"إذا اراد الله نشر دينه أقام له من يعارضه" شيخ الإسلام ابن تيمية ... صبراً يا إسلام
يا أُمتي صبراً فليلُك كاد يُسفر عن صباح ** لا بُد للكابوس أن ينزاح عنا أو يُزاح
The world is in total chaos :((
إيه اللي بيحصل في العالم دة ؟؟؟ إيه اللي بيحصلك لك يا مصر ؟؟؟ حد يفهمني !!!! الكل بيقتل في كله ودم بيسيل في كل حتة وكذب وتأليف وتحوير وتشويه ... بعدين معاك يا 2011 ؟؟؟ مش ناوية تخلصي بقة على خير ولا إيه ؟؟؟ سنة تخرجي سنة لن ينساها التاريخ ... من أول ليلة فيها، والدنيا مقلوبة ... يا رب استر وعدي اللي بيحصل دة على خير ... يا رب هدي الأوضاع واضرب الظالمين بالظالمين واخرجنا منهم سالمين ... يا رب احفظ الإسلام والمسلمين وانتقم من كل اللي بيشوه صورتهم .... يا رب احفظ مصر :(( ... يا رب انسف الصهاينة وأعوانهم عاجلا غير آجلا ... يا ترى مين اللي ورا الدماااار اللي في العالم دلوقت ؟؟؟ يا ترى لينا إيد في اللي بيحصل ؟؟؟ أنا بجد ما بقيتش بصدق أي حاجة تتقال ولا حتى أي حاجة بشوفها لإن كله تلفيق .... كله تلفيق وكذب، مش عاوزة أسمع ولا أعرف أي أخبار من هنا ورايح ... هُششششششش
------------------
أختي وصديقتي وحبيبتي ورفيقة عمري وحياتي (لاحظ، مش رفيقة دربي) هتولد النهاردة إن شاء الله (B&B) ... هتبقى أول "ماما" في الدفعة ما شاء الله :) .... حاجة تخوف :-S ... يا رب قومها بالسلامة وقويها :) هتسميه أحمد إن شاء الله :* بس أنا بدلعه "عبودي" من قبل ما يجي :* ... أخيرا هيتقال لي خالتو فيدو إن شاء الله :) عقبال أما يتقال لي عمتو إن شاء الله (بيتقال لي طنط من زمان من أي حد صغير يقابلني، يقول لي طنط على طول ... بيحسسوني إني قربت على الأربعين مثلا :) ) ... وعقبال باقية أخواتي وإخواني يا رب :) ....
ربنا يدبرلها أمرها وتقدر تعوض الامتحانات اللي فاتتها ... طبعا عبودي أولى من الpattern والperformance :) ... ربنا يخليه لها يا رب ويجعله قرة عين لها ولأبوه وينبته نباتأ حسنأ ويعزه بالإسلام ويعز الإسلام بيه ويجعله من حملة القرآن، آميــــن ...
------------------
دي مجموعة فيديوهات عجبتني أوي :)
أنا عاوزة شوكولاتة "فتحية"، ما ليش دعوة :((
طلع مناخير أبو الهول ... D: هههههههه D:
اخسسسسس علينا :((
هما دول السلفين اللي بيتكلم عنهم الإعلام ؟؟ سبحان الله !!
4 comments:
انا بطلت اسمع اخبار من فترة إلا لو صدفة او حد سمعني عافية
انا كنت اعرف ان السلفيين هدفهم يطبقوا كلام ربنا ويمشوا زي ما قال الله وقال الرسول
هدفهم يصلحوا نفسهم والناس بس (يصلحوا النفس من جوة مش المظهر بس)ـ
و ملهمش فالسياسة خالص على عكس الاخوان
عجبني اوي ان في ناس فعلا كدة دلوقتي
بعدين من اسبوع كدة او اسبوعين جه فالعاشرة مساء واحد سلفي و واحد مسيحي بيتكلموا في موضوع كاميليا
المسيحي كان عاقل جدا و هادي جدا وكلامه منطقي اوي
السلفي بقى كان في منتهى التعصب و يقول هيبقى في دم و ......
اسلوبه كان في قمة الاستفزاز كان نفسي اسشتمه
و للآسف هز صورة السلفيين عندي
هو لو يعرف ربنا بجد لا هيعلي صوته ويتعصب ويزعق كدة ولا يهدد بالاسلوب ده ولا يقاطع الناس وهم بيتكلموا ولا...........
عمل 100 غلطة و هو قاعد
مش بيعرف يتفاهم اساسا
لو شفتي الحلقة هتعرفي قصدي
و قال كمان انه مش عاجبه السلفيين اللي بيعملوا مظاهرات واللي نزلوا فالثورة عشان الثورة حرام
استغربت اوي ان السلفيين نفسهم مقسومين من جوة على ايه حرام وايه حلال
كنت ناوية اتكلم معاكي فالموضوع ده بس بعد الامتحانات عشان النقاشات دي بتطول انا عارفة
بس لما لقيتك كاتبة قلت افتح الموضوع قبل ما انسى
أنا نفسي فعلا اتعزل عن العالم نهائيا، أروح أعيش في القطب الشمالي أو الجنوبي، أيهما أبعد وأريح دماغي من كل اللي بيحصل دة ... بفكر جديا في الموضوع دة، بس يا ترى مين هيوافق يعيش معايا هناك ؟؟
ما علينا
بصي يا شيماء
بالنسبة لإني عندي إمتحانات، فدي بجد آخر حاجة بفكر فيها دلوقت ... أنا الحمد لله بقضي وقتي كله دلوقت في المناقشات والدفاع والقراءة وكدة ... وفي كمية نصارى اتكلمت معاهم وكمية مسلمين عقلهم ضارب ... فايس بوك ومنتديات بقة وبتاع
المهم، إن شاء الله كله بأجره
الحاجات دي أنا شايفاها أهم من الإمتحانات مليون مرة وربنا يوصل صوتي
عادي جدا لو اتنين متبعين نفس المنهج بس ليهم آراء مختلفة فكون إن حبة بيقولوا الثورة حرام وحابة بيقول حلال، لا يعني إنهم مشتتين ولا منقسمين، دي أحكام فرعية في الدين، ناس بتجتهد وتاخد بأقوال ناس معينة وناس من أقوال تانية وكدة
أما كونه اتعصب ولا اتنرفز ولا عمل 10000 غلطة، فدة لا يعني بردو إن الكلام اللي بيتقال عليهم صح ... طب ما ممكن الواحد يكون عصبي أو مستفز، بس هل دة معناه إنه بقة بيقتل وبيحب الدمار ؟؟؟
بعدين الموضوع فعلا مستفز وبيحرق الدم لما كل شوية واحدة لسة معلنة إسلامها تتخطف !! هي الستات دي مالهاش حد يدافع عنها ؟؟؟ أكيد هو حاسس إنه مسؤول عنهم ... تخيلي لو حد من أهلك بعد الشر اتخطف أو اتعذب، هيبقى موقفك إيه ؟؟؟
بعدين لازم النصراني يكون هادي، مش الإعلام دلوقت معاه ؟؟؟ مش الكل شايفينهم مكسورين ومضطهدين ؟؟؟ يتنرفز ليه لما ما حدش بيقول عليه كلمة ولا حد بيتعرض له ولو حد اتعرض له، بتقوم الدنيا ومش بتقعد ؟؟؟
سلوى اتقتلت هي وابنها وجوزها وما حدش اتحركت من راسه شعراية !!! قصتها حقيقة ومش متلفقة !!! مش دي حاجة تنرفز لما دمنا يبقى رخيص كدة ؟؟؟
كل حاجة بقيت بتحصل دلوقت، بينسبوها للسلف .. كل حاجة، حتى لو نصراني قرصته ناموسة، هيقولوا واحد سلفي سلطها عليه
بس المسيحين مش مضطهدين اصلا
واخدين حقهم بالكامل
انا في ناس مسلمين بيستفزوني لما يقعدوا يدافعوا عنهم ويواسوهم كإنهم مظلومين وكإن كل شخص مسلم مسئول عن اي مصيبة بتحصل
اللي انا باشوفه ان لما حد مسيحي يغلط بنقعد نطبطب عليه عشان منعملش فتنة ولما حد مسلم يغلط كلنا نديله فوق دماغه كإنه أشرك
المستفز اكتر مش المسيحي اللي بيقول انه مضطهد، لكن المسلم اللي مقتنع ان المسيحي مضطهد فعلا
بس يصعب عليا ان حد مسلم يطلع يتعصب ويبقى موقفه ضعيف ومش عارف يتكلم كدة
كان المفروض يتناقش بالراحة وبالعقل عشان صوته يوصل ويعرف يقنع اللي قدامه لكن كدة هو خلى الناس تنفر منه
هو بصراحة انا دلوقتي بقيت مش مصدقة اي حاجة ولا اي حد من اللي بيطلعوا يتكلموا، بصدق الناس اللي اعرفهم شخصيا بس، وانا معرفش ولا حد من اللي بيطلعوا يتكلموا، عشان كدة قررت ابعد خالص لحد ما الحق يبان بقى، مادام لا عارفة اوصل للحق ولا بإيدي حاجة اعملها
فعلا، أنا عندي بنات الدفعة كلها تقريبا قعدت تقول للنصارى اللي عندنا "احنا أسفين" !!! أسفين على إيه يا حلوة ؟؟ هو احنا اللي عملنا كدة عشان نتأسف ؟؟؟ قوليلها إنك زعلانة ماشي وانكري إن دي حاجة من الدين بس تتأسفي على حاجة إنتي ما عملتيهاش يبقى انت كدة ثبتي التهمة !!! آه والله، تعرفي ؟؟ أنا طول عمري كلمة "أسفة" على لساني، حتى لو مش غلطانة لدرجة إن واحدة مرة غلطتني في حاجة وبقول لها "فين الدليل" قالت لي "الدليل إنك اتأسفتي بعدها" !! الفكرة إني أحيانا لما بخش مع حد في نقاشات والموضوع يسخن وألاقينا هنخسر بعض، بقول "خلاص ، أنا أسفة إن الموضوع وصل لكدة" ... ما علينا
في ناس كتيرة أوي دلوقت بتنشر فيديوهات متلفقة وحاطة لها عنوان مستفز الواحد بس يقرأ العنوان من غير حتى ما يقرأ المقال أو يتفرج على الفيديو، ويصدق كل اللي بيتقال عننا
النصارى فعلا كونوا دولة جوا دولة وكمان مش عاجبهم
الناس فعلا بدئت تلعن الثورة اللي وصلت الأوضاع لكدة
بس أنا مؤمنة بردو إن اللي ورا كل الكلام دة هما أمن الدولة والنظام السابق اللي لسة قاعدين بيخططوا وبيلعبوا برة، قال إيه عاوزيننا نحس بقيمتهم لما كانوا ماسكين (أو سارقين) البلد، بس لأ، ربنا يمهل ولا يهمل، زي ما سرقتهم اتكشفت، مخططاتهم هتتكشف إن شاء الله وهيروحوا في ستين داهية
المهم الناس كلها تبطل تصدق وتشغل مخها كويس
أنا شايفة إن بإيدك إنك توصلي الحقيقة للناس، صدقيني هتفرق أوي أوي ، لإن حتى المسلمين ذات نفسهم مش فاهمين حاجة للأسف، بيرددوا أي كلام وعندهم استعداد رهيب لإنهم يحسوا إنهم مجرمين وحارمين النصارى من حقوقهم وعندهم استعداد شديد بردو إنهم يصدقوا أي كلام يتقال على الملتزمين
Post a Comment
comments are always welcomed :)