لانا :(((

ربنا معاكم يا سي إس ساوية .... كنت في يوم ما في مكانكم (يا ترى مين قاعد على ديسكي اللي قعدت عليه وماليته شخابيط ثلاث سنين ؟؟؟) .... ما أجملها من أيام (ما تكرهونيش بعد الكلمة دي ، بس مش هتحسوا بيها إلا لما تتخرجوا وتتحطوا في مكاني ، مش شرط تتخرجوا بس ، لازم تكونوا "في المنفى" ، الحمد لله ) .... أول مرة أحس فعلاً إني نفسي لو يوم واحد منهم يرجع .... بغض النظر عن إننا كنا متبهدلين وبنصوت وال" تدوينات الجامعية " تشهد، بس سبحان الله ، الواحد مش بيحس بالنعمة إلا لما تتاخد منه فعلاً .... ممكن عشان ما شكرتش ربنا حق شكره عليها ؟؟؟ يا رب سامحني وأعد الأيام "الحلوة" من تاني .... أخاف ربنا يبتليني بأيام أشد من اللي أنا فيها دي عشان مش بشكره عليها "مهما كانت" ..... الحمد لله على كل حال .... " قُلِ اللَّهُ يُنَجِّيكُمْ مِنْهَا وَمِنْ كُلِّ كَرْبٍ " .....

------------------------

Back to reading English novels like a book worm .... Although I haven't got any exams now (nor any in the coming decade maybe) ..... Is it something "hormonal" where I have to read books when there are exams ?? Is my body used to "digging" for books at this time of the years since grade 7 ??? I dunno

--------------------------

I think it might be called "Kleptomania of happiness" ....

في ناس اكتشفت إنها فعلاً مريضة .... مش المرض النفسي العادي اللي الناس كلها بقيت مريضة بيه تقريباً ( في إحصائية بتقول إن أكتر من 77% من العالم مريض نفسياً !!! يا لطيف !!! ) .... مش دي النقطة ، بس الناس اللي بتكلم عليها بتعمل حاجات وتنكر إنها عملتها ... مش خوفاً ولا تمثيلاً ، ولكن فعلاً تكون مش حاسة إنها عملتها ومقتنعة جداً إنها عمرها ما ممكن تعمل حاجة كدة في يوم من الأيام وتحاول تدور لها على ناس تساندها في إنها بريئة ، بس للأسف مش بتلاقي .... مش عارفة الناس دي أتعامل معاها إزاي ؟؟؟؟ أطنش مرضها دة ؟؟؟ طب إزاي إذا كان مؤثر ومسيطر علي بطريقة بشعة ؟؟؟

-------------------------

سبحان الله !! لسة كنت بتمنى لو أرجع ثالث ابتدائي تاني وإزاي كل مدى الدنيا بتلطش في الإنسان أكتر (أو طول عمره بتلطش فيه بس تلطيشها بيزيد لما يكبر أو مش بيحس بالتلطيش أصلاً إلا لما يكبر) ..... أصل الواحد مهما كان بيتهبد وهو صغير ، بيكون مغيب إلى درجة ما ..... لسة كنت بتمنى ، وأنا قاعدة بتمشى ومشتهية دونات وألاقي بنوتة عسولة أوي أوي ما شاء الله في ثالث ابتدائي جيالي بدوناتة ضخمة !!! .... شكرتها أوي وبوستها وسألتها عن اسمها وكنت مبسوطة جداً بيها (بالبنت ، مش الدونات والله :))) ) .... قالت لي "لانا" .... راحت أبلتها واخداني على جنب من غير ما البنت تحس وقالت لي "ادعي لها ، عندها سرطان " !!!!!!!!! اتصدمت صدمة رهيبة وحسيت إني ماليش أي نفس أكل أي حاجة وحسيت إني ولا حاجة .... سبحان الله ، ناس تتمنى ترجع طفلة وناس بتعاني بجد في طفولتها .... أخبث مرض .... ربنا يشفيكي يا "لانا" في القريب العاجل ... قولوا آمين .... :(((( وجعتيلي قلبي أوي ، كل ما هاكل دونات هفتكرك ونفسي هتتسد .... ربنا يشفيك يا حبيبتي يا رب ويقويك ويصبرك ، آميــــــــــن .... :((( ... أسأل الله العظيم رب العرش العظيم أن يشفيك ويعافيك .......