الطالبة المثالية !!!؟؟؟

الظاهر إن الواحد حتى بعد أما ساب الجروب بقاله أكتر من سنة ونصف وبطل يبعت إيمايلات خااالص مش هيرتاح من الناس اللي في الدفعة اللي ما بتصدق تلاقي أي حاجة تتكلم عنها ... حسبي الله ونعم الوكيل

على فكرة، أنا أصلا الموضوع دة مش فارق معايا ولا عاوزاه بس في بنات هي اللي قالتلي وشجعتني إني أودي السي في بتاعي وما كانوش عارفين إن الموضوع فيه انتخابات (ودلوقت بعد أما الموعد عدى جيين يقولوا إن الموضوع محتاج انتخابات من الدفعة :) بس أصلا ما حدش من البنات اللي كلموني فاهمين إزاي الولاد هيرشحوا البنات وفي بنات مش بتتعامل مع الولاد خااالص ... ما علينا، الموضوع سخيف ومش مستاهل بس زي أي حاجة تانية بتحصل، لازم يكبر مش فاهمة ليه :( ) .... اللي متضايق مني بقة يروح يطلع غله في حاجة أو يرشح نفسه بس يا ريت يسيبني في حالي، أنا حرة أعمل اللي أعمله طالما لم أضر حد وطالما في ناس عاجبها اللي بعمله والحمد لله أنا مش بعمل حاجة غلط :) ء

بعدين أنا أصلا ما كنتش عاوزة حد من الولاد يعرف إني قدمت السي في عشان في ناس مش هخلص من كلامها (على إيه رشحت نفسها ولا شايفة نفسها ولا مثالية على إيه وهلم جرة :) من غير ما يعرفوا إن في ناس عاوزاني فعلا الحمد لله :) ) بس سبحان الله، "لا يمنع حذر من قدر"، شاء الله أن يذكر المندوب اسمي في الفصل وبعدين مرة أخرى على الجروب ويعرف الجميع ... الموضوع مش سر ولا حاجة بس طالما الموضوع دة أكتر البنات شجعوني عليه والباقيين مش فارق معاهم، مال بقة الولاد بالطالبة المثالية ؟؟؟ وأصلا ممكن يقيسوا مثالية البنات على أساس إيه ؟؟؟

ما علينا :) ء

(وما يضر البحر أمسى زاخرا *** أن رمى فيه غلامٌ بحجر)

-------------------------------

واحدة في العيلة بتقولي إنها خلاص امتحنت في ال"أي سي دي إل" وبقيت زيي، يعني مش أنا الوحيدة في العيلة اللي كمبيوتر !!!!ء

ههههههههه!! ياااااه، كإني بقالي 3 سنين باخد في أي سي دي إل ... يرحم أيام البروجكتس اللي مش بننام بسببها والشيتات والأساينمنتس وحرقة الدم والقعاد في محاضرات مش مفهومة ومالهاش أي معنى

---------------------

واحد في الدفعة مسمي نفسه

hopeful

على جهازه

وشغال يخطط في ال

pdfs

اللي على

dropbox

والبنات كلها بتحسبه أنا وجيا تقوللي ما أخططتش عشان الناس ما تقعدش تقول أنا ذاكرت إيه وما ذاكرتش إيه ... أولا، دة مش أنا، هو إنسان أو إنسانة استخدم أو استخدمت جزء من اسمي ومش عارفة السبب لإني

hopefulhopes

ومش

hopeful

ثانيا ، حتى لو أنا، فأنا ما يهمنيش مين يعرف أنا ذاكرت إيه ولا عملت إيه في حياتي، بجد ما عدتش فارقة معايا الناس دي خااااالص الحمد لله، اللي في نفسه حاجة خليه يقولها، لا هو هيستفيد ولا أنا هتضر بإذن الله ثما يعني ما شاء الله إحنا في دفعة على الأقل ربعها بيذاكر أول بأول (يا رب أبقى زييهم) فمجتش على

hopeful

يعني :) ء

ما علينا