Pretty Cool; for CSDians ;)

De BAFRZ

مامي الحلوة P: ... هتوحشنا يا مودي :(

-----------------------------------

وانتصرت ميمي على الصرصار D:

-----------------------------------

بطاطساية حبنا ... ما رضيناش نعملها لحد ما باظيت ....

-----------------------------------

مناقشة مشروع تخرجنا كانت النهاردة الظهر .... أنا ممكن أقول لكم اسمه

De BAFRZ: Massive Parallel Processing of Spatio-temporal Queries

كفاية عليكم كدة D:

مبرووووووووووك علينا يا بناتيت

الحمد لله الذي بنعمته تتم الصالحات

وآخيرا خلصنا آخر زلطة من الكلية

سبحان الله، آخر شهر كان أحلى شهر (بالذات آخر اسبوع) مع إنه كان مضغوط أوي ومليان حاجات غريبة، بس الناس مش بتقرب من بعضها إلا بعد حاجات غريبة (واسأل مجرب)

حبيت أشكر الجميع على التعاون، بجد كلكم اجتهدتوا أوي أوي حتى وإن كنا بنلعب أغلب الوقت طول السنة، بس بردو يعني، شغلكم جميل ما شاء الله والشغل معاكم مريح فعلا (واسألوا واحدة اشتغلت مع كل بنات الدفعة تقريبا D: )

يا ريت الكل يسامحني لو ضايقته سواء بقصد أو من غير قصد

ويا ريت نفضل في تواصل على طوووووووووووول

أجدع صحاب ما شاء الله

أكتر ناس برتاح معاها الحمد لله

كلنا بنرتاح مع بعض، فبلاش نحرم بعض من بعض

وبلاش الشغل أو الجواز والعيال ينسونا بعض ....

ويا ريت ندعي لبعض ديما .... يعني بدل ما نقول "يا رب اديني كذا كذا" ممكن نقول "يا رب اديني أنا وصاحباتي كذا كذا" وكفاية يعني إن الملايكة بتقول "ولك مثل ذلك"

هتوحشوني أوي أوي أكتر مما تتخيلوا وأكتر مما تقدر الحروف تقول أو تعبر

Nice Vs Great

-------------------------------------------

Inspired by me… Whenever I face something, I keep on wondering “what if?” and “how great it would be if!”….

How nice it is to put a full stop at the end of a chapter in your life's story, but how great it is to just rip the whole chapter off the book!

How nice it is to have a to-do list, but how great it is to actually tick to-does off it....

How nice it is to remember someone you used to like in the past, but how great it is to replace this person with someone better.

How nice it is to remember someone, but how great it is to be remembered by someone else.

How nice it is to recall your childhood days, but how great it is to create a better adulthood.

How nice it is to live life with no obstacles, but how great it is to overcome them all.

How nice it is to love someone ( girl-girl and boy-boy please :) ), but how great it is to be loved back.

How nice it is to have friends, but how great it is to be someone’s friend.

How nice it is to go to college, but how great it is to “enjoy” going to college.

How nice it is to lift people’s spirit up, but how great it is to lift up your own.

How nice it is to be hopeful, but how great it is to harvest the fruits of this hope.

How nice it is to have a strong personality, but how great it is to use it wisely.

How nice it is to fight for your dreams, but how great it is to win the fight.

How nice it is to help when asked, but how great it is to be there without being asked.

Last but not least, how nice it is to be an Egyptian, but how great it is to be a Muslim!

Mercy!

‎"قُلْ أَغَيْرَ اللّهِ أَتَّخِذُ وَلِيًّا فَاطِرِ السَّمَاوَاتِ وَالأَرْضِ وَهُوَ يُطْعِمُ وَلاَ يُطْعَمُ "

-----------------------------

اللهم أمدني بقوة من عندك تغنيني بها عمن سواك ....

-----------------------------

سبحان الله، تركيبة الرجل غير تركيبة المرأة تماما تماما .... تقريبا ما فيش أي حاجة بتجمعهم .... ممكن تندهشوا بس في حاجات كتيرة أوي فيهم عاجباني جدا وبتعلمها عشان أطبقها ... حاجات عقلانية ومنطقية جدا ومش هتخليني أفقد أنوثتي بس لازم أتعلمها ... بس للأسف، لو طبقتها مع البنات، هتبقى وحشة أوي أوي، لإن تركيبتهم غير (ما انا بردو تركيبتي غير!!).... بس أنا مش عاجباني التركيبة دي خااااالص .... يا ريت العاطفة تبعد عن كل حاجة، عن الشغل، عن القرارات، عن كل حاجة مهمة ومصيرية .... واللـــه بقة لو الحساسيات الزايدة أوي اللي مالهاش لازمة دي تختفي من عندنا !!!... أصلها مش موجودة عندهم ..... ممكن أوي زي ما قلت قبل كدة تكون في أنثة راجل .... أسباب كتيرة أوي تخليني أتمنى صفاتهم وطريقة تعاملهم، مع إنها جافة أوي وقاسية جداً بس بتنفع في بعض الحالات ..... العاطفة بتكون لازم تهدى أو تتأجل فيها ...... ما حدش يتخض من كلامي ويهرب مني :) .... بس أنا بحس إن تعاملاتهم مع بعض أحلى ومحتاجة فن كدة ....

يللا، ربنا كان عارف إن أكيد في ناس هتتمنى إن خلقتها كانت مختلفة، عشان كدة قال في سورة النساء (سبحان الله، مافيش سورة الرجال مثلا :) ) "ولا تتمنوا ما فضل الله به بعضكم على بعض، للرجال نصيبٌ مما اكتسبوا وللنساء نصيب مما اكتسبن واسألوا الله من فضله" ..... ياااااااااه !!! اللهم إني أسألك من فضلك .... كمان أكثر أهل النار من النساء :(( بس السبب واضح، الرسول قال "يُكثرن اللعن ويَكفُرنَ العشير" ... يا رب لا تجعلني ممن يكثرن اللعن ويكفرن العشير :( .... اللهم اجعلنا من أصحاب الجنة سواء كنا ذكوراً أو إناثاً .... يا رب اجمعنا مع كل من نحب في الجنة، إن عز لقاؤنا في الدنيا وإن افترقنا في يوم ما ..... أنا عارفة مين أول ناس هطلب من ربنا أشوفهم في الجنة إن شاء الله بعد ما أشوف الرسول وجميع الرسل وأمهات المؤمنين والصحابة والصحابيات .... ربنا يجمعنا في الجنة :)

--------------------------------

يا رب اشفيني، بقالي أكتر من 4 أسابيع عندي برد عجيب أوي .... يروح ساعتين تلاتة، ويجي باقي اليوم بشدة رهيبة .... ما بحبش أروح دكاترة ولا أخد أدوية وما عنديش وقت أصلا للدكاترة ... اللهم اشفني وارفع عني من عندك .... أنت الطبيب الأعظم :) سبحانك

----------------------------

أنا بكره السجاير واللي بيشربها واللي بيبعها واللي بيتاجر فيها واللي بيشتريها وأي حد له علاقة بيها !!! أنا من غير أي حاجة بتعب منها أوي أوي .... بجد حرام تكون كمان السكة واقفة والدنيا رطوبة وتلاقي السواق واللي جنبيه بيشربوا سجاير رديئة النوع كمان !!! امبارح ما قدرتش أستحمل وأغمى علي بعد ما جالي غثيان ودوخة وخنقة بسببهم وأنا قاعدة ..... مش عارفة المرة الجاية هيحصل لي إيه !!! يا رب استر

اللهم ثبتني حتى ألقاك وعجل لقائي بك

الحمد لله، كل الحاجات اللي ما كانتش من نصيبي، أنا ما كنتش عاوزاها خاااالص .... اللي عاوزاها بجد لسة ماجاش وقتها ... وإن شاء الله ربنا هيجعل لي نصيب فيها وهتبقى أحسن منهم كلهم .... وهقول "يااااااه، عشان كدة ربنا أخرني" إن شاء الله زي ما بقولها على طوووووول في كل حاجة تقريبا من أول ما اتخلقت ...

-----------------------------

حتى آخر رمق إن شاء الله :)

------------------------------

يا رب ما يكونش هو السبب

ولو كان هو السبب، فيها إيه يعني ؟؟؟

"ألا إن سلعة الله غالية، ألا إن سلعة الله هي الجنة" :)

--------------------------------

"وإن اجتمعواعلى أن يضروك بشئ، لم يضروك إلا بشئ قد كتبه الله عليك "

-----------------------------------------

أكثروا من عتابي ... اللهم اكفينيهم بما شئت

----------------------------------------------

إنا سمعنا أختنا شيئا عجاب .... قالوا كلاماً لا يسُرُ عن الحجاب ... قالوا خياماً عُلِقت فوق الرقاااااااب ....

لعله خير :)

"ميدو" حبيب خالتو يا ناس !! :* * * * * *

ما شاء الله، الله أكبر على الطعامة، ربنا يحفظك ويحميك يا حبيب قلبي ويجعلك تقي، صالح ومن فرسان الدعوة

وأشوفك سعيد وناجح في كل حاجة يا رب

وما يوقف في إيدك أي حاجة ويسخرلك كل خلقه

ما شاء الله عليك

----------------------------------------------------

دي قصة عجبتني أوي أوي أوي

كان في يوم من الأيام ملك عنده وزير ... كان الوزير دة كل ما تحصل مصيبة للملك أو لأي حد يقول "لعله خير" ...

مرة من المرات راح الملك يصطاد وراح الرمح قطع له صباعه ... الوزير طبعاً بردو قال له "لعله خير" !!! اتغاظ الملك منه أوي وقال له "كل حاجة لعله خير، لعله خير، حتى لما أنا صباعي يتقطع؟؟" ... راح موديه السجن عقاباً ليه ... راح الوزير قايل له بردو "لعله خير" !!!!

مرة الملك بقة راح يصطاد لوحده، طلع عليه الناس اللي هيا بتسكن في الجبال وبتعبد النار (مجوس تقريبا) وقالوا لازم نقدمك قربان للنار بقالنا فترة بندور على بشر نقدمه لها ... جم يربطوه عشان يدبحوه للنار (الذبح لغير الله شرك أكبر على فكرة)، لقوا صباعه مقطوع راحوا قالوا له "انت ما تنفعش خاالص، لازم اللي نذبحه يكون سليم" وأطلقوا سراحه !!! افتكر الملك الوزير وراحله السجن، قال له حصل معايا كذا كذا كذا وفعلا طلع صباعي اللي اتقطع دة خير، إزاي بقة انت لما حبستك في السجن كان خير ليك ؟؟؟ رد عليه الوزير "أصلي لو ما كنتش اتسجنت، كنت هكون معاك يوميها وانت بتصطاد وكانوا أخدوني أنا وذبحوني للنار عشان أنا سليم !!! شفت بقة إن حبسك ليا كان خير؟؟؟" .... راح الملك أطلق سراحه ....

يللا، لعله خير :)

امتى هنقتنع إنه خير ؟؟

Countdown: 25 .... :( :( :(

------------------------

بصوا بقة، يا إما هشتغل بيه، يا إما هموت بيه إن شاء الله :) ... ما عنديش حل ثالث، واعملوا اللي تعملوه

" واصبر وما صبرك إلا بالله ولا تحزن عليهم ولا تك في ضيق مما يمكرون ( 127 )

إن الله مع الذين اتقوا والذين هم محسنون " ( 128 )

---------------------------

المفروض انت تتعوج بس هي ما تستاقيمش :) :) :) ههههههه ... الشيخ أبو إسحاق الحويني :)

----------------------------------

"مش لازم تحصل لك كارثة عشان تعرف إن ربنا لطيـــــــــــف"

"في حاجة في حياتك زعلان منها ؟؟؟ والله العظيم ممكن تكون أعظم خير بكرة تحمد ربنا عليه"

يااااااه !!! فعلا والله، ياما اتثبت لي الكلام دة :)

لازم نحس إن ربنا أدرى بمصلحتنا "وعسى أن تكرهوا شيئا وهو خيرٌ لكم والله يعلم وأنتم لا تعلمون"

يااااااااااااه !! بجد سبحاااااان اللــــــــــــــــــه

جميــــــلة أوي أوي أوي .. 9 دقائق ثمينة والله ومليانة قصص وعبر تخليك مبسووووط من أي حاجة حصلت لك وإن بدت سيئة للغاية

An Unforgettable Hour

لازم أسجل الساعة دي، بجد من أحلى الساعات اللي عدت عليا في حياتي الجامعية، الحمد لله ...

Call us the three musketeers, call us three sisters, call us whatever, they are all names to a single soul dwelling in three bodies .... No matter how FAR (Fido Mimi Roudy :D) apart our bodies might be, this soul will stay intact forever إن شاء الله

مش عارفة كل واحدة من دول تمثل أنهو واحدة فينا ؟؟؟

وطالما هي ساعة ما كانتش خاصة بي أنا بس، فما ينفعش خاااالص أحطها في البلوج التاني عشان انتم كمان لازم تشوفوها وتفتكروها

بجد احنا تحف متحركة (واخدة بالك يا رودي؟؟ متحركة !!! ههههه)

أجدع صحاب الحمد لله، قلبتوني 180 درجة بدون مبالغة

ربنا يخليكم ليا يا رب ويسعدنا مع بعض في أي حاجة وكل حاجة

رضوى، هي التورتة كلها شوكولاتة ؟؟؟

رضوى، هي طنط ممكن تقول عليا إيه لو روحتلكم ؟؟؟

رضوى، إيه دة، انت رايحة تجيبيلي التورتة ؟؟؟

رضوى، أنا عاوزة أكل نصف تروتة لوحدي من يوم الdish party، حاسة إني عاوزة أنتقم ....

ههههههههه، كل أما هتاكلي تورتة، هتفتكريني

وعلى فكرة يا ميمي، إن شاء الله يجيبوها معاهم والموضوع يكمل للآخر (بلاش موضوع سنة ونصف دة الله يخليك :) )، بس لازم تكون بالشوكولاتة وإلا هرفض .... ههههههههه، كله متوقف على الشوكولاتة P: ....

بعدين الخرشوف مع اللحمة المفرومة عمل شغل جامد ... بجد طنط تلاقيها مزبهلة مننا ..... عسل أوي ما شاء الله "هو دة المشروع بتاعكم؟؟؟" هههههههههه

بعدين أنا تقاسمت معاكم حاجات لم أتقاسمها مع حد أبداً غير اخواتي (باقيلكم المستيكة بس، ههههههههه، هتقدروا ؟؟؟ واسعة دي على رأي ميمي ;) ) ......

Three beautiful roses

باقي بس يوم الفشار إن شاء الله عشان الفيلم الهندي يكمل ..... هههههههه ...... ما تخافيش يا رودي، هنجيب معانا مايتنا D: وما تخافيش يا ميمي، في خضرة وماء وطبيعة خلابة، فكك من الحاجات التانية، ركزي في المهم ... (كلمة السر، يا ع---ة) .... ههههههههههه

الحمد لله الذي بنعمته تتم الصالحات

أحبك ربي، كم رزقتني بأكثر مما تمنيت وتخيلت !!!.... اللهم اجعل لنا في ما نحب نصيب واكتب لنا نحن الثلاثة ما نريد واجعل لنا الخير فيه (طماعة بقة في كرم ربنا، ومن لا يسأل الله، عذبه الله) ....

احذروووووه

Countdown: 29 .... :( :( :(

------------------------------

هنا كل الآيات اللي ذكرته ... اقرأوها بتمعن

إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوّاً إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ [فاطر : 6]

الذِينَ آمَنُواْ يُقَاتِلُونَ فِي سَبِيلِ اللّهِ وَالَّذِينَ كَفَرُواْ يُقَاتِلُونَ فِي سَبِيلِ الطَّاغُوتِ فَقَاتِلُواْ أَوْلِيَاء الشَّيْطَانِ إِنَّ كَيْدَ الشَّيْطَانِ كَانَ ضَعِيفاً [النساء : 76]

كيده ضعيفاً ولكن ........

وَقُل لِّعِبَادِي يَقُولُواْ الَّتِي هِيَ أَحْسَنُ إِنَّ الشَّيْطَانَ يَنزَغُ بَيْنَهُمْ إِنَّ الشَّيْطَانَ كَانَ لِلإِنْسَانِ عَدُوّاً مُّبِيناً [الإسراء : 53]

وَإِمَّا يَنزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللّهِ إِنَّهُ سَمِيعٌ عَلِيمٌ [الأعراف : 200]

يَا أَيُّهَا النَّاسُ كُلُواْ مِمَّا فِي الأَرْضِ حَلاَلاً طَيِّباً وَلاَ تَتَّبِعُواْ خُطُوَاتِ الشَّيْطَانِ إِنَّهُ لَكُمْ عَدُوٌّ مُّبِينٌ...إنما يأمركم بالسوء والفحشاء وأن تقولو على الله مالا تعلمون[البقرة : 168]

يَا أَيُّهَا الَّذِينَ آمَنُواْ ادْخُلُواْ فِي السِّلْمِ كَآفَّةً وَلاَ تَتَّبِعُواْ خُطُوَاتِ الشَّيْطَانِ إِنَّهُ لَكُمْ عَدُوٌّ مُّبِينٌ [البقرة : 208]

وَمِنَ الأَنْعَامِ حَمُولَةً وَفَرْشاً كُلُواْ مِمَّا رَزَقَكُمُ اللّهُ وَلاَ تَتَّبِعُواْ خُطُوَاتِ الشَّيْطَانِ إِنَّهُ لَكُمْ عَدُوٌّ مُّبِينٌ [الأنعام : 142]

الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاء وَاللّهُ يَعِدُكُم مَّغْفِرَةً مِّنْهُ وَفَضْلاً وَاللّهُ وَاسِعٌ عَلِيمٌ [البقرة : 268]

إنَّمَا ذَلِكُمُ الشَّيْطَانُ يُخَوِّفُ أَوْلِيَاءهُ فَلاَ تَخَافُوهُمْ وَخَافُونِ إِن كُنتُم مُّؤْمِنِينَ [آل عمران : 175]

الَّذِينَ يُنفِقُونَ أَمْوَالَهُمْ رِئَـاء النَّاسِ وَلاَ يُؤْمِنُونَ بِاللّهِ وَلاَ بِالْيَوْمِ الآخِرِ وَمَن يَكُنِ الشَّيْطَانُ لَهُ قَرِيناً فَسَاء قِرِيناً [النساء : 38]

وَلأُضِلَّنَّهُمْ وَلأُمَنِّيَنَّهُمْ وَلآمُرَنَّهُمْ فَلَيُبَتِّكُنَّ آذَانَ الأَنْعَامِ وَلآمُرَنَّهُمْ فَلَيُغَيِّرُنَّ خَلْقَ اللّهِ وَمَن يَتَّخِذِ الشَّيْطَانَ وَلِيّاً مِّن دُونِ اللّهِ فَقَدْ خَسِرَ خُسْرَاناً مُّبِيناً.يعدهم ويمنيهم وما يعدهم الشيطان إلا غرورا.أولئك مأواهم جهنم ولا يجدون عنها محيصا [النساء : 119]

يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ [المائدة : 90]

يَا بَنِي آدَمَ لاَ يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُم مِّنَ الْجَنَّةِ يَنزِعُ عَنْهُمَا لِبَاسَهُمَا لِيُرِيَهُمَا سَوْءَاتِهِمَا إِنَّهُ يَرَاكُمْ هُوَ وَقَبِيلُهُ مِنْ حَيْثُ لاَ تَرَوْنَهُمْ إِنَّا جَعَلْنَا الشَّيَاطِينَ أَوْلِيَاء لِلَّذِينَ لاَ يُؤْمِنُونَ [الأعراف : 27]

وَإِذْ زَيَّنَ لَهُمُ الشَّيْطَانُ أَعْمَالَهُمْ وَقَالَ لاَ غَالِبَ لَكُمُ الْيَوْمَ مِنَ النَّاسِ وَإِنِّي جَارٌ لَّكُمْ فَلَمَّا تَرَاءتِ الْفِئَتَانِ نَكَصَ عَلَى عَقِبَيْهِ وَقَالَ إِنِّي بَرِيءٌ مِّنكُمْ إِنِّي أَرَى مَا لاَ تَرَوْنَ إِنِّيَ أَخَافُ اللّهَ وَاللّهُ شَدِيدُ الْعِقَابِ [الأنفال : 48]

وَقَالَ الشَّيْطَانُ لَمَّا قُضِيَ الأَمْرُ إِنَّ اللّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ وَمَا كَانَ لِيَ عَلَيْكُم مِّن سُلْطَانٍ إِلاَّ أَن دَعَوْتُكُمْ فَاسْتَجَبْتُمْ لِي فَلاَ تَلُومُونِي وَلُومُواْ أَنفُسَكُم مَّا أَنَاْ بِمُصْرِخِكُمْ وَمَا أَنتُمْ بِمُصْرِخِيَّ إِنِّي كَفَرْتُ بِمَا أَشْرَكْتُمُونِ مِن قَبْلُ إِنَّ الظَّالِمِينَ لَهُمْ عَذَابٌ أَلِيمٌ [إبراهيم : 22]

وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ وَأَجْلِبْ عَلَيْهِم بِخَيْلِكَ وَرَجِلِكَ وَشَارِكْهُمْ فِي الأَمْوَالِ وَالأَوْلادِ وَعِدْهُمْ وَمَا يَعِدُهُمُ الشَّيْطَانُ إِلاَّ غُرُوراً [الإسراء : 64

يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاء وَالْمُنكَرِ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَا مِنكُم مِّنْ أَحَدٍ أَبَداً وَلَكِنَّ اللَّهَ يُزَكِّي مَن يَشَاءُ وَاللَّهُ سَمِيعٌ عَلِيمٌ [النور : 21]

أَلَمْ أَعْهَدْ إِلَيْكُمْ يَا بَنِي آدَمَ أَن لَّا تَعْبُدُوا الشَّيْطَانَ إِنَّهُ لَكُمْ عَدُوٌّ مُّبِينٌ [يس : 60]

وَلَا يَصُدَّنَّكُمُ الشَّيْطَانُ إِنَّهُ لَكُمْ عَدُوٌّ مُّبِينٌ [الزخرف : 62]

إِنَّمَا النَّجْوَى مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئاً إِلَّا بِإِذْنِ اللَّهِ وَعَلَى اللَّهِ فَلْيَتَوَكَّلِ الْمُؤْمِنُونَ [المجادلة : 10]

اسْتَحْوَذَ عَلَيْهِمُ الشَّيْطَانُ فَأَنسَاهُمْ ذِكْرَ اللَّهِ أُوْلَئِكَ حِزْبُ الشَّيْطَانِ أَلَا إِنَّ حِزْبَ الشَّيْطَانِ هُمُ الْخَاسِرُونَ [المجادلة : 19]

كَمَثَلِ الشَّيْطَانِ إِذْ قَالَ لِلْإِنسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِّنكَ إِنِّي أَخَافُ اللَّهَ رَبَّ الْعَالَمِينَ [الحشر : 16]

Got a Problem? Try Writing About It

Wow !! So for all these years, I have been doing something which they proved is effective :) الحمد لله

From : 2knowmyself.com Mr.Farouk Radwan's website but an article written by one of his friends....

What’s on your mind at the moment?

Perhaps there’s something you’re worrying about, or struggling with:

1) You’re facing a difficult decision, like what subject to study or what career path to choose

2) You have a persistent problem – like procrastination – which you just can’t seem to conquer

3) You feel trapped in a particular situation in your life – maybe a relationship or a job

You might be waiting for the answer to come along. You might have spent hours thinking about this issue, or talking about it with loved ones. But all the thinking and talking just seems to make you feel worse – dwelling on the problem isn’t helping, but you can’t put it out of your mind.
Have you tried writing about it?

Probably not – but writing is one of the most effective problem-solving tools that you have. It’s free (unlike therapy or coaching), you can do it on your own (unlike talking to someone) and it lets you make real, tangible process (unlike thinking or worrying constantly).

In the book 59 Seconds: Think a Little, Change a Lot, Professor Richard Wiseman writes:

In several studies, participants who have experienced a traumatic event have been encouraged to spend just a few minutes each day writing a diary-type account of their deepest thoughts and feelings about it. … The results revealed that participants experienced a remarkable boost in their psychological and physical well-being, including a reduction in health problems and an increase in self-esteem and happiness.

Writing is effective because:

1) The act of writing means that you have to start imposing order on your thoughts

2) Seeing your worries on the page helps you to distance yourself from them

3) Working something through in writing gives you a document which you can return to if you find the same problems cropping up in the future

So how do you go about effectively working on your problems, in writing? There’s no one “right” method but you might want to try some of these:

#1: Write for ten minutes without stopping

Get a pen and notebook, or open up a blank document, and set a timer going. Now write for ten minutes, as fast as you can. Get all your thoughts down – however silly or irrelevant they might seem.

This is called “free-writing” and it’s a great way to access your subconscious and reach for that inner, deep knowledge which will help you come up with creative ways to solve your problems.

You can write in whatever way you like: you don’t need to produce full sentences. You might find that this kind of writing turns out looking like a journal excerpt.

#2: Make a list of ideas

Write your problem at the top of the page, and then list the numbers 1 – 20. Come up with as many ideas as you can to solve the problem. Don’t censor yourself: silly ideas are fine! You can always discount them later.

Like the first method, this helps you come up with creative ideas. It’s a very quick way to write, if you don’t really like expressing yourself in words.

#3: Create a Mindmap

Mindmapping helps you generate ideas and spot links between them. Start off by writing your problem in the middle of a plain sheet of paper. (There are also software tools you can use for mindmapping.)

Now write down any ideas which come to you, anywhere on the paper. You can connect them to the central problem, or connect them to one another, with lines or arrows. If it helps, you can use colors or little doodles to help you express your thoughts.

#4: Answer Questions

If you’re not sure where to begin – maybe you seem to “dry up” when you try the above methods – then use this list of questions as a starting point:

“What’s the problem, in one sentence?”
(Just defining your problem is an important step – often we don’t even get that far.)

“What have you tried already to solve it?”

“What else could you try?”

“Why haven’t you tried that yet?”

“Who could help you?”

You can mix and match the different methods. What’s important is that you start getting those thoughts onto paper – because otherwise you’ll just keep going over and over the same worries in your head.
What are you struggling with right now? Can you find just ten minutes today to write about it?

وجدتُها

مش عارفة ليه أنا بكتب الكلام دة، هكتبه وخلاص

أحياناً الواحد يعيش ست سبع سنين مع ناس ويعاشرهم، وبردو ما يرتاحلهمش مع إنهم كويسين أوي، آه مبسوط إنه معاهم بس بيفكر ألف مرة قبل ما يقول كلمة قدامهم ... عادي يعني

وأحياناَ يقعد فترة عارف حد من بعيد كدة وفجأة يلاقي نفسه بعد فترة قصيرة بيكب كل اللي جواه قدامه، كإنه حنفية واتفتحت .... كإنك ندمان إنك ما عرفتهوش قبل كدة ... عاوز تقول له كل حاجة مرت عليك في حياتك في أقصر وقت ممكن .... عاوز تشاركه كل ألم عدا عليك مع إن الألام دي راحت من زمان بس لأ، بتعيد اسطوانة حياتك قدامه عشان تقول له"كنت فين؟" .... وتلاقيك بردو بتعيد الأفراح اللي حصلت فيها، كإنك بتتمنى إنه كان معاك في الأفراح دي وتحس إن أفراحك اللي فاتت كلها كانت ولا حاجة عشان هو ما كانش فيها

أول مرة أحس إن مش شرط الواحد يعاشر حد بقة ويقعد معاه ست سبع سنين (زي ما الناس عمالة تقول) عشان يرتاح له ويثق فيه ... سبحان الله، الكلام دة الرسول صلى الله عليه وسلم قاله في الحديث

روى الإمام البخاري رحمه الله في صحيحه معلقا مجزوما به عَنْ عَائِشَةَ رَضِيَ اللَّهُ عَنْهَا قَالَتْ سَمِعْتُ النَّبِيَّ صَلَّى اللَّهُ عَلَيْهِ وَسَلَّمَ يَقُولُ : " الأَرْوَاحُ جُنُودٌ مُجَنَّدَةٌ فَمَا تَعَارَفَ مِنْهَا ائْتَلَفَ وَمَا تَنَاكَرَ مِنْهَا اخْتَلَفَ ." صحيح البخاري

وهما اتنين تلاتة بالكتيــــــــر أوي اللي الواحد هيقابلهم في حياته ويلاقي نفسه بتتكلم معاهم كدة تلقائي وعادي جدا ومن غير ما تحاول تخبي ولا تخاف وكل ما تمنع نفسها وتقول "هسكت بعد الكلمة دي" تلاقي نفسها بتقول كلام أكتر، وتقول "خلاص خلاص، بس الكلمة دي" بس الكلام مش بيخلص إلا لو هما قالوا خلاص

تحس بمعنى Maybe Allah wants us to meet a few wrong people so that when we meet the right one, we feel how merciful he is and find our selves grateful ... أصلك لوعلى طول قابلت الناس دي قبل ما تتعرض لمطبات البشر، مش هتحس بنعمتهم أوي، لكن لما تشوف وتلاقي أشكال وأنواع وكل مرة تقول "هما دول" بس تكتشف "لا هما دول ولا حاجة" وتحس إنك طول السكة بجد مستنيهم، مش عارف هما مين ولا هيجوا إمتى، ولما يجوا فجأة تلاقي نفسك بتقول "ياااااه!! عشان كدة حصل كذا كذا" وتفهم ترتيب الله وأسباب كتيرة كانت غايبة عنك وكنت حاسس في ساعتها إنها إبتلاء أو شر بس دلوقت توقن إنها كانت أحلى منحة ممكن تحصل لك .... حسبت إنك لما سيبت غيرهم أو غيرهم هما اللي سابوك (مش فارقة والله، المهم سيبتوا بعض وخلاص) كان لسبب عابر زي باقية الأسباب، ما كنتش حاطط في بالك (أو كنت حاطط بس قعدت تطرد الفكرة دي) إن ربنا عاوزلك حاجة أحسن، بس كان بيوريك الناس عاملة إزاي وممكن كنت تقابل إيه .... وفجأة يجوا، ويتوقف الزمان عندهم، وتبص لورا وتقول "ما ممكن يكونوا زي اللي فاتوا" بس صوت قوي أوي جواك يقول "لا، صدقني دول غير، أنا حاسس إني طول عمري مستنيهم هما، يا رب هما؟؟!!" ....

بالأمس أدركت فقط أنني "وجدتها" وربما "وجدتهم" ولكن من يدري ماذا يخبئ لنا الغد ؟؟ لعله خير .... الحمد لله :)

أرجو ألا يتركوا يدي أبداً

والله وعملتها !!! ء

Countdown: 33 .... :( :( :(

------------------------------

اللهم دبرلي أمري فإني لا أحسن التدبير

اللهم خير لي فاختار لي فإني لا أحسن الاختيار

اللهم اكفني بحلالك عن حرامك واغنني بفضلك عمن سواك

هو ما ينفعش حد يرتبلي حياتي كدة ويقول لي أعمل إيه ؟؟؟ مع إني طول عمري عارفة إن الواحد لما يتغصب على حاجة مش بيعملها حلو، مش زي لما تكون الحاجة بإرادة الواحد .... بس بردو، مالها أيام الكلية ؟؟ القرارات اللي الواحد كان بياخدها كانت محدودة جدا (أسلم late ولا ما أسلمش خالص ولا أسلم في الوقت ؟؟؟ أنام ولا أكمل ؟؟؟ حاجات بسيطة كدة) ... دلوقت الواحد عنده قرارات مصيرية، حياته كلها هتكون مبنية عليها :( ... حاسة إني مش عارفة أعمل حاجة ولا أختار إيه ... طول عمري نفسي أتخرج وأخلص كلية والنهاردة بس نفسي أرجع لها تاني أوي أوي ... إيه اللي خلاني أسيبها بس :( ؟؟؟ لا حول ولا قوة إلا بالله .... يا رب ساعدني، ماليش غيرك ولا حد هيساعدني ولا يقف جنبي غيرك والله :( :( :( .... لا إله إلا أنت سبحانك إني كنت من الظالمين ...

--------------------------------------

احتمال أوي تكون دي آخر يوميات ليا على البلوج لأسباب ما ... أنا ممكن أكتب خواطر، مواضيع مهمة، حاجات مفيدة بس خلاص، ما أتوقعش هحكي هنا حاجة تاني إن شاء الله

من كام ساعة، حققت أمنية من أمانية اللي كنت حطاها الترم التاني السنة دي ... الحمد لله، مش شرط أحلام الواحد كلها تكون ليها علاقة بالدراسة والشغل والارتباط ... فيه أحلام تانية بسيطة (تطبيقها ما كانش بسيط صراحة D:)، بس قصدي حاجات ممكن ما تاخدش أكتر من يوم ومن غير تعقيدات وناس يكون ليها دور في قرارك وناس شايفة إنها عارفة مصلحتك وتعمل الناصحة الأمينة وهي أصلا مش فاهمة أي حاجة عن العلاقات الإنسانية، بس أهو فرض سيطرة وحب تحكم وبس!!!!... ما علينا، مش دة موضوعي دلوقت :( ... المهم بقة، أنا أغلب أحلامي وأهدافي مالهاش علاقة لا بالعلم ولا بالشغل (ممكن عشان كدة مش نافعة في الاتنين ؟؟؟ ههههه) .... بس حاجات ممتعة، بتمتعني أنا شخصياً، ودي أهم حاجة في الحياة ... احنا ما اتخلقناش عشان نعمل اللي كل الناس بتعمله ونمشي ورا كلام الناس وورا الروتين الممل والناس عاوزاك تبقى إيه وبس ...

المهم بقة، يوم من الأيام (كان ليلة تسليم مشروع من المشاريع كالعادة، حيث ظهور الإبداعات عندي بيتم في هذه اللحظات الحرجة سواء كتابة قصص ولا أفكار)، فجأة لاقيتني بقول "إيه رأيك تروحي الكلية مشي من البيت؟؟؟ ههههه، آه والله، ولاقيتني رحبت بالفكرة أوي أوي وببص في الجدول أشوف إيه أنسب يوم .. لاقيت الأيام كلها يا إما بتبدأ 8 ونصف يا إما 10 إلا ربع وأكيد أصلا هوصل مهدودة وهلاقي نفسي رجعت تاني (أكيد مش مشي، غالبا على حمالة أو في عربية اسعاف D: ) ... زعلت كدة، بعدين قلت لا، مش شرط أيام الدراسة، ممكن في الصيف !! نعـــــــم ؟؟ لا ، الصيف هيبقى حر أوي أوي كمان أنا أصلا عارفة ظروفي هتبقى إيه بكرة :( عشان أأجله للصيف ؟؟ بعدين أنا عارفة نفسي، لما أسوف حاجة، غالبا مش بعملها خاااااالص وأنا خلاص الفكرة دخلت في دماغي فأكيد مش هقدر أطلعها ... لاقيت ضربات قلبي بتزيد ولاقيتني مبسوطة أوي كإن حد جابلي هدية (والله) وقررت إني إن شاء الله قبل ما أتخرج، هعمل الحركة دي ... كنت ناوية أعمل كدة الأسبوع اللي قبل الامتحانات بس خفت تحصل لي إصابات خطيرة (ههههه) ولا حاجة وبدل ما أروح اللجنة، أروح المستشفى، فقلت بلاش ... أنسب يوم بقة، كان النهاردة لإننا إن شاء الله نوينا (أهم حاجة النية) نبدأ شغل للمشروع من بكرة ونرتاح النهاردة (دانا ارتحت راحة!!! P:) ....

حاسين يعني إيه تاخد البحر كله مشي من اسكندر ابراهيم (ميامي) لحد الشاطبي ؟؟؟ دانا في الأيام العادية لو السكة فاضية والسواق مجنون وطاير على البحر، بناخدها في نصف ساعة تقريبا !!! وفي الأيام بتاعت (يا رب السكة تسلك :) )، كنت أحيانا بقعد فوق الساعة ونصف !! دي وهي عربية !! مش عارفة أنا حسيت إن الموضوع بسيط وقلت لنفسي بطلي تهويل الموضوع وكتبته عندي عشان اتعلمت إني أكتب أي حاجة عاوزة أحققها بفضل الله (دانا كاتبة حتة دين حاجات D:، يا رب كلها تتحقق) ....

المهم بقة، كان نفسي أبدأ من بعد العصر بحيث الشمس تكون راحت والجو يكون حلو بس خفت ما ألحقش والدنيا تظلم عليا وأنا بخاف من أشكال الناس اللي بتتمشى على البحر في الظلمة ومعاكسات وربنا يحمينا، البحر الصبح بيبقى فاضيييييي ... قلت أنسب حاجة بعد الشروق، كمان على الأقل المناظر العجيبة اللي بنشوفها بتكون نايمة الصبح ربنا يهديهم ويحمينا ... أنا السنة اللي فاتت أيام الميد ترم (ميد ترم ال algorithms بالتحديد)، السكة كانت واقفة خااااالص على البحر ولاقيت كل الطلبة نازلين من المشاريع قرروا يروحوا مشي !!! احنا كنا لسة في سيدي بشر وواحد معايا في المشروع سمعته اتصل بواحد صاحبه وقال له إن كمان أبو قير والترام وكل الطرق واقفة عشان الدنيا كانت مطرت جامد أوي ومش عارف إيه .. امم، يعني خطة أبو قير فشلت ... أنا كنت جايبة معايا اللاب توب (يا جمالي، يعني كل يوم ما كنتش بجيبه وآجي على اليوم دة وأقرر أجيبه؟؟؟!!!) ... المهم، عدد الناس اللي بتنزل من المشاريع وتمشي على البحر قاعد بيزيد وولاد بتجري ( :( ) ومش عارف إيه، أخدت القرار الجرئ قبل لوران بفترة ونزلت أمشي ... المهم بقة، قعدت أهرول عشان ما ينفعش أجري :( ، ووقت اللجنة عدى .. اتصلت بصحابي قالولي إن أصلا ما حدش من المعيدين جه ولا الناس جت، قالولي فيه اتنين تلاتة بس .. "بجد" ؟؟ "لا، مش اتنين تلاتة أوي، يعني 10 " (خليتهم يعدوا كام واحد موجود) ... كويس جدا .. كان ظهري خلاص بيودع عشان شايل 3 كيلو حديد ... ربنا يسامح اللاب توب واللي عمله فينا ال4 سنين دول :( ... قبل سيدي جابر بشوية السكة كانت سلكت فقررت أركب تاني .... وصلت الكلية زي القتيلة وعضلاتي كلها بترتعش ... طبعا دي لا تعتبر رياضة، أنا كدة بدمر العضلات، بس كان موعد اللجنة عدى والحاجة أم الاختراع (مش اختراع أوي يعني) ....

المهم بقة، أنا تهت وأنا أصلا المفروض كنت أتكلم عن اللي عملته النهاردة D: ، مش اللي حصل من سنة P: ... نظراً لإن بقالي كتير أوي مش بنام (أو حتى لو في فرصة أنام، بلاقي نفسي بقوم)، ونظرا لهدة امبارح، نمت تقريبا 10 ساعات (أول أول امبارح نمت 14 ساعة -كنت عيانة أوي وزعلانة وتعبانة ومتضايقة ومحبطة ومكتئبة (ما حدش عنده صفة كمان سيئة ؟؟ ههههه )- ) ، المهم، كان نفسي أنزل من البيت الساعة 6 الصبح بس أنا أصلا قمت 6 فعبل ما حطيت قرآن وأناشيد كتيرة أسمعهم في الرحلة (هههه) على الموبايل وعبل ما قرأت الإكتئاب اللي الناس كاتباه على الfacebook والوداع وكدة، نزلت 8 إلا ربع تقريبا .. بدأت رحلة الألف ميل (ولا أكتر؟؟؟) الساعة 8 بالظبط من عند نفق اسكندر ابراهيم (والله ما أعرف ليه بالذات اخترت دي نقطة انطلاقي، ما كنت ممكن أمشي من البيت ؟ بس قلت أركب لها بعدين أمشي منها) .... طبعا عشان الصيف بدأ والناس بتتفسح (آه والله بيتفسحوا ما شاء الله عادي يعني) لاقيت البحر فيه ناس بتعوم (أنا آخر مرة نزلت الماء كان من 3 سنين :( وما أتوقعش إني ممكن أنزل تاني ... ممكن في الجنة بقة إن شاء الله، أكيد بحر الجنة لا يقارن ببحور وشواطئ الدنيا مهما كانت) .. المهم، قعدت أتنفس هواء الحرية (بردو) وأفكر في كل حاجة ممكن واحد قرب يتخرج يفكر فيها وقعدت افضي عقلي من حاجات (أصلي سمعت في التنمية البشرية إنك كل ما تقاوم عقلك في التفكير في حاجة، الحاجة دي هتقعد ترجعلك، لكن لو خليته، هيفكر وخلاص، مش هيفكر فيها تاني إن شاء الله) ...

كان في ناس قليلة جدا بتتمشى بردو (أكيد ما كانتش حاطة الهدف المجنون بتاعي)، والشمس كانت ساطعة إلى حد ما بس الهواء كان جميل أوي ما شاء الله .. قرأت بردو إنك لما تكون غضبان، غير إنك تتوضى وتغير هيئتك (لو واقف، تقعد ولو قاعد تنام وكدة زي ما الحبيب أحمد بن عبدالله عليه أفضل الصلاة والسلام قال لنا)، ممكن أوي كمان تتمشى أو تجري وتطلع غضبك في الجري .. فأنا تخيلت نفسي بطلع كل غضبي المكبوت والحاجات اللي ما قدرتش أطلعها في المشي دة ولاقيتني برتاح ومستمتعة ... لما وصلت ستانلي، لاقيت نفسي تعبت فقلا أرتاح شوية .. اتفرجت على البحر الموج كان عالي جدا والبحر هايج أوي أوي (سبحان الله، النظر والتأمل في البحر عبادة زي ما أخبرنا الحبيب أحمد بن عبدالله عليه أفضل الصلاة وأتم التسليم) ....

كانت الساعة بقيت 9، ارتحت 10 دقايق تقريبا بعدين كملت .... لما وصلت سبورتنج، لاقيتني تعبت تاني، فارتحت شوية بردو وكملت .. المهم، أنا كل يوم بروح الكلية من كامب شيزار فلما وصلت كامب شيزار حسيت إني كدة عملت اللي كان نفسي أعمله، بس لا، في حاجة قالت لي أكمل لحد الشاطبي (كإن حدود مشوار الكلية من ميامي للشاطبي)، فقعدت أجر نفسي لحد الشاطبي ... الحمد لله وصلت في تمام الساعة العاشرة وثلث، يعني حلم اتحقق في ساعتين بالظبط ولله الحمد والمنة ... كان نفسي أول ما وصلت حد يشيلني كدة لحد البيت .... ههههههه، أعمل مغمى عليا عشان يجيبولي إسعاف ؟؟ المهم ركبت ورجعت البيت قلت أرتاح شوية قبل ما أنزل تاني عشان عندي مشوارين ضروريين قبل ما ندخل في جو المشروع والمعتقل بتاع ال 21 يوم الجايين دول ...

يا رب سهل لنا جميعاً المشروع والمناقشة والشغل والدراسات العليا والارتباط والأولاد والأحفاد (سرحت بعيد كدة ليه D: ؟؟؟) والحياة كلها بجميع جوانبها وأبعادها ونواحيها ... يا رب ادينا القوة إننا ناخد قرارات ونعرف نختار وسهل لنا الحياة ... أنا عارفة إن الحياة عمرها ما هتكون سهلة (أنا طول عمري بسمع في التنمية البشرية وكدة إن الحياة لازم تكون صعبة بس سبحان الله، من أسبوع تقريبا طلع واحد بتاع تنمية بشرية بردو اسمه فاروق (مش فاكرة اسم باباه صراحة) وقال إن دة غلط والحياة سهلة جدا لو أقنعنا نفسنا بكدة وعرفنا نتعامل معاها)، بس انت قادر يا رب تسهلها علينا وتدينا القوة :) ... اللهم أمدنا بقوة من عندك تغنينا بها عمن سواك ... آميـــــــن ....

كــــــــــــــــلام

Countdown: 33 .... :( :( :(

------------------------------

"There is no such thing as a weird human being. It's just that some people require more understanding than others." --- Tom Robbins

-------------------------------------------

Sometimes you do things which you don't want to do but you have to do them ... You find yourself in great pain and crying strongly while doing them (pathetic??) and asking for someone (unseen)'s forgiveness ... I am so sorry, it was one of them, I had no other choice; it's just for the mere good of everyone ... It was so PAINFUL but who said that all decisions are fun to take ?? :( It was not a life long decision, so if there's another way around to what I did, we certainly will find it and Allah will lead us to it no matter how many months/years from now it might be ...

------------------------------------------

"Takotsubo Cardiomyopathy" :( :( :( Wow!! It turned out to be real after all !!!

-----------------------------------

إيه المناهج الجبارة دي ؟؟ حسن ونعيمة، وAlice and Bob ؟؟ ربنا يسامحكم، بوظتوا لنا عقلنا !!! أنا مش فاهمة ليه يعني ما ينفعش حسن يكلم Bob ونعيمة تكلم Alice ؟؟؟ ولا هو زرع السم في العسل وبس ؟؟؟ واحنا مالنا أصلا إذا كانوا عاوزين يكلموا بعض ب confidentiality ولا integrity ؟؟؟ ههههه، واحدة من تعليقات البنات كانت "ما يخرجوا ولا يتنيلوا، هما ليه قارفيننا بالchat بتاعهم"؟؟؟ D: .... بعدين يوقفلك اللجنة كلها عشان يقول لك "خلي بالك، دة حسن اللي بيبعت لنعيمة، مش Alice and Bob زي ما انتم متعودين، عشان ما حدش يتلخبط" !!!! يا سلام ؟؟ زي ما احنا متعودين ؟؟؟ في ناس دمها شربات بس محتاج يتحط عليه كيلو سكر :)) ... ما علينا ...

----------------------------------------

مش عارفة ليه بحب أوي أدخل اللجنة متأخر على الأقل 5 دقائق ؟؟!! حاجة في دمي من إعدادي هندسة، حتى لو كنت في الكلية قبل ما اللجنة تبدأ، أقعد برة أتمشى شوية لحد ما وقت اللجنة يعدي بعدين أدخل :) (يا برودي) ... مع إن مواعيدي الحمد لله دائما مظبوطة لما أتواعد مع حد ولا آجي لمحاضرة أو سيكشن، بس مش عارفة اشمعنا الامتحانات بعمل معاها كدة ؟؟؟

Generally, I believe that "arriving an hour early is better than arriving a minute late"

كمان مش بحب أبداً أكلم حد قبل اللجنة ولا بعدها، ما حبش حد يشوفني قبلها ويقعد يكلمني ولا يمسكني بعدها، فبطيـــــر أول ما أخلص، لكن اضطريت أقعد آخر يوم ... مش اضطريت يعني، دة كان اختياري، آخر يوم لينا في الكلية مع بعض .. ما فيش أي حاجة هتجمعنا كلنا تاني خلاص أبداً

--------------------------------------

واحدة صاحبتي يوم مناقشة مشروع التخرج بتاعها هو يوم فرحها !!!!!!! مش عارفة ما شاء الله هتعمل إيه ؟؟؟ ربنا يسعدها يا رب وعقبال كل اللي عاوزين (جواز مش مناقشة، ههههههه)

---------------------------------------

الحمد لله الذي هدانا لهذا وما كنا لنهتدي لولا أن هدانا الله

--------------------------------------

فعلا ربنا أحن وأرحم من الأب والأم ... الحمد لله :)

---------------------------------------

ارحموني بقة، مش كل شوية واحد يبعت مايل على الجروب فيه وداع وكلام يبكي ... كفاية، مش عاوزة أعيط :( .... أول مرة أحس إني فعلا مسامحة كل الناس اللي أذيتني ... يللا، الفراق بيعلمنا التسامح بردو :) كل حاجة بفائدة

--------------------------------------

سبحان الله، حدث واحد في السنة ممكن يخلي الواحد يقول إنها كانت سنة جميلة أو يقول إنها كانت سنة وحشة ... السنة دي كانت ممتعة إلى حد كبيــــر الحمد لله، حصل فيها كذا حدث جميل، ربنا يسعد الجميع يا رب ومن فرحة لفرحة أكبر

--------------------------------------

ربنا يسامحكم، لبستوني تي شيرت تخرج أبيض :( !!! ماله الأسود وعليه لوجو كحلي ؟؟؟ هههههه :) ، ما حدش يسألني طب إزاي أصلا اللوجو هيبان عليه !! ما أعرفش، بس صدقوني الأسود في اللبس قمة في الجمال !! بعشقه !! آدي التي شيرت وعليه كل الكلام اللي يسد النفس :)) بس CSD '11 منورة في النصف والله :)

فرقت إيه امبارح عن النهاردة ؟؟ يعني ممكن في يوم وليلة الواحد يبقى حاجة تانية ؟؟؟ سبحان الله، امبارح الواحد كان طالب مثلا والنهاردة بقة مهندس ؟؟ مش حاسة بفرق |: ... ممكن لما السنة الجديدة تبدأ وألاقي نفسي مش بروح الكلية كل يوم ساعتها هحس ؟؟ وهل دة يعني إني كبرت فعلا ولا دي مجرد مسميات ؟؟ حاسة إني لسة فدوى الطالبة الجامعية .... (شاعرة حاسوبية على رأي بابا :) ، أنا موافقة على أول صفة لكن التاني دة أشك فيه :) ) ....

----------------------------------------

امبارح كان يوم جميل الحمد لله ... الامتحان قعدت أكتب فيه كل الساعتين بدون توقف (ما فرصة بقة الورق قدامك، اكتب براحتك، مش زي المواد اللي فاتت الواحد ما كانش عارف يكتب إيه :) )... وواحد طالع من اللجنة يقول "دة أسوأ امتحان أحل فيه" !! ما شاء الله عليك، ما هما العباقرة كدة، الحاجات الخفيفة بيحلوا فيها وحش والجامد تلاقيهم طالعين مبسوطين منه ... يا رب يزيدهم من نعيمه ... أنا اللي على قدي ...

كان في اقتراح عجيب إن الدفعة كلها تخرج مع بعض !! هههههه، تحفة والله كدة 47 ولد و33 بنت يخرجوا سوا !! منظر إسلامي بحت بس الحمد لله في باش مهندس قال اللي كان نفسنا نقوله والإقتراح العجيب باظ :) .... بعدين لما طلعنا من اللجنة، وقفنا تقريبا ساعة حداد (آه والله، حداااااد)، ما بنعملش حاجة تقريبا غير زهقانين وبنتكلم ... أكيد الدح مأثر علينا ومش مخلينا حتى عارفين نتبسط آخر يوم .... هههههههه ... بعدين بحرية ومدني بقة بدأوا فعاليات التخرج (صواريخ وبمب وحاجات بتطلع قلوب ملونة :) وبتلمع في الجو) وكلنا روحنا نتفرج وللحظة، اتمنينا إننا كنا مدني (هههه) بس بعدين لاقينا مناظر ربنا يعافينا، بنات بتجري ورا ولاد (آه والله) وبيرشوا على بعض snow spray وبيضربوا بعض !!!!!! فحسيت إني في المجمع النظري ونفدنا بجلدنا وحمدنا ربنا على قسمنا المحترم الجميل :) ...

كلنا كنا تعبانين جدا عشان مش نايمين (كالعادة يعني) والشمس جميلة بالذات مع اللون الأسود (بردو بحبه :) ) ... بعد شوية بقة لقينا بقية بنات الدفعة بيتصوروا في ظهر مبنى الإدارة .. أنا ما اتصورتش معاهم ولا صورة صراحة .. أولا مش بحب الصور، ثانيا يا إما يكون في ولاد في الصورة يا إما معيد (اتصوروا مع م-عمرو مجدي وم-أحمد عصام)، وما ينفعش أطلع في صورة معاهم ....

صراحة كان في صورة واحدة بس بنات بس لكن اللي بيصورها كان ولد طبعاً فتخيلت نفسي ببصله وببتسم له فجسمي قشعر ورفضنا نتصور ... بعد شوية، حبة مننا اتلموا على بعض (الباقي فضل المرواح والنوم)، أنا كنت عاوزة أروح بس قعدنا كلنا نتحايل على بعض ونشجع بعض، لحد ما الحمد لله خرجنا- كنا تسعة....

روحنا اتغدينا في مطعم واتصورنا (أعمل إيه بس ؟؟ :) ) بعدين اتمشينا على البحر واستنشقنا "نسيم الحرية" وأكلنا أيس كريم الحرية ... هههههه، دة مش محل، بس هما بيقولوا طعمه غير لو كانوا أكلوه قبلها بيوم، ههههه ... بعدين انهارت جميع قوانا فقررنا نروح إلى حيث المنزل ...

دي حبة إبداعات ...

دة من تصميمي ... طول عمري كان دة توقيعي بما إن بابا واخواتي وأخويا بحرف ال A (وماديلياتي بردو A)... وكمان ميمي بحرف ال A فزاد تعلقي بالحرف دة :) .... ولما لقيته ممكن يلزق في ال F من غير ما شكلهم يبوظ، حبيته أكتر ....

دة من تصميم ميمي

كنت عاوزة أكمل إسمي، بس واحدة اتنرفزت (هههههه) وشوهتلي الطبق، بس تصدقوا شكله حلو ؟؟؟ فدوى محاطة بعوائق -كالعادة- والأمل مستنيها برة (شكله هيستنى كتيــــر :)) ... بس الراجل جاب الأكل فمالحقتيش أكمل HopefulHopes وظل Hope كما هو، وفي الآخر ال Hope اتاكل زي ما كل حاجة حلوة في الدنيا بتختفي وتروح (إيه التفاؤل اللي أنا فيه دة ؟؟؟) ، الحمد لله

مش عارفة أقول إيه تاني ... شكرا هندسة، خليتيني أعرف ناس عملوا فرق كبير في حياتي، عمري ما كنت أتخيل إن الدنيا فيها ناس جميلة كدة ما شاء الله ... حتى الناس اللي زعلوني اتعلمت منهم حاجات ياما ....

الحمــــــــــــــد للــــــــــه

يا رب اشفيه :((((

الشيخ الدكتور حازم شومان، أنا بعشق محاضراته وكلامه وأسلوب إلقاؤه ما شاء الله عليه ... ما حدش في الدنيا بيؤثر فيا زيه :(( ... مرة كنت راكبة مشروع والسواق (لدهشتي) ما كانش مشغل حاجة تخرم لك ودانك وتكإبك أكتر ما انت أصلا مكتئب وكلام بايخ مالهوش لازمة ولا ليه أي معنى، (مع إنه ما كانش ملتحي مثلا ولا حاجة سبحان الله)، كان مشغل محاضرة للدكتور حازم (من 3 سنوات تقريبا) وكانت أول مرة في حياتي أسمعه .... صعب أوي أنسى اليوم دة ... كان بيتكلم عن الموت والكفن :( .... لاقيت نفسي بعيط في المشروع جامد أوي، نفسي أقوله ينزلني عشان أبطل عياط وما حدش يتفرج عليا ونفسي أفضل قاعدة أكمل كلامه للآخر ... الحمد لله كملت كلامه وكملت عياط ومن ساعتها وأنا بدور على كل محاضراته وبحاول أسمعها قد ما أقدر وحطيت له كذا فيديو صغير على المدونة قبل كدة تحت "وقفات" ....

يا رب اشفيه وعافيه وارفع عنه .. اللهم يا رب الناس ، يا مذهب البأس، يا شافي يا معافي، يا من لا شفاء إلا شفاؤك، اللهم اشفه شفاء لا يغادر سقما .... لا حول ولا قوة إلا بالله :( :( :(

ما أفتكرش إني عيطت على مرض حد كإنه حد من أهلي فعلا إلا هو :( ... بجد مش قادرة أمسك نفسي :( ... ربنا يكرمه ويسعده ويرفع عنه، كان ليه الفضل الكبير بعد الله في حاجات كتيرة في حياتي اتخلصت منها أو بحاول أتخلص منها وبفشل فبرجع أسمعله محاضرة تاني وأقوى من جديد ... أقوى محاضرات بتهزني وأكتر كلام يرجني ويفوقني هو كلامه ... حماس غير عادي ما شاء الله وطريقة رهيبة في الترهيب لا قوة إلا بالله

شكله وهو نايم على السرير كدة وجعلي قلبي :( :( :( ... يا رب ارفع عنه ورجعه أقوى مما كان

لا حول ولا قوة إلا بالله

وعسى الله لا يفرقنا

Countdown: 36 .... :( :( :(

يا رب هونها علي، ما لي سواك

--------------------------------------

:قال تعالى في سورة الزخرف

"الأَخِلاَّءُ يَوْمَئِذٍ بَعْضُهُمْ لِبَعْضٍ عَدُوٌّ إِلاَّ الْمُتَّقِينَ

يَا عِبَادِ لا خَوْفٌ عَلَيْكُمُ الْيَوْمَ وَلا أَنتُمْ تَحْزَنُونَ

الَّذِينَ آمَنُوا بِآيَاتِنَا وَكَانُوا مُسْلِمِينَ

ادْخُلُوا الْجَنَّةَ أَنتُمْ وَأَزْوَاجُكُمْ تُحْبَرُونَ"

تفسير ابن كثيـــر/

قوله تعالى: ( الأخِلاءُ يَوْمَئِذٍ بَعْضُهُمْ لِبَعْضٍ عَدُوٌّ إِلا الْمُتَّقِينَ ) أي: كل صداقة وصحابة لغير الله فإنها تنقلب يوم القيامة عداوة إلا ما كان لله، عز وجل :) ، فإنه دائم بدوامه

----------------------------------------

To My Gurlieees :D

تالله أحبكن في الله ولله وبالله

أحبابُنا ما أجمل الدنيا بكُم ** لا تقبحُ الدنيا وفيها أنتُمُ

بما إن السنة العظيمة أوشكت على الانتهاء، دة إهداء خاص جدا إلى أصدقاء

"هادووووب دووووب" ( أنا دوبت خلاص P: )

بسومة، ميمي، رودي، زوزو، دودو وأكيــــــد أكيـــــــــــد يعني فيدو D:

أحبكن جميعاً حبيباتي :* :* :*

"instead of Buffers :D"

اختلفنا واتفقنا كتيـــــــــــــر ( مش كتير أوي يعني P: )....

وياما الهم وحدنا (ياااااااماااااااا :( )، وياما الفرحة عمتنا

بغض النظر عن اللهجة الخليجية (لو حد عاوز ترجمة، أنا في الخدمة :) )، الكلمات جميــــلة والنشيــــد دة ليه ذكريات حلوة معانا

يللا يا بنتيت، اعملوا like بقة D:

I love his reply :)

Countdown: 38 .... :( :( :(

-----------------------------

روى البخاري عن ابن عباس أن رسول الله صلى الله عليه وسلم قال: "اتَّقِ دَعْوَةَ الْمَظْلُومِ ، فَإِنَّهَا لَيْسَ بَيْنَهَا وَبَيْنَ اللَّهِ حِجَابٌ" .... حسبي الله ونعم الوكيــــــــل ... اللهم أرني فيها ثأري

----------------------------------------

الم ﴿١﴾ أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ ﴿٢﴾ وَلَقَدْ فَتَنَّا الَّذِينَ مِن قَبْلِهِمْ ۖ فَلَيَعْلَمَنَّ اللَّـهُ الَّذِينَ صَدَقُوا وَلَيَعْلَمَنَّ الْكَاذِبِينَ ﴿٣﴾ أَمْ حَسِبَ الَّذِينَ يَعْمَلُونَ السَّيِّئَاتِ أَن يَسْبِقُونَا ۚ سَاءَ مَا يَحْكُمُونَ ﴿٤﴾ مَن كَانَ يَرْجُو لِقَاءَ اللَّـهِ فَإِنَّ أَجَلَ اللَّـهِ لَآتٍ ۚ وَهُوَ السَّمِيعُ الْعَلِيمُ ﴿٥﴾ وَمَن جَاهَدَ فَإِنَّمَا يُجَاهِدُ لِنَفْسِهِ ۚ إِنَّ اللَّـهَ لَغَنِيٌّ عَنِ الْعَالَمِينَ ﴿٦﴾ء

"فاصبر إن وعد الله حق ولا يستخفنك الذين لا يوقنون" سورة الروم

أكيد الشيخ يوسف إستس وهو وهي وكلهم اتعرضوا لحاجات أشد ... يا رب ثبتني، يا رب الجنة يا رب ...

أنا ما باقيتش عاوزة أي حاجة من الدنيا .... الدنيا ملعونة وملعون ما فيها إلا ذكر الله وما والاه أو عالماً أو متعلماً كما أخبرنا الحبيب المصطفى في سنن الترمذي

---------------------------------------

------------------------------------------------------------

Sheikh Yusuf Estes, a previous Christian preacher, a current Islamic preacher :)

سبحان الله العظيم، تحس صورته في الشمال كدة مش مريحة وفي اليمين وجهه بيشع نور ما شاء الله :)

ربنا يثبته يا رب :)

سبحان الله، حاجة بجد مخلياني مستغربة ومندهشة ومش لاقية لها تفسير منطقي (يا ريت اللي عنده تفسير منطقي يقوله) !!! كل اللي كانوا غير مسلمين زمان سواء أجانب ولا عرب ودخلوا في الإسلام، الرجالة بتلتحي أول ما تسلم والستات بتلبس النقاب !!! اشمعنا يعني ؟؟ هل عشان هما عارفين إن دة فرض والمفروض يعملوه فبيعملوه (واللي مولودين مسلمين مش قادرين مثلاً أو مكسلين ؟؟) ولا هما حبوا الإسلام أوي ودخل قلبهم لدرجة إنهم قرروا يطبقوه بحذافيره (يعني اللي مولودين مسلمين لسة الإسلام ما دخلش قلبهم أوي ؟؟!! ) ؟؟ مش عارفة فعلاً بس دي حاجة شدت انتباهي أوي أوي أوي ونفسي ألاقي لها تفسير .. ممكن لو سألت حد فيهم أعرف السبب ...

سبحان الله، {إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاء }[56 القصص]

I loOove his reply :) مقنع جداً

1:25 minutes only ... Amazing :) ما شاء الله