يومٌ آخر

"ولسوف يعطيك ربك فترضى" :)

------------------

شفت جزء من برنامج خواطر 3 دلوقت وقال الاستاذ أحمد الشقيري حاجة استوقفتني، اللهم صلي وسلم على حبيبنا وشفيعنا محمد ابن عبد الله ... قالها صريحة حينما سُئل "من أحب الناس إليك" ؟؟ "عائشة" ... لم يقل "زوجتي" ولا "أم العيال" ... رضي الله عنها وأرضاها، فداها أبي وأمي وروحي ونفسي ودمي ... أم المؤمنين، حبيبتي وقدوتي إلى مماتي ومهما كانت زلاتي ....

-------------------

يا جماعة، ادعوا لإخواننا في سوريا ... دماؤهم بتسيل جامد أوي :( أنا بقيت بكره الأخبار :( ربنا ينتقم من بشار المُستأسد الدنئ، شغال تقتيل حتى في الأطفال والستات وحاجات رهيبة بيعملها هو والشبيحة بتوعه، ومش في الثوار بس، في الشعب كله ، منك لله يا شيعي يا رافضي :(

عاوز يخلَّص على أهل السُنة :((

يا رب احقن دماء المسلمين ودمر أعداؤهم قريبا جدا

يا رب احفظ ليبيا وأهل ليبيا حفظة القرآن :(( (يااااه، أكترهم فعلا حفظة قرآن :( ) ... يا رب احفظ المسجد الأقصى والفلسطينيون الصامدون

يا رب ارحم شهداؤنا :((

يا رب، نصرك الذي وعدت

---------------------

غلادستون" رئيس وزراء بريطانيا الأسبق يقول: "لن يستقيم حالنا في الشرق ما لم يرفع الحجاب عن وجه المرأة، ويُغطى به القرآن"!! وهو القائل -أخزاه الله-: "ما دام هذا القرآن موجودًا في أيدي المسلمين فلن تستطيع أوروبا السيطرة على الشرق، ولا أن تكون هي نفسها في أمان". يااااااه، فوقوا يا بشر، اعملوا عكس اللي بيتقال، عاندوهم .. والله ما زادني كلامك إلا تمسكاً وثباتاً حتى الموت بإذن الله .. وتالله لو وضع حد السيف على رقبتي ما تركت هذا الأمر أبدا، والله على ما أقول شهيد ....

---------------------

من الأيام اللي دخلت الفصل وأنا سعيدة وكنت قاعدة وأنا مبتهجة ومبتسمة (الحمد لله إن وجهي متغطي وإلا الناس كانت قالت عليا هبلة بتضحك مع نفسها :)) ) .... نصيحة فعالة (اسأل مجرب): عاوز تركز ؟؟ اقعد اسأل أسئلة حتى لو مش مهمة عشان انتباهك يتشد .... الساعات بقيت بتتعد، اسبوعين وهنمشي :( ؟؟ ممكن ما نشوفش بعض خالص أو نشوفها صدقة أو كل سنة مرة ؟؟؟ .. بجد قلبي بيوجعني قوي قوي .... يا رب هونها عليا :(

----------------------

"freelancing"

النهاردة حصل إيه ؟؟ أخدنا سيكشن distributed systems وفي الآخر الباش مهندس قال لنا كلام مهم .. بما إن كان في ناس مش حاضرين، هقول ملخص سريع .. كلمنا بردو عن الشركات وكدة وقال إن كتيرك في الشركة هتاخد 4000 جنيه لكن لو اشتغلت من بيتك على النت، ممكن أوي توصل ل 30 دولار في الساعة يعني تقريبا 28 ألف جنيه في الشهر !!! مش عارفة حساه رقم تخيلي كدة بس الموضوع دة كويس لحد عاوز فلوس بسرعة (ناوي يعمل مشروع أو يفتح شركة مثلا) ومن غير تعاقد ولا حاجة، بتدخل على الويب سايتس دي وتعمل offers للناس اللي عاوزة حد يعمل لها بروجكت معين في وقت معين وهي بتختار أحسن حاجة تناسبها وكدة وبتعلى مع الوقت .. ممكن تبدأ من 8 دولار في الساعة وتقعد تكبر بقة ... الفكرة إنك هتكون شغال مع نفسك، تقريبا بتعلم نفسك كل حاجة بس بتفقد روح الteam work والجو الاجتماعي بس كويس للي مثلا هيقضي وقته في البيت بعد وقت ما أو هيخش الجيش .. في ناس كتيرة أوي بدئت كدة وقال ممكن تشتغل في شركة سنة ولا حاجة تاخد خبرة بعدين تشتغل في موضوع النت دة

المواقع هي

odesk

vworker

ولا بيحتاجوا GPA ولا أي حاجة .. الموضوع دة كان اتقال لي عليه من سنتين بس بما إني كنت شايلة موضوع الشغل دة من دماغي، ما شدنيش أوي، كمان أصلا الدراسة واخدة كل الوقت (أو غالبا، أنا اللي بضيع الوقت)

---------------------------

الباش مهندس أحمد عصام، من الناس اللي بحسها خسارة في البلد أو بحس إن الدنيا بخير طول ما في زيه موجودين ... ما شاء الله عليه، مش من الناس اللي تخش تشخبط على الصبورة وتحل الشيت وتنصرف، أصلا هو عندنا سيكشن واحد ومن بداية الترم بيدينا سيكشنين من عنده كدة.. بيغرس فينا أخلاقيات ما شاء الله مش دراسة وبس .. بجد الحمد لله إنه هو اللي ادانا performance وإلا كان زمانننا بنصوت.... كمان الباش مهندس محمود بسيوني ربنا يكرمه، زرع فينا حاجات جميلة أوي ... صعب أوي ننسى اللي زييهم، يا رب نطبق اللي اتقالنا واللي اتعلمناه ... المهم بقة، كلمنا عن بردو الشغل بعد التخرج والفرص المتاحة وكدة ... أغلب الناس طبعا بتروح للشركات عشان دي أسهل حاجة وبتجيب فلوس لا بأس بها على طول .. كلمنا عن الresearch والteaching (مش شرط تكون من الأوائل، ممكن تدرس رياضة أو كمبيوتر في إعدادي أو في الأقسام الخاصة أو حتى في جامعة خاصة pharos، الجمعة اليابانية، معهد رجب، الأكاديمية ، الفرص كتيرة للي يدور) وكمان كلمنا عن الجيش D:

أنا فعلا كنت محتارة (وما زلت) أعمل إيه لما أتخرج، صحيح أنا بحب كل حاجة ومستهويني موضوع الresearch بقاله سنتين تقريبا بس بيقول لازم تكون قوي في الprobability وال statistics وال controOOOOool (ربنا يسامحه، أنا من سكة وهو من سكة الكونترووووول دة) ... هو صراحة المودرن كونترول كان لذيذ أوي ربنا يكرم الدكتورة وفاء .... بس أنا مش قوية فيهم ..... المهم بقة (مش عارفة ليه حاسة إن نصف كلامي "المهم بقة"، ما علينا) ...... دي مش النهاية فعلا، الناس كلها بتقول قربتي تتخرجي وتخلصي بس أنا ديما كنت بحس إن التخرج دة هيكون بداية حياتي ... هبدأ حياة مهنية جديدة، حياة اجتماعية جديدة وسعيدة بإذن الله :) ، العلم لا ينتهي والحياة لا تتوقف طالما اللي حوالينا بيجروا ... فكرني بكلام سمعته قبل كدة "ما ينفعش تكون إنسان عادي، دخل كلية عادية، عمل فيها حاجات عادية، اشتغل شغل عادي، اتجوز واحدة عادية، جاب عيال عادية، ومات موتة عادية، لو هدفنا نبقى مع القطيع، مش حتى هنفضل زي ما احنا، لأ، هننزل عشان الناس بتتقدم جامد أوي أوي ... افتكرت كمان إن الناس الناجحة بتكون حاطة خطة لعشر سنين لقدام، احنا ولا حتى حاطين خطة لانهاردة ... أنا كتير بقعد أعمل في خطط وجداول بس تقريبا نصفها بيتنفز بس، واتقال لي من خبير تنمية بشرية ان كدة كويس أوي، المهم أكمل ... المهم بقة، الموضوع فعلا محتاج استخارات وقاعدة مع النفس كدة مهما كانت طويلة وسؤال الناس والقراءة عشان دة مستقبل كامل لو لينا عمر .... أنا لسة مش مقررة، بس حاسة إني مرنة، إن شاء الله خير وممكن أعمل كذا حاجة أو أغير بعد وقت لو ما عجبنيش ....

---------------------------

عمر ما الGPA كان مقياس لحاجة، ناس كتيرة جي بي أتها عالية بس هي لما تقابل مشكلة، تحاول تطابقها على حاجات شافتها قبل كدة أو حاجات حفظتها، ومش بتوصل لحل أوي ..... في عباقرة بمعنى الكلمة ما شاء الله بتسمع تحليلاتهم وإجاباتهم وأسئلتهم تقعد فترة متنح ومذهول، ما شاء الله ربنا يحفظهم وينفعهم وينفع بيهم وGPA تهم مش عالية أوي

-----------------------

الواحد حس تاني بأهمية الجدول والتخطيط والأهداف اللي لمدة شهر للأمام، وسنة للأمام وسنتين وكدة ... لازم أراجع اللي حافظاه من القرآن وأكمل حفظ .. لازم أشوف علم الفقه والحديث ... في كمية كتب محتاجة تتقرأ (لازم أبعد عن الروايات والأشعار شوية وأركز في الحاجات الدينية والتربوية والاجتماعية (أربع خطوط تحت الدينية والتربوية والجتماعية)، وعاوزة أنمي نفسي في الكتابة عشان بقالي فترة مهملة الموضوع دة خااالص ...

-------------------------

الواحد حزين حقاً إنه هيتخرج، هيوحشوني أوي، الساعة اللي كل شوية تقف والسبورة المبطعة ونصف الديسك بتاعي اللي مغرقاه smilies (أصلي بقالي 3 سنين قاعدة بين ديسكين والله ماليا ديسك، لاجئة كدة :) ، دي تحن عليا حبة ودي تعطف عليا حبتين، بس بجد استمتعت، رجلي مكان رجل الطرابيزتين، مش عارفة أوديها فين sharing is caring ... أحلى حاجة بقيت أحب أسمعها دلوقت we did مش I did ... كلمة we دي جميلة أوي .. تخيل كدة حد يجيلك ويقول لك we want to be friends مش دي أقوى ألف مرة من I want to be your friend ؟؟؟ هتقول إزاي، دة اتكلم على لساني، أيوة، ما هو أكيد حس إنك كمان عاوز فقال هو يبدأ ... افتكرت حديث الرسول صلى الله عليه وسلم "مثل المسلمين في توادهم وتراحمهم وتعاطفهم كمثل الجسد الواحد، إذا اشتكى منه عضو تداعى له سائر الجسد بالسهر والحمى ...

لاحظت إن الولاد بيقعدوا في أي مكان عادي زي ما يحبوا، احنا عندنا لو البنت قعدت مكان واحدة، ممكن تخسرها للأبد :)) آه والله وممكن ما تكلمهاش ومواضيـــــــع وحوارات، هي دي التفاهة بعينها ... بكون نفسي أوي أغير مكاني وبخاف، يللا، أديني زعلانة إني هسيب نصف الديسك بتاعي :( لازم أنظفه من الsmilies ولا أخليهم ذكرى ؟؟؟

اللهم لم شملنا ووحد كلمتنا واكتب لنا الخير واحفظنا من كل شر ... يا رب اجعل جميع الأسر المسلمة متماسكة ومستقرة وسعيدة .... عشان المجتمع يكون سعيد، لازم نبدأ من جوا لبرا......