ذنوب الموت

بالصوت والصورة

ذنوب الموت (قفي ساعة)ء

الكلمات

ــ ـ ـ ـ ـ قفي ساعة ـ ـ ـ ـ ــ

قفي ساعةً يفديكِ قَوْلي وقائِلُهْ *** ولا تَخْذِلي مَنْ باتَ والدهرُ خاذِلُهْ

أَنَا عَالِمٌ بالحُزْنِ مُنْذُ طُفُولَتي *** رفيقي فما أُخْطِيهِ حينَ أُقَابِلُهْ

وإنَّ لَهُ كَفَّاً إذا ما أَرَاحَها *** عَلَى جَبَلٍ ما قَامَ بالكَفِّ كَاهِلُهْ

يُقَلِّبُني رأساً على عَقِبٍ بها *** كما أَمْسَكَتْ سَاقَ الوَلِيدِ قَوَابِلُهْ

وَيَحْمِلُني كالصَّقْرِ يَحْمِلُ صَيْدَهُ *** وَيَعْلُو به فَوْقَ السَّحابِ يُطَاوِلُهْ

فإنْ فَرَّ مِنْ مِخْلابِهِ طاحَ هَالِكاً *** وإن ظَلَّ في مِخْلابِهِ فَهْوَ آكِلُهْ

عَزَائي مِنَ الظُّلاَّمِ إنْ مِتُّ قَبْلَهُمْ *** عُمُومُ المنايا مَا لها مَنْ تُجَامِلُهْ

إذا أَقْصَدَ الموتُ القَتِيلَ فإنَّهُ *** كَذَلِكَ مَا يَنْجُو مِنَ الموْتِ قاتلُِه

فَنَحْنُ ذُنُوبُ الموتِ وَهْيَ كَثِيرَةٌ *** وَهُمْ حَسَنَاتُ الموْتِ حِينَ تُسَائِلُهْ

يَقُومُ بها يَوْمَ الحِسابِ مُدَافِعاً *** يـــــــــــــــَرُدُّ بها ذَمَّامَهُ وَيُجَادِلُهْ

وَلكنَّ قَتْلَىً في بلادي كريمةً *** سَتُبْقِيهِ مَفْقُودَ الجَوابِ يحاوِلُه

ترى الطفلَ مِنْ تحت الجدارِ منادياً *** أبي لا تَخَفْ والموتُ يَهْطُلُ وابِلُهْ

وَوَالِدُهُ رُعْبَاًَ يُشِيرُ بَـــــــكَفِّهِ *** وَتَعْجَزُ عَنْ رَدِّ الرَّصَاصِ أَنَامِلُهْ

عَلَى نَشْرَةِ الأخْبارِ في كلِّ لَيْلَةٍ *** نَرَى مَوْتَنَا تَعْلُو وَتَهْوِي مَعَاوِلُهْ

لَنَا يَنْسجُ الأَكْفَانَ في كُلِّ لَيْلَةٍ *** لِخَمْسِينَ عَامَاً مَا تَكِلُّ مَغَازِلُهْ

أَرَى الموْتَ لا يَرْضَى سِوانا فَرِيْسَة ً*** كَأَنَّا لَعَمْرِي أَهْلُهُ وَقَبَائِلُهْ

وَقَتْلَى عَلَى شَطِّ العِرَاقِ كَأَنَّهُمْ *** نُقُوشُ بِسَاطٍِ دَقَّقَ الرَّسْمَ غَازِلُهْ

يُصَلَّى عَلَيْهِ ثُمَّ يُوطَأُ بَعْدَها *** وَيَحْرِفُ عُنْهُ عَيْنَهُ مُتَنَاوِلُهْ

إِذَا ما أَضَعْنَا شَامَها وَعِراقَها *** فَتِلْكَ مِنَ البَيْتِ الحَرَامِ مَدَاخِلُهْ

أَرَى الدَّهْرَ لا يَرْضَى بِنَا حُلَفَاءَه *** وَلَسْنَا مُطِيقِيهِ عَدُوَّاً نُصَاوِلُهْ

فَهَلْ ثَمَّ مِنْ جِيلٍ سَيُقْبِلُ أَوْ مَضَى يُبــــــــــــَادِلُنَا أَعْمَارَنا وَنُبَادِلُهْ

نبذة عن من أبهرني

تميم البرغوثي

شاعر فلسطيني مصري

أبوه فلسطيني: الشاعر مريد البرغوثي

مامته مصرية : الأديبة رضوى عاشور

ولكم أن تتخيلوا ناتج هذا الزواج !!!!ء

أكيييييييد إبداع

ولد بالقاهرة عام 1977. له خمسة دواوين باللغة العربية الفصحى وبالعاميتين الفلسطينية والمصرية،

حصل على الدكتوراه في العلوم السياسية من جامعة بوسطن بالولايات المتحدة الأمريكية عام 2004

عمل أستاذاً مساعداً للعلوم السياسية بالجامعة الأمريكية بالقاهرة، ومحاضراً بجامعة برلين الحرة، كما عمل بقسم الشؤون السياسية بالأمانة العامة للأمم المتحدة بنيويورك، وبعثة الأمم المتحدة بالسودان، وباحثاً في العلوم السياسية بمعهد برلين للدراسات المتقدمة وهو يعمل حالياً أستاذاً مساعداً للعلوم السياسية في جامعة جورجتاون بواشنطن.

له كتابان في العلوم السياسية: الأول باللغة العربية بعنوان: الوطنية الأليفة: الوفد وبناء الدولة الوطنية في ظل الاستعمار صدر عن دار الكتب والوثائق القومية بالقاهرة، عام 2007، والثانيبالإنجليزية The Umma and the Dawla: the Nation state and the Arab Middle East عن مفهومي الأمة والدولة في العالم العربي صدر عن دار بلوتو للنشر بلندن، عام 2008.

كلماته مؤثرة أوي أوي وإلقاؤه قوي جدا جدا

أنا بقيت بنزل كل أشعاره على موبايلي وبسمعهم طول ما أنا ماشية، وآخر شهر في الدراسة كنت بسمعه بين المحاضرات وأحيانا أثناء المحاضرة لما أحس إنهم بيتكلموا في طلاسم، بقول أسمع حاجة بفهمها أحسن :) !!!!ء

هنا رابط الأشعار صوت دون صورة

أنا سمعت عنه من شهرين وندمت أوي إني ما عرفتهوش من زمان ... مش هتكلم عنه كتير، هخليه هو يتكلم عن نفسه

هبدأ بقصيدة "قفي ساعة (ذنوب الموت)" واللي بحب كلماتها وإلقاؤه فيها بس في بوست جديد عشان يكون دة بوست تعريفي بس

فإلى هناك :)

خواطر ما بعد الإفراج

إفرااااااااااااااااااااااااااااج ... ما حدش يجيب سيرة الكلية بقة عشان أنا في فترة نقاهة .... ثالثة سنة مش هتتنسي أبدا أبدا ... مش عشان الكلية خااالص، بس عشان المواقف اللي حصلت مع ناس في الكلية دي .... احتمال كبيييييير أويييييي أنسى الناس دول، بس المواقف مطبوعة للتعلم والفائدة ولنصح غيري ..... مبروووووووووووووك على الجميع وبالذات

faris

وعقبال مناقشة مشروع التخرج بإذن الله

-----------------------------------

It was an AMAZING day and I bought what I was dreaming of since kindergarten :) !!! Honestly, I was so exited !!! A million thanx to my family, I love u all soo much and I am so proud to be a part of u :) :-**** !!!

الحمد لله

---------------------------------

يللا، هما يومين بالظبط وهبدأ تاني إن شاء الله ، الحمد لله إني اتقبلت ... يا رب وفقني فيها أوييييييييي ... بجد الحمد لله، حاجة مش كل الناس بتحلم بيها عشان أحيانا مجرد الحلم بيكون أصعب من الحقيقة .... لازم ألحق أعمل كل حاجة في اليومين دول .... يا رب قويني

----------------------------------

عاوزة أقرأ

Men are from Mars, women are from Venus

تاني

---------------------------------

"You can complain because roses have thorns, or you can

rejoice because thorns have roses."

-----------------------------------------

I know that they have got other (and much better) plans than mine, but I don't care as long as they plan away from me .....

-----------------------------------

Keep yourself very busy so when something hits you, you'll be so tired to feel the pain..... I really was so tired at that time to even care about what happened

-------------------------------------------

لن أشكُ فالشكوى إنحناء و أنا نبض عروقي كبرياء
لن اشكُ لشخص مهما كان همي فلن اجد من يداوي لي جرحي فسوف يزيد جرحي وان لم يزده سيبعثره وانا لن ارضى ان يكون هذا قدري

------------------------------------------------

" لماذا نحب كاتباً بالذات ؟لا لأنّه يُبهرنا بتفوقه علينا، بل لأنّه يُدهشنا بتشابهه معنا. لأنه يبوح لنا بخطاياه ومخاوفه وأسراره، التي ليست سوى أسرارنا. والتي لانملك شجاعة الاعتراف بها، حتى لهذا الكاتب نفسه."
— أحلام مستغانمي

--------------------------------------------

- أنا هنا، أنا هنا، يللا بصيلي أوام

- طز، ما عادش بيهمني

خواطر

ما دام التسليم اتأجل، أكتب بقة حبة حاجات نفسي أقولها .... أنا زعلانة أوي، لولي جت وهتسافر ومش بقعد معاها خااالص ولا خرجت معاها ولا مرة ... كل يوم أنزل وهما نايمين الصبح بدري وأرجع متأخر بالليل أدخل أنام على طول ... كان نفسي أسلم البروجكت بكرة مع إننا ما عملناش ولا حاجة بس على الأقل يكون إسمي خلصت سنة ثالثة اللي مش راضية تنتهي بقة عشان أشوف أهلي :((( ... النهاردة كانوا مجتمعين عند نينة حبيبة قلبي وأنا ما قدرتش أروح :((( ... وبعد بكرة عند عمي ومش هقدر أروح .... الواحد محروم من القعاد مع أهله ... يا رب يسامحوني :(((((( الحمد لله

--------------------------------------

لا تشكُ للناس جرحا انت صاحبُهُ، فلا يشعر بالجرح إلا من به ألم

----------------------------------------

وبنحبك يا دنيا بجد، ومهما تعملي فينا

بنصحى بشوق يضم الغد، ونحضن بكرة بإيدينا

وآه من بكرة وعمايله، وآه من الزمن شايله

وآه من حلم عالي لفوق، ولسة القلب مش طايله

-------------------------------------------------

ما شاء الله، في ناس عمر ما اليأس تسلل إليها، وإن فعل، فلديها الأسلحة اللازمة لمقاتلته وقتله ....ء

--------------------------------------------

I wish life had an "undo" button ...

بس الحمد لله

At least it has a "redo" button and I shall use it wisely

إن شاء الله

---------------------------------------------------

في القدس رائحة لها لغة ستفهمها إذا أصغيت ... تميم البرغوثي

----------------------------------------------

والله والله "فإن ما عند الله لا ينال إلا بطاعته " كما قال صلى الله عليه وسلم .... وسبحان الله، ناس كتيرة أوي جابت 10 بالغش ... مش عارفة ليه مش قادرة أنسى ..... بس أنا فخورة بال6 دي وممكن كنت جبت ال10 لو سمعت كلامهم ولكن "قل إني أخاف إن عصيت ربي عذاب يوم عظيم" ... فعلا، خوفي من الله منعني أن أكون مثلهم الحمد لله .... وناس في اللجنة كل يوم كانت بتغش عيني عينك ... سبحان الله، بكون نفسي أنبه المراقب عشان "من رأى منكم منكرا فليغيره بيده، فإن لم يستطع فبلسانه، فإن لم يستطع فبقلبه وذلك أضعف الإيمان " بس بردو "من ستر مسلما في الدنيا ستره الله في الدنيا والآخرة" .. ربنا يسامحهم ويهديهم : ) ء

----------------------------------------------

" إن الله مع الذين اتقوا والذين هم محسنون " ... "إن الله مع المتقين" ... "إن الله مع الصابرين" ... "إن الله يحب التوابين " ... وإن كان الله معك، فمن عليك ؟؟؟ وإن كان الكون عليك، فلا يستطيع فعل شئ لك .... " ولو اجتمعوا على أن يضروك، لم يضروك إلا بشئ قد كتبه الله عليك " ... اللهم إني أسألك العفو والعافية

--------------------------------------------

أنا غلطانة ولازم أتحمل عواقب خطأي ... المهم إني مقتنعة إني غلطانة واللي أنا فيه دة نتيجة خطأي ... بس بردو فرحانة عشان اتعلمت حاجة كمان من الحاجات اللي المفروض ما يتعملوش خاااالص أو المفروض ننتقي الناس اللي نعمل الحاجة دي معاهم

----------------------------------------

Don’t underestimate anyone, especially yourself and don’t overvalue anything especially something that doesn’t belong to you ….

-------------------------------------------

لا تعطي الأمور أكبر من حجمها وتعلم النسيان فهو دواء حزن

Time is the best cure, let time heal your wounds !!! : )

---------------------------------------------

لا تظلمن إذا ما كنت مقتدرا * * * فالظلم ترجع عقباه إلى الندم

تنام عينك والمظلوم منتبه * * * يدعو عليك وعين الله لم تنم

قصاصات مختلفة

ثمة أناس لهم تلك القدرة الخرافية على المشي فوق قلوب الآخرين دون شعور بالذنب -- أحلام مستغانمي

------------------------------------------

وما كل نفس حين تلقى حبيبَها *** تُسرُ ولا كل الغياب يضيرُها

فإن سرها قبل الفراق لقاؤه *** فليس بمأمون عليها سُرورها

تميم البرغوثي

------------------------------------------

مـا دام هـنـاكـ فـي الـسـمـاء مـن يـحـمـيـنـي، فـلـيـس هـنـاك فـي الأرض مـن سـيـكـسـرنـي

------------------------------------------

This is our time to shine, our time to fly .... Our time to be inside the sky, our time to soar ... -- Oh Africa !! :D

--------------------------------------

يقيني بالله يقيني ... وتقوى الله تقوي

-----------------------------------------

الأحزان هي توابل الحياة، فبدونها تكون الحياة دون طعم ودون رائحة .... فدوى أحمد

------------------------------------------

بدأت أقتنع فعلا إن النهايات السعيدة بتكون في الروايات والأفلام وبس

إلى مسافرة

و أظل وحدي أخنق الأشواق

في صدري فينقذها الحنين

و هناك آلاف من الأميال تفصل بيننا

و هناك أقدار أرادت أن تفرق شملنا

ثم انتهى.. ما بيننا

و بقيت وحدي

أجمع الذكرى خيوطا واهية

و رأيت أيامي تضيع

و لست أعرف ما هيه

و تركت يا دنياي جرحا لن تداويه السنين

فطويت بالأعماق قلبا كان ينبض.. بالحنين

* * *

لو كنت أعلم أنني

سأذوب شوقا في الألم

لو كنت أعلم أنني

سأصير شيئا من عدم

لبقيت وحدي

أنشد الأشعار في دنيا.. بعيدة

و جعلت بيتك واحة

أرتاح فيها.. كل عام

و أتيت بيتك زائرا

كالناس يكفيني السلام

* * *

ما كنت أدرك أنني

سأصير روحا حائرة

في القلب أحزان

و في جسمي جراح غائرة

و تسافرين

لا شيء بعدك يملأ القلب الحزين

لا حب بعدك. لا اشتياقا لا حنين

فلقد غدوت اليوم عبدا للسنين

تنساب أيامي و تنزف كالدماء

و تضيع شيئا.. بعد شيء كالضياء

و هناك في قلبي بقايا من وفاء

و تسافرين

و أنت كل الناس عندي و الرجاء

قولي لمن سيجيء بعدي

هكذا كان القضاء

قدر أراد لنا اللقاء

ثم انتهى ما بيننا

و بقيت وحدي للشقاء

نبذة عن من ألهمني

فاروق جويدة

أنا بموووووووووت فعلا بموووووووت في كل قصائده بدون مبالغة .... من أحسن الشعراء اللي قرأت لها في حياتي .... صراحة اتضايقت من نفسي إني ما كتبتش عنه ولا مرة هنا ولا نشرت إلا واحدة من قصائده

إن شاء الله من هنا ورايح هحط كل اللي عجبني من أعماله هنا

هو فعلا فعلا مثلي الأعلى في الكتابة (كان نزار قباني مثلي الأعلى بس بعدين نزار كتاباته مليانة شركيات، بس بردو نزار رهييييب)ء

أول مرة عرفت عنه كانت من خلال القصيدة دي اللي قرأتها صدفة وكانت في وقتها أوييي واللي نشرتها على المدونة هنا من سنة ونصف !!!! أترى ستجمعنا اليالي كي نعود ونفترق ؟؟؟

بجد بحبها أوي

شاعر مصري معاصر ولد عام 1946، و هو من الأصوات الشعرية الصادقة والمميزة في حركة الشعر العربي المعاصر، نظم كثيرا من ألوان الشعر ابتداء بالقصيدة العمودية وانتهاء بالمسرح الشعري. ء
قدم للمكتبة العربية 20 كتابا من بينها 13 مجموعة شعرية حملت تجربة لها خصوصيتها، وقدم للمسرح الشعري 3 مسرحيات حققت نجاحا كبيرا في عدد من المهرجانات المسرحية هي: الوزير العاشق ودماء على ستار الكعبة والخديوي. ء
رجمت بعض قصائده ومسرحياته إلى عدة لغات عالمية منها الانجليزية والفرنسية والصينية واليوغوسلافية، وتناول أعماله الإبداعية عدد من الرسائل الجامعية في الجامعات المصرية والعربية. ء

تخرج في كلية الآداب قسم صحافة عام 1968، وبدأ حياته العملية محررا بالقسم الاقتصادي بالأهرام، ثم سكرتيرا لتحرير الأهرام، وهو حاليا رئيس القسم الثقافي بالأهرام. ء

نفسي فعلا أبقى جزء منه، لن تمنعني يا سي إس دي من تحقيق أحلامي بإذن الله

:D

هو عنده 64 سنة يعني إن شاء الله في أمل فيا

:P

أبدأ بقة بواحدة قرأتها امبارح واستمتعت بكل حرف (حلوة استمتعت، كإنه جاتوه شوكولاتة) في البوست القادم عشان يكون دة بوست تعريفي عنه

فإلى البوست التالي

She made my May and June !!!

I am FREEEEeeeeEEEeeeEEEEeee and NO ONE can get MEEeeeEEEeeeEEEeee

----------------------------------

loooooool ..... 3/4 computer engineer

أصلي شغالة من سنة أولى بعد كل سنة أقول

1/4 engineer, then 1/2 engineer

وأدي جه اليوم اللي بقيت فيه

3/4

الحمد لله

يللا، باقي تكتين بس السنة دي والواحد يتنفس الصعداء بجد ... يا مسهل

----------------------------------

امبارح كان يوم عمره ما هيتنسي فعلا ... أنا مش فاكرة لو كان أحلى يوم عدى عليا السنة دي عشان ما أكونش ببالغ، بس أكيد هو على الأقل تاني أحلى يوم !!!! كنت بنام في اللجنة وعندي صداع رهييييييب سامعة دقات قلبي في راسي ومش قادرة أقعد على الكرسي خااالص ... لأول مرة في حياتي أعملها، لاقيت نفسي باخد برشامتين (مسكن والله) .... الحمد لله ... المهم، حصل اللي حصل في اللجنة بس اللي ضحكني فعلا إن الدكتور مش بتجاوب على أسئلتك إلا لو جه دورك حتى لو كانت جنبك ... والله قعدت أضحك ... النظام حلو بس لما يزيد عن حده بيخنق .... ء

قعدنا بقة أنا والبنات نسلم على بعض (بنشوف بعض كل يوم بس مش بنحس بوجود بعض فعلا) واستقبلتني حبيبتي أمونة التي في القلب مسكنها .... نزلنا السلالم يا ما شاء الله علينا وادتني أمونة مفاجأة حلوة أوي .... عارفة إيه اللي بيفرحني ربنا يكرمها .... أنا بقة كنت خلاص، حسيت إن موتور عقلي وقف (فعلا حسيت إن كان في حاجة جوا راسي شغالة في اللجنة وفجأة اتطفت وسمعت صوت بسسسس من جوا راسي ) .... كنت همووووت وأنام، والله كنت عاوزة كدة أقعد مكاني على الأرض وأنام حبة

المهم، ذكور الدفعة اتصوروا وبتاع والبنات أصلا مجرد ما اللجنة خلصت اتقسموا لمجموعات :(((( لا حد اتصور ولا مثلا كلنا خرجنا سوى زي ما عملنا في أولى وتانية :((( .... صراحة أمونة من ثانية سي إس دي استغربت وأنا زعلت ... المهم بقة ، اتنين بدأوا يتخانقوا عليا، دي عاوزاني أخرج معاها ودي عاوزاني أخرج معاها بس الاتنين مش عاوزين يخرجوا مع بعض ... هههه ... المهم، أمونة طبعا كسبت الخناقة وأخدتني فسحتني فسح بجد بجد نسيتني الصداع اللي كان قاسم راسي ... طيرت خاااالص النوم من عيني .... وديتني مكانين طوووووول عمري بعدي عليهم بس عمري ما دخلتهم !!!! ... ما كنتش أعرف إنهم بالجمال دة !!!!... بجد استمتعت بكل لحظة وأخدنا بعض الصور .... ربنا يخليك ليا يا أمونة، بجد حسيت إني ناسية الدنيا باللي فيها وأنا معاك ولما روحت ما كنتش عاوزة أكل أي حاجة عشان طعم اللي أكلناه سوى ما يروحش من بقي وما كنتش عاوزة أغسل وجهي عشان أثار الخروجة التحفة دي ما تروحش

++ :D ++

ما كنتش أتخيل أبدا أبدا إني أصاحب ناس بالقرب دة من برة الدفعة، فعلا أمونة بحس إني فدوى أوي معاها، بتكلم من غير تكلف خاااالص وبكون على طبيعتي أوي وبحس إني مبسوطة حتى لو مش بنتكلم ... كتير أوي أيام الدراسة كنت بروح لها الفصل وأقعد جنبها كدة حتى لو مش بنتكلم بحس إني سعيدة وأنا جنبها ما شاء الله ... ربنا يديم المحبة ولا حرمني الله منها أبدا

ما كنتش أتخيل في يوم إن بنات من سي إس دي 2012 و سي إس دي 2013 يبقوا أقرب لي من بنات 2011 بس أمونة وسارة كسروا الفكرة دي وفعلا بحمد ربنا عليهم أوي ما شاء الله

بعد ما خلصت أنا وأمونة

I am still SPEECHLESS :D ++

روحت أسلم على بنت عمتي عشان لسة جيا من السفر وروحت الساعة الفلانية

:D

وطبعا ما حسيتش بحاجة وهاتك يا نووووووووووووووووم بس بردو قمت في نفس الوقت اللي بقوم فيه بقالي 12 سنة، مهما نمت متأخر، مهما كنت تعبانة، سبحان الله ، لازم أقوم في الوقت دة من نفسي ... أنا مرة فعلا نمت قبل الوقت دة بساعة وبردو قمت من نفسي ... كإن جسمي متبرمج على كدة

يااااااااااااااااااه، خلصتك يا ثالثة، سنة كانت غريبة بمعنى الكلمة، صراحة أغرب سنة تعدي عليا في حياتي ( أسوأ سنة كانت أولى وأمتع سنة كانت ثانية) .... بس السنة دي أكتر سنة اتعلمت فيها دروس من الحياة ... كل سنة كنت بتعلم وبطنش بس السنة دي (وبالذات الفترة الأخيرة) فعلا لقيت نفسي الحمد لله بطبق اللي اتعلمته ... ويا رب لك الحمد على كل الأخطاء اللي ارتكبتها السنة دي وكل الناس اللي عرفتها وكل اللحظات الحلوة اللي عدت عليا ... الحمد لله أنا من طبعي بنسى أوي أوي بس لو حاجة أثرت أو علمت، مستحيل أنساها ... الحمد لله مش فاكرة أي يوم وحش من السنة دي، كل ذكرياتي منها حلوة وأكيييد السنة دي أضافت لخبراتي بفضل الله

إن شاء الله هيكون ليا وقفات متنوعة وقصص متفرقة على البلوج، بس محتاجة أظبطها وفي قرارات مصيرية هتتاخد إن شاء الله وكله هيتقال هنا بردو :) ... أنا ما عنديش مانع مين يعرف إيه، بس بحس فعلا إني لما بكتب حاجة هنا، بثبتها أكتر ... أكيد مش كل حاجة بكتبها هنا (كان زماني خلصت البلوج) ..... ء

ياااااااه يا ثالثة

I DID IT !!!

بس فعلا حزينة أوي إني باقيلي سنة وأسيب الكلية .... فعلا كان ممكن أخلي أيامي تعدي أحلى من كدة .... بردو الانسان بيكون ليه إيد كبيرة أوي في الأحداث من حواليه بس أنا فعلا كنت جاهلة أوي بكل حاجة أول ما دخلت الكلية، حياة جديدة من كل زاوية ومجتمع غريييب أوي ... كفاية إنها كانت قارة جديدة عليا وأنا لسة إلى الآن بحاول أخد عليها

أكيد تعبت أوي وأنا بتعلم أتعامل إزاي ولا إيه المفروض ما يتقالش، بس أكيد أنا أحسن من اللي لقة الحاجات ساهلة كدة أمامه

أنا حياتي مغامرة كبيرة من أول ما اتولدت وكل سنة أحداث بتحصل لي غير باقية الناس، البعض منها بحكيه والكتير منها بحتفظ بيها لنفسي

بس بإذن الله السنة الجيا هتبقى أحلى سنة في حياتي عشان ما أندمش عليها زي اللي فاتوا ... أنا عارفة بالظبط أنا عاوزة إيه وإيه اللي المفروض يتعمل (أمال أنا بقالي 4 سنين بقرأ في إيه :-) ) وجه الوقت اللي أطبق بإذن الله

يا رب اجعلها سنة سعيدة عليا وعلى أهلي وصحباتي ودفعتي اللي فعلا بحبها أوييييييييييي والله رغم ما كان بها من مشاكل وتصادمات واللي أكيد بردو كان ليا إيد فيها ... بس عادي يعني، الواحد يامااااااا بيتخانق مع أهله وبردو بيفضلوا أهله اللي بيحبهم وما بيقدرش يستغنى عنهم أبدا

وأنا اكتشفت إني بحب دفعتي بكل اللي فيها الحمد لله وكمان الناس اللي مش طايقني بحبهم بقة أكتر من غيرهم عشان بتعلم منهم حاجات كتيرة وأولها التسامح

أنا مسامحة كل الناس ويا رب الناس كلها تسامحني (أو على الأقل تحاول تسامحني :(( ) ء

كفاية كدة عشان ما حدش يزهق (قال يعني في حد بيكمل قراءة للآخر)ء

ربنا يجعل المستقبل بتاعنا كلنا أحلى من الماضي

وافتكروا، زي ما ديما بقول لكم، مهما كان وضعك الحالي ومهما كانت الحاجات اللي حصلت لك في الماضي، بإيدك تنسى كل دة وتبدأ صفحة جديدة بيضاء خااالص وأكيد انت أحسن من غيرك عشان مش كل الناس اتعرضوا لنفس اللي اتعرضت له

yesterday is history, tomorrow is mystery, today is a gift and that is why it's called The Present !!

يا رب أكون ديما مصدر حب وإلهام وأمل وتشجيع وتقوية للناس

واللي هيقرأ الكلام دة النهاردة، يفتكر إن في ساعة إجابة يوم الجمعة فيا ريت يدعيلي بالهداية وحسن الختام ... والله كله يهون بس الواحد يموت على طاعة ... نفسي أدخل الجنة بغير حساب

بجد الحمد لله أوي على كل حاجة

وزي ما عودتكم

:) ويبقى الأمل :)

خواطر متسائلة

" وجعلنا بعضكم لبعض فتنة أتصبرون وكان ربك بصيرا "

----------------------------------------------------

ربنا يرحمك يا " خالد محمد سعيد " ويدخلك جنته ويصبر أهلك يا رب :((( ء

---------------------------------------------------

ء " الباب اللي يجيلك منه الريح، سده واستريح " ... متجيبيش لنفسك وجع القلب بعدين تشتكي :) ... الحمد لله سديت الباب خااالص ومافيش نسمة هواء هتدخل بإذن الله تاني أبدا :) ء

------------------------------------------------------

CSD 2010 الذبابة الملعونة مع

الفيديوز كلها على الفايس بوك

فضحتكم

متااااااحف ما شاء الله .... وعقبال أما نغني للذبابة بتاعتنا يا رب :) ... على الأقل دبانتكم اتهشت، بس بتاعتنا لازقة كمان سنة إن شاء الله

مبروووووووووووك ليكم كلكم ويا رب أيامكم الجيا كلها تكون سعادة وهناء وأفراح

------------------------------------------------------

رأيكم فيا لا يدل عليا ولن يدل عليا :)

---------------------------------------------------

يا رب يا رب 224 يجي تاني بسرعة :(((((

----------------------------------------------------

قعدنا نلون في اللجنة النهاردة

كنت حاسة إني في حصة رسم في تانية حضانة والميس هتعدي علينا وتحطلنا ستيكر على الورقة ... الحمد لله، أول مادة الواحد يحل فيها بنفس وروقان ... المستفاد من المذكرة التانية، إن الواحد ما يحطش علامات تعجب بعد كلامه عشان كدة كإنه بيزعق للقارئ، على كدة بقة أنا كلامي أكثره زعيق !!! ء

------------------------------------------------------

عجبني رده أويي ... واحدة أجنبية في مؤتمر ما راحت تشتكي لدكتور إبراهيم الفقي إن زوجها طلقها وقالت له إنها فاشلة في العلاقات وكدة ...... قام قايل لها " لما كل الرجالة يطلقوك، ساعتها ازعلي وتعالي اشتكي " ... طبعا هو مش قصده خالص إن الواحد يبقى مستهتر في حياته ولا إنه يقعد يجرب وما يهتمش، بس قصده إن مش شرط لما فرصة تروح أو حاجة تفشل تكون انت السبب وحتى لو كنت انت السبب، فأكيد في فرص تانية أحسن ممكن تكسبها وتحسن نفسك فيها ... يعني كلامه دة حلو ومفيد أوي لو يتطبق على كل حاجة في حياتنا :) ء

---------------------------------------------------

ما فيش أي حاجة في الدنيا تستاهل إن الواحد يزعل عشانها

الدنيا لا تساوي عند الله جناح بعوضة وكمان " قل لن يصيبنا إلا ما كتب الله لنا " فما فائدة الحزن ؟؟؟ أسيرجع الغائب أم يهدي الضال ؟؟ أم ستتحسن الأحوال بالحزن ؟؟؟ ما فيش حاجة أحسن من الرضى بكل شئ ... اللهم رضني بقضائك حتى أعلم أن ما أصابني لم يكن ليخطئني وأن ما أخطأني لم يكن ليصيبني : ) ....ء

--------------------------------------------

لقد طويت صفحاتكم منذ زمن، فلا داعي للتفتيش عن مستنداتكم وإدخالها إلى ذاكرتي مرة أخرى ....ء

---------------------------------------------

You mean NOTHING to me and I really don’t care who you are

--------------------------------------------

مش كل كتاب المفروض يتقرأ، ومش كل أما الواحد يعجبه كتاب ينصح غيره بيه وهو أصلا مليان أفكار غلط خااالص ... لا داعي لنشر الأفكار المسمومة بين الناس، كفاية تسمموا نفسكم !!!!ء

----------------------------------------------

If you only knew, what I’m going through, I just can’t smile without you !!!

------------------------------------------------

تساؤل: مش عارفة إيه اللي بيخلي الناس متصنفة لطيبة وشريرة ... ساذجة وخبيثة ... صادقة وكاذبة ... أمينة وخائنة ... دنيئة ورفيعة ... قلبها أسود وقلبها أبيض ؟؟؟ يا ترى دي جينات بيتولدوا بيها ؟؟؟ وراثة من أحد الأقارب ؟؟؟ ظروف حياة اتعرضوا لها ؟؟؟ ولا ده بيكون اختيارهم إنهم يبقوا كدة ؟؟؟ أحيانا يصعب علي الإختيار ... ولا بتكون دي مجرد لحظات بتعدي على كل إنسان فلو صادف إن لحظة الشر عدت عليه وحد كان بيتعامل معاه ساعتها، هيقول عليه إنسان شرير ... ولو كانت لحظة الخير هي اللي بتزوره، اللي هيتعامل معاه لحظتها هيقول عليه طيب ؟؟؟ أنا كتير أوي بكون عارفة بالظبط أنا عاوزة أبقى إزاي بس مش عارفة خالص أوصل للنموذج دة ... الطبع مش دائما بالتطبع

--------------------------------------------

ما فاضيلش غير مادة بإذن الله

:) ويبقى الأمل :)