Dear WYMB;
Sub7an Allah !! I am registered in a website that sends me an inspirational quote everyday and guess what it sent me today morning ???
"Even if the hopes you started out with are dashed, hope has to be maintained."
أحلى حاجة إن الناس قاعدة في محاضرة الكومبايلرز المش مفهومة (تلاقي الدكتور عامللهم كويز) وأنا بكتبلك ... لازم دماغي تكون عالية بردو !!
أولا، كل سنة ونقابي طيب !! هههههه، أصله تم سنة أول امبارح الحمد لله، ربنا يثبتني يا رب .... يااااه !!! سنة عدت بسرعة أويييييي ... والله العمر كله بيجري وفجأة هلاقي نفسي بتخرج إن شاء الله ...
ثانيا: الباش مهندسة ريم معيدة عندنا ماشاء الله اتخطبت لمعيد بردو من دفعتها الباش مهندس عمرو ماجدي ماشاء الله، ربنا يتمملهم بخير ويباركلهم ويسعدهم يا رب وعقبال أي حد عاوز .... فكروني بدكتور مصطفى والدكتورة ناجية ودكتور أيمن والدكتورة سحر ... يا ترى مين في دفعتنا هيمشي على نفس المنهج : ) ؟؟؟ صحابي بيقولوا " بقاله 6 سنين معاها، لسة فاكر يتقدملها " ؟؟
:D
ثالثا: كروت الدعوة لحفلة الوفاء والتفوق نزلت والحفلة بكرة إن شاء الله بس أنا ماليش نفس أحضر طبعا ومش هحضر إن شاء الله ... مش عارفة أفرح على أساس إيه وأنا خايبة ( فينك يا دكتور إبراهيم عبدالسلام ) أوي السنة دي ، كمان هجيب مين معايا كمرافق ؟؟؟؟ طب هتولي المرافق الأول وأنا أروح إن شاء الله ( المرافق في حفلة التخرج بقة إن شاء الله ) ....
رابعا: الحمد لله، أنا مابقاش ليا نفس أحضر حاجة خالص، بقيت بغيب كتير وبقالي محاضرتين أركيتكتشر وتلاتة داتا بايس مش بحضرهم ( والنهاردة غايبة بردو عشان العملية تكمل ) ... نفسي أعيد أو أأجل السنة أو أسيب القسم خالص وأقعد في البيت !! ههههههههه ... نفسي مسدودة أوي وبحس إني أغبى واحدة في الدفعة في كل المحاضرات، بجد بحس إنهم بيتكلموا في كلام كبير أوي وطلاسم ورموز خطيرة وأنا يا دوب بفهم العنوان !!! بجد سنة تالتة غريبة أو أنا اللي بقيت غريبة ( غالبا العيب فيا كالعادة عشان الناس شغالة زي الفل ماشاء الله ، ربنا يزيدهم ويباركلهم ويديني ... مش عارفة إيه اللي أصابني... ) ...
امبارح طبعا انا ماسلمتش لاب الإمبدد عشان مش عارفة أكتب فيه إيه وكل أما أسأل حد يستغرب إني مش عارفة أعمل فيه إيه ... أنا تقريبا كتبت كود كامل مالهوش أي علاقة بال لييفز
:D
الحمد لله، كل ما أحس إن حالتي ميؤس منها ربنا يبعتلي كذا واحد مريض في الشارع ( مرض الماغول ) عشان أحس بالنعمة اللي أنا فيها وأقعد أعيط عشان أنا مش زييهم، أصل كان ممكن ربنا يطلعني متشوهة ولا قدراتي العقلية محدودة أو أي حاجة تانية بس هو سبحانه أختار إني أكون فدوى ( لو لم أكن فدوى، لوددت أن أكون فدوى ، هههههههههههه) ... يللا، أكون أغبى واحدة في الدفعة أحسن من ما أبقى أغبى واحدة في العالم... استغفر الله، إيه الإحباط اللي أنا فيه دة ؟؟؟ يعني عشان مش فاهمة أي حاجة في أي حاجة تقولي كدة ؟؟؟... بجد أحبطتيني من كتر إحباطك يا ست فدوى، ربنا يسامحك .... لا لا ، على فكرة، دة مش إحباط: دة الواقع بعينه وكفاية إن الأيام بتتكلم بنفسها ....
ربنا يرحمني، كل ما أمسك كتاب أو أي حاجة متعلقة بالدراسة أقعد أعييط وكإن حاجة بتشدني بعيد عن الكتاب وأحس إني دايخة وعندي صداع والكلام يقعد يدخل في بعضه، بس برضو بحاول ..... وفي المحاضرة بسرح كتير أوي بس برضو مش بيأس الحمد لله ... وما بكم من نعمة فمن الله ...
نفسي أحس إني ليا فايدة أو متميزة في أي حاجة ... إن شاء الله حتى لو إتش سي أي ، أي حاجة .... يا رب أفهم الكلام الغريب اللي بيتقال في المحاضرات يا رب ، إنك على كل شئ قدير ....
يا رب اشفي عمو اللي عنده غرغرينة في رجليه يا رب وخليله مراته وعياله وارفع عنه وعوضه .. واجزى الباش مهندس اللي قال لنا عنه خير الجزاء واحفظه هو وأهله ومراته وعياله
:D
من كل سوء .... الواحد لو وهو بيطلع فلوس لربنا حط في باله إنه ممكن هو يكون مكان المحتاج أو يحصلله أي ظرف بعد الشر، هيلاقي نفسه بيدي من غير ما يفكر وبكمية كبيرة بس احنا للأسف بنحسب إن الفلوس اللي بنطلعها لله راحت ونسينا إن ربنا بيضاعفها عنده وكفاية إن ( من نفس عن مؤمن كربة من كربات الدنيا، نفس الله عنه كربة من كربات الدنيا والأخرة ) ...
في حاجات كتيرة أوي فيا نفسي أغيرها وبقالي 3 سنين بحاول بس الظاهر ما فيش فايدة، أنا يا إما أسوأ يا إما زي ما أنا ... يا رب ارحمني ....
كفاية جرعة الإحباط دي، وإلى اللقاء في إحباط آخر .... هههههههههههه.....
4 comments:
fadwa enty wasalty enek betkalemy nafsek we nafsek te7betek we trody 3aleha? :D , tab eshta awi...baba lama 2aly ed7'oly computer 2aly 7aga "2an takon fardan fe gama3at 2al 2esoud 7'ayr men an takon za3eman fe gama3at 2al korod" aah ana mosh moktane3a bas bardo ya3ny :D:D:D
"esta3en bellah wala ta3gaz" ya gameel :)
yalla rou7y 7ely l sheet we 2eb2y fakareny ashra7lek lab l embedded :)
شكرا يا جبيبة قلبي، بجد فرحتيني ربنا يكرمك ويبعد عنك كل ضيق ...
بس أنا مش عارفة أعمل لاب 3 مش لاب 1
:D
ومين قال إني عاوزة أكون زعيمة قرود ؟؟ مع إني والله بموت في الموز ... ء
:P
دانا حتى مش قادرة أبقى زعيمة نفسي !!!!!!
ههههههههه، حلوة أسود دي، لا لا ، اللي معانا في الدفعة وحوش ما شاء الله ، مش أسود، ربنا يزيدهم ويدينا
:D
يللا، استعنا على الشقاء بالله ... بكرة يوم جميل إن شاء الله، أخيرا هنشوف الدكتور مصطفى بعد غياب !! مش عارفة ممكن نتضغط اكتر من كدة إزااااااي ؟؟؟
بس يللا، زي ما ديما بقول :
ويبقى الأمل .... ء
ana 2olt lab el embedded mosh lab 1 :D
wallahy asl ana kont ba7eb l mooz bardo we 3ayza ad7'ol kesm sahl ab2a shatra feeh :D:D:D
wallahy Dr mostafa wa7ashny l ragel da sokara awi, we law 3ala l da3't fa momken momken dool ye3melo ay 7aga.
we yabka 2al 2amal fellah :)
الحمد لله الذي بنعمته تتم الصالحات
Yesssssss :) :) :)
Thanx to AlMighty Allah !! I am soooo happy with my Algorithms and controooool result allahuma laka al7amd :) ... U cant imagine !!! I really thought I failed in algorithms and controooool :) and my family can't believe that I passed in both of them :D ....
والله لو قعدت أشكر ربنا على نعمه ( ومش بس نعم الكلية ) من النهاردة ولحد ما أموت، مش هوفيه حق شعراية من اللي بيديهملي ... بجد ربنا رحيييييييم أويي ولطيف بعباده جدا، بنعصيه ليل ونهار بس بردو ما قطعش رزقه عننا أبدا، وبيدينا اللي نفسنا فيه وزيادة، :) يا رب لك الحمد كله
I am really happy that someone told me I am one of the monsters too :) , thanx a lot, bgad I am happy
الحمد لله، أحسن من ملايييييييين غيري
Note: I got better marks than u ?? ummm,
على فكرة، الشطارة مش بالدرجات وبس ;)
And all what u said is great and true
بس كلنا بيجيلنا لحظات إحباط وزعل
بس والله الحمد لله، لطيف وكريم ورحيم أوييي
اللهم لك الحمد بعد الرضى
Post a Comment
comments are always welcomed :)