خواطر:
* وكلما تساءلت، هل خُلقتُ لأُمْتَهَن أم لأُمْتَحَن ، أتتني "مُثبِتات" بعد ال"مُثبِطات" ... فلله الحمد على العطايات ....
* كيف أوافق/أرفض إن كانت موافقتي/رفضي مرتبط بقرار غيري ؟؟؟ أشعر كانني مُعلّقة !! ربنا أفرغ علينا صبراً !!
* سأبتعد ولكن أعذروني : لن أنسى !!
----------------------------------------------
الموضوع:
أنا عارفة إني متأخرة أوي في البوست دة -- ربنا يسامحني
بس أنا فعلا ما كنتش عارفة أعمل إيه ولا أجيب معلومات سليمة منين وكنت بدور على الحقيقة
في الأول حسيت إن موضوع الشهيد أسامة ربنا يرحمه كله على بعضه من أوله من تأليف أمريكا ومافيش حد اسمه أسامة ولا فيه القاعدة ودول ناس هي مستأجراهم لأغراضها الخاصة
بعدين لما شفت فيديو عن إن أحداث 11 سبتمبر كانت من عمل أمريكا واليهود والكل عرف كدة خلاص، قلت يبقى أكيد يعني أسامة حد تاني، مش من اختراع أمريكا (أو ممكن بردو، الله أعلم)
بس في ناس أمريكان يعني مطلعين فيلم وثائقي اسمه loose change رهيب أوي، ماليان حقائق وحاجات تدين فعلاً أمريكا والصهاينة
المهم بقة، أنا اقتنعت (اقبضوا عليا :)) ) ان أمريكا هي اللي مدبرة كل حاجة والدليل اللي خلاني أحط لساني في بؤي إن 340 موظف يهودي كان غايب عن العمل يوم الأحداث دي !!! صدفة يعني .؟؟ لا، كونج فو باندا (ههههههه) علمني إن مافيش حاجة بتحصل صدفة ومش للدرجة دي يعني !!! وحاجات كتيرة بردو أقنعتني صراحة
كمان يعني أنا شايفة إن باراك أوباما لا أسمع الله له حساً قال إنه قتله عشان أمريكا تقول عليه بطل وترشحه تاني للرئاسة .. واحد دنيوي حقير بقة (لسة ما قبضتوش عليا؟؟ :)) ) ....
المهم بقة، أنا مش جاية أتكلم عن أحداث 11 سبتمبر دي مين اللي وراها، أنا جاية أتكلم عن الشهيد اللي العالم الإسلامي (الحق) اتهز بموته .... في مسلمين كتير للأسف معمول لهم غسيل مخ وغزو فكري ففرحوا إنه مات ... اقتنعوا إنه إرهابي (عشان بدقن تقريبا :)) ) وخلاص قالوا العالم خلص منه مع إنهم أصلا ما يعرفوش إنه فعلا كان مرعب أمريكا .... يااااه لو تقرؤوا عن سيرته الذاتية !!! يااااه !!! مستحيل الراجل دة ما شاء الله، مافيش زيه خلاص :( ...
كأني أسمعك يا أسامة تقول :
رباهُ إني قد وهبتُ حياتي *** ونذرتُ عمري للهُدى ومماتي
فاقبل إله العرش مني هجرتي *** يا من إليك أبوح بالعبرات
الشهيد ربنا يرحمه كان مليارديـــــــر ... معاه فلوس قد الجبال وسابها كلها وراح يعيش في الجبال عشان الجهاد والدفاع عن البلاد اللي أمريكا واخداها بالغصب ..... حارب كتير أوي لإعلاء كلمة الله، لو تسمع كلام الناس اللي عرفته بجد عنه !!! تحس إنك حقير جدا (أنا حسيت إني حقيرة صراحة ولا أسوى ظفر نملة، دة لو كان ليها ظفر أصلاً :))) ) .... كان ليه لقاء مع مصري صحفي عادي جدا في جريدة الهرم من 5 سنين تقريبا بس للأسف ما لاقيتش الجريدة دي .... قرأتها من فترة بس مش لاقياها دلوقت :( ...
يوم ما توفى، كانت دكتورة عندنا في القسم عندي على الفايس بوك قايلة حاجة عن موته بس كانت حيادية يعني، كانت بتقول إنه احتمال يكون قصة أمريكا اخترعتها مالهاش أصل ، بعدين واحد من اللي عندها قعد يهجم بقة ويقول عليه سفاح ومش عارف إيه وأنا لاقيت نفسي بدافع عنه ! من غير حتى ما أعرف عنه حاجة بجد !!
أنا جيبت هنا حبة معلومات عنه، للي حابب يعرف الحقيقة ... واللي أنا مقتنعة بيه يعني، إن مافيش حد في الدنيا قدم أي حاجة حلوة للإسلام مهما كانت صغيرة إلا واتهاجم واتحارب وناس طلعت عليه افرتراءات، فما بالك بواحد هز عرش أمريكا ؟؟؟
الموقع دة رهيب أوي، بجيب منه تقريبا كل حاجة عاوزة أعرفها عن طائفة ما ... الشيعة، الصوفيين، أصل الإخوان المسلمين، أي حاجة :)
