صور هتبقى ذكريات

اللي فيكم متابعني وبيقرأ اللي بكتبه على طول، أكيد عدى عليه موضوع إني أحيانا بلبس فردتين شراب غير بعض خالص :))

صورة من صور الدعابة الخفيفة مع نفسي اللي بتخليني أبتسم كل ما أشوفها :)

أنا بقى (بما إني كبرت ما شاء الله وعديت سن الرشد أهوه واتخرجت الحمد لله) اتطورت بمراحل

كان عندي فكرة إني ألبس فردتين كوتشي غير بعض ايام الكلية بس صراحة كنت مكسوفة أوي اطبقها في الأول (قال يعني الناس هتركز في رجلي بما إن مافيش فيا حاجة باينة الحمد لله) بس فجأة لاقيت نفسي بعملها بعد ما اتخرجت :)) وكمان طبعا لازم فردتين الشراب يكونوا غير بعض ... مش عارفة بقة حد خد باله ولا لأ، بس سبحان الله، يوميها اتنرفزت كذا مرة وبما إني متعودة أمشي وعيني في الأرض، ألاقي نفسي ببص على المنظر دة وأقعد أضحك وأنسى أنا كنت متضايقة من إيه :) ... أختي كانت لابسة الفردة التانية من كل لون وطلعت بيهم كدة زيي (شكلي معدية :)) ) ....

جامدة أوي :))

---------------------------------------------------

كتبت عنهم بالتفصيل الممل في my private blog بس كان لازم مدونتي العامة يكون ليهم نصيب فيها ....

دودو، معنى الحنان :********

أول ما عرفت إني بحب الحصنة (جمع حصان :)) )، جابت لي بسكوت بالشكوكولاتة عليه حصان !

مرة كنت بعيط، راحت لقيت فلينة عندنا هتترمي، ابتكرت حاجة خلتني أبتسم أوي وأنسى كنت بعيط ليه :

وبما إنها عارفة عشقي لتورتة الشوكولاتة، كان لها نصيب في:

وخلاص اقتنعوا إن دة اسمي فبقوا يكتبوا:

ودايما بتنصحني :

قعدت تجمع الخرز وتكون منه أحب الأسماء إلى قلبها (زي ما قالت):

----------------------------------------------

رورو: أحب عقلها الرايق :********

لما حكيت لها حاجة حصلت، اتنرفزت أوي وقالت "انت مهندسة غصباً عنهم يا فدوى، أهوه" :)) وكتبت دة وعلقته عالباب

كانت عارفة إني بحب الsmilies وكنت مرة مكتئبة وحزينة أوي، حبت تخفف عني بحاجة بسيطة (باستخدام شرباتي طبعاً :)) ) :

الحمد لله :)