ألف مائة مليون مبرووووووووووووك لحازم دياب سي إس دي 2009 وهند رشدان سي إس دي 2011
Congratulations H & H :P
ومن اسبوعين باسم قسم عمارة مش عارفة خريج سنة كام وباسمة محمد سي إس دي 2011
Congratulations B & B :D
وعقبال باقية الحروف (بس مش شرط يعني يكونوا الحرفين زي بعض ) وعقبال كل السي إس ديهيين .... بارك الله لهما وبارك عليهما وجمع بينهما في خير ... ياااه، سبحان الله، الواحد حاسس إنه فجأة كدة كبر، صحابه اللي حواليه (صحيح هما أكبر مني بسنة وأكتر : ) في العمر ) اللي اتكتب كتابها واللي اتجوزت ... الجواز بيكون مجرد البداية .... ربنا يتمم لهم بخير يا رب ويسعدهم يا رب ويسترها علينا
------------------------------------------------
يا الله !!!! يا لطيف ... بجد أنا مستغربة أوي ومندهشة ... من 4 سنين كان في 40 ألف حالة انتحار والسنة دي 104 ألف حالة ودة في مصر بس !!!!!!!!!!! وقال إيه أغلب حالات الانتحار عشان واحد ما اتجوزش اللي كان نفسه يتجوزها أو واحدة أهلها رفضوا اللي هي عاوزاه !!!!!!!!!!!!!! لا حول ولا قوة إلا بالله ... ناس تموت كافرة وتخلد في النار عشان واحد ولا واحدة !!!!!!!! بجد الدين اتنزع من الناس وكلنا محتاجين توعية دينية قوية ومكثفة ... مش ممكن لو صبروا ودعوا ربنا كان ربنا إداهم اللي عاوزينه وأحسن ؟؟؟؟؟ حتى لو لأ، يبقى أكيد دة الخير "وعسى أن تحبوا شيئا وهو شر لكم" .... أنا استغربت لما سمعت الخير بس اتأكدت لما سمعته من كذة مصدر ... ربنا يسامحهم ويهدي اللي لسة عايشين :(( ..........ء
--------------------------------------------
الحمد لله، جبت 3 كتب من ال4 بتوع أحلام مستغانمي ، جبت "ذاكرة الجسد" و"فوضى الحواس" و"نسيان" وباقيلي "عابر سرير" .... أنا طبعا كالعادة بدأت قراءة من آخر إصدار ليها "نسيان" ، الكتاب جميل أويييييييييييي ... لونه اسود من برة، ودي أكتر حاجة شدتني فيه أصلي بحب اللون الأسود أوييي .....ء
وهنا بعض الاقتباسات منه ... أنا صراحة لم أصدق إنها متزوجة، واحدة بتكتب كلام كدة غالبا بتكون متعقدة من الرجالة أو عانس
:D ++
ء " هكذا هي المرأة العربية، تؤجل فرحتها في انتظار السعادة "ء
ء " ثمة أفاع وتماسيح تنتظر في النهر سقوط امرأة لا تحسن العوم "ء
ء" إن العلاج بالقراءة الانتقائية هو إحدى أحدث طرق العلاج النفسي "ء
ء" العلاج المثالي لكل أوجاع القلب هو الضحك وعدم أخذ الذاكرة مأخذ الجد "ء
---------------------------
خلاص هانت، الحمد لله، باقي 3 أسابيع بالظبط وأروح لهم ... بجد أنا فرحانة أوي الحمد لله ... يا رب اللي نفسي فيه يحصل يا رب يا رب ... بقالي 7 سنين نفسي فيها أوي .... يا رب .....ء
------------------------------------
بحب الشيخ "محمد حسين يعقوب" و"محمود المصري" و"محمد حسان" أوي أوي ... ربنا يجزاهم خير، بحس إني اتغسلت من جوا بعد ما أسمعهم وبيحسسوني قد إيه أنا وحشة وأنا فعلا وحشة أوي أوي أوي ... يا رب اهديني واهدي على إيدي يا رب
---------------------------------------
فعلا، " من كان في حاجة أخيه، كان الله في حاجته " ... الحمد لله
----------------------------------
يا رب رجعلها كتبها والحاجات كلها ... أنا استودعتك إياها وأنا واثقة إن ودائعك لا تضيع .....ء
----------------------------------------
أحلى حاجة إن الواحد يشغل نفسه بأي حاجة كويسة ونافعة وما يسيبش وقته يعدي كدة من غير حساب ... السنة اللي بتعدي على الإنسان من غير إنجاز عبارة عن شهور والشهر عبارة عن أسابيع والأسبوع عبارة عن أيام واليوم عبارة عن ساعات والساعة عبارة عن دقائق والدقيقة عبارة عن ثواني والثانية بتعدي من غير ما نعمل لها حساب .... شفتوا بقة قد إيه الثانية مهمة ؟؟؟
----------------------------------------
وخير جليس في الحياة كتاب
2 comments:
hello ,
i've read some of your topics , and i liked it , i hope we interacte together , so u keep up ,
be in touch
best wishes
thanx
bye
Hey Rabab :)
Thanx for ur opinion sweety and thanx a lot for the encouragement !!!
It's my honor to be in touch with people like u :)
Post a Comment
comments are always welcomed :)