سواءً بقيت أم رحلت ؟؟؟ أتراها أوهمتهم أنها "أملهم الوحيد" دون أن تشعر ؟؟؟ لم تعدهم بشئ ، هم الذين بأنانية شديدة وعدوا أنفسهم بكل شئ .... لم هي ؟؟؟؟

أترحل ؟؟؟

سؤال يراودها قبل البداية وإن استجابت له، ستكون حتماً النهاية .... كانوا جزءاً منها منذ بداية حياتها ... ألم تبدأ حياتها منذ قدومهم فقط ؟؟؟ وأي حياة كانت !!! لم تكن الأمور كما تبدوا .... دخلت في تحد سقيم مع نفسها قبل كل شئ ، فخسرت نفسها ولم تربح شيئاً !!!!

حتماً سيُخطئون فهم رسالة رحيلها ... لكنهم -وللأسف- يجهلون أنها لم تحضر في المقام الأول ليُسمى ما تفعله الآن "رحيلاً" .....

أترحل ؟؟؟؟