صعب بس سهل :(

الموضوع دة بقاله فترة كبيرة أوي (أكتر من سنتين) شاغل بالي ، وكل فترة يظهر لي في عقلي تاني :( :( :(

صعب الواحد يقعد ملتزم ويحاول يعمل اللي ربنا بيحبه ويبعد عن اللي بيغضبه (حُفت النار بالشهوات وحُفت الجنة بالمكاره) وفي لحظة يقول كلمة شرك تضيع كل دة وتوديه جهنم مخلد فيها ....

زي ما الرسول صلى الله عليه وسلم قال في حديث ابن مسعود (( إن الرجل ليعمل بعمل أهل الجنة حتى ما يكون بينه وبينها إلا ذراعاً فيسبق عليه الكتاب فيعمل بعمل أهل النار فيدخلها وإن الرجل ليعمل بعمل أهل النار حتى ما يكون بينه وبينها إلا ذراعاً فيسبق عليه الكتاب فيعمل بعمل أهل الجنة فيدخلها)) رواه مسلم :( ..... أنا عارفة إنه جاء في حق من لا يعمل إخلاصا وإيمانا بس بيعمل عشان الناس تقول عليه إنه عمل :( وإن اللي بيعمل بعمل أهل الجنة لله بس حقيقة وإخلاصا ، فالله الرحيم الرحمن الكريم أعدل وأكرم من أن يخذله في نهاية عمره ..... اللهم لا تخزنا يوم يبعثون :(((( .....

صعب الواحد يزرع شجرة وبتاخد وقت وصبر منه بس سهل أوي إن واحد في ثانية يجي ويقطع الشجرة دي ....

صعب الواحد يبني عمارة طوبة طوبة وخرساناية خرساناية بس ممكن بلدوزر في ثانية يجي يهدها ....

صعب الواحد يقعد يبني في علاقة مع مراته وبتاخد وقت طويل أوي عشان يقووا العلاقة دي بس ممكن في ثانية غضب "انت طالق" تدمر وتهد كل حاجة ....

صعب الواحد يقعد يربي في عياله ويكبرهم ويرعاهم ويحافظ عليهم وفي ثانية حد يجي يقتلهم أو حتى يلوث أفكارهم ويتقلبوا عكس ما اتربوا عليه :( ....

صعب الواحد يقعد محافظ على وزنه أو عامل ريجيم فترة طويلة أوي وفعلا يخس ويبقى جسمه حلو بعدين في لحظة ضعف ياكل تورتة شوكولاتة كاملة ويرجع كل حاجة خسها .....

صعب الواحد يقعد يعمل في مشروع أسابيع وأول ما يخلصه ، بضغطة delete بسيطة من غير قصد حتى ، كل حاجة تروح ....

صعب الواحد يقعد يعمل طبخة كبيرة وجميلة ولو حد جه علا النار عليها ، تتحرق في ثواني ....

صعب الواحد يقعد يفصل في فستان وحد في لحظة يجي يقطعه أو يكب عليه حاجة تدمره ....

سمعت المقولة دي من زمان

It takes years to build a strong relationship yet it takes a second to destroy it

حاجة مؤلمة أوي ، البناء دايما صعب والهدم ما فيش أسهل منه ....

الحاجة الحلوة بتاخد وقت طويل أوي عشان تتم والحاجة الوحشة ولا أسهل ، ما بتحتاجش ثواني :( ....

زمان كنت بتفرج على البتاعة دي في التلفزيون (سواءا كروت أو دومينو) وكتير أوي كنت بشوف واحد عاملها داير ما يدور البيت من جوا وعلى السلالم وقعد ساعااااات يوقف فيهم ، وفي ثانية ، واحد يجي يزقهم ويقعدوا يسقفوا !!! أنا كنت بسقف معاهم وكنت منبهرة أوي أوي بس دلوقت بتساءل ، هم كانوا بيسقفوا على إيه ؟؟؟؟ هو إيه اللي يبسط في لما تعب ساعات يروح في ثانية ؟؟؟؟

زي الراجل دة كدة ، ممكن تاخد منه أيام رفع الصخرة دي ، وأول ما يوصل للقمة ، إيده تعرق أوي وتتزحلق منه وتقع تاني للقاع :(

ربنا يبارك لنا في كل ما نبني أو نعزم على بنائه ويعافينا من الهدم :(( .... آمين ..... :(

دار الإفتاء مستفزة أوي

أنا فعلا كل مدى بكره الدار الغريبة دي أوي

زمان ما كانتش كدة أبدا ... بس عادي يعني ، ما فيش حاجة بتفضل على حالها ، كله لازم يبوظ إلا من رحم ربي :(

هي كل حاجة قاعدة بتبوظ كدة ليه ؟؟؟

شالوا كل الفتاوي اللي بتقول إن النقاب فرض وطلعوا فتاوى عبيطة بتقول إنه لا فرض ولا سنة ولا حتى مستحب ولا عبادة !!! بيقولوا إنه عادة !!!!!؟؟؟ لا يا شيخ ؟؟؟ عادة إزاي إذا كان قلة قليلة إللي بيعملوها ؟؟؟

بعدين يهبلوا شوية ويجوا بردو يشيلوا الفتوى بتاعت إن اللحية فرض ويحطوا مكانها إنها مش عبادة ، وإنها عادة ؟؟؟ يا سلاااااام ؟؟؟ سبحانك يا رب !!! على أساس إن العادة إن الناس تطلق لحيتها ؟؟؟ من إمتى يعني ؟؟؟

دة بس عشان الناس اللي بتقول النقاب مش كل حاجة وأنا بس التحيت بس لسة مش كويس ، صحيح النقاب واللحية مش كل حاجة وكل واحد فيه بلاوي لا يعلمها إلا الله :( بس هما من الإسلام ولو انت شايفهم مش حاجة مهمة ، فكرك ليه الناس بتهجم عليهم ومطلعة تخاريف ليس لها أصل ؟؟ لو ما كانوش مهمين ، كانوا الناس سابوهم في حالهم وقالوا اللي عاوز يعمل ، مش يقولوا إنهم عادة !!! فالمهم إنك تعرف إنك بتعمل حاجة عظيمة عند الله (لو عاملها لله طبعا) وتثبت عليها وتدعو إليها :) ودة الأهم بقة ... بأخلاقك وتعاملاتك وطبعا علاقتك بالله ....

مش عارفة إيه اللي هيبقى عادة كمان كام سنة ، الصلاة ؟؟ الصوم ؟؟؟ ولا قول لا إله إلا الله ؟؟؟

ربنا يشفيكم ويبعدكم عن الناس .... هي كل ما الناس تقول يا هادي وتبدأ تدور على الصح تطلعوا بتخريف جديد ؟؟؟

22/2 and I am 22 :)

On 22/2/12, at 6:30 am and when I was 22 years old, a dream came true :)

الحمد لله الذي بنعمته تتم الصالحات :) :) :)

الحمد لله الذي هدانا لهذا وما كنا لنهتدي لولا أن هدانا الله :)

لو ربنا أراد أن يعين أحد على شئ ما ، مهما كنا شايفينه صعب ونادراً ما تلاقي حد عامله ، أكيد هيعمله ....

كل واقع كان في يوم من الأيام حلم ، واللي بيمشي، بيوصل بعد أمر وتوفيق الله طبعاً .... طريق ال 6 ألاف خطوة :) بيبدأ بخطوة :)) ...

اللهم تقبل واجعلني قد المسؤولية دي .. آميــــــــــــــــــــن .... وعقبال كل اللي عزم :)

بس كدة :)

A Revolution of Thoughts ....

مش عارفة الناس إزاي ليها نفس تاكل وتتجوز وتتبسط والعالم بيتدبح قدامها ؟؟؟ " ما تسيبي الناس في حالها ، كمان هتحرمي الأكل والجواز ؟" .... طبعاً لا ، ما أنا باكل ، بس مستغربة من نفسي ، إزاي يعني باكل مع إن اخواتي في سوريا مش لاقين أي حاجة ؟؟

العالم بقة وحش أوي أوي ، وماليش نفس أقعد فيه .... كل يوم مصيبة وألم شكل .... والناس لسة بتلبس أحمر في اليوم بتاع العيد الوثني ... الشباب لسة متخدرين ، أمل الأمة لسة ما فاقوش .... طب محتاجين إيه أكتر من كدة عشان يفوقوا ؟؟؟ مش عارفة ... لطفك يا رب ، لطفك يا لطيف ....

------------------------

الواحد لما يكون عاوز حاجة أوي أوي وتجيله، بيزهق منها بعد فترة وبيقعد يعوز حاجات تانية ... يعني عشان جزء من حياته بقى كويس ، يدور على الحتت اللي ناقصة ويشتغل عليها !!!... إنسان غريب ...

------------------------

النهاردة المفروض إنه يكون يوم تاريخي لي ، بس لأسباب ما ، مش هقدر أكون جزء منه ....

من أكتر من شهر سمعت عن حدث فيه ناس يقرأوا حاجة كتبوها على الجمهور ... يعني أي حد بيكتب ، يكتب موضوع ويقرأه على الحضور

هنا التفاصيل

http://www.facebook.com/events/222691041133470/

المهم ، أنا قعدت أقول لو كتبت وقرأت حاجة ، الناس ياإما هتقرف يا إما هترمي علي بيض وطماطم :)) مش عارفة ليه تخيلت منظري كدة :)

قلت لأختي راحت قعدت تتريق على قلقي دة شوية بعدين أقنعتني يعني إن كتاباتي في منها أمل وإني مش هخسر حاجة .... بس هما كانوا مشترطين إنه يكون بالانجليزي وقالت لي إنها مش نقطة صعبة عندي الحمد لله لإني كتبت حاجات كتيرة (وإن كانت سخيفة) قبل كدة بالانجليزي ...

طبعاً أنا لما أحس إني مغصوبة على كتابة حاجة ، مش بعرف أطلع حرف ... سيبت نفسي على الآخر وسألتهم إمتى آخر موعد للتقديم وقالوا لي 20 يناير عشان لسة هيفرزوا ويشوفوا مين اللي هيقرأ اللي كتبه وكدة يعني ... المهم ، ما عرفتش هكتب إيه ... فكرت أبعت لهم حاجة كاتباها من قبل كدة ، عديت على حاجاتي وحسيت إنها كلها سخيفة :) .... فجأة بعد كام يوم لاقيتني بكتب :

A Revolution of Thoughts

My frequent encounters with puzzlement and pain showed me that those capable of picking a rose full of thorns just to steal this one second to deeply breathe in its sweet scent and ignore the prickling needles and blood droplets are the ones who decided to move on … They always see their bar of hope being recharged as they close their eyes to picture happy days to come with the rose smell soaking their dreamy thoughts…

Those who despite the number of times they fell and deeply cut their knees and palms decided to get up one more time in hope that maybe this time they’ll find a secure way to move on cannot be defeated even if they were thrown into a deep well of complete darkness and misery…

Those who are strong enough to place a smile on their faces despite the battle going on inside of them where the ‘mind’ keeps on clashing with the ‘heart’ are the ones who teach life that it cannot get them …

Those who feel stronger after every stab and search for ways to be more immune to future stabs will no longer be affected by heart piercings and a clueless brain racing between more than a hundred thoughts in a second… They realize that the fear of something happening and waiting for it to happen are much worse than it actually happening so they decided to never wait for nor expect anything …

Those who are not shy from their tears but instead cherish them for they see that they are a true sign that their eyes are still functioning and their emotions are still alive are the ones who use their tears as magnifying glasses to enlarge the tiny happy parts of their lives … They know that crying is an indication that they feel something is wrong and are still looking forward to the best …

The world’s current is always flowing against them but nevertheless, they continue to row as they know that this is the only way for them to progress even of it takes them years to reach their destination …

Those are the ones who are not afraid of the darkness as they know that dawn always follows the darkest hours of the night… They are content with the slightest streak of light and turn it into a glowing sun that brightens other people’s path …. Those are the people whom life will give up on making them struggle as they taught it that they are different, so why don’t you show life that you are different too ???

Written By:

Eng.Fadwa Ezzat J

المهم بقة ،بعد ما قرأته على أختي ، (الحمد لله ما كانش معاها طماطم :) ) ، قعدنا نفكر في عنوان للموضوع ... اللي فيكم بيكتب هيعرف قد إيه أحيانا الواحد بتطلع عينيه عشان يجيب عنوان حلو أو معبر حتى ... قعدنا نقول حاجات كتيرة في الآخر أختي قالت thoughts of a revolution رحت أنا قايلة revolutionary thoughts بعدين غيرتها ل A Revolution of Thoughts ....

المهم ، رحت البروفا من أكتر من اسبوعين وقرأته على الناس والحمد لله كان ردة فعلهم "ما شاء الله" و "واو" وتصفيق وحبة تصفير ... ممكن عشان طريقة إلقائي كانت حماسية حبتين ....

حاسة إني ما بقيتش بكتب زي زمان ، كإن الإلهام ضاع أو الكلام خلص ... حتى ما بقيتش بقرأ زي الأول ... ممكن عشان أحداث حياتي ؟؟؟ ما أتوقعش ، ما أنا الأحداث هي اللي كانت بتخليني أكتب بعد فضل الله ... ما أعرفش السبب ...

ورحل "ابراهيم الفقي" رحمه الله :(

طبعاً هو غني عن التعريف ... بدأ حياته بيغسل الصحون في كندا ، بعدين قعد يكافح ويرقى لحد ما بقى مدير فندق وبقى مدير سلسلة فنادق وأفضل الفنادق في كندا كمان .... إنسان إيجابي ، كان بيدرس التنمية البشرية والتحفيز الذاتي ... أكتر الناس العايشة اللي أثرت في .... عدت علي أيام في حياتي لا يعلم مدى صعوبتها إلا الله وبعد فضل الله هو اللي خلاني أحلف إني أكمل وأوصل واقوم كل ما أقع ... علمني حاجات كتيرة أوي أوي أوي .... كنت أنا ورضوى بنحب نحضر له ندواته ونتفرج على برامجه :((( .... وكنت أنا وسم سمز بنفكر بعض باللي بيقوله :(( .... فعلا والله الفضل له بعد الله في أكتر الحاجات اللي وصلت لها ولو كانت بسيطة .... كنت كل ما أقع ، ربنا يبعته لي عشان اقوم تاني :((((((((((( .... بجد ، العالم خسر خسران عظيم أوي ، ربنا يجعل مثواه الجنة ....

الصبح سمعت إنه مات محروق في بيته في مدينة نصر وقعدت أقول يا رب تكون إشاعة بس للأسف كل مدى بيأكدوها ... موته هزني وهز ناس كتار .... ربنا يرحمه :((

يا الله !!! نفسي حد يطلع يكذب الخبر بس للأسف الكل بيثبته أكتر

اخر جملة كتبها الدكتور ابراهيم الفقى رحمة الله عليه على تويتر : " ابتعد عن الأشخاص الذين يحاولون التقليل من طموحاتك بينما الناس العظماء هم الذين يشعرونك أنك باستطاعتك أن تصبح واحدا منهم " .....

صعب أوي أنسى كلماته دي اللي بترن في راسي من أربع سنين (أول ما عرفته) وكنت دايما بحاول أقلده في قولها أمام صحابي بس كنت بفشل ، روحه بتحسيها هي اللي بتتكلم : " عيش كل لحظة كأنها آخر لحظة في حياتك...عيش بحبك لله سبحانه وتعالى، عيش بالتطبع بأخلاق الرسول عليه الصلاة والسلام والأنبياء والرسل والصحابة وأولياء الله الصالحين، عيش بالكفاح والالتزام والصبر والحب ، وقدّر قيمة الحياة " - ودة ختام كل حلقات د. ابراهيم الفقي رحمة الله عليه وختام التدوينة دي عشان مش قادرة أكمل .... ربنا يجزاه عني وعن كل اللي ساعدهم خير الجزاء ....

كان نفسي أكون معاك :(

ألف مائة مليون مبروك يا مي مي ، كان نفسي أكون معاك

بارك الله لكما وبارك عليكما وجمع بينكما في خير :****

ربنا يجعله خير زوج لك في الدنيا والأخرة ويا رب كل ثوانيكم سوى تكون سعادة وحب وطاعة وأمان ومودة ورحمة وكل حاجة حلوة بقة :)

حبيبتي الصغيرة كبرت :))) ما شاء الله

عقبال أما أشيل عيالك :))))

لك الله يا سوريا :(((((

اللهم عليك ببشار وأعوانه

اللهم خذهم أخذ عزيز مقتدر

اللهم دمرهم تدميراً لم تدمره أحد من قبلهم

اللهم احفظ أعراض المسلمات اللاتي يستغثن ولا من مجيب :(

اللهم احفظ الأطفال والشباب والنساء والشيوخ

اللهم دمر العلويين ومن ناصرهم

الموضوع موضوع "علويين" أو شيعة بيدبحوا في سنيين ... مش رئيس ضد ثوار

ما حدش عمل اللي هو عمله

بيخلوا الشعب يسجد لصورة اللي ما يتسماش ويقولوا عليه "لا إله إلا بشار" .... حسبي الله ونعم الوكيل

True Tears ...

Today was a new life-time experience .... The first time I ever talk deeply with a non-Arab Muslim convert .... The thing I wanted to know so much is why are new Muslims so attached to Islam and its teachings and the "Muslim appearance" (whether "beard" or "face cover") while the people who were born as Muslims (especially the Arabs :( ) are running away (literally) from Islam and the "Islamic appearance" and either follow those who without any knowledge say "this is Sunnah, not obligatory" or feel "shameful" or "scared" to show a "Muslim appearance" ?? .... Even if it was Sunnah, you assume that you love Allah and the Prophet Muhammad صلى الله عليه وسلم , give us a true sign that you love them !!! Or is love just in the heart ??? What is the use of love if you do not act according to this love and really express and SHOW it ?? Didn't Allah سبحانه وتعالى say in the Qura'n on the tongue of the prophet قل إن كنتم تحبون الله فاتبعوني يحببكم الله ويغفر لكم ذنوبكم ??? "Say: 'If you love Allah then follow me and Allah will love you and forgive you for your wrong actions " ???

Anyways, she told me "As we lived in both lives and greatly felt how deep and sincere Islam is ... We noticed the strong difference and realized that what we were in was total fake ... As Allah chose Islam as the correct religion, He knows the best and He can never make a wrong choice" .... And then she started crying .... "True Tears" is what I kept on telling myself and felt that I am so insignificant and so shallow and worthless :(( .... I felt that I do not deserve to be called a Muslim; what have I done to Islam so far ?? NOTHING !!! I feel weak in front of my desires and follow Satan no matter where he leads me .... She continued "The people you are talking about don't feel the blessing that they have been gifted with and so they are just flowing with the westernization current" .... "True Tears" ....

After my long conversation with her, I wished that I was born as a non-Muslim and accepted Islam later on in my life so as to have all those great feelings and to strongly and bravely hold on to Islam, its teachings and "true Islamic appearance and acts" ....

May Allah increase her and our taqwa .... The conversation was amazing, a life-time experience that shall never be forgotten إن شاء الله ....

For those who say "Islam is not restricted to the beard and face veil" , please go back to the verse I mentioned and tell me what signs you have of loving him ?? What's really preventing you from truly following the prophet even if what we're asking you to do was only done by the Prophet and his wives (supposedly) ???.... Think twice ...

دقائق الانتظار

خاطرة كدة عالسريع قبل ما أبدأ كلام .... أصلها فعلاً محيراني ومجنناني ....

"How could you miss someone you've never been with in the first place ?? The human heart just keeps on proving that it is crazy :S !!"

---------------------

آلأسّـْـتــغَّــفَـــآر

يَـفْـتَــحْ آلأقْـفَــآل

يُــشَّــرِح آلــبَــآل

يُــكْــثِـــر آلـمَــآل

وَيُـصّـلَّـحْ آلـحَــآل

" دقائق الانتظار ، املأها بالاستغفار "

ثمرات الاستغفار .... ليه قبل كدة قعدت أقول لك استغفر الله في كل وقت ؟؟ ليه لما تكون فاضي أو مستني حاجة ، استغفر ؟؟؟

بس خلي بالك !!! " لا ينال ثمرة الاستغفار إلا من استوفى شروطه، وهي الإقلاع عن الذنب، وعقد العزم على عدم العودة إليه، والندم على ما فرط في جنب الله تعالى، أما الذي يستغفر الله بلسانه وهو مقيم على معصية الله غير نادم على ما فات منه -فإنه كالمستهزئ بربه- بل إن استغفاره هذا يلزم منه الاستغفار " ....

-- نفسك لما إن شاء الله تاخد صحيفتك بإيدك اليمين تكون مبسوط باللي فيها ؟؟؟

روى الطبراني أن الرسول صلى الله عليه وسلم قال : " من أحب أن تسره صحيفته فليكثر فيها من الاستغفار " ....

-- عاوز سيئاتك تتكفر وحسناتك تزيد ودرجاتك تترفع ؟؟؟

قال الله تعالى : "وقولوا حطة نغفر لكم خطاياكم" ....

-- نفسك ربنا يجعل لك مخرج من كل حاجة صعبة ويرزقك من غير ما تحس ومن حاجات لا تتخيلها ؟؟

يقول صلى الله عليه وسلم في الحديث الصحيح : " من لزم الاستغفار ، جعل الله له من كل هم فرجاً ومن كل ضيق مخرجاً ورزقه من حيث لا يحتسب " ....

-- نفسك درجاتك في مواد الكلية تعلى ؟؟ مش لاقي شغل ؟؟ مرتبك قليل ؟؟؟ نفسك فلوسك تزيد ؟؟ نفسك تتجوز بسرعة ؟؟ تجيب عيال ؟؟؟

يقول الله تعالى في سورة نوح : " فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا " ... أمــــــوال ، بنيــــــن ، جنـــــات ، أنهـــــار ....

يقول ابن كثير : " أي إذا تبتم إلى الله واستغفرتموه وأطعتموه ، كثر الرزق عليكم وأسقاكم من بركات السماء ، وأنبت لكم من بركات الأرض وأنبت لكم الزرع ، وأدر لكم الضرع وأمدكم بأموال وبنين أي أعطاكم الأموال والأولاد وجعل لكم جنات فيها أنواع الثمار وخللها بالأنهار الجارية " ...

-- نفسك بالك يكون مرتاح ، صدرك يكون منشرح ، ونفسك مطمئنة ؟

يقول تعالى : " اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً " -- سورة هود ...

-- عاوز يبقى جسمك قوي ، وصحتك تمام ، وتسلم من العاهات والأمراض ؟؟

يقول تعالى : " اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ " -- سورة هود ....

-- نفسك تُدفع عنك الكوارث والسلامة من الحوادث ؟؟؟

يقول جل في علاه : " وما كان الله ليعذبهم وأنت فيهم وما كان الله معذبهم وهم يستغفرون " -- سورة الأنفال ...

--

وفي قصص كتيـــــــرة أوي واقعية عن ناس كانت محرومة من حاجات مختلفة وبفضل الله ثم كثرة الاستغفار ، ربنا رزقهم باللي محرومين منه .... رزقنا الله وإياكم كل ما نتمنى في القريب العاجل وبارك لنا في ما رزقنا ....

Lost ....

The more I grow up, the more I realize how weird this life really is .... One day, you have absolutely NOTHING and the next day, you have almost EVERYTHING and are forced to take decisions about letting go of things for the sake of other things ....

I am not asking for everything, I NEVER wanted everything as I clearly know that NO one has everything, but why is it always a choice between things ?? How can you take a decision when you want both (assuming that you truly can have both), or when if you decline something, other people will be affected/sad because they worked hard for this thing to come to you in the first place ??

Sobhan Allah, many people are given no choice and they find themselves forcefully walking in an "unchosen" path but complain as they had no freedom of choice and others have got a list of things to choose from but they just wish that something is forced upon them ... No one likes his condition, no matter how "good" it may seem ....

A thunderstorm is going on in my mind; I was literally "forsaken" for the past couple of months and all of a sudden the "hopeless" issues were right there in front of me just waiting for me to accept/decline ....

Months of almost "nothing" and all of a sudden ?? In the same day ?? How weird ....

Lost and clueless, I know that I always had/have/will have NO one but Allah, so I definitely will turn to Him, He is the Al-Knowing ....

Oh Allah, choose for me as I am not good at choosing .... Make me HATE what is not good for me and make me LOVE what is good for me .... Everything "seems" good, but you are the Al-Knowing ... Ameen ....

الفـــــــــــــــــاتحة

حاجة من الحاجات الغلط اللي الناس بتعملها هي ادخال سورة الفاتحة في حاجات كتيرة ... هي صحيح أجرها عظيم لأنها سورة من سور القرآن وستخدم في العلاج (قراءتها سبع مرات على مكان المرض بنية الشفاء، ولا تصح أي ركعة بدون قراءتها ، وحاجات تانية ) بس هم للأسف ما يعرفوش إن إدخالها في أمور كتيرة يعتبر بدعة ، يعني مش عشان انت دخلت سورة من القرآن في كل حاجة ، يبقى انت كدة ماشي صح ....

بعدين ما فيش حاجة اسمها "حرام أوي وحرام نص نص" ..... الحرام حرام :)) .... وما ينفعش نستقل بالبدع ونقول "الدين يسر وربنا غفور رحيم" .... فعلا الدين يسر وهذا يعني إن ربنا لم يأمرنا إلا بما هو يسير علينا (لم يكلفنا إلا بالذي في وسعنا) وفعلا ربنا غفور رحيم ولكن لا يجب أن ننسى أنه "شديد العقاب" ... ما ينفعش الواحد يكون عايش حياته وماشي على مبدأ "ربنا غفور رحيم" !!! دة أبو بكر رضي الله عنه كان بيقول "فلا يأمن مكر الله إلا القوم الخاسرون" ، يعني حتى وهو من العشرة المبشرين بالجنة كان مرعوب من عقاب ربنا ، احنا بقى نعمل إيه ؟؟؟

بعدين الرسول قال عن البدع (من عمل عملاً ليس عليه أمرنا فهو رد) يعني مردود .... البدعة مردودة ..... وقال أيضاً : (إياكم ومحدثات الأمور ، فإن كل محدثةٍ بدعة ، وكل بدعةٍ ضلالة) وزاد النسائي بإسناد حسن (وكل ضلالة في النار) ...

----------------

المهم ، هم بدعتين مرتبطين بسورة الفاتحة ولفتوا انتباهي أوي عشان منتشرين بطريقة بشعة بين الوسط المصري ....

أول حاجة : "قراءة الفاتحة على روح الميت" !!!

أنا هكتفي بنقل كلام الشيخ العلامة ابن باز رحمه الله ، ودة مش "رأيه الشخصي" ولا هو "متشدد" ولا "دة قرآن يعني ، انتم كمان هتحرموا القرآن؟؟" ، دي حاجات بأدلة للي عاوز يمشي على نهج الرسول والصحابة ....

" ثبت عن النبي صلى الله عليه وسلم أنه كان يزور القبور ويدعو للأموات بأدعية علمها أصحابه ونقلوها عنه، من ذلك: ((السلام عليكم أهل الديار من المؤمنين والمسلمين وإنا إن شاء الله بكم للاحقون، أسأل الله لنا ولكم العافية))، ولم يثبت عنه صلى الله عليه وسلم أنه قرأ سورة من القرآن الكريم أو آيات منه للأموات مع كثرة زيارته لقبورهم، فلو كان ذلك مشروعا لفعله وبينه لأصحابه رغبة في الثواب ورحمة بالأمة وأداء لواجب البلاغ، فلما لم يفعل ذلك مع وجود أسبابه دل على أنه غير مشروع وقد عرف ذلك أصحابه رضي الله عنهم فاقتفوا أثره واكتفوا بالعبرة والدعاء للأموات عند زيارتهم، ولم يثبت عنهم أنهم قرءوا قرآناً للأموات، فكانت القراءة لهم " بدعة محدثة "، وقد ثبت عنه صلى الله عليه وسلم أنه قال: ((من أحدث في أمرنا هذا ما ليس منه فهو رد)). والله الموفق.

ودة الشيخ محمد حسان حفظه الله

----------------------

تاني حاجة: إذا ربنا قدر لرجل وامرأة الارتباط ، بيعملوا "قراءة فاتحة " !!!!

هنقل بردو كلام الشيخ ابن عثيمين رحمه الله:

" هذا ليس بمشروع ، بل هذا بدعة ، وقراءة الفاتحة أو غيرها من السور المعينة لا تقرأ إلا في الأماكن التي شرعها الشرع ، فإن قرأت في غير الأماكن تعبداً فإنها تعتبر من البدع ، وقد رأينا كثيراً من الناس يقرؤون الفاتحة في كل المناسبات حتى إننا سمعنا من يقول : اقرءوا الفاتحة على الميت ، وعلى كذا وعلى كذا ، وهذا كله من الأمور المبتدعة ومنكرة " .... من موقع الإسلام سؤال وجواب ....

ودة كلام الشيخ ابن باز رحمه الله :

-----------------------

حاجة ثالثة مش مرتبطة بسورة الفاتحة بس مستفزة أوي ، إن الاتنين لما بيتخطبوا بيحسوا إنهم خلاص بقوا "زي الاخوات" فيجوز له إنه يقعد معاها لوحده ، ويمسك إيديها ، ويخرجوا سوى لوحدهم ، و ، و ، و ... ولا يعلمون أن الخاطب في حكم الأجنبي !!! يعني زيه زي أي واحد تاني في الشارع غريب ما تعرفهوش !!!! الخطبة هي "وعد بالزواج" وليس "نصف الزواج" !!! ويجوز له رؤيتها حسب الرؤية الشرعية والتحدث إليها أمام محرم لها فقط .... للأسف بقيت منتشرة أوي ولو كلمتها تقول "دة خطيبي" ، أو "بابايا عارف" ...

وسأترك لكم البحث عن الأدلة على ذلك لأنها كثيرة جداً ولا يوجد فيها خلاف ....

اللهم أرنا الحق حقاً وارزقنا اتباعه وأرنا الباطل باطلاً وارزقنا اجتنابه ....

صوتٌ في الميــــــدان يُنادي

اللهم ولي أمورنا خيارنا :)

نشيد جميل أوي ...

ومش هسيبه ..... ء

كان يا ما كان

كان في مجموعة ناس صوتهم حلو أوي

بس واحدة منهم ، صوتها كان أجمل منهم كلهم .....

سمعوا إن في مسابقة إنشاد وكلهم راحوا عشان يقدموا .....

الناس كلها كان شكلها جميل فلجنة التحكيم ادتهم فرصة ينشدوا ويوروهم موهبتهم

لكن الواحدة دي كانت مش حلوة أوي فكل ما تروح حتة ، من غير ما حتى يسمعوا صوتها يقولوا "آسفين ، العدد اكتمل" .... طب ازاي العدد اكتمل وهم لسة قاعدين بياخدوا ناس بعدي ؟؟؟

افتكرت قبل كدة إن في حد قالها إن الناس دايما بتحكم على الناس بمظهرها ... فحمدت ربنا إنها مش حلوة وقعدت في بيتها خايفة تقابل الناس ....

مرة سمعت عن مسابقة إنشاد بس على الراديو ، يسمعوك من غير ما يشوفوك ... كانت خايفة ومترددة أوي أوي .... أصلها تعبت من إنها تترفض كل شوية .... فعلاً تعبت مع إنها كانت أكتر واحدة موهوبة .... قالت "هجرب، أكيد مش هتجرح أكتر من الأول" ....

اتصلت بيهم وقدمت نفسها وبدئت تنشد وهما مبهورين من أول سطر قالته .... سمعوها لحد الآخر بعدين قالوا لها "حرام عليك !!! فينك من زمان ؟؟ إزاي ما قدمتيش لمسابقات قبل كدة؟" .... سكتت ... بعدين قالت "ظروف" ...

قالوا لها إنها أفضل صوت هما سمعوه ويحبوا إنهم يقابلوها .... قالت لهم "بلاش تقابلوني الله يخليكم لحسن تغيروا رأيكم" !!! قالوا لها "إزاي يعني ؟؟؟ هو صوتك هيتغير لما نقابلك مثلا ؟؟؟ " ... قالت لهم "أصل شكلي ...... " .... "يا سلام ؟؟؟ واحنا مالنا بشاكلك ؟؟؟ اللي يهمنا صوتك .... دي مش مسابقة ملكات جمال" !!!!.....

راحت لهم وشافوها بس أول ما شافوها افتكروا صوتها فنسوا شكلها خالص وقالوا لها "مبرووووك ، طلعتي الأولى ، انت أجمل صوت سمعناه ... امتى هنبدأ تسجيل ؟ ممكن من دلوقت ؟؟؟" .... ابتسمت بعد ما قربت تنسى شكل الابتسامة وبدئت تنشد لهم أول نشيد وكان من تأليفها وعنوانه "عندي حلم ومش هسيبه" .....

نسيــــــــت أقول أهم حاجة

كويس إني نسيت عشان تبقى في تدوينة لوحدها عشان تحسوا بأهميتها :)

الدعاء ، الاستغفار، الصلاة، القرآن

مش بقول لك هتسيب كل حاجة وتقعد على السجادة طول اليوم ، ربنا ما أمرناش بكدة طبعاً

* بس تربص لأوقات إجابة الدعاء : ركعتين في جوف الليل (الثلث الأخير دة عجااااايب لوحده سبحان الله، يااااما سرطانات اتشفت ، ياما عقم اتشفى ، ياما جوازات تمت ، ياما فقر زاااال .... ربنا الكريم الغني بينزل إلى السماء الدنيا تنزلاً يليق بجلاله ويقول "هل من سائل فأعطيه" !!!! واحنا نايميــــــــــــــن ؟؟؟ دة والله لو واحد مهم من البشر عرفت إنه بيعدي على البيوت بالليل ويدي للناس اللي هي عاوزاه هتفضل صاحي ومستنيه ، طب ملك الملوك بيقول لك "عاوز إيه؟" ) ، بين الأذان والإقامة، في السجود بتاع الفرائض والنوافل، يوم الجمعة ....

* لما تكون قاعد سرحان ولا مستني حاجة (مواصلات، ماء يغلي، بتلبس، نازل على السلم ، أي وقت) ، اقعد استغفر الله ، بدل ما تقعد فاضي كدة ، خليك تاخد حسنات ، وتكفر سيئات وتجيب الدعوات ... ربنا قال في سورة نوح : " فقلت استغفروا ربكم إنه كان غفاراً ، يرسل السماء عليكم مدراراً ، ويمددكم بأموال وبنين ويجعل لكم جنات ويجعل لكم أنهاراً" .... دة اللي نوح عليه السلام قاله لقومه ... وفي قصص واقعية عن ثمرات الاستغفار دور على الyoutube وقعد عيط :(( .... والرسول صلى الله عليه وسلم قال في سنن الترمذي "من لزم الاستغفار جعل الله له من كل هم فرجاً ومن كل ضيق مخرجاً ورزقه من حيث لا يحتسب" .... استغفر الله وأتوب إليه .....

* كل ما تلاقي نفسك متضايق من حاجة أو شايل هم حاجة أو خايف من حاجة ، صلي ركعتين لله وقول له كل اللي جواك (صلاة الحاجة) ، هتلاقي سحرررررر .... الرسول صلى الله عليه وسلم لما كان بيهمه أمر من الدنيا ، كان بيهرع إلى الصلاة .... "واستعينوا بالصبر والصلاة" .....

* ويا سلام لو كل يوم يكون ليك ورد حفظ/مراجعة أو حتى قراءة من كتاب الله ... كلام ربنا لينا !!! رسائل وإرشاد وسكينة ... "وننزل من القرآن ما هو شفاء ورحمة للمؤمنين" .... لازم يكون ليك معاه وقفة يومياً ولو ربع ساعة ، ما تبقاش بخيل ، انت الكسبان ....

وإوعى تنسى قول الله تعالى "فاذكروني أذكركم" .... تخيل لو ربنا ذكرك حياتك ممكن تبقى عاملة إزاي ؟؟؟

اللهم أعنا على ذكرك وشكرك وحسن عبادتك ....

اللهم استعملنا ولا تستبدلنا .....

أنا وأنا

" If you are scared of something, face it and don't run away ".. Today was the first time I applied this and how relieved I am :) ! الحمد لله .... A "scary" but "funny" experience ... Still in shock !!

أنا 1 : أبعت ؟؟ ههههه ، مش عارفة ليه بضحك على نفسي كل ما يكون في فرصة بعت .... أجي إيه أنا قدامهم كلهم ؟؟

أنا 2 : وهتخسري إيه يعني ؟؟

أنا 1 : ما انا عارفة النتيجة ، كلهم زي بعض ، أتعب نفسي ليه بقة ؟ مش أختصر السكة وخلاص ؟؟

أنا 2 : مش هتخسري حاجة ، ممكن المرة دي يبقى غير ....

أنا 1 : غير ؟؟ أنا امتى كانت أي حاجة معايا غير ؟؟

أنا 2 : انت حرة ، أنا قلت اللي عندي .....

أنا 1 : طيب ، ما هي بايزة بايزة .... هبعت أهوه .....

وخلال الوقت .....

أنا 1 : هههههه، شفتي بقة إني أنا اللي صح ؟؟؟

أنا 2 : أنا نسيت أصلا الي بتتكلمي عليه ....

وبعد سبعة شهور .... والله سبعة !!!

أنا 1 : إيه دة ؟؟؟ وإيه اللي فكرهم بعد كل دة ؟؟؟ سبحان الله ! ما كنش طلعتلهم في الحلم مثلا ولا جالهم هاتف ؟؟

أنا 2 : مش قلت لك ؟ خسرتي حاجة ؟؟

أنا 1 : بس غريب انهم يتكلموا بعد كل المدة دي ، الموضوع دة فيه إنَّ وأنا هسحب نفسي من أوله ... أنا أصلاً ما كنتش عاوزة من الأول وانت اللي غصبتيني .....

أنا 2 : انت غريبة أوي ، ماشي يا ستي ، أديني بغصبك تكملي .... شوفي بس الموضوع إيه ...

أنا 1 : يا ستي أنا في غناء عن وجع الدماغ دة ، النهاية واحدة ومعروفة ....

أنا 2 : مش هرد عليك ، انت حرة ...

أنا 1 : طيب ، هجرب ، مش فارقة خااااالص ....

وبعد يوم ... يوم والله !!!

أنا 1 : إيه دة ؟؟؟ إيه اللي بيحصل ؟؟ أنا مش مصدقة !!

أنا 2 : مش قلت لك ؟؟

أنا 1 : عارفة يا ست الحكيمة بس غريبة أوي يعني ....

أنا 2 : غريبة غريبة ، هو في حاجة عمرها ما كانت غريبة معاك ؟؟

بعد يومين كلهم خوف وقلق ... مش زي أي يومين ....

أنا 1 : أنا خايفة أوي

أنا 2 : وهتفضلي خايفة كتير أوي لو ما أخدتيش الخطوة ... كفاية عليك أوي اليومين دول .... طالما كدة كدة هتتاخد ، خديها دلوقت وريحيني معاك ...

أنا 1 : بس أدي نفسي فرصة أستجمع قوايا فيها !!

أنا 2 : مش هتستجمعي غير الخوف ... اتوكلي على الله ... يللا، ربنا ثم أنا جنبك ....

بعد دقائق مخيفة ومضحكة .... فعلاً اجتمع الخوف مع الضحك مش عارفة إزاي ...

وصرااااااع بين أنا 1 وأنا 2 وطرف ثالث .....

سجود شكر ....

أنا 1 : انت معايا ؟؟؟ أنا 2 ؟؟؟ إيه اللي حصل دة ؟؟ في غلطة أكيد في الموضوع ....

أنا 2 : غلطة إيه بس ؟؟؟ دي الحاجة الوحيدة اللي صح ، كل اللي فات هو اللي كان غلط ....

أنا 1 : بس انت شايفة دة معناه إيه ؟؟؟ دة لسة اللي جاي أسوأ !!!

أنا 2 : ليه يعني ، مش حطيتي رجليك على أول الطريق وكنت مرعوبة من الخطوة دي ، أهي تمت الحمد لله ...

أنا 1 : ايوة بس بردو اللي جاي أصعب ... مين قال إن اللي بيحط رجليه على أول سلمة بيقدر يكمل ؟؟؟ أنا مشششش مصدقة .... أكيد في غلط ...
أنا 2 : معلش أنا عاذراك ، مانت اللي شفتيه يخليك تعملي أكتر من كدة ، بس اعتبريها هدية من ربنا ....

انا 1 : سبحان الله ، وأي هدية ....

لما الواحد يكون مش عارف يفرح ، يضحك ، يعيط من الفرحة ، ينط ولا يزقطط .... بس يفضل مبلم كدة وبيراجع الأحداث تاني لعل يكون في حاجة غلط ....

أنا 2 : أول مرة أشوف حد من شدة فرحته بلِم ... إن شاء الله الصدمة تروح بعد فترة وألاقيك فرحت ...

أنا 1 : فكرك هفرح ؟؟؟ حاسة إني شايلة هم سنيــــــــــــــــــــن ....

أنا 2 : استهدي بالله ، انت مالك بالسنين دي ؟؟ انت مسؤولة عن النهاردة بس ....

أنا 1 : الحمد لله ... الحمد لله .... الحمد لله .... في ناس بتستنى سنين ، في ناس بتستنى شهور في ناس مش بتستنى أصلا ... الحمد لله الذي جعلنا من أصحاب الشهور ، خير الأمور الوسط ...

أنا 2 : ولسة إن شاء الله ، ولسة ....

هند أحماس - قضية أمة

ما كنتش متخيلة إني في يوم من الأيام هشوف واحدة كدة ما شاء الله تبارك الله

حاجة غريبة فعلاً

الحكم بالسجن لمدة سنتين عشان لابسة النقاب في فرنسا ؟؟؟

فين حرية العقيدة وحرية الملبس الي "بينعقوا" بيها بقالهم سنين ؟؟؟

ولا الحرية بتكون في التعرية بس ؟؟؟

حسبي الله ونعم الوكيل فيهم واحد واحد

ربنا ينصرها ويثبتها ويحفظها هي وكل اللي زيها

أسيــــــــــبــك لميــــــــن ؟؟

:( وحشتيـــــــني :(

شابووووووه للي ما سابوش مصر مهما كان وضعها وحش مع إن ليهم فرص كتيرة حلوة برة .... وإن شاء الله الوضع يرجع أحسن من زمان وترجع أقوى دولة مسلمة عربية وقلب الوطن الإسلامي والعربي :) ... يـــــــــــا رب

فإنه لا يهلك مع الدعاء أحد .... ء

* قال صلى الله عليه وسلم : "لا تعجزوا في الدعاء فإنه لا يهلك مع الدعاء أحد" ...

* رب إني لما أنزلت إلي من خير فقير

* يا حي يا قيوم برحمتك أستغيث ، أصلح لي شأني كله ولا تكلني إلى نفسي طرفة عين

* لا إله إلا الله وحده لا شريك له ، له الملك وله الحمد وهو على كل شئ قدير

يستحق كل الوقت المخصص له .... يستحق المشاهدة ...

9 ways to avoid marrying the wrong person (3)

Additional Points to Consider:

1. The fact is no one looks 25 forever. Ultimately, we love the person we marry for more than their appearance. When we get to know someone we love and admire, we’ll love them for their inner beauty and overall essence.
   
   
2. Once we find someone, we consciously or subconsciously want so badly for it all to work that we decide not to question or see what is clearly in front of our eyes: they were rude to the waiter, speaks ill of others, is rude to you, etc. We don’t stop to ask, “What does all of this mean about their character?”
   
   
3. Never separate someone from their family, background, education, belief system, etc. Asking clear questions can clarify this. Ask questions like, “What does it mean to have a simple lifestyle?” “What are your expectations of marriage?” “How would you help around the house?” Compare your definition with theirs.
   
   
4. Be flexible. Be open-minded!
   
   
5. Giving in a happy marriage should not be confused with martyrdom. It should be about taking pleasure and seeing the other person as happy because of your connection with them.
   
   
6. Morality and spirituality are the qualities that truly define someone in addition to beauty, money, and health. The morally upright and spiritual person will stand by your side during adversity and hardship. If someone isn’t God-conscience and doesn’t take themselves into account with God then why should you expect them to fulfill their rights owed to you? The ideal partner is someone who considers giving a gain and not causing a loss. Having a mutual and shared spiritual relationship will foster a successful marriage. Furthermore, a successful marriage is one that keeps the laws of family purity which require a certain degree of self-control and self-discipline, as well as the belief that the physical side of the relationship includes the spiritual and emotional side as well. Finding commonality and balance between the spiritual and emotional aspects of a relationship is a strong key to a healthy and thriving marriage.
   
   
   THE END ....

إلــــــى اليائسيــــــــن

سواء توقفت عن الإيمان بالأمل أم لا ، سيظل الأمل كما هو ضوء للحيارى في ظلمة الأيام ولن ينقص من قدره شئ .... فآمن به خير لك --- فدوى عزت

-----------------------------