:) خليك بطاطس :)

:) خليك بطاطس :)

عارفين ليه البطاطس المحمرة هية الاكلة الوحيدة اللي اجتمع الناس كلهم علي حبها ؟

ء1- البطاطس المحمرة لما بتتقلي في الزيت بتبقي عادة مقرمشة من برة و طرية من جوة

عشان كدة لما حد يعمل معاك موقف سخن أوي ما تعاملهوش وحش .. أيوة حاسسه إنك زعلان منه و خد موقف بس خلي قلبك أبيض وطري "طيب يعني" مش ناشف، وسامح عشان ربنا بيسامح

ء2- البطاطس المحمرة تلاقيها عند ماكدونالدز (فرينش فرايز) و برضه تلاقيها عند بتاع الفول والفلافل

يعني انت كمان خليك زي البطاطساية ما تتكبرش علي حد وصاحب كل الناس غني أو فقير

ء3- البطاطس المحمرة بتتقدم مع حاجات كتير: مايونيز, كاتشب, صالصات مختلفة و ساعات كمان طحينة بس بتفضل في الاخر اسمها بطااااطس

يعني مهما اتعرضت لثقافات و بيئات مختلفة احتفظ دايما بشخصيتك المستقلة و طريقة تربيتك و خلي الناس هية اللي تتأثر بيك

ء4- البطاطس بردو ممكن تبقي شيبسي و هي أول حاجة بنفكر فيها لما بنحس بالجوع و احنا برة البيت

ساعد الناس دايما و خليك أول واحد ييجي علي بالهم لما يقعوا في مشكلة، خليك جدع زي "الشيبسي"ء

أهم نقطة بقة

ء5- البطاطس المحمرة لو اتهرست بتبقي بردو طعمها حلو وممكن نسميها "بطاطس بيوريه"ء

مهما الدنيا تهرس و تبهدل فيك خليك شخص كويس و لذيذ و طلع للدنيا لسانك وقول "انا بطاطساية بيوريه"ء

عشان تبقي محبوب من كل الناس

:) خليك بطاطس :)

يا تاكسي حود

:) تمييييييييييم :)

العشق شغال في مصر برغم بلاويها ** يمكن ما فيش إلا هو في البلد شغال

4

مواقف هزتني

الضحكات هي فترات قصيرة لتجفيف الدموع

--------------------

في البداية نعلم أطفالنا كيف يتكلمون، بعد ذلك نحاول تعليمهم الصمت

-------------------

Old friends become old strangers

--------------------

الحمد لله، بعد أما قررت بصدق إني مش هكتب هنا يومياتي عشان أسباب كتيرة، يعني قلت هكتب الحاجات المفيدة بس، حاجات عجبتني وكدة بس مش هحكي الحاجات اللي بتحصل لي وبتعرض لها كل يوم زي ما كنت بكتب زمان والخواطر الغامضة عن الناس والمواقف الغامضة :) ، لاقيت كذا بنت بتقول لي إنها قررت إنها هتعمل مدونة :) عشان مدونتي عجبتها أوي وشجعتها، واللي بتقول إنها فكرة جميلة أوي إن الواحد يحكي اللي بيحصل له (بس بردو مش شرط كل حاجة الناس تقرأها عشان كدة بقيت أستعين بالكتابة في أماكن متأكدة إن ما حدش عمره هيشوفها، كدة الواحد يتكلم براحته هناك :) وكتير أوي بكتب بعدين أقطع الورقة وأرميها عشان أكون احتفظت بخواطري ومواقفي لنفسي أريح والله :) )، فمش عارفة يعني موقف مدونتي مني دلوقت هيبقى إيه ؟؟؟ هسيبها لظروفها

---------------

كتير أوي بكون ماشية في الشارع وألاقي أم ماسكة ابنها الصغير من إيده وبتجره وقاعدة بتضربه عشان يسكت .. أنا مش فاهمة يعني لما هي هتضربه هيسكت ؟؟؟ دة هيقعد يعيط أكتر وكدة ممكن يتأذى ... والله أنا بقول لها "حرام عليك" بس هي بتقعد تشتم فيه كإنه مش ابنها أصلا وتقول لي "أصله مش بيسمع الكلام" ؟؟؟ لا يا شيخة ؟؟ أصلك لما تهريه ضرب كدة، هيسمع الكلام !!!...ء

كمان الموقف دة اتكرر كتير أوي ... أم بتجر ابنها من إيد واحدة عشان يركب المشروع وبتضربه عشان مش عارف يطلع (السلم عالي عليه ورجليه صغنونة يا عيني :(( ) ... فين الرحمة ؟؟؟ دي حتى كل الناس اللي راكبة بتقول لها "إيه يا ست انت اليي بتعمليه دة؟" بس هي ولا بيهمها، المهم إن المخلوق اللي هي والداه دة يطلع المشروع بأي طريقة ممكنة، بالجر، بخلع ذراعه، بضربه، هي مالها ... أكيد ولد مش بيسمع الكلااام ؟؟؟!!!!ء

بجد حرام عليكم، مادام انتم مش قد الجواز والعيال، بتتجوزوا ليه ؟؟؟ هتقولوا دي سنة الحياة والكلام الفارغ دة، لا، مش سنة الحياة إننا نجيب عيال ونقعد نضرب فيهم ونعذبهم ونعقدهم .... يا ترى كام واحد فعلا قبل ما يتجوز قرأ ولو كتاب واحد عن المعاملة الصحيحة لمراته وعن التربية السليمة لعياله ؟؟؟ يا ترى كام واحدة قرأت إزاي ممكن تسعد زوجها وتخلي بيتها دة جنة وعيالها تطلعهم مش أي كلام ؟؟؟ كام واحد أو واحدة حتى سمع محاضرة واحدة ولا حضر ندوة عن الموضوع دة ولا اهتم بيه ؟؟؟ أتوقع ما حدش خالص مهتم، ما حدش حاسس فعلا إنه بيجيب إنسان للدنيا ولازم يكون عارف كويس جدا إزاي يكبره وعلى إيه يربيه ... المهم إنه يبقى اسمه متجوز وعنده عيال، مش شرط حالتهم عاملة إزاي ولا بيتعامل معاهم إزاي ... أنا مش بقول كدة وعاملة نفسي بقة فهيمة عصري في المواضيع دي وتربية الأطفال بالعكس خالص، أنا بشجع نفسي إني فعلا أبقى غير الناس وما أمشيش في الحاجة إلا لما أبقى قدها عشان ما أتعبش حد بسببي (أكيد هتقولي تربية أطفال إيه بس، مش وقت الكلام دة) أمال إمتى وقته ؟؟ لما تتجوزوا بقة وتلاقوا نفسكم ما عندكمش وقت لحاجة خالص وفجأة تلاقوا عيالكم جم وانت محتاسين مش عارفين تعملوا إيه غير الضرب والعقاب ؟؟؟ ماشي، اللي بيدرس، حجته معاه، بس الناس اللي اتخرجت وبتفكر تكون بيت أو كونت بيت فعلا، ناوية تعمل إيه ؟؟؟ مين هيطلع عن الروتين الممل بتاع الحاجات دي ويفكر يغير ويبدأ من نفسه وأسرته وعياله ؟؟؟ أصل أي حاجة بتزرعها في ابنك، بتأثر فيه بعد كدة ... ممكن ضربك يخليه يطلع ضعيف وجبان .. ممكن ضربك يخليه يدور على الحنان برة البيت ويتجر لرفقاء السوء ...ء

--------------------------

كتير أوي (أوي أوي ^ أوي أوي) بلاقي ولد صغير حالته وحشة وهدومه مقطعة ومش نظيفة أوي يجيلي ويعمل بإيده كإنه بياكل ويقول لي "يا طنط، الله يخليك أي حاجة أكلها" !!!! أنا والله بيكون نفسي أطبخله حاجة تشبعه أو أخذه معايا البيت أحميه وألبسه لبس كويس وأأكله (ما حدش يسأل وأوديه فين بعد كدة) ... هي الناس دي أهلها فيييييين ؟؟؟ يا ناس ياللي عمالة بتتجوز وبتجيب عيال، رميتوهم في الشارع ليه ؟؟؟ هتتسألوا عليهم والله أشد السؤال، ضيعتم الرعية، مش عارفة أدعي عليكم ولا أدعي لكم ... وموقف المجتمع من الأطفال الغلابة دول إيه ؟؟؟ أهو كل واحد بيطلع نص جنيه دة لو طلعه واللي يقول له "روح ربنا يسهل لك" واللي يبعد عنه ويهرب منه كإنه مجرم ... ربنا يتولاهم، بس نفسي فعلا أعمل حاجة عن الموضوع دة

--------------------------

تقريبا ما فيش مقلب زبالة ولا برميل زبالة (أكرمكم الله) عديت عليه فيك يا مصر وما لاقيتش واحد ولا اتنين بيدوروا فيه !!! مش فاهمة بيدوروا على إيه، بس والله قلبي بيتقطع ... وناس تيجي تقلب البرميل (أكرمكم الله) وتطلع كل اللي فيه وتقعد تقطع في الكيس وهي بتدور بردو !! والدنيا تتبهدل والشارع يتزروط أكتر بعد ما كان متزروط أصلا ... الناس دي إيه اللي وصلها لكدة ؟؟ ومتوقعة تلاقي إيه في الزبالة ؟؟ وفين الدولة من كل دة ؟؟؟ يا رب الوضع يتحسن ... بجد نفسي أعمل حاجة

الشتاء جه (أسخن من كل سنة بس بردو فرق عن الصيف أكيد) ورجعنا لمشهد الناس الي في عز البرد نايمة على الرصيف وبترتعش مش لاقية حاجة تتغطى بيها ... أحيانا طفل مرمي جنب الحيطة تحس إنه فعلا ميت وممكن يموت ويتحلل ولا حد يحس ... أحيانا ست ومعاها طفلين مش عارفة تحضن مين فيهم عشان يتدفى فحضناهم الاتنين والكل بيرتعش .. أحيانا راجل كبير في السن شكله بقاله أيام ما داقش طعم الأكل وما عندهوش حتى طاقة إنه يرتعش فجسمه ساكن خالص ... كل دول مين مسؤول عنهم وإيه اللي وداهم لكدة ؟؟؟

يا رب، انت أرحم بالناس دي كلها من غيرك، انت اللي خلقتهم، فارزقهم وارفع عنهم ... يا رب مين هيرحمهم غيرك ؟؟؟ يا رب هيطلبوا من مين ولا هيلجأوا لمين ؟؟؟ يا رب سايبهم لمين ؟؟؟ مين مسؤول عنهم ؟؟ مين هيساعدهم ؟؟؟ مين ؟؟؟ مين ؟؟؟ لهم الله، لهم الله :(( ء

العمر طويـــــــــــــــــــــل

قالوا لنا عن موعد ال

midterm exams

عشان كدة كلنا قدرنا نستعد ولو بجزء بسيط

بس للأسف ما حددوش موعد ال

end-of-life exams

عشان كدة ما حدش بيستعد ولا حد حتى فاكر إن اليوم دة هيجي وممكن يكون أقرب مما يتخيل

يا ترى هنعرف نجاوب على الملكين اللي أول ما هنتحط في القبر والناس تمشي هيجولنا ؟؟؟ ملكين قبيحين ضخمين سود هيجوا

الحديث هنا بالتفصيل

فقد روى الترمذي (1071) عَنْ أَبِي هُرَيْرَةَ رضي الله عنه قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( إِذَا قُبِرَ الْمَيِّتُ أَوْ قَالَ أَحَدُكُمْ أَتَاهُ مَلَكَانِ أَسْوَدَانِ أَزْرَقَانِ يُقَالُ لأَحَدِهِمَا الْمُنْكَرُ وَالآخَرُ النَّكِيرُ ، فَيَقُولَانِ : مَا كُنْتَ تَقُولُ فِي هَذَا الرَّجُلِ ؟ فَيَقُولُ مَا كَانَ يَقُولُ : هُوَ عَبْدُ اللَّهِ وَرَسُولُهُ ، أَشْهَدُ أَنْ لا إِلَهَ إِلا اللَّهُ ، وَأَنَّ مُحَمَّدًا عَبْدُهُ وَرَسُولُهُ . فَيَقُولانِ : قَدْ كُنَّا نَعْلَمُ أَنَّكَ تَقُولُ هَذَا ، ثُمَّ يُفْسَحُ لَهُ فِي قَبْرِهِ سَبْعُونَ ذِرَاعًا فِي سَبْعِينَ ، ثُمَّ يُنَوَّرُ لَهُ فِيهِ ، ثُمَّ يُقَالُ لَهُ : نَمْ ، فَيَقُولُ : أَرْجِعُ إِلَى أَهْلِي فَأُخْبِرُهُمْ ، فَيَقُولَانِ : نَمْ كَنَوْمَةِ الْعَرُوسِ الَّذِي لا يُوقِظُهُ إِلا أَحَبُّ أَهْلِهِ إِلَيْهِ حَتَّى يَبْعَثَهُ اللَّهُ مِنْ مَضْجَعِهِ ذَلِكَ .

وَإِنْ كَانَ مُنَافِقًا قَالَ : سَمِعْتُ النَّاسَ يَقُولُونَ فَقُلْتُ مِثْلَهُ لا أَدْرِي . فَيَقُولَانِ : قَدْ كُنَّا نَعْلَمُ أَنَّكَ تَقُولُ ذَلِكَ ، فَيُقَالُ لِلأَرْضِ : الْتَئِمِي عَلَيْهِ ، فَتَلْتَئِمُ عَلَيْهِ ، فَتَخْتَلِفُ فِيهَا أَضْلاعُهُ ، فَلا يَزَالُ فِيهَا مُعَذَّبًا حَتَّى يَبْعَثَهُ اللَّهُ مِنْ مَضْجَعِهِ ذَلِكَ ) والحديث حسنه الألباني في صحيح الترمذي .

---------------

قالوا لك بأن العمر طويــــــــــــــــــــــــــل

والله كــذبوك فان العمر قصير قصير
...
فالليل مهما طال فلا بد من طلوع الفجر

والعمر مهما طال فلا بد من دخول القبر

فما هى الا أنفاس قد يدخل النفس ولا يخرج ويقال فلان
{مٌاٌتَ}

وقد يخرج النفس ولا يدخل ويقال فلان

{مٌاٌتَ}

فالموت كأس وكل الناس شاربه ** ياليت علمى بعد { ُاًلَمِوٍتٌ} ما الدار

الدار دار نعيم ان عملت بما ** يرضى الاله وان خالفت فالنار

هما محلان ما للمرء غيرهما ** فانظر لنفسك أى الدار تختار

ما للعباد سوى الفردوس ان عملوا ** وان هفوا هفوة فالرب غفار

فالنزول من قطار العمر آًتُ ٌآٍتِ لا محالة ولا مراوغة فى ذلك

إن كنت تاركا {للصلاة} فارجع للصلاة

وإن كنت للذنوب فاعلا فاستغفر الإله

وقل{ ُيُاُ ًاَلِلٍهُ ٌيٌاُ ًاَلٍلٌهُ ًيَاِ ٍاًلَلُهٌ} أناجيك لتغفر الذنوب

وتستر العيوب وتهون على سكرات الموت

وتنجينى من ضمة {القبر} وتثبتنى عند سؤال الملكين


ونجنى عند تناول الكتب فاجعل كتابي يؤتني بيمني

فان تناولته بشمالى فقد ذهبت الى الجحيم وقلت لهم

{ خذوه فغلوه* ثم الجحيم صلوه * ثم فى سلسلة ذرعها سبعون ذراعا فاسلكوه }.

فإلى أين المهرب من هذا الموقف العظيم ؟؟؟

يا رب نجنى فوق الصراط فان هفوت هفوة سقطت فى سقر

{وماأدراك ما سقر * لا تبقى ولا تذر * لواحة للبشر * عليها تسعة عشر}

يا ربنا رحماك ياغفور ياودود

يا رب خلقتنا فعصيناك ورزقتنا فلم نحسن الشكر

خيرك يا ربنا للعباد نازل وشرهم إليك صاعد

فإن بعدوا عنك قربتهم إليك وأنت الغنى عنهم

وإن نسوك ابتليتهم بالمصائب

لتذكرهم بك ولتطهرهم من المعايب ومن { اُلًذَنِوٍبٌ ُ}ء

بك أستجير ومن يجير سواك ** فأجر ضعيفا يحتمى بحماك

يا رب قد أذنبت فاغفر ذلتى ** أنت المجيب لكل من نُاًدَاِك

السن القانوني

ولدتك أمك يا ابن آدم باكيا ** والناس حولك يضحكون سرورا

فاعمل ليوم أن تكون إذا بكوا ** في يوم موتك ضاحكا مسرورا

في ناس كدة تقول لك "أنا فاكر يوم ما انت اتولدت، كنت زي القمر" ... مش فاهمة يعني الواحد دلوقت بقة زي الإيه ؟؟ الشمس مثلا ؟؟؟ بعدين ما بحبش حد يقول "كنت" وهو وبيتكلم عن الجمال، مالها "مازلت" ؟؟ ماهيا من أخوات "كان" بردو !!! ء

:D

اليوم 21 وأنا تميت 21 :)) !!... يعني خلاص وصلت للسن القانوني وبقيت معترف بيا إن شاء الله :) (الواحد كان اسمه "قاصر" أو "ناقص الأهلية" والحمد لله بقة "كامل الأهلية" :) ) ... بيقولوا إن "سن الرشد" للبنت من 18 سنة وللولد من 21 فأنا الحمد لله كدة كدة وصلت لسن الرشد (رشيدة تتحدث إليكم الآن :)) ) ... طبعا في مميزات كتيرة أوي للواحد لما يوصل للسن القانوني زي ما أنا قعدت أستفسر من ناس كتيرة ... 1) تقدر تفتح حساب في البنك (طبعا الواحد فلوسه مش عارف يوديها فين ما شاء الله :))... 2) تقدر تشتري عقار باسمك (قطعة أرض أو عمارة مثلا (الواحد بردو يجيبله حتة أرض يبني عليها أي حاجة تنفعه في المستقبل) ... 3) يسافر بدون موافقة ولي الأمر (الواحد نفسه فعلا يسافر اليابان ويعيش فيها أو يسافر تركيا للسياحة أو هاواي للتصييف :)) ) ... 4) لو ليه ورث من أي حد، من حقه يأخذه ويتصرف فيه براحته ... 5) لو عمل جريمة (بعد الشر)، هو اللي يتعاقب عليها، مش باباه ... 6) بداية نمو ضرس العقل (طبعا ضرس العقل ما لهوش علاقة بالعقل، ممكن الواحد يكون مش عاقل وتصرفاته طفولية بس الضرس بردو يطلعله (دة عشان الناس اللي بتقعد تقلس وتقول "أخيرا هتعقل والضرس هيطلعلك) ... ء

أنا مش بحتفل بأيام الميلاد طبعا عشان حرام ومش فارق معايا (أما أنا عجيبة صحيح، مش فارق معايا بس بتكلم عنه) بس مجرد فكرة إن الواحد بقة أقرب لقبره بسنة كاملة تخلي الواحد يقف ويفكر هو عمل إيه في السنة دي وهل هو السنة دي أفضل من اللي فاتت ولا لأ

ماما وبابا مختلفين على يوم ميلادي، ماما بتقول أنا أدرى، أنا اللي ولدتك وكان يوم 21 وبابا بيقول شهادة الميلاد بتقول 26 ودة اللي المفروض بتقدميه لكل الناس ... أنا اتسجلت متأخر 5 أيام مش أكتر بس أنا بميل لإني أكون اتولدت يوم 26 مش عارفة ليه .. أنا أعتبر رابع أصغر بنت في الدفعة (في بنتين أصغر مني بشهر وواحدة أصغر ب 6 شهور) فأنا أعتبر صغيرة إلى حد ما عشان ما شاء الله البنات الباقيين أكترهم تمت ال22 !! وأعتبر في النصف تقريبا في الأسرة الكريمة ... ربنا يبارك في عمرنا يا رب ويجعله في طاعته دائما ويميتنا وهو راض عنا

طبعا الكلية من أول ما دخلتها وهي بتحتفل بيوم ميلادي بحيث إنها بتحط الميد ترم فيه، فالواحد لازم يبطل كلام دلوقت وينسى الاحتفالات ويفكر في الاحتفالات اللي مستنياه الأسبوع دة .... ربنا يسهلها علينا جميعا يا رب ويدينا أكتر مما نتمنى ونتوقع

طبعا ما حدش أخد باله، بس كان الأسبوع كله هيبقى امتحانات ما عدا النهاردة بس الدكتور حسين ربنا يكرمه ويرضى عليه غير الجدول اللي كانت الدفعة عاملاه وحط مادته النهاردة إحتفالا بيا :) ... ربنا يسهل بقة

إن شاء الله تكون دي صفحة جديدة مع الله، مع نفسي ومع كل الناس .. يا رب سامحني على كل اللي فات، يا رب امحيه خااالص وابعد عني المعاصي وأعني على طاعتك وعلى بر أهلي وحسن الخلق مع الناس .. يا رب ارزقني حب الناس واجعل أيامي الجيا لو اتكتبلي عمر تبقى أحسن من اللي فاتت .. يا رب ارضيني بقضائك ودبر لي أمري وعوضني أنا وأهلي وصحباتي بكل خير واشرح صدرنا واسعدنا واجمعنا جميعا عند حوض نبيك يا رب ... اللهم لا تحرمنا من دخول الجنة دون حساب ولا عقاب ... اللهم آآميييين

حاسب على كلامك

امبارح أول مرة أقرأ مقالة للأستاذ "أحمد فتح الباب" خريج الجامعة الأمريكية دفعة 2008، وصراحة لاقيت نفسي قاعدة بدور على كل مقالاته ومواضيعه وقرأت كتير منهم وبجد استمتعت بكل كلمة ... فعلا بيقول كل اللي عاوزة أقوله بس بطريقة أحسن ما شاء الله ... أسيبكم مع أول حاجة قرأتها ليه

------------------------------

"البس الشوز يا حماااادة"

" عايز واحد فيتوتشيني ألفريدو .. وزود عليه اكسترا تشيز .. و فرينش فرايز والدرينك يكونكولا .. بليز"

ء"أنا كان عندي مييتنج في الشغل وبعدين عملت برنت للسي في ورحت انترفيو.. والراجل اتكلم معايا في الكاريير بلان والباكيدج وبعدين قال لي هنرد عليك في إس ام إس أو مايل "ء

ء" أيوة يا مان .. وانت نازل هاتلي الجاكت وفي جيبه الموبايل وشنطة اللاب توب اللي فوقالفريزر اللي في الليفينج.. وأنا هعدي علي السوبر ماركت أجيب شامبو وكونديشينر..وأعدي علي الدراي كلين أجيب البلوفر وبقية اللبس... بيس؟؟"ء

صلوا عالنبي يا جدعان..ء

أنا في احدي مناقشاتي مع صديقي مصطفي سعيد (اللي يصدق عليا و عليه قول الفنان عمرو دياب: أحبك ..أكرهك) كنا بنتكلم عن موضوع الكتابة بما يسمي "الفرانكو آراب" .. وحصل جدال طويل.. وأنا كان رأيي في النهاية باختصار

ان أي واحد يغير لغته ويتكلم لغة ناس تانيين يبقي عيّل سيس و طفلة الحشرة..ء

ييجي واحد يقول لي يا واد يا فتح الباب (أو يا فتحي.. أو يا فاتح.. أو يا فتحتح.. أو يا فتّوح.. أو يا باب.. أو يا أُكرة.. أو يا أوبن زا دوور أو يا دوور أو يا اوبن) : طيب ما هو اللغة وسيلة للتفاهم.. وبما اني بكلم واحد تاني بألفاظ أو كتابة هو فاهمها .. يبقي بيس و نو بروبليم.. سواءا كانت الألفاظ أو الكتابة دي بالعربي أو بالإنجليزي أو بالهندي أو بلغة الواك واك..ء

وهو ده بيت القصيد..ء

يا جدعان كل الناس اللي بتفهم في العالم عارفه ان اللغة مش مجرد وسيلة لنقل الأفكار.. اللغة ليها جوانب كتير جدا أهم كتير من كونها أداة لنقل الأفكار.. اللغة وعاء لحفظ كل مكونات الإنسان الدينية و الإجتماعية و الأخلاقية و التاريخية.. والإنسان اللي بيفرّط في لغته بيخلع نفسه من حاجات كتير قوي أكبر من مجرد حروف و كلمات..ء

وأنا هتكلم في جانب واحد علي سبيل المثال.. علاقة اللغة بالأخلاق..ء

لا شك ان اللغة مرتبطة جدا بنفسية الإنسان و مشاعره.. و الكلمة الواحدة مش بيبقي ليها نفس المعني عند كل بني آدم.. لكن وقعها عليه بيكون مرتبط بنفسيته و تجاربه و خبراته..ء

يعني مثلا.. كلمة (أبو تريكة) لما يسمعها واحد أهلاوي بتبعث في نفسه شعور بالفخر و الإنتصار و الراس المرفوعة و فحت المنافسين.. ولما نفس الكلمة (أبو تريكة) بيسمعها واحد زملكاوي بتلاقي نفسيته علي طول بقت عامله زي نفسية هتلر بعد ما اتفحت في الحرب العالمية.. دي شيء لا ارادي بيحصل لأن الكلمة بترتبط بنفسية الإنسان..ء

واللغة بالطريقة دي مع الوقت بتأثر و بتتأثر بكل قيم المجتمع و أخلاقه.. وهضرب لحضرتكم كام مثل..ء

(1)

العرب عندهم أسماء مختلفة للعم و الخال ..ء

الإنجليز عندهم الإتنين بمعني واحد

Uncle

العرب عندهم أسماء لإبن العم و ابن الخال .. والإنجليز عندهم الإتنين اسمهم

Cousin

فالعرب بتهتم بالعائلة أو القرابة و بالتالي لغتها لازم تحمل المعاني دي

(2)

الإنجليز شعب مادي شوية.. فبتلاقي المادية دي بتظهر في لغتهم بشكل واضح جدا.. فعلي سبيل المثال

لما واحد انجليزي بيعوز يزور حد بيقول

Pay him a visit

يعني أدفعله زياره.. ولما بيحب يشكر حد بيقول

I owe you thanks

يعني عليا دين ليك.. لازم أشكرك.. لما بيحب يرد لحد جميل بيقول

How can I pay you back?

يعني ازاي أدفعلك اللي انت عملته .. ولما بيقضي وقت بيقول

Spent my time

يعني أنفقت وقتي

وهكذا.. فبتلاقي لغته بتحمل قيمه المادية .. و بعدين بتأثر فيها

(3)

العرب ناس عاطفيين و حبّيبة.. فبتلاقي عندهم أسامي كتير للحب.. منها

الحب.. العشق.. الهوي.. الغرام.. الهيام.. التتيّم.. الصبابة.. الجوي.. الكَلَف.. الصبوة.. الشغف.. الوجد.. السدم.. التباريح.. الخلابة.. الشجو..الوصب.. اللهف.. الود.. الوله.. الخلة.. ء

(وعشرات الأسماء الأخري (وعشرات بجد مش مبالغة

علي حين ان فيه لغات أخري اختزلت الحب بحيث ان كلمة "يمارس الحب" في اللغات دي بقت كلمة عيب..ء

(4)

...........................

(5)

اللغة بتتأثر و تؤثر في رقي الإنسان و رقة مشاعره.. زي ما بيحكوا ان شاعر اسمه (علي بن الجهم) راح يمدح الخليفة المتوكل.. وكان راجل بدوي جاي من الصحرا و نزل رشق علي قصر الخليفة.. فقام يمدحه فقال له

أنت كالكلب في وفائك للعهد

وكالتيس في اقتراع الخطوب

:D

فالناس قالت يا نهار أبيض.. ايه المدح اللي زي وشك ده.. امشي انجر من هنا.. فالخليفة قال لهم: بلاش تطردوه.. خلّوه يعيش في بغداد شهر ويرجع لي تاني (وطبعا بغداد وقتها كانت عاصمة الدنيا.. مليانه بالحدائق و المساجد و البحيرات و والأسواق.. كانت بغداد يعني العلم و الفن و الحضارة و الجمال).. فرجع بعد شهر بيقول قصيدة في منتهي الجمال

عيون المها بين الرصافة والجسرِ

جلبن الهوي من حيث أدري و لا أدري

خليليّ ما أحلي الهوي و أمره

وأعرفني بالحلو منه وبالمرّ

وبيقول فيها بيكلم حبيبته

صِليه لعل الوصل يحييه واعلمي

بأن أسير الحب في أعظم الأسرِ

شوفتوا الحلاوة و الجمال

كل دي أمثله وفيه غيرها أمثلة كتير جدا في فكرة ان اللغة بتتشكل مع أخلاق البشر.. وبعدين هي نفسها بتشكل أخلاقهم

وبعدين نقطة علي جنب.. هو ليه واحد يقول كلمة

meeting

مع انه ممكن يقول اجتماع

لأنه (في بعض الحالات طبعا مش في كل الحالات) بيكون حاسس بالنقص.. بيقول في قرارة نفسه: أنا ناقص و سيس عشان كده هتكلم بلغة ناس متقدمين عشان يحترموني

انتوا عارفين ان الصورة اتقلبت.. زمان في أيام المجد الحضاري بتاعنا كان الواد الأسباني أو الإنجليزي لما بيحب يبان ابن ناس و متعلم تعليم نضيف بيقول كلمات عربية في وسط كلاه

عشان كده هتلاقي آلاف الألفاظ الأسبانية أصلها عربي..

http://en.wikipedia.org/wiki/Arabic_influence_on_the_Spanish_language

وكتير من الألفاظ الإنجليزية أصلها عربي

http://en.wikipedia.org/wiki/List_of_Arabic_loanwords_in_English

إيييييييه.. دنيا ملهاش أمان !ء

وكل ده عن علاقة اللغة بالأخلاق.. والأهم من كده علاقتها بالدين و التاريخ و ىالتقاليد.. والكلام يطول في الموضوع ده

المهم ان كل الكلام الحلمنتيشي اللي أنا قلته ده عن ان اللغة بتأثر وبتتأثر بالأخلاق.. أجدادنا العظماء فهموه.. والإمام أبو منصور الثعالبي من أئمة اللغة (توفي 430 للهجرة.. من ألف سنة!!) وهو أحد أئمة اللغة.. يقول في مقدمة كتابه (فقه اللغة وسر العربية):ء

ء((والإقبال على تفهمها من الديانة، إذ هي أداة العلم ومفتاح التفقه في الدين، وسبب إصلاح المعايش والمعاد. ثم هي لإحراز الفضائل، والاحتواء على المروءة وسائر أنواع المناقب، كالينبوع للماء، والزند للنار )) ء

اللهم بلغت

اللهم فاشهد!ء

خواطر ما بعد العيد

العيد دة كان جميل الحمد لله بغض النظر عن افتقادي لأهم أعضاء أسرتي والحمد لله على كل حال :( ... طبعا كل ما أجتمع مع أهلي، يعلقوا إن أخويا مش بيسلم على الستات بإيده وإني مش بسلم على الرجالة بإيدي عشان طبعا حراااااام بدون أي خلاف، بس عادي يعني، الواحد أخد على التعليق من الناس على كل حاجة في حياته تقريبا بس دي فعلا بقيت سيرتهم اللي بيتسلوا بيها كل أما يشوفونا مش عارفة ليه :( ... بعدين كل مرة يشوفوني يقولوا "انت لسة لابسة النقاب ؟؟ اقلعيه بقة دة سنة" (مع إنه فرررض) ونقعد بقة في نقاش حاد عن الموضوع دة بس السنة دي كان الوضع متطور خااااااالص، ما شاء الله، بقوا يقولولي "انت لابساه ليه ؟؟ دة لا فرض ولا سنة " !!!!!!!! أنا روحت قايلة "ولا حتى حلال؟؟؟!!!!!" ... قعدوا يضحكوا مع إن دمي كنت متضايقة أوي وأنا بقولها (تحوييير وتألييييف وتزوييير وتخريييف في الدين، ربنا يهدينا ويهديهم ويهدي الجميع للحق) ... ولا حتى سنة ؟؟؟؟ يا سبحان الله !!! دة على كدة بقة المرة الجيا هيقولوا "ولا حتى حلال، دة بدعة ولازم تتوبي منها"!!! طبعا الواحد قعد يتكلم كالعادة، بس قالوا "شيخ الأزهر اللي قال كدة" !!!! ..... معلش بقة، أنا ملاحظة فعلا إن الأزهر بقاله فترة كدة بيألف في الدين وبيحارب حاجات في الدين وبيطلع فتاوي فقهية عجييييبة مع إنه زماااان كان رمز من رموز الدين الصحيح فعلا وللأسف تقريبا كل الناس اللي في مصر بتاخد فتاويها منه وحسبي الله ونعم الوكيل في المسؤول عن تدهور الأمة وبعدها عن ربنا

------------------------------

الحمد لله لسة في ناس تانية بقة بتوزني إني أقلع النقاب وبتقول بكل ثقة ( أنا جوزي شغال مع أعضاء هيئة التدريس وبيقول إنهم مطلعين قرار إنهم ما يدوش المنتقبات امتياز =)) ) !!!!.... بجد ههههههه ... يا ستي ما يهمنيش الامتياز ... وتقول (أصلك لما لبستي النقاب، إدوكي جيد جدا في ثالثة، طول عمرك بتجيبي امتياز من أول ما دخلتي الكلية) .. والله أنا اللي كنت مضيعة خالص السنة اللي فاتت وكنت مش مهتمية زي كل سنة وكنت بقول "زي ما تيجي تيجي" ..... أعوذ بالله من شياطين الإنس !!! .. أنا مش عاوزة الامتياز دي، ارتاحتوا ؟؟ بعدين لو ربنا كاتبهالي، هاخدها سواء بنقاب أو من غيره وغصبا عن كل اللي في الكلية والكون ... أصلا قوانين الله فوق قوانين الجميع (لا يُسأل عما يفعل وهم يُسألون) (إنما أمره إذا أراد شيئا أن يقول له كُن فيكون)، سبحانه :) ... بعدين الحمد لله أنا بقالي سنة و8 شهور ما شاء الله لابساه (ربنا يثبتني ويهديني)، يعني مش عارفة انت لسة بتحاولي في إيه ؟؟؟!!! وناس مصممة إني أقلعه وألبسه لما أتجوز =)) .. أنا مش فاهمة إيه الحكمة ومال الجواز بيه ؟؟ بيطلعوا حجج واهية وأسبب عبيطة أوي ... بجد حاجة تنرفز .... ربنا يهديهم ويهدينا

-------------------------------------

ء"حضرتك فاضي خمس دقائق" ؟؟؟ بصلي بكل ما يملك من استحقار كإني بشحت منه وقلع نظارته بتأهب كإنه هيتخانق معايا وشخط بكل ما يملك من قرف "عاوزة إيه " ؟؟؟ ربنا يسامحه ... بجد الدنيا وحشة أوي بيه

---------------------------------

الحمد لله ربنا بيسخر لي ناس لما بركب المشروع والناس تقعد تزق وتلزق فيا، مرة واحد ما أعرفهوش ولا عمري شفته راح قال للناس "استنوا في واحدة منتقبة ما تزقوش" :) ومنع أي حد يدخل لحد أما أنا أدخل وأقعد :) ... ومرة تانية واحد راح حاطط دراعه وسادد بيه المشروع وخلاني أنا بس أعدي وقال للناس استنوا عشان ما حدش يلزق فيا :) !!! وأنا لا أعرف دة ولا دة !!! سبحان الله :) ... بجد اللهم لك الحمد، بتسخرلي خلقك :) .. اللهم أدم علي نعمك واحفظها من الزوال واجزى كل الناس اللي بتقف جنبي خير الجزاء

-----------------------------------

الحمد لله ما فيش نصيب السنة دي :(( ... قدر الله وما شاء فعل :( كان نفسي أوي

-----------------------------------

When I needed you the most, I looked around, but you were no where in sight ... I shall not look for you again :( , go away and leave me alone !! Thank you ! ;(

------------------------------------

كفاية كدة عشان الناس المتابعة ووراهة مذاكرة ( قال يعني أنا ما وراييش مذاكرة) ء

ربنا يوفقنا جميعا يا رب سواء بنقاب أو من غيره

:D

كلمات كان لها من تفكيري نصيب

احذري أيتها المسلمة وبالغي في الحذر ... واجعلي أخص طباعك الحذر وحده ... احذري تلك الأنوثة الاجتماعية الظريفة ... كوني أنثى في البيت، أما في الخارج، احذري ...ء

من "وحي القلم" ل"مصطفى صادق الرافعي" من فقرة بعنوان "احذري"ء

-----------------------------

لا تُقدّم لله ما يكره و تطلب منه ما تُحّب... ابن القيّم رحمه الله

---------------------------------

إذا نطق السفيه فلا تجبه ** فخير من إجابته السكوت

فإن كلمته فرجت عنـه ** وإن خليته كمداً يمـوت

Seriously, u r wasting your time !! Go look for someone else to annoy :)

-------------------------

سكت عن السفيه فظن أني ** عييت عن الجواب و ما عييت

--------------------------

We waste time "looking" for the "perfect" life instead of "creating" it !!

-----------------------

Everyone wants to marry the "perfect" person but no one did anything to be the "perfect" person themselves .. How selfish !!

---------------------

If it ain't hard, it's not worth doing :)

--------------------------

Think BIG, start small, act NOW !!

--------------------------------

لا تجعل احداً يعرف سر دمعتك لأنه سيعرف كيف يبكيك

--------------------

ربي لا أعلم ما تحمله لي الأيام، لكن ثقتك بأنك معي تقويني

---------------------

ربي لا أعلم من سيكون معي في المستقبل، لكن ثقتي بأنه سيكون من اختيارك تطمئنني

---------------------

لا تندم أبداً على ما فعلت يوم ما .... لأنك لو استطعت أن تعود بالوقت للوراء، ماكنت لتفعل غيره

----------------------------

Upset is an emotion specific to those who care

-----------------------------

People should understand that everyone is different and that I am unique, so don't expect me to think and act like everyone else !!

----------------------------

الإعتذار لشخص ما لا يعني أنك على خطأ وأنه على صواب ، ولكنه يعني بأنك تقدر علاقتكما

------------------------

قرأت إن الرسول صلى الله عليه وسلم كان سريع الخطى، يعني أنا ماشية تبع السنة من غير ما أحس .. الحمد لله :) ء

------------------------------

رأيت الصدق يجمع حقـــــــــائبه فسألته: أين الرحيل ؟؟؟

قال: مللت العيش في زمن أصبح فيه الكذب لي بديل، وأصبحت فيه أنا كالقتــــــــيل

---------------------

Everything at the end is gonna be alright, as nothing is alright,

it is not the end yet :)

---------------------

Let your smile change the world, but don't let the world change your smile! :)

---------------------

علمتني الحياة إن مش لازم كل حاجة أحس بيها أتكلم عنها ... لما الواحد يكون فرحان، مش شرط يبين للناس فرحه عشان في حقودين بيبصوا له في فرحته... اما يكون متضايق أو زعلان، مش شرط يبين زعله عشان في ناس هتشمت في زعله ... مش شرط يقول كلمة الحق ديما عشان يا إما الناس هتفهم إنك إنسان وحش عشان كدة قلت الحاجة دي (مع إنها الحق) يا إما الناس هتزعل عشان انت بردو بتقول الكلام اللي هما خايفين يسمعوه ... الموضوع متلخبط بس خلاصته قول الرسول صلى الله عليه وسلم "فليقل خيرا أو ليصمت" .... وأديني بتعلم :( ء

--------------------------

Newton stated hundreds of years ago that "for every action there is an equal and opposite reaction", so people please look for the action before judging me according to my reactions !! ...

:) Thank you ! :)

بفتح إيمايلي من شوية بلاقي من موقع قناة الجزيرة للأطفال جيلي كارت من مجهولة ... المهم الكارت دة فيه كل سنة وأنا طيبة بمناسبة يوم ميلادي اللي هيكون أول يوم في امتحانات سنة رابعة ويوم امتحان السوفت وير إنجنيرينج بالتحديد لو ربنا كتبلي عمر أكمل ال21 سنة دول :) .. المهم الكارت فرحني أوي وخلاني أعيط جامد أوي أوي .. أنا مش بحتفل بأيام الميلاد عشان حرام بس مجرد إن حد كدة يفتكر يوم ميلادك من قبلها بأسبوع ويبعت كارت حاجة مؤثرة أوي :(( ... أكيد دي واحدة من صاحباتي عشان حافظة يوم ميلادي وعشان مالياهولي

:) smilies :)

يعني هي عارفة إنه رمزي :) ء

ربنا يخليك ليا يا رب ويوفقك ويسعدك، بس مش كنت تقولي انت مين عشان أشكرك :) ؟؟؟

A screenshot of the card

:) The card online :)

---------------------------

فجأة كدة بعد زعل وغيظ لفترة عشان حاجة كان نفسي فيها وناس كتيرة أوي قالتلي إني أستحقها بس ربنا ما كتبهاليش، فجأة تخيلت لو كنت فعلا أخدتها، كنت هبقى عاملة إزاي ؟؟؟ ... كان زماني بقيت في فتنة عظيمة أوي أوي ، يعني كنت هكون مفتونة أوي بسبب الحاجات اللي هتترتب بعد أما أخدها بس ربنا الحمد لله حفظني من كدة عشان أنا ديما بدعيه يحفظني :) ... اللهم لك الحمد ... (وعَسَى أَن تَكْرَهُوا شَيْئًا وهُوَ خَيْرٌ لَّكُمْ وعَسَى أَن تُحِبُّوا شَيْئًا وهُوَ شَرٌّ لَّكُمْ واللَّهُ يَعْلَمُ وأَنتُمْ لا تَعْلَمُونَ)، فعلا والله أنا لا أعلم شيئا أمام علم الله وتدبيره ... كل حاجة خير يا فدوى سواء عرفتي السبب اللي ربنا منع عنك الحاجة دي أو ما عرفتيش، لازم تثقي وتتأكدي إن دة الخير .. ودة ينطبق على كل حاجة كان نفسك فيها وربنا لسة ما ادهالكيش أو مش هيديهالك خالص، هو أعلم :) ... الحمد لله :) ء

:) أنت تملك حلاً لجميع مشاكلك :)

اللهم اغنني بحلالك عن حرامك وبفضلك عمن سواك

عشر دقائق

ومن توكل على الله فهو حسبه

ومن توكل على الله كفاه

:D CSDian MOOODY ??? NO COMMENT !! :D

لا لا لا ، دانا لازم أحكي اللي عمال بيحصل فينا ... يا عيني علينا ... رابعة كمبيوتر بتتبهدل يا رجالة والكل عمال بيتفرج ... أنا بتكلم على أنهو مودل فيهم ؟؟ أكيييد عن بتاع السوفتوير إنجنيرينج، هو في حاجة عمالة تستهبل غيره ؟؟؟ أنا عدة عليا مودلات كتير من بداية حياتي السي إس ديهية، بس عمري ما شفت حد زيه ... يا عيني عليه، غلبان أوييي، شكله مش بياكل كويس أو بياكل كتير أوي عشان كدة مش قادر يتحرك

قصة حبيبنا مودي تتحكي في روايات والله

أولا، المودل على طول واقععععع ، طب ليه بنستخده ؟؟؟ "عشان دي الطريقة الرسمية للتسليم" كما قال رئيس القسم حفظه الله لمندوبنا في اجتماع هام حول أحوال مودي العزيز

طيب، لنفترض إن حد فينا مامته كانت دعياله وحظه كان جميل فالمودل اشتغل معاه وسلم عليه (لازم كل ساعة تتدخل تتأكد إن مودي ما وقعش عشان تقدر تبعت، فاضيين إحنا) لازم بردو يرفع شغله على فور شيرد ويجيب نسخة مطبوعة من شغله

طب ليه نسخة مطبوعة لما احنا سلمنا خلاص على المودل ؟؟؟ "عشان المودل (اللي هو الطريقة الرسمية) غير معتمد عليه وممكن يفضل واقع وشغلكم يضيع" زي ما بردو رئيس القسم حفظه الله صرح في المقابلة الساخنة

طب ليه ما نسلمش النسخة المطبوعة وفكنا من مودي خالص ؟؟ "عشان ممكن نحتاج نعمل ستاتستكس على شغلكم ونعرف مين اللي سلم ومين ما سلمش" ء

مش عارفة هما كانوا حالفين لمامة مودي إنهم مش هيسيبوه ولا هينسوه أبدا ؟؟ خايفين على مشاعره ؟؟

مرة مودي كان شغال، جينا نرفع عليه، ما نفعش، سألناهم، قالوا إن ما فيهوش مساحة !!!!! بجد هههههههههه ! وقالوا نستنى لما مودي يفضي اللي في بطنه أو يزرعوله بطن زيادة

المهم بقة، قالولنا النهاردة في كويز على المودل الساعة 10 بالظبط طبعا الدفعة كلها عارفة إن المودل هيقع وفي ناس كتيرة كانت مراهنة على كدة وبالفعل المودل كان شغال لحد 10 بالظبط بس "لما لقى ناس كتير داخلة عليه في نفس الوقت، اتكسف وما قدرش يستحمل النظرات الفاتنة دي، راح واقع" كما صرح زميل

والكويز اتأجل عبل ما مودي ياخد علينا بقة ويبطل كسوف أو يرجع بالسلامة من الغيبوبة دي (وطبعا الجميع متأكد إن لا دة ولا دة هيحصل) ... دي الدفعة كلها بقيت بتطلع نكت عليه وعلى المادة والموضوع بقة مسلي أوي ... لو احنا قسم كوبيوتر وبيتعمل معانا كدة، بقية الناس تعمل إيه ؟؟؟ بجد عييييب أويييييي اللي بيحصل دة، الموضوع ممكن يتحل ببساطة بس أنا مش فاهمة ليه التعقيد دة ولا مين اللي مصمم يعقدنا .. دة الرسول صلى الله عليه وسلم حتى بيقول "يسروا ولا تعسروا، بشروا ولا تنفروا" ..... يا رب ما أستخدمش مودي دة تاني عشان أنا مش بحبه، هو وحش

They Say ....

They say when you talk about your problems you feel better, but I never felt better after talking ... Maybe because I stopped talking about them ..

They say talk about your fears, but how will you ever talk about them when no one listens ??
They say it's nice to simply forget about "everything" and go to bed, but if "everything" always surrounds you, you simply can't stay in bed forever !!
They say you feel better after crying, but then if there are many things that keep you always crying, when is the "time" to feel better??
They say we all make mistakes and we should learn from our mistakes, but then how come I make millions of mistakes and never "learn" from any of them??
They say tomorrow everything will be alright, tomorrow keeps on arriving everyday with the sun rise, but "alright" never arrives ...
They say that one day everything will make perfect sense, but I think this "one day" died years ago and they are holding onto something that doesn't exist ...

They say nothing deserves your tears, but then why were tears created ??

They say who cares what people say about you, but then why would people talk about you if nothing is "wrong" with you ??

They say smile and the world smiles back at you, cry and you cry alone, but when I smile, no "world" is there to smile and when I cry I certainly do cry "alone"...

They say be the source of hope, happiness, encouragement and inspiration to others and you shall find all of this coming back to you when you are depressed, I have always been like that but nothing seems to remove my depression ...

They say when you help others, others shall help you when you need them, but people simply keep on turning away when I am in need although I am rarely in need ...

They say work hard and you shall get all what you want but I worked more than hard and got worse than those who did "little" ...

They say fight for your dreams and they shall come true, I have been fighting for years and the battle is almost over but nothing seems more "true" than not getting any dream ...

They say if you want something, leave it, you don't know what is good for you , but then what about the time they said "fight for your dreams" ??? And why can't what I want be what is "good" ?? Why is always what you "want" not what is "good" and what is "good" not what you "want" ??

They say that happiness is not to get what you want but to be content with what you were given, but then how come people become "happy" when they get what they "want" ??

They say the end will be good if the path was bumpy but the end of my bumpy path was even "bumpier" ..

They say who cares about the end as long as you tried your best on your way there but then how could anyone be happy with a miserable "ending" ??

They said not to worry as everyone's life has got problems, but then what should I do if my life is a "problem" itself ??

They say that people don't usually mean what they say, but what if the people keep on saying the same thing over and over again ?? And how come people always think I mean what I say ??

They say that people should respect their different views, but then when my view is different, they simply mark it as "useless"....

They say things which they want me to listen to and apply but they never apply it themselves ... They know that none of this was true, is true or will ever be true ...

They say and say and I am simply tired of them saying .. I am tired of my self trying to listen .. I am tired of trying to be on track ... I was always an optimist, but I think that I was fooling myself, nothing will ever change, "tomorrow" will never come, no dream will ever come "true" and nothing will be "better" ....