رواية .... تمنيت لو لم تنتهي :/ ....
أول عمل أقرؤه ل "نور عبدالمجيد" .... ما أعرفش لو في أعمال تانية ....
شفتها صدفة عند أحد صديقاتي وجذبني العنوان .... حسيته هيبقى كله هبل (نزار قباني وبتاع) بس ..... مع كل كلمة ، كنت بتنهد تنهيدة عميقة ....
ما فيش ولا كلمة كانت مملة ...
استفدت منها أوي ....
ما كنتش بقضي وقت وخلاص ....
أول رواية تعدي علي مفيدة ... أغلب الروايات اللي بقرأهم بسلي نفسي أو بعيش قصة جميلة من وجهة نظر حد وخلاص ....
صحيح فيها عبارات وألفاظ المفروض لا تصدر من مسلمة ، ناهيك عن إنها أنثى (الحياء فين ؟؟) بس هي الحياة كدة .... لازم كل عسل يتحط فيه سم .... وانت وشطارتك لو قدرت تبعد عن السم بطريقتك وتحتسي العسل دون تلوث .... دون تسمم .... دون ندم ....
لولا الألفاظ دي ، كنت ادتها خمسة نجوم .... بس هي تستحق أكثر ودة أكبر عدد .... فحلو أربع نجوم ....
أول مرة أحس إني مش عارفة أقول رأيي في حاجة قرأتها .... حاسة إني أقل بكتير من إني أقول رأيي فيها
رواية عبقرية ؟؟ جايز ....
طول ما أنا بقرأ وأنا يا إما جلدي يقشعر أو أشهق أو أبكي بصمت أو أبكي بنحيب أو أكتفي بوضع يدي على قلبي والشعور بقلبي يدق بعنف داخل قفصه الصدري .....
عجبتني أوي علاقة دينا بعايدة .... نفس الأحاسيس اللي اتكتبت شعرتها لواحدة فقط في حياتي ... ولا أظنها ستتكرر .... حب حياتي .... أجمل هدية .... الحمد لله ...
من ظن أنه عاش الألم ، فليقرأها ليعرف معنى الألم ....
من ظن أنه أحب ، فليقرأها ليتذوق طعم الحب .....
من ظن أنه قرأ الكثير من الروايات الجميلة ، فليقرأها ليعرف معنى الجمال ....
أي حد عنده أي حاجة ، يقرأها ويعرف بنفسه !!! :)
حسيت إني عمري في حياتي ما قرأت روايات ....
كانت فين المؤلفة من زمان ؟؟؟
ممكن أكون اتحمست للرواية أوي عشان كل سطر منها لمس جزء مني بشكل أو بآخر .... جايز ...
أول مرة فعلاً أتعارك مع نفسي وأنا بقرأ عشان أقوم من على كتاب بقرؤه وأقعد في شعور غريب لحد ما أرجع وأكمل قراية ....
أقول إيه أكتر من إني فعلاً ما كنتش بنام اليومين اللي فاتوا عشان سهرانة عليها وبنزل البيت الصبح من 6 ونصف عشان أرجع بعد الظهر أعمل اللي ورايا بسرعة (وربما تستغرق السرعة ساعااات) وأهرع لإكمالها ....
-----------------
عجبني أوي اللي كتبته تحت " مقدمة " ..... كلام عميق ...
مش
هحطه هنا ... لازم تقرأوه بنفسكم بين صفحات الكتاب .... إحساس الكتاب بيبقى غير ....
حياة عايدة وعايدة
نفسها ... فيهما مني الكثير ... لولا نهايتها الجميلة ما رشحتها للقراءة ... بس كنت أتمنى النهاية تكون مختلفة .... كنت أتمنى يكون هناك لقاء بعد الفراق .... كان نفسي أوي تكتب إن حصل لقاء .... بس سابتنا كدة ... متعلقين بأمل ... أمل الإحتمال ...
يا ترى ، يا هل ترى ... أتكون نهايتنا سعيدة ؟؟؟
أتكون هناك سعادة قبل أول قدم نضعها في الجنة ؟؟
----------------
دي مقتبسات من الرواية .... لمست حياتي في مكان ما .... عشت الكلمات
دي تحت ظرف ما .....
آخر عبارة من اللي عجبوني حططتها الأول ..... نور عبدالمجيد مش بتكتب من فراغ .....
" في الحب قد يكون الفراق هو البداية " .....
كل واحدة هتقرأ الرواية ، هتكره نفسها لإنها مش في ملامح عايدة ولا ممكن حد يقدر يوصفها زي ما نور وصفت عايدة ....
بس مين قال إن ملامح الإنسان لازم تكون زي عايدة عشان يتحب ؟؟؟ عشان يزرع العطف والحب ؟؟؟ عشان تكون نهايته فراق وأمل مُعلق بلقاء ؟؟؟
أكمل اللي عجبني ....
الإنسان يجب أن يحب الكائن الموجود خلف الملامح .... الملامح لا تُعشق
!!!
علمتها الكتب أن الغد ، وإن كان بعيداً سيأتي يوماً ... سيتغير اسم
الغد ذات يوم ليصبح اسمه " الآن "...
من عرف الهدف وحدد الغاية، يهنأ قلبه ويهدأ أياً كان ضعفه وعذابه ...
ما فيش سبب أكبر من الحب يخلي الإنسان أفضل إنسان في عيون اللي بيحبه
!!
لكنها اعتادت أن تكون أكثر الأشياء التي تؤلمها هي أكثر الأشياء التي
يتمناها ويسعى إليها كل من تحب ...
الحب والدفء وحدهما يصنعان النجاح ...
كيف يمكن أن يحيا إنسان وقلبه بعيد عن صدره ؟؟؟
ظننت يوماً أنك في قلبي، لكنني اليوم علمت أن قلبي فيك !!!
يجب أن يتخلصوا من أوهامهم ، ليعرفوا كيف يهنأوا بكل الهدايا التي
منحهم إياها القدر، قبل أن يسلبها منهم عقاباً لهم ...
هناك أمور قد يراها البشر جميعاً أموراً تافهة، لا تستحق الألم
والمعاناة ، ولكنها تبقى وحدها أمل قلوبنا وعذابها ....
-------------------
في صفحة ٢٥٤ ،
قتلني آدم عندما غادرت
عايدة خرابة صلاح القذر فلحقها بمظلة خوفاً عليها من المطر !!!!
يااااا لبراءة الأطفال
ورقة قلوبهم ... أشياء نُزعت من قلوب الكثيرين ....
----------------
هترجعي يا عايدة ،
هترجعي ... ما فيش حد يقدر يعيش وقلبه بعيد ....
يا ترى هقدر أنا أعيش
؟؟؟
أنا أيضاً أريد أن أضمك
إلى صدري وإن كان هذا عبر الهاتف ... عبر الإيميل ...
وحدك رغم الألم أقوى
منا وأقرب إلى روحه ...
هناك صفعة قاسية تفقدنا
البصر، ولكن هناك صفعة أكثر قسوة تعيده إلينا .....
إن قال لك يوماً إنه
يكرهني ، فأخبريه أنني أصبحت أكرهني أكثر ...
ليه لما بنتوجع بنضرب
أي حد إلا إللي دبحنا ؟؟
الأمل حلو بس مش على
حساب غيرنا ....
هناك دواءً اسمه الصبر
والوقت ....
-----------------------
الحب الحقيقي هو اللي يتشاف موش اللي يتقال ....
من يقبل بالقليل، لن يحصل يوماً على الكثير ...
ليه الإيمان الكامل بربنا بيريح ؟ عشان بيبقى حب فيه ثقة ....
لما حاجة أكبر مننا تحصل، لازم يكون عندنا إيمان مطلق في حد نسلم له
أمرنا ونسيبه هو ياخد القرار ....
الناس اللي بتشقى على الأرض هي اللي بتعيش من غير ثقة ... من غير
إيمان ...
الصبر ... الصبر والأمل ....
كيف لشخص أن يكون سر شقاء أحد وفي نفس الوقت دواءه ؟؟؟
نحن بضعفنا وبحبنا نلقي اللوم على من حولنا وننسى أن الله وحده يشاء
وما يشاء يفعل ...
لا تدعي الألم ينسيك العقل ... أعلمي أن ألمنا جميعاً كبيراً، ولكن
ليكن إيماننا بالله وبرحمته أكبر ....
أعيديه ... وإن كان قدركما البكاء فلتبكيا معاً ..!!!
قتيلان .... ولكن يشهران سيوفهما في وجه القتلى ....
ليه الواحد لما يخسر حاجة واحدة كبيرة ، ما بيقفلش إيديه على اللي فضل
عنده ؟؟؟ ليه لما ربنا بمشيئته ولحكمته ياخد من حد عين مثلاً، يروح هو قالع
التانية من وشه ؟؟ أنا أعرف إن اللي بيخسر ملايين بيحافظ حتى على الملاليم اللي
فضلت معاه ...
جنون الحزن والغضب بيعمي الواحد عن كل النعم اللي موجودة عشان نعمة
واحدة راحت ...
نحن لا نتعذب ونتألم إلا بأيدي من نحب ....
الفراق مش عقاب ... من الفراق ممكن تتولد الرحمة والغفران ... من
الفراق ممكن نشوف ونفهم ونقدر ....
كلاهما جريح ... وكلاهما لا دواء له سوى شئ اسمه الرحيل والأيام !!!
من أجلك كتبت ... وإليك سأهدي كتابي ....
ووقفت عيناه على كلمة الأمل ... وحده الأمل يعذبها .... وحده الأمل إن
مات ، صحت حواسها الأخرى ... دائماً يعبث بقلبها الأمل .... وإن مات أملها عاشت في
سلام !!!
بننسى كلام ربنا ونمشي ورا انفعالاتنا و مخاوفنا وعقدنا ليه ؟؟؟
إن من يدركون الحقيقة رغم بساطتها هم الأشخاص الذين أحبوا وتألموا ......... الحب والألم يطهران النفس ...
لماذا لا يكتمل في حياتها شئ واحد ؟؟؟ كل شئ في حياتها مبتور ... كل
شئ في أقدارها ينقصه شئ ....
صعب أن يناديك العالم في سخاء ، وأنت بيدك تغلق عينيك وأذنيك ، لتسمع
صوتاً واحداً وتحلم بوجه واحد ، وتحيا على أمل واحد وأنت تعلم وتؤمن أنه المستحيل
....
إن كان الحب أصبح مستحيلاً، فقد منحها الله ما هو أقوى من الحب ...
منحها الله ما لن تأخذه منها الأيام أو تحرمها إياه الأقدار ... منحها الله القلم
.... ستكتب وتكتب ... مع القلم وعلى السطور ستحيا كل ما حرمته إياها الأقدار ...
السعادة ليست بعدد الأمتار التي يحيا فيها الإنسان ، ولكنها بعدد
الأشخاص الذين يحبهم ويقتسمون معه الحياة بكل ما فيها ...
ستسقط كثيراً ، ولكن ستجد من يمد كفه نحوها ، وإن لم تجد سيبقى القلم
عكازها ... لن تتبعثر عند أقدام الأحلام ... الواقع وحده من نستحق أن نحياه ....
------------------
تنهيدة !!!
إذا ما جاء الفراق يوماً
وجمعني بك بعد الفراق طريق ...
وكانت تمسك ذراعيك
وكنت أتعكز ذراعيه ....
فلا تقل لها كنا
ولن أقول له كنا ....
فوحدنا نعلم سيدي
بأنَا رغم الفراق
ما زلنا ومازلنا ومازلنا ....!!!!
بدأنا الحكاية قبل الفراق أنقياء
فلننه الحكاية بعد الفراق عظماء !!!
--------------------
خلصت كدة ....
وسأترك باقي التعليقات والأفكار لنفسي ....
أتمنى لو أرد عليها برواية مماثلة ....
أشعر أنني في حالة كتابة عالية ....
ولكن وقتي ضيق .... جداً ....
4 comments:
على فكرة بجد شكرا أوى على الاقتباسات من الرواية .. أنا كل شوية أدخل أقرأها ..
تعرفى إن من أكثر الحاجات اللى أثرت فى فى الرواية هى الخطابات بين عايدة ودينا ..
:)
العفو أوي أوي :)
يس يس يس
والله الذي لا إله غيره أنا كمان
حسيتني بكلمك ... حسيتك بتكلميني .... اللهم أبقِ حبنا ما بقيت السماوات والأرض ، أنت الكريم وأنت على كل شئ قدير
لا ، حتى بعد زوال السماوات والأرض يوم القيامة
يا رب إلى أبد الأبدين
كتير بحس إن أول أمنية لي في الجنة هتكون إني أشوفك
يا ترى هنكون لسة فاكرين بعض ؟؟؟
(الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِين)
يا رب اجعلنا منهمة :)
:)
يا رب آمين ..
طالما يجمعنا الحب فى الله ، فكيف نتفرق فى الدنيا أو الآخرة .. ؟؟..
أدامك الله رفيقة لى فى الفردوس قبل الدنيا ..
آمين ..... هذا العزاء الوحيد :)
Post a Comment
comments are always welcomed :)