"ولسوف يعطيك ربك فترضى"

"ولسوف يرضى"

---------------------

والله وعملوها الرجالة :) ... الحمد لله الذي بنعمته تتم الصالحات

---------------------

You were born to win, but to be a winner, you must plan to win, prepare to win, and expect to win... But before you can win, you have to believe you are worthy

---------------------

You have to be 100% sure that Allah's plans are always much much much better than yours no matter how much you planned and how good you were prepared

---------------------

The three musketeers are back from wonderland to the bitter reality ... A beautiful dream

-------------------

يا رب تمشي أول ما امتحاناتها تخلص عشان أستعيد استقراري :( قولوا أميــــــــــــن

-------------------

أي حد يتعرض لمشكلة كبيرة في حياته أو عقبة مش لاقي لها أي حل ويحس إنه في ظلام، نصيحة مني، ثق ثم ثق ثم ثق إن الفرج قريب أوي بس لازم بقة تصبر وتدعي وتثق في الله ... تقريبا ما فيش أي حدث رائع في حياتي حصل إلا وحصلت قبليه مصائب بمعنى الكلمة ... الحمد لله، كدة الواحد يحس بطعم الحاجة

---------------------

أي حد نفسه في أي حاجة مهما كانت مستحيلة في قاموس البشر (نصيحة، ابعد عن قاموس البشر لإنه وليااااان سلبية، خلي لك قاموسك الخاص اللي ما فيهوش "مستحيل" ما فيهوش "أنا خايف"، "أنا قلقان"، "خلاص، كل شئ انتهى"، "ما فيش فايدة") ... طبعا كلنا عارفين الليستة لإننا غالبا بنقعد نرددها من غير ما نحس كمية الرسايل السلبية اللي بيستقبلها المخ واللي على أساسها يا إما بيشتغل صح يا إما بقة بيطبق الرسايل اللي زي الفل دي ... والله فعلا لو نفس الجهد بس برسايل إيجابية بعد التوكل على الله والثقة به، هتوصل غصبا عن كل الناس المثبطة...

المهم بقة، أي حد نفسه في أي حاجة مهما كانت، بكرر مهما كانت ولو كنت محتاجها في وقت معيين، ما عليك إلا الآتي (دة كلام ربنا والرسول وأنا عملت كدة وفعلا كل حاجة حصلت زي ما توقعت)، ببساطة قوم قبل الفجر ولو بنصف ساعة كل يوم (أو لو كنت بتنام متأخر، قبل ما تنام ، بس في الثلث الأخير من الليل، صلي ركعتين لربنا وادعي بيهم بأي حاجة بقة انت نفسك فيها مهما كانت، وبكرر مهما كانت ... أصل في حديث بيقول إن ربنا جل في علاه يتنزل إلى السماء الدنيا تنزلا يليق بجلاله ويقول "هل من سائل فأعطيه"، فتخيل بقة لو انت في الوقت دة والناس كلها نايمة أو مش حاسة إن ربنا اللي بينادي عليها تقوم وتقول له "أنا يا رب سائل، عاوز كذا كذا كذا" وتقول كــــــــــــل اللي نفسك فيه مهما كان (طبعا مش شرط أمور الآخرة بس، لازم تكون طماع في كرم أكرم الأكرمين) وشوف بقة إيه اللي هيحصل ... بس لازم تداوم وتثق في الإجابة (الرسول بيقول ادعوا الله وأنتم موقنون بالإجابة) ..... مش بس كدة، دة ربنا هيديهالك ومعاها حاجات كتيييييرة تانية أحسن ألف مرة ، ما تبطلش تدعي بس، خليك مع ربنا :) ء

حاجة كمان، طول ما انت بتتنفس، اذكر ربنا، هتخسر إيه ؟؟؟ رايح لليزر تصور ورق، "استغفر الله، استغفر الله"، مش ربنا بيقول "فقلت استغفروا ربكم إنه كان غفارا ... يرسل السماء عليكم مدرارا .. ويمددكم بأموال وبنين ويجعل لكم جنات ويجعل لكم أنهارا.. ؟؟؟ خلاص بقة، دة وعد من ربنا، وعد من الرحيم الكريم ... قاعد في المايكرو باص، استغفر ربنا، بين المحاضرات، استغفر ربنا ... مستني الدكتورة بعد المحاضرة، استغفر ربنا ... مش فاهم حاجة، استغفر ربنا ... متضايق، استغفر ربنا ... ونوع بقة، "لا حول ولا قوة إلا بالله" لما تقابلك حاجة صعبة ... "الحمد لله" لما تزعل أو تضايق ... "لا إله إلا أنت سبحان إني كنت من الظالمين" .... صدقني هتشوف كرم ورحمة من ربنا عمرك ما شفتها ... كمان انت يعني هتخسر إيه ؟؟؟ دة ربنا بيقول "فاذكروني أذكركم" تخيل بقة ربنا (ربنا)، ربنا، الله، يذكرك ؟؟؟ أنا مين أصلا عشان ربنا يذكرني ؟؟؟ أكيد فضل الذكر عظيم :) .....ء

---------------------

في ناس كدة يا لطيف، مهما حصلت لها حاجات كويسة في حياتها، تقعد تدور على أي حاجة وحشة، مثلا لو بقيت رئيس شركة والناس باركت لها تقعد تقول "آه بس دلوقت الضغط هيبقى أكتر" وتتأفف.... لو مثلا يعني إتجوزت والناس فرحت لها اقول "آه بس دلوقت المسؤولية زادت ومش عارف إيه" وتقعد مقروفة من حياتها ، وهكذا ... نصيحتي بقة، حاولوا توضحوا للناس دي إنها في نعمة وإنها تبص على الجانب المشرق أو النصف المليان من الكباية وإن في ملايييييييييييين غيرها بيتمنوا اللي جالها ولو ما استجابتش، ابعدوا عنها خاااالص عشان الكلام دة والله مُعدي وهتلاقي نفسك بعد فترة كل ما تحصل لك حاجة جلوة تقول "آه، بس مش عارف إيه"، واللي مش بيشكر ربنا على نعمه، ربنا بينزعها منه .....ء

خلاص كدة، أركز بقة في الجبال إللي ورايا عشان لما يكون عندي كلام، مش بعرف أركز في أي حاجة لحد ما أكتب (مشكلة حياتي)