بعد قضاء ثلاثة أيام تقريبا من النقاشات والحوارات والردود والقراءة والمتابعة وحرق الدم على ناس جاهلة أو بتتغابى (استغفر الله العظيم يا رب) ، لاحظت إن في كمية نصارى من اللي كلمتهم مقتنعين إن الإسلام بيحثنا على قتلهم :(( والحمد لله قدرت أقنعهم بعكس ذلك، في كمية ناس علمانية وليبرالية وهي مش عارفة هي بتخطرف بتقول إيه ومنسبة نفسها للإسلام: هي ناس في سننا وبيننا وحوالينا بس أفكارها ضاربة خااالص ومحتاجة تنقية (لا حول ولا قوة إلا بالله)، كمان في كمية ناس عندها استعداد رهيب تصدق إن الملتزمين مذنبين في أي حاحة وهما وراء كل حاجة وإن أعداؤنا بريئين ومساكين وغلابة (إهئ إهئ، قطعتوا قلبي) .... أنا لاحظت حاجات كتيرة تانية والله بس كفاية كدة عشان أنا بقول "فليقل خيرا أو ليصمت" ومش هستفيد أي حاجة لما أعدد أنواع العقول اللي تحدثت معها، بس بجد اتصدمت في ناس كتيرة كنت اعرفها وطلعت مصدية وبتنشر الهبل والجهل ..... وناس كتيرة تدخل مناخيرها في حوار هي مش جزء منه وتاخد دور المهاجم الشرس اللي مستني ينبش ويغلّط ويوقع اللي قدامه وممكن يشتم كمان وهو أصلا أصلا بيدافع عن بااااااااطل ....
الكلام الجاي دة أنا كتبته لما فجأة افتكرت حابة مشاكل "تافهة" في حياتي (آه والله، كل مشاكلي تعتبر تافهة بالنسبة للأزمة اللي بتعدي بيها الأمة دلوقت)، إيه يعني لما يحصل لي كذا ولا كذا ولا حتى كذا ؟؟ بعدين أنا ليه شايلة هم حاجة ممكن (ممكن) تحصل بعد شهرين، ونسيت ربنا عمل لي إيه لما حصلت من سنتين ؟؟!!! إن رباً كفاك ما كان بالأمس سيكفيك في غدٍ ما يكون :) ... بإذن الله سيكفيني ما يكون :) الحمد لله، مش احنا اتفقنا إن كله خير ؟؟ :) .... فقلت أفوق نفسي شوية .... يا رب أفوق وغيري يفوق ....
---------------------
الشكوى لغير الله مذلة
أتشكو الله إلى عبيده ؟؟ اللهم خُذ من نفسي حتى ترضى
--------------------
رغي رغي رغي رغي ... وصلتي لإيه ؟؟ ولا حاجة ... عمر ما الكلام جاب ولا هيجيب نتيجة، هتضحكي على مين ؟؟ وبعدين إيه المشاكل التافهة دي اللي انت شايفاها عظيمة أوي وهي لا تساوي ذرة من مشاكل العالم ؟؟... ناس بريئة شغالة تتقتل في كل حتة: مصر، ليبيا، اليمن، سوريا، ومن قبلهم فلسطين وأفغانستان والعراق والشيشان وكوسوفا والبوسنة والهيرسك واندونيسيا والصومال والسودان ... أمريكا مدخلة مناخيرها في كل حاجة ومسلمين بيتذبحوا وانت متضايقة من مشاكل هبلة في حياتك ؟؟ الإسلام بيتحارب علناً ومن المسلمين نفسهم (أو اللي عاملين نفسهم مسلمين وهما ليبرالين أو علمانين) والمسلمين بيتخطفوا وبيتعذبوا من غير أي ذنب وانت مش عاجبك أذى بسيط في حياتك ؟؟ عملتي إيه للإسلام طيب ؟؟ إخي عليك ...
اليهود والشيعة والنصارى هدفهم واحد ومعروف واحنا عاملين مش واخدين بالنا ومقنعين نفسنا "إننا زي الفل" و"كله تمام، المهم بنصلي" ؟؟؟ أنا ما كنتش فاهمة خااالص ليه (حتى في مصر نفسها، اللي هي دولة مسلمة!!) بيحاربوا النقاب، يعني هما مؤمنين بحرية الديانات واللبس لكن يجوا عند الإسلام واللبس الشرعي ويقولوا لأ ؟؟ إشمعنا دول يعني مش حرية ؟؟؟ أتاري إن الواحد لو كل اللي حواليه لابسين كويس إهتماماته هتبقى أعلى من البص على الكل والتفكير في الشهوات ... أتاري اتجاهاته هتتغير لحاجات نافعة ... أصل فعلا صلاح المجتمع بصلاح نساؤه ....
بيقولوا إننا بنكفر النصارى، طب ما ربنا اللي قال إنهم كفرة !! طب ما هما كمان بيكفرونا وبيقولوا إن القرآن مش كلام ربنا وإن محمد صلى الله عليه وسلم مش مرسل من الله، إشمعنا نتحارب عشان إحنا صح وهما يتسابوا ؟؟ ليه الإعلام والدنيا قامت عشان ودان واحد نصراني اتقطعت من قبيلة فلانية (ليس لها اي رابط بالملتزمين) وما حدش فتح بقه لما واحدة مسلمة اتذبحت هي وابنها أمام زوجها بعدين زوجها حصلها ؟؟ ليه المساجد بتتفتش والكنائس براحتهم يعملوا اللي يحبوه جواهم ؟؟؟ يخبوا أسلحة ويخطفوا ويعذبوا فيهم ناس مسلمة ؟؟؟ مش انتم بتقولوا مسلم ونصراني حاجة واحدة، ليه بقة التعامل مع الشعائر لمعتقد كل واحد غير ؟؟؟ ليه سماحياتهم أكتر (الراهبة تلبس اللبس بتاعها عادي، القس يطول دقنه عادي، لكن المسلمة تلتزم بالحجاب الشرعي لا، المسلم يربي ذقنه لا) ؟؟؟ هي دي الحرية واحنا فعلا حاجة واحدة ؟؟؟ ليه لو واحد نصراني اتشك من إبرة يقولوا إن أكيد مسلم هو اللي شكه بيها، لأ ومش أي مسلم، أكيد من الملتزمين (مع إن الأدلة كلها ليس لها أي علاقة بالمسلمين) والدنيا كلها تقوم عشان ال"واوا" بتاعته ولو واحد مسلم اتقتل أو اتعذب من واحد نصراني (والأدلة كلها ضده)، ما حدش مجرد يحس ولا حتى يتكلم ؟؟؟ للدرجة دي دمنا رخيص ؟؟؟ لما نكون إحنا الأغلبية ومصر اسمها دولة مسلمة وبيتعمل فينا كدة يبقى إحنا إيه ؟؟؟ زي الرغوة والله، كتيرة أوي ومنفوشة على الفاضي ... ضعاف ضعاف ضعااااااف ... طب إيه سبب الضعف اللي احنا فيه ده مع إننا الصح ؟؟؟ ياااه، مش عارف ؟؟؟
السبب معروف وواضح أوي بس مش عاوزين نبص له كويس، السبب بعدنا عن الله، آه والله، فعلا بعدنا عن الله .. لما هان علينا ربنا وبقى أهون الناظرين إلينا، هنا عليه وسابنا نتلطش في الحياة ... الدليل إن زمان المسلمين كانوا ماسكين العالم ... يااااه، أنا لما أقرأ عن تاريخ الإسلام والمسلمين وإزاي فعلا كنا زي أمريكا وأوروبا دلوقت، ببكي بحرقة وبتمنى إني أنتمي لزمان، الزمن دة بقى سئ أوي ... طب السبب كان إيه ؟؟ السبب إننا كنا مع ربنا "إن تنصروا الله ينصركم ويثبت أقدامكم" ... كنا محكمين شرع الله، كنا ماشين تبع اللي ربنا عاوزه، كان لينا هويتنا ... لما الهوية ضاعت (آه والله ضاعت وقربت تتمحي)، هنتنصر بقى إزاي ؟؟؟ لو احنا مسلمين بجد، كان زماننا منتصرين ... كلام كلام كلام، طب انت عملتي إيه ؟؟؟ انت حتى مش قادرة على معاصي نفسك ومش قادرة تنتصري على شيطانك، هتنتصري على أعدائك إزاي ؟؟؟ تقعدي فترة كدة تقولي ما يهمش أتإذي في سبيل الله وفجأة تتخلي عن اللي كنت بتحاربي عشانه عشان أمر دنيوي حقير ؟؟؟ استفدتي إيه ؟؟؟ المسلمين بتوع زمان اللي انت بتتكلمي عليهم دول كانوا بيفدوا الإسلام برقبتهم بمعنى الحرف والكلمة، كانوا بيتعذبوا بجد عشان كلمة الله تكون العليا وانت من شكة ولا شكتين تحسي إنك عملتي اللي ما عملهوش غيرك ولو الشكة اشتدت شوية، تقعدي تشتكي ؟؟؟
متشائمة ؟؟؟ ببالغ ؟؟؟ الهوية لسة موجودة واحنا "زي الفل" و"كله تمام" ؟؟ هل فعلا الشباب اللي مالي الدنيا دلوقت بيمثلوا الإسلام ؟؟ الشباب اللي اهتمامهم مين دخل جول في أنهو ماتش ويشربوا أنهو سجاير ويسمعوا أنهو أغنية ولا يتفرجوا على أنهو ست هما دول اللي هويتهم إسلامية ؟؟ البنات اللي بقيت كل حاجة عندها حلال وهدومها مدهونة عليها والولاد كلهم "إخوانها" ويهمها تعجب مين ولا مين يقول عنها إيه ولا مين يحبها ولا تحب مين دي تنتمي للإسلام ؟؟؟ هل الناس دي لو اتخيرت بين الإسلام وبين أي حاجة حقيرة تانية هتختار الإسلام ؟؟؟ وليه كل الناس اللي أعرفها تقريبا بتقول "مفتخر إني مصري" ؟؟؟ هو الأصل إيه، العقيدة ولا الجنسية ؟؟ الواحد ممكن بحبة ورق يغير جنسيته وولا يتضر بحاجة لكن الواحد يغير ديانته، يبقى غير كيانه وأصله وفطرته !!..
أنا قرأت في كتاب عن اليهود إنهم لما بيتسألوا جنسيتكم إيه بيقولوا "يهودي مصري" مثلا، يعني بيدخلوا الدين في كل حاجة ... معتقدين أوي إن قوتهم في دينهم وتمسكهم بيه ومصرحين في كل حتة إنهم لو تخلوا عن دينهم هيضعفوا (مع إنهم ماشيين غلط) ومن مخططتهم إننا فعلا نفصل الدين عن الدولة عشان طول ما الدين جزء من حياتنا، هنفضل أقوياء، مجرد ما الدين يبتعد أو يتسلب مننا، قوتنا كمان هتتسلب وساعتها هيقدروا علينا صراحة مش بس فكريا زي ما هما خلاص غزونا فكريا ... كل واحد فينا لو قبل ما يعمل أي عمل سأل نفسه "هل دة عمل إسلامي" هيلاقي إنه تقريبا مش بيعمل أي حاجة تنتمي للإسلام، بنقلد بنقلد بنقلد حاجات معفنة عشان كدة بنرجع لوراء !!!... بنحسب إننا لما نقلد الغرب هنتقدم زيهم، طب ما انتم جربتوا قرون دلوقت من التقليد وبترجعوا لورا أكتر، نسيتوا لما كان ليكم هوية كنتم عاملين إزاي ؟؟؟ جربتوا التقليد وأدي حالكم، طب ما تجربوا الاستقلال الإسلامي ؟؟ هتخسروا إيه ؟؟؟
الإعلام دلوقت شغله الشاغل يبعد أكبر قدر ممكن من الناس (بالذات العوام) عن الدين (قرأت بردو في كذا كتاب ومن كذا مصدر إن أكتر من 90% من الإعلام اليهود اللي متحكمين فيه) وللأسف أغلب الناس ساذجة، بتصدق وبتترعب من أي حاجة ... طب ما في أمريكا بردو بيقولوا عندهم في الإعلام إن المسلمين كلهم إرهاب، هل دة حقيقة ؟؟ هل إنت إرهابي ؟؟ طب اشمعنا دي مضايقاك وبتدافع عنها ومش مضايقك إن إعلامك بيحارب مشايخك والناس اللي بتدافع عن الدين ؟؟؟ بتقول عليهم متشددين ؟؟؟ طب حتى لو افترضنا إنهم متشددين (بما إن كل حاجة مش داخلة دماغنا وتتعارض مع شهواتنا وشيطاننا هتبقى تشدد)، على الأقل هما مش بيؤذوا حد !! يعني انت شايف إنها ناس متمسكة بكلام الله وسنة رسوله أوي، هل تتوقع يعني إن ربنا ولا الرسول هيقول يعملوا الحاجات اللي بتتقال عنهم دي ؟؟؟ طب ما أم المؤمنين حبيبة الرسول صلى الله عليه وسلم عائشة بنت أبي بكر رضي الله عنها اترمت في عرضها واتنسب لها أكاذيب وافتراءات !!! هل انت مؤمن إن الكلام اللي اتقال عنها دة صحيح ؟؟ طب إشمعنا بقة تصدق اللي تسمعه من الإعلام الكاذب (مع فارق التشبيه طبعا فداها أبي وأمي وروحي رضي الله عنها وأرضاها) ؟؟؟
ليه بنتسابق (وبنتقاتل) على دنيا ومال ومنصب وزواج وعيال وحاجات أصلا جايز جدا تبعدنا عن الله وناسين مناصب الآخرة ودرجات الجنة ؟؟ ليه نقول "المهم نخش الجنة" وفي حاجات كتيرة في الدنيا بندور على أفضل حاجة فيها ؟؟؟ ليه مش بنقول "المهم ناكل وبس" ، "المهم نتزوج وبس" "المهم نشتغل وبس" لكن بنسعى للأفضل، بس للآخرة مش بنسعى لأفضل مرتبة في الجنة ؟؟؟ ليه لو راحت علينا نومة وماروحناش لجنة الامتحان نعيط ونحس إن حياتنا انتهت ونقعد نحاول نعمل أي حاجة عشان نعوض لكن لو راحت علينا نومة لصلاة الفجر، ولا فارقة معانا ؟؟؟ ليه لو موعد الإمتحان الساعة 4 الفجر، هنقوم زي الصاروخ لكن إيه يعني لو الفجر الساعة 4، ممكن أصليه منين ما أصحى حتى لو وقته ضاع ؟؟؟ ليه لو رايحين حتة وعارفين إنها ممكن تضيع علينا مشوار مهم بنفضل شايلين الهم ونستعجل نفسنا وممكن نسيب كل حاجة عشان المشوار دة لكن للصلاة بنقول نخلص مشاويرنا كلها الاول بعدين نصلي منين ما نخلص ولا لما نروح ؟؟؟ يعني مثلا ينفع تقول "أنا مش هحضر المحاضرة الفلانية دلوقت، هحضرها في أي وقت تاني" وهو أصلا مش هتتعاد ووقتها دلوقت بس ؟؟ ولا هي الصلاة اللي ممكن تتصلى في أي وقت ؟؟؟ أنا فعلا متضايقة من نفسي أني بتكلم عن أساسيات الدين اللي هي الفرق بين الكافر والمسلم زي الصلاة، لما رمز المسلم يكون ضايع، إيه اللي باقي منه ؟؟ لما يكون نقاشنا مين بيصلي ومين مش بيصلي مش مين بيصلي نوافل أكتر ومين قدم إيه لدينه، يبقى كدة احنا زي الفل وأنا ببالغ وإيه يعني ؟؟؟
مش عارفة آخرة اللي بيحصل دة إيه (إذا كان ليه آخر) .... يا رب نهايته تكون خير، يا رب رحمتك سبقت عذابك وعفوك سبق عقابك .... يا رب ارحم المسلمين الموحدين وارزقهم حسن الختام والدرجات العلا من الجنة ... بجد السعادة والراحة في الجنة بس، لاااازم تكون هي أكتر حاجة شاغلانة .... أنا نفسي أروح الجنة بسرعة أو أبعد عن العالم دة بأي طريقة، بفكر أروح القطب الشمالي أو الجنوبي أول ما أتخرج عشان أبعد عن صداع العالم كله، بس يا ترى هاخد معايا مين ؟؟؟
2 comments:
صراحة كلام درر ... أنا منبهرة إن حد ممكن يقرأ ده و ينكر هذا القول .. هذه الحقيقة فلماذا يخدعون أنفسهم ؟!!ا
بما إنك استشهدتى بسيدتنا عائشة فالله عز و جل أعطانا كمية حكم فى هذه القصة ولكننا نقرأ فنعرف القصة و ليس لنعرف المغزى .. أولا الله أمهل الناس و لم يظهر الحق فى الفور مع أن الرسول عليه الصلاة و السلام أحب الخلق إليه ولكن كان هذا ليعلمنا و ما بالنا لا نتعلم ثم بدأ الله فى وحيه للرد على الحادثة ب " لا تحسبوه شرا لكم بل هو خير لكم ... لـــكـــل إمرء منهم ما إكـــتـــســـب من الإثم" هل وصلت الرسالة لكل من يتكلم بدون أى دلائل .. هل وصلت العبرة؟ ثم قال تعالى " لولا إذ سمعتموه ظن المؤمنون و المؤمنات بأنفسهم خيرا و قالوا هذا إفك عظيم" لماذا استخدم كلمة ظن و هى أعلى مراتب العلم(*) ولماذا قال بــأنـــفـسـهـم وهل هم يتناقلون أخبار عن شخصهم ؟! كلا إنما فقط عن أمهم و أمنا!! فتالله هذا ليس مجرد كلاما .. هذا و كأن أحدهم يضع نفسه فى النار بيديه :( ثم قال تعالى "لولا جاءوا عليه بأربعة شهداء" و من يشهد على مثل هذا مستحيل توافر واحد كيف بأربعة .. فما بالنا بحادثة تقع على مسمع من الناس جميعا و ليس معكم شهيدا حقا .. كان من الأولى أن تصمتوا !! .. فلماذا يقول الرسول من كان يؤمن بالله واليوم الاخر فليقل خيرا أو ليصمت لماذا ربط هذا بالإيمان بالله تالله إنه لجرم عظيم .. لماذا قال الله " يأيها الذين آمنوا إن جاءكم فاسق بنبأ فتبينوا" لماذا نفترض فى البداية أنه فاسق و ليس صادق أو حتى إنسان ... هلا تدبرنا ؟!!ا ثم أكمل الله فى سورة النور .. هل لاحظتم اسمها ؟!! "إذ تلقونه بألسنتكم وتقولون بأفواهكم ما ليس لكم به علم وتحسبونه هيناً وهو عند الله عظيم" و هل هذا يحتاج تفسيرا ؟؟ عند الله عظيم ؟! ثم بعد أيتين يقول " يعـــظـــكـــم الله أن تعودوا لمثله أبداإن كنتم مؤمنين" يا إلهى .. أكان يعظهم هم فقط ؟ فلماذا إذا أصبح هذا قرآنا للأمم إلى يوم الدين .. و ختم بقوله " و يبين الله لكم الأيات والله علـيــــــــم حكيــم" هو وحده القادر على البيان .. فلماذا تتوقعون أن هناك بشر يستطيع أن يبين ؟ كان من الممكن أن يبين الله بطرق عدة غير الوحى و لكن هذا رحمة لنا معشر الإسلاااام :( هلا تعلمنا
كل ما يحدث هذا رحمة من الجليل لنا فلو تركنا لضعنا .. حقا لا تحسبوه شرا لكم بل هو خير لكم .. بالله عليكم كيف صدقتم أن ما حدث فى الثورة نصر لنا و تغيير للأحسن .. أنتم موقنون بقوله " إن الله لا يغير ما بقوم حتى يغيروا ما بأنفسهم" ... ما حدث كان هلاك للظلم كما وعد الله عز و جل و ليس لأننا نستحق التغيير ما حدث كان عبرة لنا انتعلم منها؟ .. و ها نحن اليوم نظلم من يحب ربه فيعبده فيتشدد على نفسه فما أعرفه أن من يحب ربه و يتشدد كان يسمى من الزهاد وكان هذا فخر عظيم أما الأن فهو المتخلف الرجعى :|
تيقنوا أنها لابد و أن تتحقق " إن الله لا يغير ما بقوم حتى يغيروا م بأنفسهم" فهلا بدأنا فى التركيز على أنـــفـــســـنـــا و تركنا غيرنا حلوهم و مرهم ؟!! يقيناً لو ظللنا بهذا السلوك فسنكون عبرة أيضا لأجيال وراءنا يأتون ليحققون العزة بدلا منا
-----------
(*) الظن هو الشك، هذا الأصل، لكن قد يأتي الظن بمعنى اليقين في بعض المواضع، كما في قوله: {الَّذِينَ يَظُنُّونَ أَنَّهُم مُّلاَقُو رَبِّهِمْ}
أخيتي، أبدعتي ما شاء الله ... سدد الله رميتك وبارك في قلمك ...قلت الذي نسيت قوله وأحسنت القول ... جزاك الله خير الجزاء وجعلك من جنود هذه الدعوة وحملة هم هذا الدين ونفع الإسلام بك وجمعنا تحت ظل عرشه يوم لا ظل إلا ظله
Post a Comment
comments are always welcomed :)