" كلها كام يوم " يا رارا إن شاء الله :)

أحلى حاجة إن مش هيكون فيها ألم ولا أحزان ولا بكاء

يا رب اجعلنا من أهلها بدون حساب ولا عقاب

" جَنَّاتُ عَدْنٍ يَدْخُلُونَهَا وَمَنْ صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ " -- يعني كمان ربنا هيجمعهم بآبائهم وأزواجهم وعيالهم !!! الواحد لما بيروح مكان حلو ، بيفتكر الناس اللي بيحبهم وبيتمنى يكونوا معاه :( عشان كدة ربنا إن شاء الله هيجمعنا بكل الصالحين ممن عرفنا .... 

يــــاه ! امتى الملائكة تقول لنا " سَلَامٌ عَلَيْكُمْ بِمَا صَبَرْتُمْ فَنِعْمَ عُقْبَى الدَّارِ " !!

يقول الشيخ السَعدي في تفسيره لهذه الأية من سورة الرعد : " أي حلت عليكم السلامة والتحية من الله وذلك متضمن لزوال كل مكروه ومستلزم لحصول كل محبوب ، وصبركم هو الذي أوصلكم لهذه الجنان الغالية "

يقول تعالى في سورة الروم : " وَيَوْمَ تَقُومُ السَّاعَةُ يُقْسِمُ الْمُجْرِمُونَ مَا لَبِثُوا غَيْرَ سَاعَةٍ ۚ "

قمة الغباء والله إنني نبيع نعيم أبدي بلذة ساعة

يقول  الشيخ السَعدي في تفسيره لهذه الأية " يُخبر تعالى عن يوم القيامة وسرعة مجيئه وأنها إذا قامت الساعة يقسم المجرمون بالله أنهم ما لبثوا في الدنيا إلا ساعة وذلك استقصار لمدة الدنيا "

يعني الدنيا دي اللي شايفنها متعبة أوي هتبقى قد إيه من السنوااات اللي هنقضيها في القبر والألاف اللي بيقعدهم الواحد وهو في أرض المحشر ولما الشمس هتقرب مننا وكله هيكون غرقان في عرقه على قد ذنوبه ، وهو مستني الحساب وبيمشي (أو بيعرج ، نسأل الله السلامة) على الصراط ومستني يدخل الجنة ....

روى عبد الله بن عمرو بن العاص أن الرسول أخبر أن جلوسنا في أرض المحشر سيكون خمسين ألف سنة !!!!!!

فيديو جميــــــل أوي ...

يقشعر الأبدان والله

8 دقائق فقط

يجب أن تشتاق لها ، ومن اشتاق للشئ ، اجتهد في الحصول عليه