:) Kamal Saleh :)

I love all his videos and words .... So sincere ما شاء الله ..... A young Muslim .... Proud to know him .... May Allah bless him .... Can't be described in words .....

عَرض

جلس المشاهدون لمتابعة " لا شئ " .... لا شئ ....

أُطفئت الأضواء ..... فبدأوا بالتصفيق .....

رُفع الستار ، لكن لا وجود للأبطال ..... واستمر العرض ....

انتظر الجميع قصة جميلة .... ملوا النهايات السعيدة .... أرادوا قصة جديدة بجميع تفاصيلها ..... سعيدة قبل بدايتها .... لكن ، لا وجود لها ....

ظنوا أنها ستكون البطلة وأنها سترسم واقعاً جميلاً .... مجرد ظنون .... سُحُب من الأحلام والخداعات ....

ارتفعت زفرات ملل الانتظار ....

مضت ساعات تلو الساعات .... بل مضت أيام .... سنوات ....

انتهى العرض ....

أًغلقت الستائر .... وأًضيئت الأنوار .... لكن ، لا وجود للجمهور .... لا وجود ....

خواطر عابرة .... ء

حنانَيك يا حنَّان ..... 

-------

ليس كل العطاء نعيم ولا كل المنع شقاء .... ولا كل المنع شقاء ....

-------
Hum Hongey Kameyab

-------

   <3 bibliobibuli

------

"Engineers like to solve problems. If there are no problems handily available, they will create their own problems."

شكراً هندسة :))) 

-------

ربنا يحفظك ويقويك ويخليك لينا .... دايماً منور والله ما شاء الله ، اللهم بارك :** ....

يسُرُني أن أحمل اسمك إلى أن يتوفاني الرحيم :) .....

ربنا يجعلني وإخواني قرة عين لك ....

-------

يااااه !!! مش بقول لك تكفير ؟؟؟

قال النبي صلى الله عليه وسلم: " والذي نفسي بيده ، لا يُصيب ابن آدم خدش عود، ولا عثرة قدم، ولا اختلاج عرق، إلا بذنب، وما يعفو الله عنه أكثر " ......

رحماك ربي .... فأنا أرجو الجنة وذنوبي فاقت قمم الجبال ....

-------

لله درِّي :) .....

:(

لهُ عامان لا يَبكي *** ولم أشهد لهُ دَمعَة

ولكن حينما غابَت *** تناثر لم أُطِق جَمعَه

فهذا البُعدُ أربَكَهُ *** يُصلي ظُهرَهُ سَبعَة

:(

-------

خليكِ فاكرة لو سمحتِ : { إِن يَعْلَمِ ٱللَّهُ فِي قُلُوبِكُمْ خَيْراً يُؤْتِكُمْ خَيْراً مِّمّآ أُخِذَ مِنكُمْ } -- الأنفال ... المشكلة قلبي ...

صدقت يا حبيبي " ألا إن في الجسد مُضغة ، إذا صلحت صلح الجسد كله وإذا فسدت فسد الجسد كله ، ألا وهي القلب " ..... 

------

اقتنعي من فضلك !!!! " الشدائد التي تجعل الإنسان يتذمر تحت وطأتها مثل الألم الناجم عن ثقب أُذُن الحسناء حيث تُعلق الجواهر الثمينة مكان الجرح " --- موعد مع الحياة :) ....

------

" People are attracted to you by what they see in you; they remain attracted to you by what you see in yourself. "

مش عارفة أقتنع بالحاجات اللي شايفنها في وكلهم أجمعوا عليها ..... اللهم لا تكلني إلى نفسي ولا إلى أحد من خلقك طرفة عين ....

------

خواطر سريعة .....ء

It is true that I am a Computer Engineer, but I do NOT NOT NOT fix computers :/// !!!

آه والله !!! ://

------

"I am dying to cut your hair"..... "No, don't die , just cut my hair"

---------

 " I want you for my brother !!! "

"oh :-S, she sounds serious " !!!

------

The heart of the person you are trying to impress is in the hands of The One you are disobeying

-------

------

كما ينسى الرجال .....

------

المفروض أفرح !!! قال ابن عباس: " يُعجل للمؤمنين عقوبتهم بذنوبهم في الدنيا، ولا يؤخذون بها في الآخرة " ... يا رب يكون سببي " المؤمنين "، مش المحرومين المطرودين ....

ذنوبي كالجبال ....

-------

ويا دنيا ، مهما تعانديني ، أو تتحديني ، هفضل أقوى .... وهنسى :(  ..... :) ....

------

زوج غير عربي ..... غير شرقي ..... هندي :)

------
" لا تشاهدي أحداث حياتي كي لا تتألمي " ....

----------

يااااه !!!! دأب، قربة، منهاة، تكفير، مطردة ..... قال صلى الله عليه وسلم : « عليكم بقيام الليل فإنه دأب الصالحين قبلكم وقربة إلى الله تعالى، ومنهاة عن الإثم، وتكفير للسيئات، ومطردة للداء عن الجسد » [رواه أحمد].....

---------

اللهم إنك أعطيتني خير أحباب في الدنيا دون أن أسألك، فلا تحرمني من صحبتهم في الجنة وأنا أسألك ...

--------

أحبيني عندما لا أستحق ذلك ، فأنا في أشد الحاجة إلى حبك في ذلك الحين .....

--------

وكانت ثاني امرأة عربية ذات بعلٍ شرقي قابلتها في حياتي ومدحت زوجها .... لم تتذمر ولم تشتكي منه .... مع إنها مش حديثة عهد بزواج ، بقالهم 11 سنة سوا ما شاء الله اللهم بارك .....

أين الخلل ؟؟؟ " ويكفُرن العشير" ولا " الرجل الشرقي ذو أخلاق سي السيد " ؟؟؟ سترك يا رب :-/

I am THE CALLER !! :(

كتير أوي قالوا إنها " ورداية تحلم تقطفها " .... وسابتهم كلهم ...... أدي الوردة دبلت ، كلكم افرحوا بقى :) .....

----------------

ربنا بيهيأني لحاجة كبيرة ؟؟؟؟؟ كفاية إن تكون الحاجة دي رفعة في درجات الجنة ..... يا ترى رفعة ؟؟؟؟ ولا غضب ؟؟؟؟؟ 

--------------

أنا السبب .......

--------------

خلي اسمي ينفعني .... خلي ال "فِداء" ينفيني ويصفي آخر بقايا موجودة فيا .... خليني عايشة للناس وناسية نفسي .... أنا اللي جبته لنفسي ..... أستاهل كل اللي يجرالي بقى ...... خليني أتعلم بجد وأوافق على أي حاجة وخلاص .... أطلع نفسي من الدوامة دي ..... أنا اللي كنت فاكرة إني هقدر ..... يااااه ، طلع الموضوع صعب أوي .... شبه مستحيل ..... لا ، دة المستحيل بعينه ....
يا الله !!! أكيد ذنوبي تخطت ذنوب الناس عشان كدة بيحصل معايا كل دة ..... يا رب يكون تكفير .... بجد أنا راضية .... اللهم العافية .... طلعني من الدنيا دي على خير في القريب العاجل .....

حياتي كلها لخبطة ..... 

أموري كلها ملخبطة .....

يااااه ، حتى أتفه الحاجات .....

الحمد لله .... والله مش بشتكي يا رب :(  " إن لم يكن بك علي غضبٌ فلا أُبالي " ....

----------------

تهويل للأمور وتكسير لبقايا كنت بحاول أحافظ عليها ...... أستاهل ..... افرحي بنظرياتك وأملك وقراءاتك ..... خليهم ينفعوك ....

----------------

Beautiful :(

خواطري

يمكن أنا قربت أموت عشان كدة كل حاجة متعطلة لكي لا ينهمك معي أحد ثم ينهار بموتي ؟؟؟

يعني عشان عدد الناس اللي هتعيط على موتي ما يزيدش .....

أعمل إيه يعني ؟؟ مانا بتحب بسرعة !! :))

اللهم حُسن الختام .....

-------

ياااااااا رب يا رحيم النتيجة تجيلي .... تعبت والله .... عذااااب والحمد لله على كل حال :(( ....

------

vessels in a human heart

أتاري الموضوع متشعب ولازق ومتوغل و و و

سبحان الخلاق .... 

------

( إِن يَشَأْ يُذْهِبْكُمْ وَيَأْتِ بِخَلْقٍ جَدِيدٍ .... وَمَا ذٰلِكَ عَلَى ٱللَّهِ بِعَزِيزٍ) --- سورة إبراهيم ....

يعني القصة اللي كتبتها من فترة (  ما زلت أتساءل  ) واتنين من المتابعين كان عندهم تعليقات قوية عليها في إن نهاية العالم مش هتكون كدة ومستحيل كلنا نموت وربنا يجيب غيرنا، طلعت تنفع .... 

ما جبتش حاجة من عندي :) .... ربنا اللي قال كدة :) .....

------

" ألا تعرف صوتي !؟؟"

" لم أعد أُميزه ... فكل الأصوات أصبحت صوتك " !!

:(

------

هي دي القوامة يا عالم ... أن يكون الرجل الحائط الذي تستند عليه الأسرة وخصوصاً الزوجة ....

مش دي يا بشر ..... مش يكون سبب ألم الأسرة بالذات الزوجة ..... 

نحتاج في الوطن العربي إلى إعادة لفهم هذه الكلمة : " قوامة " ....

------

نفسي .... نفسي ....

وياكِ

حبي للعالم كله في كفة ، وحبي لك في كفة .... وأنت تعلمين كفة من الراجحة .....

عشت وياكِ أجمل سنين وكنت هغرق وياكِ ..... 

لاقيتك بتدخلي جوا لوحدك .... خفت عليك أوي .... قلت يا نعيش مع بعض ، يا نموت مع بعض .... ودخلت وراك .... ما حدش كان عارف ( حتى انت ) السبب في دخولي جوا .... أول مرة أعملها .... ما قدرتش تغيبي عن عيني .....

أحلى صيف مر علي في حياتي ... بجد بجد ... بدأ وياك وانتهى وياك .... وقفتي جنبي وأنا ماليش جناب ..... كنت ظلي وقت الشمس ومعطفي وقت البرد ..... تصدقيني لو قلت إني سافرت بس عشان أشوفك ؟؟؟!!! شاكة ؟؟؟ مصيرك تقتنعي .... انت عارفة الباقيين بالنسبة لي إيه .....

اللي بخبيه عليك بيكون عشان ما تتوجعيش علي .... أنا كدة .... لما أحب حد بجد ببعد عنه خوفاً من إني أذيقه ألمي ....

قلبي كان بيتفتفت لما نقاشنا احتد .... حسيت إني غبية .... مش انت اللي أتكلم معاك كدة ..... بس فعلاً حسيت علاقتي وياك قويت .....

كتير أوي بحس إني ما أستاهلكيش .... ممكن أكون ابتلاء من ربنا ؟؟؟ تكفير لذنوبك .... كان نفسي أكون لك صديقة أحسن .... صديقة بجد .... عاقلة ومالهاش مغامرات ولا عندها مشاكل .... هي اللي تطبطب عليك .... وحشتني أيام لما كنت في أولى وأنا في ثالثة .... كنت حاسة إني صاحبة بجد ..... سامحيني .... سامحي طفولتي الطاغية ....

بغيير عليك من نفسي !!! لما أعرف إنك كنت مع حد ، بحس إني عاوزة أخنقه .... بكره كل صاحباتك اللي بيقضوا معاك وقتهم .... المفروض أحبهم عشان بيحبوك، بس الغيرة عامياني ، مش عاوزاهم يسرقوك مني ....

عملتيلي اللي غيرك فشلوا يعملوه .... كنت لي الأهل والحبيبة والصديقة .....

بتغيبي وانت اللي على بالي ....

وبيننا معاد .....

اللي مطمنني عليك إني استودعتك الحافظ .... مش بحسناتي المعدومة ولا بدعواتي المرقعة .... بس بكرمه ولطفه هيديك أكتر من أمنياتك ....

فقدت حاجات كتيرة أوي في حياتي - وهو قدر الله  - ولاقيتك انت اللي بتعوضيني عنهم كلهم من غير ما تحسي .... 

مش لازم تقتنعي بكلامي .... أنا شايفاك بتعملي إيه وانت بتقرأي الكلام دة وبعد ما خلصتيه ..... دي كانت تدوينة خاصة ل " حُب حياتي " .... " أميرة فؤادي " .... تعددت المسميات والمحبوبة واحدة ....

خواطر من وطني

ما أقسى تلك الدمعة التي تظل في عينيك ، فعزة نفسك تمنعها من السقوط على وجنتيك وضعفك يمنعها من الرجوع إلى منبعها ....

شكراً يا دمعة فاضحاني :/

------

أُحضنيني وارحلي ..... 

------

كم أكره تلك التجمعات التي غالباً ما يتطرق فيها الحديث إلى ما لا أستطيع مجاراتهم فيه لأن ألم كبريائي سيفضحني .....

-------

"  إن كان قدركما أن تتألما، فلتتألما معاً ... " ....

دي نصيحة ؟ ولا اقتراح ؟ ولا إيه ؟؟؟ وليه الكل مجتمع عليها ؟؟؟

 شبعت ألم .... كفاية :( ....

-------

" خليني مع نفسي .... أنا أضعف من إني أكون مع حد " .... " دي تجربة ولازم تخوضيها " ..... " أخوض ألم جديد ؟ " .... " مين قال إنه ألم ؟ " ..... " ما كل حاجة بتتغير .... كل اللي حواليا كانوا مبسوطين في الأول بعدين الموضوع قلب بغم .... بألم .... " ..... " فين شعار الأمل اللي عمالة ترفعي فيه وحسن الظن ؟؟! " ..... " أنا بقيت ضعيفة .... هم اللي عملوا في كدة .... ربنا يسامح اللي كان السبب " ....

-------

اتصال القلوب ، لا المسافات .... تباً ثم تباً ثم ألف تب للأمل !!!!

-----

دعي رئتيك تمتلأ بهواء بحرٍ يكفيها أعوام حتى لقاء آخر ... ربما يطول الفراق هذه المرة ....

------

هذه البلاد لم تعُد كبلادي .... مصر مش عارفاني ولا أنا قادرة أعرفها .... هي مش عاوزاني ؟؟؟ مانا كمان ما بقيتش عاوزاها ....

------

من أجل لحظات كهذه سُميت الحياة جميلة ...

------

كم أمقت المتصنعين للأخلاق، الذين يُقابلون من معهم في المنزل بوجه عبوس وصوت جهور ويتلاطفون مع الغرباء !!! فإذا بوجههم شديد البشاشة وإذا بكلامهم أطيب من العسل .... تباً لمن غفل عن قول الحبيب " خيركم خيركم لأهله " .... فليهنأوا ببُعدهم عن الخير كله !!!....

------

"Gray skies are just clouds passing over." 

لا تأسي على ما فاتك

"  إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخِذَ مِنكُمْ وَيَغْفِرْ لَكُمْ وَاللَّهُ غَفُورٌ رَّحِيمٌ "

"  وَلِلَّهِ خَزَائِنُ السَّمَاوَاتِ وَالْأَرْضِ "

------------------

A clock in my wishlist.....

My sister's desk clock (low battery) ..... I hope that such a clock will be found in reality .....

If only I can go back in time .....

قدر الله وما شاء فعل

Yesterday is history, tomorrow is mystery, but today is a gift; that's why it's called the present....

the present ....

The only thing you can do is work hard TODAY in all life aspects so as not to regret more uselessness in the future .....

نفاق

{ رَضُواْ بِأَن يَكُونُواْ مَعَ ٱلْخَوٰلِفِ }

{ وَمِنْهُمْ مَّنْ عَٰهَدَ ٱللَّهَ لَئِنْ ءَاتَٰنَا مِن فَضْلِهِ لَنَصَّدَّقَنَّ وَلَنَكُونَنَّ مِنَ ٱلصَّٰلِحِينَ }

النهاردة بس حسيت بشدة ضعفي وتمام ضعف إيماني .... دة لو عندي إيمان أصلاً

ممكن ربنا مش شايف مني أي خير .... ممكن أكون أنا اللي رغوة .... قشرة .... ولا حاجة

أنا اللي محتاجة حد يشدني ، أشد حد إزاي وأنا مكسورة الجناح؟؟؟

ممكن عشان ربنا يعلم إن مافيش في قلبي أي خير .... لإن لو كان في ، كان سهل لي حاجات كتيرة أوي

لا تؤاخذنا بما فعل السفهاء منا .... أنا من السفهاء واللي بيحصل أنا لي فيه إيد ....

فمن يعمل مثقال ذرة خيراً يره .... إن يعلم الله في قلوبكم خيراً .... لو في ذرة خير .... حتى الذرة ما حصلتهاش .... هنيئاً لي بريقي أمام الخلق وسوادي أمام الخالق وأمام نفسي ....

مش كنت أكمل غرق امبارح ؟؟؟ كان لازم ينقذوني ؟؟؟!!! لا فائدة ولا قيمة لوجودي .... ممكن عشان اللي معايا فيها خيرٌ يُرجى فكان لازم ينقذوها فأنقذوني معاها بالمرة ... دة المسار الوحيد ، وأثق أنه الصحيح .... لا أستحق أن أكون معهم .... هم أصحاب الجنة وأنا النار مستنياني .... لا يجتمعان .....

 ارتطام أسناني .... جبانة ....

تسارع ضربات قلبي .... ضعيفة ....

ارتعاش أطرافي ..... منافقة ....

خواطر بعد خواطر ....ء

ربنا ينتقم من كل اللي وراء الإعلام !!! أيوة ربنا ينتقم منهم ... الناس هنا جاية تهنيني باللي بيحصل في الشارع المصري !!! لما شافوني صُدمت قالوا " ما دة اللي القنوات بيبينوه لينا " ، ولما فهمتهم اللي بيحصل صُعقوا ....

حسبي الله ونعم الوكيـــــــــــــــــــــــــــــــــل

يُمهل ولا يُهمل .....

نفسي أكون معاهم وأمشي بنقاب عليه صورة مرسي والراجل فيهم يهوب ناحيتي .....

والناس متعصبة أوي أوي لرأيها وعمالة بتشتم في كل المسلمين (وهي مسلمة !!!) .... ريحوني ، خففت قائمة الأصدقاء في الفايس بوك :)

---------------------

رمضان شهر عبااااادة وعتــــــــق ..... هو ليه رمضان بالنسبة لي مرتبط أوي بالمناسبة دة ؟؟؟

" من ........ الله عُذب به "

مش طنط أم حاجة وخمسين سنة لسة فاكرة مع إنها أخدت مسار تاني وقعدت فيه فوق ال30 سنة ؟؟؟ :(

يعني مش البديل هو الحل .....

هكثف الدعاء في رمضان مع إني عمري ما توقفت عن الدعاء الحمد لله .... أنا لا أحمل هم الإجابة .... جاية في السكة إن شاء الله :)  .... وأحياناً كثيرة تكون الإجابة بالمنــــع ..... أيوة منـــــع ...... مش " والله يعلمُ وأنتم لا تعلمون " ؟؟؟

كُل عام أنا وهم وأنتم من الله أقرب وللخير أسبق ومن النار أبعد :)  .....
رمضـــــــان ......

---------------------

كل مدى بحبها أكتر .... ممكن عشان مش عايشة معاها ؟؟؟ هل البُعد فعلاً يُولد الشوق والحنين ؟؟؟ والقرب يُولد الملل والبغضاء ؟؟؟؟ ؟؟؟؟ ؟؟؟؟ ؟؟؟؟

دة دليل إن الحياة مع حد بتقتل الحب ؟؟؟!! :/ أعمل إيه يا ربي ؟؟؟

----------------------

أول مرة أحس إنه صحيح موضوع إنك لما بتحب حد بتحب اللي بيحبه من الأكل .... عاشقة ال mustard أنا :) وبتهزق من أخواتي :)))  .....

-----------------------
كان نفسي أكون معاها بكرة :((  ..... لو لو لو كان الأمر بيدي ..... تنهيدة !!! الحمد لله :(( .... 
----------------------

" الرجل ذو اللحية السوداء " ...... طفل كبير ..... جميلة :(

--------------------------

ما أقسى أن تكون دائماً من المشاهدين والمهنئين ولا تكن أبداً من المشاركين .... تنهيدة !!!

الجنة جميلة .... سلعة غالية .... هي أملي الوحيد ..... ليه عاوزة حاجة من جناح البعوضة ؟؟؟

-----------------------

وكأنه وُضع بيننا حاجزٌ كبيرٌ من الثلج ولن يذوب ... أبداً ....

ولا ممكن يدوب ؟؟؟ محتاج معجزة !!! :(

-----------------------

اشتقت إلى من لا أملُّ ولا أخاف من الحديث معهم .... الإرتياح .... 

هم 4 في حياتي اللي "كنت" بكلمهم بدون أي خوف .... واحدة معايا و ثلاثة بعاد ...

-----------------------

كان لديها أمنية ..... فتحققت .... ثم انتُزعت منها .... فعادت تتمناها من جديد ....
ألم تتعلم الكف عن الحلم وأن كل ما أحبته ليس لها ؟؟؟؟

-----------------------

" الإمداد على قدر الإستعداد " ..... فين الإمداد ؟؟؟ معناه أنا مش مستعدية خااالص :(

-----------------

منذ خمسة أعوام ، قبل أي شئ وحتى الآن تنام فترى رؤى تحمل نفس المعنى .... متى تتحقق ؟؟؟

-----------------------

ما أقسى الحروف !!! فبكلمة تخسر أحدهم وتحتاج إلى كلماااات لتُعيده من جديد ..... وأحياناً لا تستطيع إرجاعه حتى بمُجلدات ....

----------------------

يا لسذاجتنا  !!!! نختار " الألم " ظناً منا أنه سيتغير ب " الأمل" .....أيكون ترتيب الأحرف بهذه الأهمية ؟؟؟

-----------------------

You may go along with one road and they may take the other one, but after all, the two roads could meet at the same point ..... could ....

--------------------------

" The longer you have to wait for something, the more you will appreciate it when it finally arrives. The harder you have to fight for something, the more priceless it will become once you achieve it. And the more pain you have to endure on your journey, the sweeter the arrival at your destination. All good things are worth waiting for and worth fighting for "

ماشي يا سيدي 

--------------------------

أهي فدوى جوا ، والكلاكيع حواليها ، والأمل اللي بتغنيله بقالها كتير مستنيها برة ..... فين أقصر طريق ؟؟؟

-------------------------

" كلما نظرت في المرأة، أتساءل من هذه الطفلة التي تبدو لي وتتكلم بلساني وتسكن جلدي "

" لا مكان لنصر أو هزيمة ... هناك فقط جبهة واحدة، بيت واحد، قلب واحد "

" إن ما بيننا حياة يجب أن نحياها بكل ما فيها من سعادة وألم "

" من يمنح الآخرين لله فلا يندم أبداً بل ينتظر الجزاء من عند الله "

--- الرجل ذو اللحية السوداء :( ....

---------------------

هل سعادة لحظية -يوم،شهر، سنة- تستاهل إنك تضحى ببقية حياتك علشانها ؟؟ ..

صراع .. لكل قاعدة شواذ .. مين قال هتكون من الشواذ ؟؟ 

مجازفة ؟؟ .. ربما .. --- مقتبسة من مدونة رارا

--------------------

حمقى هم .. من يصنفون بعض الأشخاص .. كحالات خاصة ! .. --- مقتبسة من مدونة رارا

------------------------

في ناس كتيرة أوي أنا بجد مش عارفة هتقابل ربنا إزاي .... هتقول له إيه ؟؟؟ لو أنكرِت ، أعضاؤها هتتكلم !!!!

المشكلة إن حق الله يُمحى بالتوبة النصوحة لكن حق العباد لا لا لا يُمحى إلا بطلب العفو منهم !!! 

تسمعوا عن قنطرة المظالم ؟؟؟ المرحلة اللي بعد الصراط يوم القيامة ؟؟؟ .... بعد كل الأهوال !!! لما الواحد خلاص ما صدق !!!

موعدُنا القنطرة ....

-----------------------

{ فَقَالَ رَبِّ إِنّى لِمَا أَنزَلْتَ إِلَىَّ مِنْ خَيْرٍ فَقِيرٌ  .... فَجَاءَتْهُ إِحْدَاهُمَا تَمْشِى عَلَى ٱسْتِحْيَاءٍ قَالَتْ إِنَّ أَبِى يَدْعُوكَ  ...... }

{ قَالَتْ إِحْدَاهُمَا يٰأَبَتِ ٱسْتَئجِرْهُ إِنَّ خَيْرَ مَنِ ٱسْتَئجَرْتَ ٱلْقَوِىُّ ٱلأَمِينُ } 

جميلة .... :(

الهوية (1) ء

د/ مضاوي الغيث

ربنا يعزها

من أكثر الشخصيات اللي بتذُب عن العقيدة

العقيدة مستهدفة أوي ، وإحنا نايمين (كالعادة) .... أغلب المسلمين (والله أغلبهم) يا إما دايبين في Arab idol (يعني صنم العرب ، يعني معبودهم ، والله صدقوا ، بيعبدوهم عبادة إلا من رحم ربي وقليلٌ ما هُم) ، وأغاني ومسلسلات تركية وحاجة تقرف بعدين يقولوا " ليه النصر ما جاش لحد دلوقت ؟" أو بكل استفزاز " مصيرنا ننتصر " !!!....

افتكرت قول واحد يهودي (مش فاكرة رئيس وزراء ولا إيه) لما قال " احنا عارفين إن المسلمين هينتصروا علينا ، بس مش المسلمين بتوع اليومين دول اللي هينتصروا ولا اليهود بتوع اليومين دول هم اللي هيتهزموا " ... 
ببساطة لإن المسلمين بتوع اليومين دول ليسوا من الإسلام في شئ ، واليهود بتوع اليومين دول متمسكين أوي بكل معتقداتهم وأهدافهم وبيحاربوا عشانها ....

ما علينا ، نرجع لمرجوعنا ....

في أغلب النقاشات ، لاحظت إن الخلاف ما بقاش في الفقه (اللي هو أصلاً ما فيهوش خلاف زي ما هقول كمان شوية) ، الخلاف بقى في الحاجة اللي لازم يكون حواليها حصن حصين وإلا اتهدت .... عقيدة الناس تعبانة أوي ... آه والله ... لو قرأنا عن العقيدة ، هنلاقي إن عقيدتنا بايزة (بايظة؟/بايضة؟) .... حتى أنا .... أنا بتكلم عن نفسي أولاً وأخيراً ....

المهم ، 

حضرت لها محاضرات قبل كدة (ممكن أكتبهم بعدين) لكن الأسبوع اللي فات اتكلمت عن الهوية الإسلامية

تطرقت لمواضيع خلتنا لم نتمالك دموعنا (كالعادة ، بنعيط بس ونطلع من الدرس ، زي ما احنا) 

مش دة الهدف ، دمعتين بعدين نطلع من عندها ناسيين كل حاجة وراجعين لحياتنا الطبيعية اللي زي القرف

عشان كدة حطيتها هنا ....
لعلي أرجع لها في المستقبل أو أي عابر يمر على مدونتي المتواضعة الحبيبة ويستفيد إن شاء الله ....

كان المفروض تجيلنا الأسبوع كله بس حصلت ظروف منعتها ، قدر الله وما شاء فعل :(  ....

--------------------

هبدأ بآخر حاجة قالتها لإني حسيتها مهمة أوي وما كنتش أعرفها ....

تنافرت قلوبنا لأنهم وضعوا تصانيف " دين وهابي " ، " دين أزهري " ، " مذهب حنفي " ، و ، و ، و ..... ويريدون حصر الدين على مكة والمدينة فقط ..... فحصرنا العلم على مناطق وأصبحنا لا نأخذ إلا ممن ينتمون إلى نفس منطقتنا ..... ولكن الأساس أن الأئمة الأربعة لم يكن بينهم أي اختلاف !!!
وكانوا من شدة حبهم : الإمام أحمد يدعو في سجوده للشافعي و الإمام الشافعي يقول لأحمد " إذا صدق الحديث عندكم ، فهو مذهبي  " ، و الإمام مالك يقول عن الشافعي " لن يقوم بهذا الأمر ما قام به هذا الفتى " ....
والمفروض الضابط لنا هو " أيهم أقرب للدليل ، فنحن معه " ....
* الإمام أبو حنيفة فقيه اعتمد على القياس لأنه لم يوجد عنده الدليل
*الإمام مالك مُحدِّث كان عنده الأدلة ولكنه اكتفى بالصحابة الذين في المدينة ولكن أكثر الصحابة خرجوا من المدينة ..... فضاع عنه أحاديث أبي هريرة وابن مسعود وعلي رضي الله عنهم لأنه كان لا بد له من السماع وكان يقول " هذا ما سمعته من أهل المدينة " ..... 
* الإمام الشافعي فقيه كان يتنقل (مولود في مكة وعاش في مصر) وكانت له زيارات للعراق ....
*الإمام أحمد مُحدِّث أصغرهم سناً وأكثرهم علماً بالحديث وله مُسند ، وكان في النهضة العلمية للأحاديث ، فكان كل مرجعه ل " قال الرسول " فأصبح أشد التنفير من أحمد حتى لا تأخذ الأمة بكلامه والذي هو كلام الرسول في الأصل .... وجميع الأئمة في منظومة أحمد لأنه من نقل الأحاديث عن محمد صلى الله عليه وسلم ....
فكلهم متفقون على الأساسيات ، والله في القبر سيسأل " من نبيك " ولن يسأل " ما هو مذهبك " ؟؟؟!!!

وكلهم قالوا " إذا اختلف قولي مع قول محمد صلى الله عليه وسلم فاضربوا بقولي عرض الحائط "

---------------

دي بداية محاضرتها :

* لا تستقل بأن تكون أحد من يحل المشاكل - لأن المؤمن إذا صدق إيمانه مع الله ، جعل الله على يديه الخير الكثير .... " رُب أشعث أغبر لو أقسم على الله لأبرَّه"

* الهوية هي ما تمييز كل حضارة أو شخص عن الآخر من أفكار وأعمال محسوسة

* لا يوجد ثقافة عند جميع الناس إلا إذا كانت نابعة من دين معيين .... حتى إذا دعووا إلى ترك الدين جانباً .... يتهموننا أننا ندخل الدين في كل شئ (وهذا مطلوب) وهم من يفعلون ذلك دون أن نشعر .... مثل لبسهم ورسوماتهم يعتزون بها وينقلونها لنا كلها من دينهم .... 
كالصين: التدريبات للإشراق الروحي والاسترخاء إذا سألناهم من أين جاؤوا بها ، قالوا : " من بوذا ، من كيشنا " يعني امتدادها ديني ....
يحثون على عدم أكل اللحوم لنكون أكثر صحة ، ولكن عقيدة التناسخ عند الهندوس والبوذيين فيها أن الروح تنتقل من الإنسان المتوفي للحيوانات ، فلا يذبحونها (من دينهم) .... لذا هم نباتيين
ويطلبون منا عدم شرب اللبن ، لأن من يعبدون البقر يرونها في مكان راقي وربما أصابها ضرر ...
كل ما يدعون إليه يأتي من منطلق ديني دون أن يخبروننا بذلك ويضعونه في غلاف لامع لننبهر به وهو في الأساس عقيدة عندهم ....

يدعون لتعليق سلاسل وأحجار معينة ... وإذا تتبعنا السبب وجدنا أنهم يعتقدون أن ربهم يطرح بها البركة .... 
وإذا قلنا نحن " ربنا " نعتونا بالتخلف وطلبوا مننا أن نترك ربنا ....

* جميع الدول تفتخر بزيها الديني كالهنود ، لا يزيلون ال" ساري " عنهم أبداً وإن كانوا في مؤتمر دولي ، وتحتفظ الأنثى بالنقطة التي تعلو جبينها ( وهي من تراب مقدس ، تعتبر عهد مقدس بينها وبين ربها ) .... ولو أن أحداً مسلماً حضر تلك التجمعات بزيه أو علق صورة للكعبة ، لرموه بالجهل !!!.... 

دي بقى صدمتني أوي :
الصين إلى الآن لم تدخل إليها الدشوش (الصحون الفضائية) لأنهم يقولون " نحن أمة وحضارة متميزة ، لا نقبل بدخول قاذورات الغرب وغيرهم علينا !!!!!... لا نقبل بأن يغيرنا أحد بعد ما تلقيناه من تربية " .... !!! ... وهم مليار بس .... عندهم تمييز بأمتهم .... واحنا نفتخر بقنوات اليهود والغرب وبما فيها من خلاعة ..... 

الألعاب الأولومبية في الأصل كانت حرب بين الآلهة اليونانية ، كل إله يستطيع إتقان عمل ، ينفرد به .... ( الثمانية دوائر المترابطة تدل على الاستمرار ) .... وهي تدل على الآلهة التي تكاتفت فأصبح لها هذا التراث .... 

النصارى بكل فخر يُعلقون الصليب وجميع رسوماتهم عن مريم والمسيح والرب ، شعار ديني بحت دون خوف ....

الغريب أننا نتأثر إن أظهرنا شعائرنا ونعتونا بالجهل و و و ...... ولا نلاحظ أن شعائرهم في كل مكان بطريقة أو بأخرى ....
------------------------

لماذا فقدنا الهوية ؟؟؟

* إذا طلبوا مننا رسم شخص مسلم ، كل بلد سترسم ما يُمثله المسلم فيها ، يعني حتى رمز المسلم فيه تقسيم جغرافي ، السوريين هيرسموا بنت مغطية راسها بطرحة صغيرة بيضاء وعليها عباية ، الباكستانيين هيرسموا واحدة إيديها غرقانة نقوش حنة وحُلي ، لا يوجد صورة واحدة عندنا للمسلم ....
مع إن صورة المسلم المفروض تكون على هيئة محمد صلى الله عليه وسلم وزوجاته رضي الله عنهن ..

خاطرة مني : اللي عجبني صراحة شكل المسلمين الملتزمين بيبقى عامل إزاي في الغرب .... بتحس فعلاً إنهم هم المسلمين ، لم يتأثروا بإنهم في دولة كافرة ولا بإنهم لسة مسلمين جديد فهياخدوا بالأسهل ولا ولا ولا .... تبص عليهم تقول " مسلمين " مش بتقول " أجانب " ....

المفروض ما نتعلقش بتراب ..... يكون تعلقنا بدين .... عشان بقينا دول متفرقة وقلوبها متفرقة بدل ما تكون خلافة إسلامية ... الولاء بيكون للبلد للأسف ، مش للدين .... يعني لو واحد اعتدى على نصراني مصري هغضب أكتر من إن واحد اعتدى على مسلم هندي .... آه والله :(
وأنا لاحظت كدة فعلاً ، غضب الناس على اللي بيحصل في الشارع المصري أكبر بكتيـــــــر من اللي بيحصل في بورما وسوريا !!!

عندنا عنصرية جامدة ، كل بلد شايفة إنها أحسن من التانية وناسيين " لا فرق لعربي على أعجمي إلا بالتقوى " .... 
حتى في الحرم !!! كل واحد يحجز للي من منطقته حتى لو مش عارفه لكن لو مش من بلدي ، ممكن حتى أضايقها وأشتم بلدها ... أنسى إني اجتمعت معاها على " لا إله إلا الله " ..... لم توحدنا اتجاه القبلة الواحدة ووحدتنا جغرافيا بلدنا ....

* للأسف ، قلوبنا ليست صافية ، مش زي المهاجرين والأنصار .... تقاسموا كل حاجة بغض النطر هم منين .... طالما هم تحت لواء التوحيد .... الأنصار ما قالوش " يا غرباء ، ارحلوا " .... ما كانوش يقدروا يفرقوا بين المهاجري والأنصاري ... امتزجوا مع بعض ..... اللي بدأ يتكلم هم المنافقين .....

حتى الحاجة دي للأسف اتزرعت فينا من صغرنا " وطني وطني " ، " بلادي بلادي " ، القومية عندنا أكتر من الدين .... والغرب جمعوا الولايات تحت راية واحدة ، كل ما حد قال " هنتفرق " يرجعوا كتلة واحدة تاني مع إن ثقافاتهم وحضاراتهم مختلفة ....

الإتحاد مش برفع الشعارات إلا رفع قول " لا إله إلا الله " .....
--------------

في كل الثورات العربية ، النصر جه مع إن غرضهم كان " يسقط كذا " ، " ارحل يا كذا " ، لكن في سوريا اتأخر النصر مع إنهم رافعين " مالنا غيرك يا الله ! " عشان ربنا يمحصهم وعشان في نهاية الزمن ربنا أمرنا " إذا تفرق الناس وكان هناك جندٌ في اليمن وجُندٌ في العراق وجُندٌ في الشام ، فالحقوا جند الشام " !!!......

لماذا الشام (من لبنان لفلسطين) ؟؟؟؟
المشكلة لما حد يتكلم عن الشام بيتكلم عن زيتونها وجمال أرضها ومصدر للفن و و ، بس مش دة سبب مفخرتنا ، الشام لا يمتازون بأمر هم صنعوه ، الفخر إن جزء منها كان أرض للأنبياء (إسراء الرسول ، وصلاة الرسل خلفه) وكمان في آخر الزمان الملحمة الكبرى هتكون في الشام ، لتفريق المؤمن من الكافر ، المسيح عيسى هينزل في المسجد الأموي في دمشق عند المنارة البيضاء ....

مفخرة المسلمين زمان كانت ثغر بيروت (أول مرة أسمع عنه، محتاجة أقرأ تاريـــــــــخ :( ) .... كان في عهد الإمبراطورية البيزنطية ، لإن اللي هناك معرض للموت طول الوقت ، عشان الحرب كانت بحرية ، وما كانش المسلمين عندهم أي حاجة غير قوة الجسد وكل ما الحصن يتهد، يبنوه تاني ، فكان هو اللي حامي المسلمين وراه بعد فضل الله ....

لكن دلوقت للأسف لبنان نصرانية ولازم رئيسها يكون نصراني ، دة في دستورهم .... 
واحنا اللي فرطنا فيها .... هم عرفوا إن طول ما الثغر ضايع ، عمر ما هتقوم للإسلام قائمة ، ودة اللي عملوه ....
أهل السنة الحقيقيين من الشام رحلوهم برا الشام ....

لما سقطت بيروت ، جابوا الصليبيين أراذل الناس من البلجيك وحطوهم هناك ، ناس مالهاش أصل وحشيين ما تهتمش تقتل مين ولا تعمل إيه ، ما عندهمش حاجة يهتموا بيها .... ما عندهمش انتماء .... قعدوا يكملوا قتل وقعدوا هناك .... 
وجه الفرنسيون .... عشان ما عندهمش أي تورع عن الأمور اللي فيها خسة ولا يهمهم لو اتعييروا ..... وإدوا العلويين (الشيعة الأقذار) مكانة ، كلهم مجتمعين تحت لواء " كراهية أن يكون للإسلام مكانة أو تقوم له قائمة " ، وكان غرضهم " زي ما الأرض دي كانت عز وفخر للإسلام ، لازم السلمين يكونوا في أحقر وأقل رتبة من فقر وأشغال " ..... أصبحت الثروات كبيرة ولكن اقتصادهم أقل لأن خيراتهم تذهب لغيرهم .....

الإنتاج والإتقان السوري خارج بلده أعلى ، ولكن في بلده اقتصاده أقل لأن خيراتهم تذهب لغيرهم ولا يسمحوا لهم بشغل المناصب .....
وعندما عاد الشامي إلى ربه ، أصبح أسمى أمنياته الشهادة .... 

لماذا تأخر النصر ؟؟؟
لأنها أرض طاهرة وقد تنجست ولا تُطهر إلا بدم شهيد يقول لا إله إلا الله خالصة من قلبه ..... فإذا استوفت الأرض طهارتها ، جاء النصر ..... 
----------------------

يجب أن يكون الإنتماء ل " لا إله إلا الله " ، جميعنا (سوري ، مصري ، سعودي ) على شط واحد ، وهي أخوة الإسلام وليس التقارب الجغرافي ... فنحن متجاورون مع اليهود .... ويجب أن نحب من يُمثل ديننا ونبتعد عن من لا يُمثله ولو كان أقرب قريب (فقد قرب الرسول صلى الله عليه وسلم سلمان الفارسي وصُهيب الرومي وبلال الحبشي وأبعد عمه أبو لهب ) ... فالعلاقة بيننا ليست حسب ونسب ولكنها علاقة عقيدية وإن كان في أقصى الأرض وليس بيننا مصالح مشتركة ....

يجب أن نستمد هويتنا وما يجمعنا من القرآن والسنة وإلا كان هناك خلل في الدين .... 
ولو كان حفظ القرآن فقط دون تطبيق هو المطلوب لأمرنا الله بحفظه ، ولكنه لم يأمرنا بحفظ إلا الفاتحة ..... ولكن القرآن كتاب تعاليم ، للحفظ والإتقان وإقامة الحدود وليس الحروف ..... الوقف على الآيات ..... أحفظ " ولا يغتب بعضكم بعضاً " ثم أُغلق مصحفي وإذا بي أقع في أعراض الناس .... 

انتهى كلامهما أسعدها الله وحفظها ... كان جرعة حياة :( .... ربنا يجمعني بيها في فردوسه الأعلى وكل من قرأ هذه التدوينة ....
وكل المسلمين ....

كانت المحاضرة القادمة المفروض تبقى " هل نحن متمسكون بقرأننا وما هو الشئ الذي أحدثناه فيه " .... والحمد لله على كل حال :( .....

Want it to be Healthy ??

 might come useful one day ... Even if it's not of my interest now ... I just loved his words ;-(

--------------------

Worry about your obligations, forget about your rights…

A believer expects from his Lord, because everyone besides Allah will disappoint your expectations 

ضعُف الطالب والمطلوب 

A person is ready to know only what serves him instead of what serves the others ….

 Husbands are learning how they should be treated (and not how they should treat their wives) and vice versa

Our deen in the first place teaches how to serve your obligations

 I loved it when he mentioned the man who came to Umar bin Al-Khattab 

رضي الله عنه 
wanting to divorce his wife and the reply he got … wow !!!

كلام عميق

" كن واثقا من ربك ، على بينة من أمرك ، ولا تجعل مدح الناس يدعك أن تطغى ولا ذم الناس يدعك أن تيأس من روح الله " -- الشيخ صالح المغامسي حفظه الله  .... :) ..... 

Be careful how you are talking to yourself because you are listening ....

يُؤَمِّل دنيا لتبقي لـه *** فمات المؤمِّـلُ قبل الأمـلْ

 حثيثًا يروِّي أصولَ النخيل *** فعاش الفسيلُ ومات الرجلْ

دعني وجرحي فقد خابت أمانيــــنا *** هل من زمان يُعيد النبض يُحيينا ؟؟؟

 { إِن يَعْلَمِ ٱللَّهُ فِي قُلُوبِكُمْ خَيْراً يُؤْتِكُمْ خَيْراً مِّمّآ أُخِذَ مِنكُمْ } -- الأنفال ... المشكلة قلبي ...

صدقت يا حبيبي " ألا إن في الجسد مضغة ، إذا صلحت صلح الجسد كله وإذا فسدت فسد الجسد كله ... ألا وهي القلب " ....

العمر ليس بما طُوي من أعوام .... العمر بما عُصف من آلام .... صحيح أنها في بداية العشرينات ووجهها يصغرها بثمانية أعوام كما أخبرها الكثيرون ، إلا أنها تشعر أنها ناهزت الخمسين .... تشعر أن ما سكبته عليها سنواتها القليلة كفيل بأن يجعل منها عجوزٌ وإن كان وجهها يوحي بالبراءة .... قلب طفلة بألم كهلة .... وتمر الأعوام .... -- فدوى أحمد ..... 

تفقد أعصابها لأتفه الأسباب .... تبالغ في الفرح وفي الحزن .... إفراط في كل شئ .... إذا أحبت ، أحبت بعنف وإذا كرهت فليرحم الله من كرهتهم ...... كرهها لا يدوم ، ولا تتمنى الأذية من ورائه .... ولكنه يكون غضب عابر لأن ما تمنته من أحدهم لم يحدث .... تسعدها أبسط الأشياء التي ما عادت تسعد من هم في عمرها .... تبرق عيناها لرؤية الحلوى ..... كالأطفال .... قلب طفلة وملامح طفولية على عمر وجسد امتدا سنوات .... وعلى ألام امتدت عقوداً ..... --- فدوى أحمد ....

الدنيا مليانة تحديات ، وانت لك القرار ، يا تختار ، يا تنهار -- عمار بوقس

صوت الإرادة ، صوت لا يعلوه أي صوت -- عمار بوقس

إذا رأيت نفسك متكاسلاً عن الطاعة ، فاحذر أن يكون الله قد كره طاعتك

"Grudges are a waste of perfect happiness. Laugh when you can, apologize when you should, and let go of what you can't change."

بعض خلقك يظن في الخير لأنني أحدثهم عنك، فلا تخيب ظنهم في بسوء عملي !!!!

إذا كان يصلُح أن يكون عبداً لله ، ألا يصلُح أن يكون زوجاً !!! .... قشعرت .... بجد قشعرت ....

بيقولوا إن الواحد لما يحصل على حاجة خلاص بيبطل يحبها وبيزهد فيها ، بس أنا شايفة إن الكلام دة غلط أوي .... الواحد دلوقت لما كان نفسه يدخل هندسة وربنا كرمه ودخلها ، هل العاقل بقى اكتفى بكدة ؟؟؟ لا طبعا ، سعى لإنه يتفوق فيها ويفيد ويستفيد ، ودة الوضع مع أي حاجة ..... لما ربنا يفتح باب ما كانش ليه مفتاح الواحد مش بيقول خلاص وبيستكفى بإن الباب اتفتح ، لكن  بيحاول قد ما يقدر يجتهد في إنه يفيد ويستفيد ....
أنا قاصدة أذكر الإفادة قبل الاستفادة عشان لو الواحد في أي باب كان هدفه يدي أكتر من إنه ياخد ، هيلاقي اللي عدوا معاه الباب بيعملوا كدة كمان فهيلاقي إنه قاعد بيتلقي حاجات لإن غرضه كان العطاء ...

بيقولوا هتزهقوا من بعض ... ليه يعني ؟؟ الواحد بقاله سنين مع اخواته وعمره ما حس إنه زهق منهم ... ربنا كريم ...
بيقولوا دة اسمه ارتياح ... الحاجات التانية بقى بتيجي مع العشرة والمعاملة الحسنة وأنا معاهم في كدة .... بس بردو الواحد محتاج يشوف معنى كلمة معينة في قواميس كتيرة عشان يتأكد من الكلام دة ....
بيقولوا الغموض في الحاجات دي كويس .... مافيش مشاكل ، أنا تخصص غموض :)

يادي اللي قاعدين بيقولوا ... هم مين أصلاً ؟؟؟ :)))

ورزقُك ليس ينقصُهُ التأنّي *** وليس يزيدُ في الرزقِ العناءُ

ولا حزنٌ يدومُ ولا سرورٌ *** ولا بؤسٌ عليكَ ولا رخاءُ

الأيام دُوَل ....ء

ال label هو gratitude عشان بحاول أبص على الجانب المشرق في كل ظلمة .... أكيد فيه ، مش عشان الجانب مديني ظهره يبقى هو مش موجود .....

مش بقول لك خليك زي فُلانة ولا علانة ، لإن المُقارنة بالغير تحطيم ، ما حدش عمره كان في مكانك ولا حد عمره هيقوم بدور "فدوى" إلا "فدوى" .... أنا بطلب منك تكوني فدوى التي يرضاها الله ورسوله .... شوفي ربنا أمر بإيه والرسول دعى لإيه ....

صعبة دي ؟؟؟ والله إنها لسهلة على من سهلها الله عليه .....

ووالله لو صدقت الله لصدقك ....

بشكرك يا رب على الدروس القاسية اللي باخدها اليومين دول .....

كذا درس ورا بعض ....

طع طع طع طع ......

طخ طخ طخ طخ ......

وكله بيصب في نفس المصب .... أكيد استخدمت مكانتي كأخت كبيرة أو كمعلمة لطالبات استخدام خاطئ ولو مرة .... لأ ، أكيد كذا مرة ... لإن ربنا بيستر وبيرحم في أول كذا مرة ... لكن لما العبد يتمادى ، بيوريه حقيقة نفسه ....

حتى لو أنا شايفة إن هم فيهم استهتار الدنيا ولا مبالاة الحياة وبيغيظوا أوي و و و و ......

هي دي مدرسة الحياة ...

هي دي الكلمة اللي اتقالت لي كتير أوي وكنت بقول " هي الناس اللي هقابلها في الشغل ولا في الحياة عامةً هتفرق عن الجامعة ولا العائلة إزاي ؟" .... أديني عرفت بتفرق إزاي .....
حتى لو حاجات في كيفية التعامل اتقالت لي في البيت ، مش هتركز في عقلي ولا هقتنع بيها إلا لما أتعك فعلاً .... أتعك بجد وأتوجع .... الألم بردو بيعلم ... بس نبص على الدروس كويس ... مش نقعد نضمد الجرح وننسى سبب الجرح ...... ممكن حتى لو سبناه ينزف نلاقيه طلع كل الخبث اللي موجود ..... شكراً يا الله :)

1) اللي بتعمله في الناس مصيره في يوم من الأيام يتعمل فيك .... حتى لو انت مش قاااااصد .... حتى لو انت شايف إن اللي بتعمله دة يستحقوه ... مش انت اللي هتحاسب الناس .... بالذات طريقة تعاملك مع الناس ... طريقة ردك على الناس ... ازدراء الناس .... الرد من تحت مناخيرك ....

انت اللي لم " تُخفض جناحك للمؤمنين " ....

2) حتى لما تكون في موقف قوة (من وجهة نظرك التعبانة) وتقول كلمة حلوة لحد بصوت عالي وأمام الكثيرين كإنه هو بس اللي كويس والباقيين زي قلتهم ، وتحسسه فعلاً إنه كدة ( ما هو من وجهة نظرك مجتهد و و و والباقيين كُسالى و و و )، هيجي يوم في موقف ضعف ليك وهيتقال لك نفس الحاجة على مسمع من ناس كتيرة .... بتوجع أوي .....

3) مش طول عمرك هتفضل أحسن واحد على اللي حواليك (من منظورك الضعيف ونظرة الناس الغير مُنصفة) .... هيجي يوم تكون فيه انت فعلاً أسوأ من حولك ومش عارف حتى تتقدم أي خطوة عن اللي حواليك وتحس بعجز رهيب .... اعتياد النجاح له نهاية .... الفشل كتير بيخلي الواحد يخفض راسه شوية اللي بقالها سنين مرفوعة ويا ريتها مرفوعة على حاجة تستحق .....

4) لما تقلل من قدرات الناس وتقول " إزاي يعني مش عارفين يعملوا كذا كذا ، دي هبلة أوي " ، هتتحط في موقف تلاقي كل اللي حواليك بيعملوا حاجة وشايفنها " سهلة أوي أوي " وانت الوحيـــــــــد اللي محتااااس وعامل زي الغرقان مش لاقي مخرج ....

5) لما حد يقول لك " حاولت ومش عارف " وانت بكل كبر تقول في نفسك " ياااه ، على دي مش عارف ؟؟؟" هتتحط في موقف تلاقيك فعلاً " مش عارف ولا قادر " واللي حواليك " قادرين وعارفين " ....

5) بدايتي كانت نطفة قذرة ونهايتي جيفة نتنة ... أفخم لبسي من دودة وأحلى أكلي من حشرة .... فعلام التعالي ؟؟؟

من تواضع لله رفعه .....

كنت بسمع زمان " كما تُدين تُدان " وكنت كتير برددها وبقولها لغيري بس كتير أوي كنت بنساها وأنا بعامل غيري ..... 

قفي مع نفسك ، لما ربنا يحطك في موضع سلطة ( رتبة أعلى من غيرك أو علم أكتر من غيرك ) تواضعي .... اللي مش عندك ممكن أوي يكون عند غيرك .... حطي نفسك مكان اللي قدامك ....

التواضع ، الابتسامة ، حسن الظن ، التماس الأعذار ، إلقاء السلام ، عدم احتقار أحد حتى لو كنت شايفاه يستحق الاحتقار (انت مين عشان تحكمي عليه ؟؟؟ لعل بينه وبين الله سريرة ترفعه فوق منزلتك الحقيرة أضعافاً مضاعفة) .....

يا رب أتعلم بجد ... مش أكون مجرد بكتب كلام وبس ....

يا رب ، انت عارف إن الموضوع دة صعب علي أوي أوي وانت عارف الأسباب وبقالي فترة كبيرة بدعي تحل لي المُعضلة دة ، حلها من عندك يا رب ، أنت الرحيم وأنت على كل شئ قدير ....

الأيام دُوَل .....