الانتفاضة الفلسطينية الثالثة

حبيت أسجل اللحظات التاريخية دي

أنا مش مع الزحف إلى فلسطين دلوقت لإنه لا يعتبر جهاد طبقا لأحكام الشريعة وما ينفعش أصلا نروح نواجه عدو معاه أسلحة كيميائية بهتافات، بس أنا مع الانتفاضة للشعب الفلسطيني نفسه داخل فلسطين ومع الدعاء لهم ... ربنا ينصرهم يا رب

بكرة وبعده وبعده ثلاثة أيام لنصرة فلسطين وتحرير الأقصى إن شاء الله

جمعة النفيــــــــر 13-5

سبت الزئيــــــــر 14-5

أحد التحريــــــــر 15-5

الجمعة (بكرة) هيكون في صلاة فجر مليونية في جميع الدول العربية إن شاء الله

فاكرين الصهيونية اللي قالت "لن ينتصر المسلمون علينا حتى يكون عددهم في صلاة الفجر مثل عددهم في صلاة الجمعة" ؟؟؟ طبعا هي قصدت لما يرجعوا حق الرجوع إلى الله، أصل اللي بيصلي الفجر في وقته دة أجره رهيييييب (هبقى أكتبه بعدين إن شاء الله) وكمان أصلا من علامات النفاق عدم صلاة الفجر في وقته (في المسجد مع الجماعة للرجال وقبل شروق الشمس للنساء) ... ولازم كل يوم يتصلى الفجر، مش بس بكرة

:) أماكن صلاة الفجر المليونية - في الإسكندرية: مسجد القائد ابراهيم طبعا

أخي أنت حرٌ بتلك القيود

في ناس كتيرة من الدول العربية هتزحف لفلسطين وهيكون في أسطول الحرية 2 من تركيا إن شاء الله ... نفسي أكون معاهم أوي أوي، ربنا يثبتهم ويحفظهم يا رب ويشل إيد اليهود قبل ما تتمد عليهم أو تؤذيهم

وهيكون في مظاهرات أمام السفارات الإسرائيلية في كل الدول العربية إن شاء الله

يا رب حرر المسجد الأقصى وارزقنا الصلاة فيه قبل الممات

هنا كل تفاصيل الانتفاضة، بس يا ريت تكتم الصوت عشان فيها موسيقى في الخلفية