همٌ وغمٌ

إن العين لتدمع وإن القلب ليحزن ولا نقول إلا ما يرضي ربنا وإنا لفراقك يا "أم محمد" لمحزونون

توفت إلى رحمة الله تعالى والدة صديقتنا وحبيبتنا "ريم ماضي" يوم السبت صباحا الموافق

23-10-2010

ربنا يغفر لها ويرحمها ويثبتها عند السؤال ويوسع قبرها ويجعله روضة من رياض الجنة ويجمعنا بيها في جناته

ربنا يرزق أهلها الصبر والسلوان والثبات

ربنا يرحمنا إذا صرنا إلى ما صارت إليه

أنا حزينة فعلا، سبحان الله، كنت المفروض دلوقت بكتب بوست سعيد أوي بس أكيد هيتأجل عشان الوضع لا يحتمل

طنط غالية عليا أوي ، كنا بنروح عند ريم نعمل المشاريع السنة اللي فاتت وكانت طنط تعدي علينا تسلم وتتأكد إننا أكلنا وتقعد تدعيلنا ، بجد دعاها كان بيخش قلبي ... طنط من الناس اللي ارتحت لها أول ما شوفتها وأنا مش برتاح لأي حد من أول نظرة.... ربنا يرحمك يا طنط

مامة ريم الله يرحمها بجد نحسبها من الصالحين ولا نزكي على الله أحد ... أولا مش عارفة أنا ليه بقول الكلام دة بس فعلا أنا عمري ما شوفت ولا هشوف حد في أخلاق ريم ... فعلا ما شاء الله تحس إنها متربية أفضل تربية صحيحة ما شاء الله ... طنط طلعت ثمار جميلة أوي الواحد بيقعد يدعيلها عشان كانت السبب في وجودهم في الدنيا بعد الله

تعرفي الواحدة اللي عمرها ما تتخانق معاك ولا تزعلك مهما عملت فيها ؟؟؟ بتفكر في كل الناس قبل ما تفتكر نفسها ... بتفضل كل الناس على نفسها وبتيجي على نفسها عشلت خاطرهم .... تشيل الناس في وقت ضيقتهم ، قلبها صااااافيييييييييييي ، عمرها ما شالت حقد ولا كره ولا حسد ولا ضغائن لحد

عمرها ما تعصب ولا تتنرفز ولا تبص بصة وحشة

دائما مبتسمة ما شاء الله وتسلم على كل الناس وتطمن على أحوالهم

ممكن تقولوا اني بقول كدة عشان مامتها توفت بس فعلا أنا طول عمري بقول لها وبقول لصحابها وربي يشهد إني عمري ما شفت حد في أخلاقها

يا ترى دوري جي امتى ؟؟ يا ترى هلحق أتم الواحد وعشرين ولا يومي قرب ؟؟؟ يا ترى هروح فين لو مت ؟؟ يا ترى الناس هتقول عليا إيه ولا هتفتكرني بإيه ؟؟؟ هل هيقولوا أخلاقي كانت سيئة أوي ولا كنت إنسانة مش كويسة ؟؟؟ يا ترى هقول لربنا إيه لما يسألني عن كل حاجة عملتها "ما يلفظ من قول إلا لديه رقيب عتيد"ء

الناس كلها قاعدة بتتاخد ورا بعضهم

"وجاءت سكرة الموت بالحق، ذلك ما كنت منه تحيد"

ء"كل نفس ذائقة الموت وإنما توفون أجوركم يوم القيامة، فمن زحزح عن النار وأدخل الجنة فقد فاز وما الحياة الدنيا إلا متاع الغرور"ء

"فإذا جاء أجلهم، لا يستأخرون ساعة ولا يستقدمون"

لا يسعني أن أقول بعد كل ما سبق سوى

للمنشد أبو عبد الملك

نشيد جميييييل أويييييي

همٌ و غمٌ حيرةٌ وتوجعٌ

في دارنا ومصائبٌ تتدافعُ

هي دارُنا دارُ الرحيل وكلنا

ُيوماً إلى دارُ البقاءِ سنُزمعُ

ٌمالي أرى هذه الوجوهُ حزينةُ

مالي أراها بالسواد تلفعُ

ما للعيونِ بدمعها رقراقةٌ

ما للقلوب بأصلها تتقطعُ

ما للصبااااااح ؟؟؟؟

ما للصباااااااح ؟؟؟؟

ما للصباااااااااح ؟؟؟؟

ما للصباااااااح ؟؟؟؟

ما للصباح

أما لهُ من هيبة

كي ينجلي وجه الظلام المفزع

قالوا تراحل في المساءِ حبيبُنا

فُقدت بلابلُنا هنا لا تُسمع

ماتَ الجوادُ من الخليقةِ لم يعُد

يجدي الكلامُ ولا النياحة تنفعُ

زاحَ الغمامُ من السماءِ ألا ترى

أن السحائبَ حولَنا تتقشعُ

تلك الشمائلُ لا تسلْ عن حُسنها

وردٌ وعطرٌ فائحٌ يتضوعُ

رباااااااه ...

ربااااااه ...

رباااااااه ...

رباااااااه ...

رباه

ألهمنا اصطباراً إننا

بعد الفراقِ بحِبنا نتفجعُ