:) smilies, smilies everywhere !! :)

اتكلمت من كام شهر عن موضوع اسمه
My Symbol
أو رمزي .... طبعا كل الناس اللي تعرفني عارفة إنه رمزي وكل ما تشوفه تقول "فيدو" ... وكتير منهم لما يحبوا يجيبولي هدية، يفكروا في حاجة تكون مرسومة عليها الرمز بتاعي
أنا فجأة لاقيت عندي حاجات كتيرة عليها رمزي فقلت أرصها هنا، أنا صورتها كلها، هقول كل واحدة مين إدهاني

من سنتين أنا جبت ماديلية عليها رمزي كبير بس وقعت وضاعت ، قدر الله وما شاء فعل ومش لاقية منها تاني

بعدها بسنة كنت داخلة مكتبة بتبيع كتب لكلية الطب عشان أختي كانت بتدور على حاجة ، لاقيت كور مرسوم عليها رمزي فجيبتها على طول

من سنة أمونة حبيبة قلبي جابتلي كباية عليها رمزي

ميمي جابت لي مغناطيس للثلاجة مثلا وعلاقات للفوط ورباط للكوتشي كلهم عليهم رمزي

رضوى رفيقة دربي جابتلي خاتم عليه رمزي

وفي الصيف عمو جابلي بالونة هيليوم من كارفور عليها رمزي

وعلى بداية الدراسة، أنا جيبت جوم عليها رمزي

من كام يوم رضوى جابتلي غويشة عليها رمزي

وبردو لولو جابتلي توك عليها رمزي

وسارة حب حياتي (أنا وهي روح واحدة في جسدين) جابتلي أجمل حاجة قابلتها في حياتي
لعبة كدة متعبية فايبر وناعمة أوي وكل البنات حبوها لما جبتها معايا الكلية (عيلة بقة)ء

وأنا طول السكة من أول ما دخلت الكلية وأنا بجيب في ستيكر عليه رمزي .. ولازم ألصق ستيكر منهم في بداية كل سيكشن أو محاضر جنب العنوان :)





ودة شكل اللاب توب بتاعي من سنة أولى، طبعا حاجات بتتقشر وتقع بس بحط بدالها على طول

ودة الباك جراوند بتاعي على اللاب توب

يا ترى إيه كمان ممكن يكون موجود عليه رمزي ؟؟؟
يا ريت اللي يلاقي أي حاجة تانية يجيبهالي عشان المجموعة تكمل
;-)

:) يا رب الابتسامة ما تفارقش قلبنا أبدا :)