إيه الوحايد الكتيرة دي ؟؟
----------------------
في تواريخ الواحد مستحيل ينساها (مع إن ذاكرتي في الأسامي والتواريخ وحشة أوي أوي) بس أكيد لحد ما أعجز لو ربنا كتبلي عمر سنة 2011 دي هتفضل مميزة ... "هندسة الحاسب والنظم دفعة 2011" إن شاء الله ....ء
-----------------------
Many equations and symbols which I find myself mapping into places/names/whatever comes up into mind to help my self memorize them ... If only B = -1, I would be happy ... يا رب :)
------------------------
بعد أما قررت إني خلاص هقفل المدونة (كنت همسحها خالص بس استخسرت سنتين تقريبا من التدوين والتعليقات الحلوة وحبة ذكريات حلوة) وقفلتها فعلا (يا دوب 6 ساعات) وعملت مدونة تانية وبدأت أكتب فيها كل حاجة بتيجي على بالي وحتى حطيت بوست توديع هنا، لاقيت ناس باعتة تقول لي ليه ؟؟ صراحة أنا بقالي شهرين تقريبا بقول إن كفاية كدة، حاسة إني مقيدة ومش عارفة أكتب بحرية لأسباب ما بس لما لاقيت إن الناس بتقول لي إنها الحمد لله كتير بتستمتع بكتاباتي بجد وبتستفيد قلت أخليها ممكن حتى تكون صدقة جارية بعد أما أموت الناس تنتفع بيها :) ... بغض النظر إن في بوستس فعلا محتاجة تتمسح أو تتعدل (كتبتها وأنا حزينة أوي أو حاجة مأثرة عليا، بس هتاخد مني وقت طويل أوي في المسح واحنا داخلين على امتحانات زي الورد إن شاء الله) بس أنا خلاص اقتنعت إنها جزء من الماضي وإن زي ما د.أحلام مستغانمي قالت "وأي محاولة لتعديل الماضي ما هي إلا محاولة لتشويهه" ... صحيح في حاجات كتيرة محتاجة فعلا تتشوه وما يبقالهاش أي معالم، بس هسيبها على ربنا، هو اللي هيمحيها مع الوقت إن شاء الله وهيبدلها بحاجات أحسن :) .. فقررت خلاص قرار نهائي إني هكتب هناك يومياتي وأفكاري وأشعاري وقصصي اللي ما ينفعش تتقرأ أو مش عاوزة حد يقرأها وهنا حاجات عجبتني أو حسيت إنها ممكن تفيد حد وبكدة أكون رضيت جميع الأطراف
-------------------------
بجد ما ينفعش الواحد يحكم على حد من موقف ولا اتنين ولا حتى عشرة ... الناس أمزجتها متقلبة وصعب تفهم شخصية حد إلا لو فعلا عاشرته فترة طويلة جدا ... ء
1 comment:
صراحة الأسباب هي هياها أسبابكم إلى حد كبير، يعني مش تدخل ولا حاجة :) ... وإن شاء الله لو فيها حاجة كويسة (وينفع تتقرأ دون فهم خاطئ) هحطها هنا :) ء
Post a Comment
comments are always welcomed :)