قررت أطنش عشان أقدر أعيش ... طنش تعش منتعش .. طنش تعيش، تاكل قراقيش :) ... المهم بس ربنا يكون راضي والناس بقة حرة ترضى ولا لأ، "فليرضى عني الناس أو فليسخطوا ** أنا لم أعُد أسعى لغير رضاك"ء
---------------------------------
"اللهم إني أعوذ بك من تحول نعمتك وفجأة نقمتك وجميع سخطك"
-------------------------------
أكيد الكل شاف إزاي إن البحر اللي الناس كلها بتحب تنزله، تتمشى عليه أو على الاقل تعدي عليه في يوم اتقلب وغرق اسكندرية ودمرها دمار شامل، أنا لما نزلت النهاردة لاقيت سقف الأنفاق بتاعت كامب شيزار والابراهيمية متشالة خالص ومحدوفة على جنب، السور بتاع البحر عند ميامي متكسر، نادي المهندسين اللي الواحد كان بيتتاوى فيه يخلص مشروع ولا حاجة غرق، كافيتيريا لاتينو اللي في جليم على البحر غرقت ... طبعا الصرف زي الفل فالواحد لازم يتعلم فن القفز فوق البحيرات ... الواحد كان خايف إن تأخر الشتاء السنة دي وعدم نزول المطر لحد أول امبارح يكون عقاب وبسبب ذنوبنا، بس اللي حصل دة مش عارفة المفروض يأكد أكتر إنه عقاب ؟؟؟
كافيتيريا لاتينو ... الصورة دي مرعبة، بجد من ضمن الحاجات اللي حسستني بعظمة ربنا وقد إيه ممكن ينتقم من أي حد
النادي
عن أبي هريرة رضي الله عنه قال: قال رسول الله صلى الله عليه وسلم: «اشتكت النّار إلى ربّها فقالت: يا رب أكل بعضي بعضاً فجعل لها نفسين؛ نفس في الشتاء ونفس في الصيف فشدة ما تجدون من البرد من زمهريرها وشدة ما تجدون من الحر من سمومها» [رواه البخاري ومسلم].ء
اللهم إنا نعوذ بك من النار
يا ترى دة كان نفس من جهنم ولا عقاب من ربنا عشان الناس اللي بتستخدم البحر غلط (تتماشى عليه مع ناس غلط، تلبس فيه حاجات غلط) ؟؟؟؟
مش عارفة فعلا بس أنا حسيت قد إيه إن ممكن نعمة تبقى نقمة في ثانية، ربنا بإيده كل حاجة، قادر يبدل بردو النقم إلى نعم
"اللهم إني أعوذ بك من تحول نعمتك وفجأة نقمتك وجميع سخطك"
2 comments:
الحديث بتاع "رفع عن امتي من بعدي العذاب" خاطئ وغريب أوي، مش عارفة أصلا مكذوب ولا إيه، ما عرفتش أوصلله خالص
دة أكبر دليل إن الحديث اللي فات غلط
أخرج ابن ماجة قال: أقبل علينا رسول الله صلى الله عليه وسلم فقال: (يا معشر المهاجرين! خمس خصال إذا ابتليتم بهن وأعوذ بالله أن تدركوهن: ما ظهرت الفاحشة في قومٍ قط حتى أعلنوا بها إلا فشا فيهم الطاعون والأوجاع التي لم تكن في أسلافهم الذين مضوا)ء
يعني العذاب والعقاب قائم
بعدين الدول اللي كانت بتحصل فيها كوارث على طول معروف إنها دول فيها حاجات حرام أوي (بلاد سمعتها وحشة أوي يعني لو فاهمنني)، فالواحد خايف تكون اسكندرية انضمنت للمجموعة دي، ربنا يستر
بيت الشعر بتاع "عاند الدنيا وابتسم" مش أنا اللي مألفاه
أنا ما جزمتش إنه عقاب، أنا بس بتساءل
بعدين مش شرط خااالص عشان هما أسوأ مننا يبقى هما أولى بالعقاب، ربنا يمهل ولا يهمل يعني الدول اللي ذكرتها ممكن الدور جي عليها، ربنا بيقول في سورة الأنعام "فلما نسوا ما ذُكروا به فتحنا عليهم أبواب كل شئ حتى إذا فرحوا بما أوتوا أخذناهم بغتة فإذا هم مبلسون" دة أكبر دليل إن العقاب مش شرط يكون واقع في ساعتها
كمان ممكن ربنا عمل كدة عشان نحس إن في حاجة غلط ونصلح من نفسنا ونلجأ له "رب ضارة نافعة" ء
بعدين في حديث عن الرسول إن كان في قرية بتعصي ربنا وكان فيهم رجل صالح اوي أوي، فربنا أمر الملائكة تدمر القرية باللي فيها، قالوا له إن فيها الرجل دة، راح ربنا قال لهم "به فابدأوا" يعني مش بس الطالح، طالما الصالح لم يأمر بالمعروف وينهى عن المنكر ويغير المنكر، فزيه زي الطالح
نسأل الله العفو والعافية
Post a Comment
comments are always welcomed :)