حاجات

بإمكاني أن أحقدَ عليكم وأسكبَ اللون الأسود على حياتكم، ولكنني أعلم تماماً أن الإنسان أخلاق قبلَ أن يكون مشاعر وأخلاقي بالتأكيد فوق مشاعركم الزائفة

---------------------

"If your ship doesn't come in, swim out to it."

------------------------

قمة الهبل، واحدة اتخانقت مع جوزها عشان ما عملش "لايك" لل"فايس بوك ستايتس" بتاعتها ... بجد هبلللللللل

-------------------------

بيقولوا " اختار الرفيق قبل الطريق والجار قبل الدار" ودة اللي أنا عملته، ربنا يسهل بقة

------------------------

أكتر حاجة بتستفزني في كتابة الناس، الناس اللي بتقعد تختصر في كلمات زي "جزاك الله خيرا" فيكتبوها

JAK

ويختصروا في "إن شاء الله" فتتحول ل

isA

وبطريقة ما تبقى "السلام عليكم" عجيبة

SA

للدرجة دي معندهاش وقت ؟؟؟ ولا دي بقيت الطريقة الروشة للاستفزاز ؟؟؟ مش عارفة إيه الحلو في الطلاسم الغير مفهومة دي والغريب في كدة إن الناس كلها (حتى أنا أحيانا) بقيت بتكتب كدة

والله العظيم أنا أول مرة قرأت

JAK

حسبته اسم ولد أجنبي بس نسيوا ال

c

قعدت أقول، "وليه يعني يكتبولي "جاك" في آخر الرسالة؟؟ ممكن تكون شفرة أو رمز لحاجة ؟؟" وقعدت أحاول أفك الشفرة بس ما وصلتش لحاجة منطقية، ولما عرفت معناها حسيت باستفزاز رهيييييب

الحمد لله، العربي باظ واتحول لفرانكو والجميع بيكتب فرانكو، لا عارفين يكتبوا عربي صح ولا حتى إنجليزي صح، لازم يبوظوا كل حاجة، بعدين كمان الجمل بقيت حروف عجيبة بعد كدة مش عارفة الواحد هيكتب حرف بدل جملة كاملة ولا بدل موضوع كامل واللي بيقرأ المفروض يكون في ذكاء اللي بيكتب فيفهم اللي هو كاتبه !!!!ء

لو الموضوع دة محتاج ذكاء، فأنا بعلن غبائي منذ هذه اللحظة وبرجو الجميع انهم ياخدوني على قد عقلي ويكتبولي جمل سليمة ربنا يرضى عليهم