بتوع الدقون والمنتقبات..... أعوذ بالله

المكان : قهوة ( طرّيها الناس لبعضيها) للدخان النضيف

جلس المِعلّم ( حِشْمت ) مع الاسطى ( كاظم ) يتبادلان أطراف الـ(تشات)

- حشمت : اسكت يا كاظم يا خويا , ده العالم بتوع الدقون دول طلعوا تايواني خالص ,

لا , تايواني مين ؟؟ دول طلعوا صيني

- كاظم : ليه بس كفى الله الشر , حد فيهم داس لك على ديل ؟؟

- حشمت : انت هتهزر يا ( تيييييييييت ) ؟؟

- كاظم : لا أبدا , بس الكلمة زنقتني , اتفضل ارغي يا برنس .

- حشمت : يااااااه , اقول لك إيه بس و لا إيه ؟؟

( ديك ) النهار كنت بشتري ( فرخة ) مشوية من عند واحد منهم ,

اداهالي من غير رجول و لا جناحات !!!!

و مرة راكب مع سواق (موكروباظ) منهم و ماكانش معايا فكة،

راح واخد الفلوس و ضرب على الباقي

- كاظم : ده انت مصيبتك صغيرة يا حشمت يا أخويا ,

ده أنا أعرف واحد كان كان داخل شريك في ( مزرعة مكرونة ) مع واحد دقنه طول كده ,

و المشروع خسر و نصب على جارنا في نصيبه بعد ما صفوا الشركة

- حشمت : ده غير المنقبات اللي تلاقيها حاطه كحل ,

و لابسة عباية ضيقة و كلها ترتر بيلمع

و اللي صوتها في الشارع قد كده , و تتكلم مع ده و تهزر مع ده

- كاظم : يا عم دول عالم أعوذ بالله , و يقولوا لك قال الله و قال الرسول ,

طب ما يعملوا الأول بالكلام اللي بيقولوه ده

- حشمت : سيبك انت يا عم , هو الواد حمامة مش مشغل (التي في ) ليه ؟؟

و هنا .............................

ظهر حمامة القهوجي و شغل التلفزيون على القناة الفضائية الأمريكية،

و كان شغال برنامج ( صباح القشطة يا أمريكا ) في فقرة ( على المصطبة )،

و كان فيها التقرير التالي :

المكان : بار ( هات القزازة و اقعد لاعبني ) لجميع أنواع الحاجات اللي بتتشرب

جلس مستر ( مارك ) و مستر ( جاك ) يحتسيان الخمر

- مارك : شفت يا جاك الجماعة المسلمين ,

دول كلهم إرهابيين و بيفجروا نفسهم في جنودنا و حتى في بلادهم و أهلهم

- جاك : لا و مش إرهابيين بس , ده رجال الأعمال بتوعهم بييجوا يصيعوا هنا في لاس فيجاس ,

و رجال السياسة فاسدين و حرامية و بيسرقوا أموال المعاشات و العلاج على نفقة الدولة و ...

- مارك : انت عرفت المعاشات و نفقة الدولة و الحاجات دي منين يا جاك ؟؟

- جاك : مالكش دعوة , خلينا نكمل شتيمة في المسلمين

- مارك : ماشي يا عم جاك , شفت انت بقى الستات عندهم ,

بيقولوا لك مفروض الست تغطي راسها و جسمها ... هأو !!

أمال أنا لما بتفرج على ( ميلودي اريبيا ) بلاقي المغنيات بتوعهم لابسين من غير هدوم ليه ؟؟

و حتى الحريم اللي بيلبسوا في بلادهم , لما بييجوا عندنا بيقلعوا

- جاك : ياااااه يا عم مارك سوري , أنا عارف إن قعدة الراجل بميت ست،

لكن إن جت الست يغور الراجل

و أنا عندي معاد الجيرل فريند بتاعتي دلوقتي , سلا... قصدي حرب .

و هنا ............................

نهض المعلم حشمت و الريس كاظم من مكانهما غاضبين

و قالا :

الأمريكان دول طول عمرهم أغبية

و مش بياخدوا غير بالظاهر ...

يا عم مش كل المسلمين إرهابيين و بيفجروا نفسهم،

و لا كلهم فاسدين و ( واكلين ناسهم ) ،

و لا كل الستات لابسين من غير هدوم،

الأشكال دي جزء صغير جدا من المسلمين ,

و ما ينفعش نعمم الكلام ده على المسلمين كلهم ,

و لازم يفرقوا بين ( الإسلام ) و بين ( المسلم ) ..

الإسلام ليه تعاليم و شرائع بتهدي لكل ما هو حسن ,

لكن المشكلة إن المسلم مش بيعمل بيها كلها و بيخالفها في أحيان كتير،

فالمسلم الفاسد ليس حجة على الإسلام

بس أهو نص العمى و لا العمى كله،

يعني لما يبقى مسلم فاسد أحسن من إنه يكون كافر خالص

و هنا ..........................

تدخل حمامة اللي كان قاعد ساكت طول الفيلم , ربنا كرمه أخيرا و نطق و قال :

صح القول يا معلمين،

الكلام اللي انتوا رديتوا بيه على الأمريكان هو عين شمـ... قصدي عين العقل،

بس الكلام ده هو نفسه اللي ممكن تردوا بيه على نفسكم في موضوع الدقون و المنقبات،

مش كلهم حرامية و نصابين ،

و لا كل المنقبات لابسين ضيق و ترتر،

دول ممكن يكونوا موجودين ,

لكن مش بيمثلوا المتدينين و لا الملتزمين،

فلازم تفصلوا بين ( الالتزام ) و بين ( الملتزمين )

و لو هتقولوا إن دول بيشوهوا صورة الملتزمين فالأحسن يحلقوا دقنهم و يقلعوا النقاب،

هقول له برضه نص العمى و لا العمى كله،

زي ما المسلم المنحرف اللي بيشوه صورة الإسلام أحسن من الكافر،

برضه المسلم اللي بيلتزم ببعض العبادات الظاهرة زي اللحية و النقاب لكن بيعمل حاجات تانية وحشة،

ده بيبقى أحسن من اللي بيعمل حاجات وحشة , و (في نفس ذات الوقت) بيضيع العبادات الظاهرة برضو .

و هنا .........................

البوليس عمل كبسه على القهوة و لقى الشيشة فيها حشيشة،

فقفل القهوة و أخذ الجميع على البوكس !!

مش هوصيكم ...

عيش و حلاوة

ـــــــــــــــــــــــــــــــــ

و لا تنسوا كاتب الموضوع الأصلي من دعوة صالحة بظهر الغيب،

أن يُصلح الله له شأنه كله و جميع المسلمين و المسلمات ..

و طبعا حقوق النشر للجميع،

لو رأيت إنه يستحق النشر،

بشرط عدم التحريف أو التغيير

من مدونة تظبيط

http://www.emanlive.com/vb/index.php?page=topic&show=1&id=1580

How will they stitch everything back !! :-SS

وأنا بتفرج عمالة أقول "وتطلعوه ليـــــــــه؟؟؟ خلـــــــــــــوه جواااااااا" وبطني وجعتني أوي من مجرد المشهد !!

??? How will I cope up with being a mother

سلم يا رب، سلـــــــــــــــم

:-SS

لو سمحت اكتم الصوت عشان في موسيقى في الخلفية

أنا ما حطيتش الفيديو دة لأي غرض غير إننا نفتكر مامتنا تعبت قد إيه بس عشان نخرج للحياة، ونفتكر الفيديو دة كل ما نيجي نجادلها ولا نرفع صوتنا عليها :(( واللي هيقول إن مامته ولدته طبيعي مش قيصري، فدة أسوأ من ناحية الألم ب10000 مرة !! يا رب سامحني على تقصيري مع أمي :((

جاء رجل إلى ابن عمر فقال: (حملت أمي على رقبتي من خراسان حتى قضيت بها مناسك الحج أتراني جزيتها؟ قال: لا ولا طلقة من طلقاتها).

كمان الحديث دة كلنا حافظينه وبنردده بس مش كلنا بنطبقه

جاء رجل إلى رسول الله صلى الله عليه وسلم فقال : يا رسول الله ، من أحق الناس بحسن صحابتي ؟ قال : ( أمك ) . قال : ثم من ؟ قال : ( ثم أمك ) . قال : ثم من ؟ قال : ( ثم أمك ) . قال : ثم من ؟ قال : ( ثم أبوك ).

الراوي: أبو هريرة المحدث: البخاري - المصدر: صحيح البخاري

:* I love you everyday :*

ربنا يخليك يا أمي ويسامح تقصيري معاك :(

مهما الواحد كبر، بيحتاج مامته أوي .. حتى نينة ربنا يديها الصحة والعافية ويحفظها يا رب بتعييط كل ما تفتكر مامتها ربنا يرحمها ويجمعنا بيها في الجنة يا رب

عن ابن عباس قال: قال رسول الله صلى الله عليه وسلم:(( من أصبح مرضيا لوالديه أصبح وله بابان مفتوحان من الجنة، وإن واحد فواحد، ومن أمسى أو أصبح مسخطا لوالديه أصبح وله بابان مفتوحان إلى النار، وإن واحد فواحد. فقال رجل: يا رسول الله، وإن ظلماه؟ قال: وإن ظلماه وإن ظلماه ثلاث مرات ))

يا جماعة، وإن ظلماه وإن ظلماه

قوية أوي: "أيُ سعدٍ وجهُ أمي غائبٌ تحت التراب"

الموقف الحق

أنا مندهشة من تسرع الناس اللي عندي في الدفعة .. بقالي فترة كبيرة مش بخش على الياهو خالص عشان الجيمايل أريح بكتير وكل حاجة -بما فيهم حاجات الدراسة- بتتبعتلي عليه، بعدين واحدة صاحبتي اتكلمت عن إيه اللي بيحصل في الmailing list على الياهو، دخلت وكانت المفاجأة

ناس بتقوّل الناس حاجات وبيقولوا مش عارف مين قال إن التصويت ب"نعم" فرض شرعي مع إن ما حدش خااالص من السلف قال كدة وإن كان قال كدة فدة اجتهاد منه ومش معناها خاااالص إن اللي يصوت ب"لا" دة كافر ولا علماني ولا ليبرالي زي ما الناس كلها دلوقت بتغني ومبسوطة وبتقول "خلاص، أنا بقة علمانية وليبرالية" !!! افهموا معناها الأول !!!

كمان ناس بتقول بقة طالما اتقال إن اللي بيقول لأ أكترهم علمانيين، هنعاند ونقول لأ وشوفوا بقة احنا علمانيين بجد ولا لأ ؟؟؟

مش عارفة الناس مالها، الناس حرة بتاكل اللي تاكله وتلبس اللي تلبسه وتصوت باللي تصوت بيه طالما لم تؤذي أحد !!! كمان بفكركوا إنكم تستخيروا كذا مرة قبل ما تروحوا وربنا يقدم اللي فيه الخير

-------------------------

والناس اللي بتقول إن السلف تلونوا ونافقوا، هما أصلا مش عارفين أكتر ناس كانت متضررة من النظام السابق هما مين وأكتر السجون كانت مليااااايانة بمين لمجرد إنهم بيقولوا "قال الله وقال رسول الله" ولمجرد إنهم عاوزيننا نرجع للدين الصح اللي كانوا الصحابة عليه

:(((((

هناك من ثار ل18 يوم وكان يؤيدهم أنهم ليسوا غرباء (مشيين مع التيار)، وأناس ثاروا لمدة 30 سنة وكانوا غرباء أثناء هذه الثورة

http://salafvoice.com/article.php?a=5163

يا جماعة، ما تمشوش مع التيار، "أنت الجماعة ولو كنت وحدك"، دي كلمة قالها محدّث العصر الشيخ أبو إسحاق الحويني حفظه الله... لا يستوحشنك طريق الناجين لقلة سالكيه .... ويا ريت نحترم شيوخ الدعوة وكفاية بقة طعن فيهم واستهزاء بكلامهم .. حسبي الله ونعم الوكيل

كمان كذا قس وكنيسة بيدعوا بالتصويت ب"لا" ليه ما هجمتوش عليهم وجيين تهجموا على اللي بيحكموا فينا شرع الله ؟؟!! أتوقع إن الحكم الدكتاتوري إنتهى (إن شاء الله) وكل واحد له مطلق الحرية وإن شاء الله ما يكونش في تزوير (يــــــــــــــا رب)

http://www.dostor.org/politics/egypt/11/march/17/38275

Natural Hearts ;-)

To my HadooOOooOOoop friends ;-) ! Thank you Z, R, A and B for everything, it was a great surprise الحمد لله

This might express how much I loOoOoOoOove you

ربنا يخليكم لي يا رب ويسعدكم ويرزقكم بكل اللي بتتمنوه :)

لو الصورة مش واضحة (يعني المعلومات المكتوبة اللي بتبين بتقع في أنهو دولة وكدة)، دوسوا عليها تبان في ال window لوحدها

قرارات

هذه هي الحياة ... مجموعة قرارات مختلفة الأحجام ومتفاوتة الأهمية ... قد تبدأ بقرار ارتداء أي جورب كل صباح (لا تتعجب، فأنا أتخذ هذا القرار طبقا لمزاجي الصباحي)، وقد تنتهي بقرار العمل في شركة ما أو الارتباط بشخص ما (وما أصعبه من قرار !!) ... انظر إلى تفاوت أهمية هذه القرارات ولكنها جميعا تجتمع تحت اسم "قرار" وعليك بالاختيار ......

كثيرٌ منا إذا اختار شيئا ما وحدث له مكروه بعد هذا الاختيار، قام بربط قراره بهذا المكروه وأصر أنه إذا قام بالاختيار الآخر، لم يكن ليحدث له هذا المكروه ولكنه يجهل أن المكروه لم يرتبط إطلاقاً بهذا القرار وأنه إذا قام باختيار البديل، كان سيصاب بنفس الضرر !!!

ما أصعب ذلك القرار الذي تتخذه بعد أن انقسمت روحك إلى نصفين وظل نصفها الأول في جسدك ليحافظ على بقائه حياً ولكن ذهب نصفها الآخر ليستقر في جسد شخص ثان، ولكن، وبعد أيام، تشعر أنها تعذبت بسبب هذا الانقسام، ربما لأنه لم يأتلف وجودها بداخله وربما لأنها لم تعتاد المكوث في جسد أحد غيرك، فتقرر قراراً ربما أتعسك بعدها أو زاد في ألمك وهو أن تنتزع نصف روحك الثاني من ذلك الجسد ليتحد مع جسدك مرة أخرى .. ربما حينها تسعد بعودة روحك إليك ولكنك كثيرا ما تشقى بسبب هذا القرار ....

أحيانا، وبعد اتخاذ القرار، تظل في تساؤل عما سيقوله الناس ولكنني أحذرك، فإنك إن اتخذت قراراً بناءً على كلام الناس فلن تكون صاحب قرار أو صانع مستقبل، وستظل دون هوية ... ولكنني أطمئنك، لا يجب أن تكون جميع قراراتك صائبة .... ولكن احذر أيضا من اتخاذ قرار بالنسبة لشئ ما لأنه يتشابه مع شئ آخر قد حدث لك في الماضي، فربما اختلف هذا القرار عما سبق ولو بشئ صغير وقد يكون هذا الشئ الصغير هو الفارق الكبـيــــــــــــر في مصيرك......