أموووونة :)

واتخطبت أموووونة على م / إسلام عزب

أمونة كتبت عنها كذا تدوينة هنا قبل كدة بس الفرحة مش سعياني أدور

إحساس ما ينفعش يتكبت عالمدونة لإن ما حدش حاسس بالفرح اللي أنا فيه

يا زين ما اختار ما شاء الله اللهم بارك

سبحان من جمع بينهما

٢٠١١ و ٢٠١٢ سي إس ساوية وكدة ؛)

ربنا يجعله يفضل هواها على هواه ، يحليهم في عيون بعض ، يحفظهم من عيون الناس ويتمم لهم على خير :)

أمونتي اتخطبت يا جدعاااان ، قصدي " أمونته " ؛)

يوووه بقى عالناس اللي كانت " تي " وعمالة تبقى " ته " :))

مش مهم أمونة مين ، المهم إنها تنسعد معاه يا رب ويديم عليهم السعادة ... حبيبتي هي من كل جانب ومميزة في كل المجالات ما شاء الله ، اللهم بارك :) جامعة بين الدين والعلم والثقافة ... عندها مدونة ، بتعشق لينوكس والقراءة والسفر والمغامرات ...

باختصار ،

الفترة اللي كنت متحطمة فيها وغيرت اسم المدونة واسمي من hopefulhopes ل painfulpains وكنت بقعد في مكتبة اسكندرية مع نفسي ، مرة وأنا طالعة من المكتبة ورايحة أركب حاجة من البحر ، لاقيتها بتناديني أقعد معاها ... رفضت عشان كنت بعيط ومخنوقة ، أصرت ... عزمتني على cinnabon ولا celantro مش فاكرة اللي جنب المكتبة عالبحر وطلعتني من اللي كنت فيه من غير ما أحكيلها ولا أعيطلها زي ما البنات بتطلب " احكيلي " ... بجد اليوم دة فررررق معايا أوي ... ربنا يسخرلها خلقه بالذات م/ إسلام :) ...

كتَبِتْ عني نوت طويل أوي عالفايس بوك من أربع سنين بالضبط ( في أغسطس ، يادي أغسطس وأحداثه :) ) ، هحطه هنا بعد شوية :) أول واحدة في حياتي تكتب عني حاجة ... الناس غالباً بتهديني حاجات قرأتها وعجبتها ، لكن هي اللي كتبت وأهدت ... أنا عارفة يعني إيه تكتب عن حد ، لإني فعلاً مش بكتب إلا لو الموضوع كبير جوايا  :)  عشان كدة بقالي فترة مش بكتب ، ما كانش في حاجة تستاهل  ... رحم الله أيام الكلية :(. ...

كانت تعدي علي كل كام يوم في فصلي الحبيب تشوف عاملة إيه مع الحياة والقسم الحبيب ...

كانت آخر يوم في امتحاناتي تصر تخرج معايا نروح أي مكان ، غالباً الأماكن اللي عمري ما جربتها وقتها زي البن البرازيلي ، متحف المجوهرات ، أفلام ثلاثية الأبعاد في الملاهي، أي مكان جديد :) ...

سجلت في نادي الإتحاد من غير ما أعرف حد الصيف اللي قبل رابعة كمبيوتر ، ولاقيتها هناك !!! لعبنا رياضة وحاجات تانية سوى ؛) ...

كانت بتيجي تسمعلي وأسمعلها قرآن كمراجعة ، وسورة النساء حفظنا منها جزء سوى :) ...

الصيف اللي فات نزلت بس ١٠ أيام وأصرت تخرج معايا رغم الأوضاع الجميييبلة في البلد ، فضت نفسها ( أخدت يوم أجازة ) بس عشان تشوفني ؛) ... يا حبي لها <3

وحاجات تانية كتيرة ، دة اللي فاكراه ، مش عارفة أكتب من شدة الفرحة ، ما شاء الله ، اللهم بارك :)

Every time she does something for me, I used to tell her " I am speechless ", and now again I am the most speechless Amoona <3 ; my Amoona, his Amoona ... Ummmmm, Our Amoona وخلاص :D ....