نفسي الساعة دي تتكرر تاني

الله !!! النهاردة كان يوم جميل أوي !!!ء

أولآ، الحمد لله، عرفت المشكلة في ال " هاف مان " بتاعي كانت فين، طلعت حاجة بسيطة أويييييييي والحمد لله اشتغل مضبووووط بعد عناء استمر طويلآ والناس كلها سلمته وسلمت اللي بعده بس أنا هقول ليه مش هاممني مين سلم ولا مين عمل إيه بس بعد شوية ...ء

ثانيآ، قطعت شوط كبير أوي وفي وقت صغير أوي في ال " سورتنج " اللي الناس بردو مسلماه من زمان بس أنا يهمني أنا عملت إيه، وعقبال ما أخلصه إن شاء الله ....ء

ثالثآ، ودي أهم حاجة، قدرت أتغلب على نفسي في حاجة روعة أوي ما كنتش أتخيل إنني أقدر أعملها ولله الحمد ... وزي ما أنا دايمآ بفكر نفسي: أنا الميزة اللي ربنا وهبهاني إني بعلم نفسي بنفسي وببني نفسي بنفسي ( طبعآ ربنا مساعدني أوي ودائمآ واقف جنبي وبيرشدني للصواب ) ... صحيح إني بغلط كتير أوي وبقع كتير أوي أوي، بس أنا مؤمنة ان دي حاجة بتخلي الانسان عنده خبرة واسعة وأقوى من غيره، ولولا الخطأ، مكناش عرفنا فين الصح .... أنا قصدي إن محدش في البشر ليه الدور في كدة، فالحمد لله عدد خلقه إني في الوضع اللي أنا فيه ويا رب دايمآ للأمام يا فيدو ....ء

رابعآ، الحمد لله، دلوقت أنا اتأكدت اني مش محتاجة لحد، فعلآ، " من وجد الله فقد وجد كل شئ " وربنا سبحانه وتعالى بيقول في الحديث القدسي " ومن أتاني يمشي أتيته هرولة " فلك الحمد يا رب على اللي حصللي النهاردة واللي بيحصللي دائمآ، وأكيد في حكمة حتى لو أنا مش شايفاها ومش هعرفها أبدآ بس كفاية إنني أكون موقنة إن ربنا بيده كل شئ " اللهم خيرلي فاختارلي فإني لا أحسن الإختيار " ... " اللهم دبرلي أمري فإني لا أحسن التدبير "... " اللهم قني شر نفسي وسددني وثبتني " ....ء

خامسآ ودي حاجة مفرحة أوييييي وفعلآ نفسي تتكرر تاني، الباش مهندس علي الفرماوي ال

microsoft من شركة vice president

جالنا وكلمنا عن مشوار حياته وقصته اللي أنا بعتبرها ناجحة أوي ربنا يكرمه ويزيده ... فعلآ، كنت حاسة إني قاعدة في محاضرة عن التنمية البشرية ( ويا عشقي لهذه المحاضرات :) ) ووضحلنا حاجات كتيرة كانت غايبة عننا وبينلنا إن النجاح مش إنك تكون الأول ( والله لو دة من أهدافك، أكيد هتبقى الأول دون خلاف ) بس العبرة إن شغلك يكون هوايتك وتكون بتحبه ... حسسني إن ما فيش داعي خالص إنني أتضايق من أي " بروجكت " معملتهوش ... أنا طول عمري بقول لنفسي كدة بس أول مرة أحس بيها وصدق اللي قال " المهم اننا نطبق اللي بنقرأه واللي بنعرفه " وأديني بتعلم أطبق ( أنا بطبق الهدوم من وأنا في حضانة ) ...ء

ما شاء الله، في ناس عندنا في القسم حاطة هدف إنها تعمل شركة تنافس مايكروسوفت، ربنا يوفقهم ويزيدهم ويجعله في عزة الاسلام والمسلمين ....ء

وسبحان الله، حاجة فعلآ شدتني في كلامه إنه بيقول إنه اتجوز أول ما اتخرج على طول، يعني اللي بيقول إن الجواز دة بيحطم الأهداف والطموحات يبقى أصلآ مش عايز يتجوز أو متعقد منه وعاوز الناس تكون زيه ... ربنا يكتبلنا كلنا الخير أينما كان ويرضينا بيه ويحفظنا من كل سوء ... والخيرة في ما اختار الله ....ء

كفاية عليا كدة، قايمة أصلي المغرب وأبدأ في ال " ديجيتال لاااااب " اللي هيتسلم بعد 3 أيام إن شاء الله، وهو لذييييييييذ أويييي

:) IF THEY CAN DO IT, Y NOT US ??!! :)

thnx for listening, wymb ;)