لأنني لن أستطيع

بعد أن استوقفني قوله عن إحدى مؤلفاتها "دعوها تُجنّ، لأن الأعمال الإبداعية الكبرى لا يكتبها إلا مجانين"، وبعد أن أيقنت أن الآلام لن تنسى أبدا عنواني، حزمت أمتعتي بعد طول انتظار وقررت ألا أترك شيئا خلفي

شكرا لكم على كل شئ

:) HopefulHopes :)

شكلي محتاجة خبطة من دول :P

":) If you see someone without a smile, give him yours :) ! It is costless, but makes a great difference !! :) "

------------------------------------------

للي حابب يبارك :) ، من أربع ساعات كان كتب كتاب الباش مهندس "محمد أمير" سي إس دي 2006 (معيد الديجيتال السابق) على صاحبتي :) في رابعة إنتاج (أخت المعيد السابق الباش مهندس "وليد عمار" سي إس دي 2007) ما شاء الله ... ربنا يبارك لهما ويبارك عليهما ويجمع بينهما في خير يا رب :) ويعيشوا في سعادة وهناء على طول :) ... أنا المفروض كنت أكون هناك :(( بس عشان ما كنتش خلصت الأي إس وهحس بالذنب عشان هوقع البارتنر بتاعتي معايا فمروحتش :( ... والله لو كان البروجكت دة وحايد، كنت روحت ولا همني :)) خصوصا إنه منفصل بقة فالواحد هيعرف يعيش اللحظة مع صاحبته :) ... قدر الله وما شاء فعل، إن شاء الله أبقى أحضر الفرح :) ... وعقبال اللي عاوز

------------------------------------

يحكى أن رجلا كان يسكن في إحدى القرى , وكان يعاني من صداع نصفي مزمن , ولم يبقى طبيب إلا زاره , ولم يذكر له علاج إلا سعى في طلبه ولكن دون جدوى !!ء

وفي تلك الأثناء وقع خلاف بين صاحبنا ورجل آخر على إحدى الابار المهجوره حيث ادعى كل منهما ملكيته , وقد وصل الخلاف الى قاعة المحكمة

حيث حكم لصاحبنا بملكية البئر ولكن هذا الحكم لم يعجب خصمه فاستشاط غضبا وقرر ان ينال منه

فتربص به عند البئر فلما حضر عاجله بضربة من عصا غليظة على رأسه اوقعته في غيبوبة فترة طويله

استفاق بعدها , وقد استعاد عافيته وزال عنه الصداع دون رجعة, وقد وصف تلك الضربة المباركة بقوله : ( كأنما عرق مسدود قد فتح في دماغه ) .ء

فسبحان الله .. لقد جاءه الفرج من حيث لم يحتسب بل لو كان يعرف مسبقا ان شفاءه سيكون من ضربة عصا لتردد في قبوله , ولربما رفض !

لكن النتائج مدهشة وفيها خير وحل لمشكلة عضال ..

كم تتعلق قلوبنا نحو أمر ما وتهفو أرواحنا إليه وقد نحزن في حال فواته

ثم تتجلى الأمور وتتضح الحقائق أن في فواته خير لنا

كم تمنى شخص منصبا ما وفاته، ثم وفق لما هو خير منه

قد تنفصل زوجة عن زوجها فترزق بمن هو خير منه ..

والناس يأتمرون الأمر بينهم .. والله في كل يوم محدث شأنا

ونظل نحن بني البشر ذوي قدرات محدوده ونظرات قاصرة ورؤى سطحيه

روعة الحياة وجمالها في لجوء الفرد إلى علام الغيوب في كل شؤونه

فإذا تاقت نفسك الى أمر فليكن دعاؤك ( اللهم اكتب لي هذا الأمر إن كان خيرا لي , واصرفه عني إن كان غير ذلك )ء

وبعدها نم قرير العين هانيها

دع المقادير تجري في اعنتها .. ولا تبيتن الا خالي البال

لا تتألم إذا فاتك مأرب

ولا تبك إذا استعصى عليك منال

فالخير كل الخير فيما كتب لك ,رب أمر سر أخره .. بعدما ساءت أوائله

*** خير الكلام ***

( فَعَسَى أَن تَكْرَهُواْ شَيْئاً وَيَجْعَلَ اللّهُ فِيهِ خَيْراً كَثِيراً )

"من كتاب / "افتح النافذة ثمة ضوء

"للمبدع الدكتور / "خالد بن صالح المنيف

Failing to plan, is planning to fail

الحمد لله وحسبي الله ونعم الوكيل، اللهم إني أشكو إليك

أحداث كتيرة قاعدة بتحصل وأنا عقلي مش مستحمل فعلا التصادمات النفسية دي كلها :(( .... من اسبوع تقريبا، اتقال علينا اننا أسوأ دفعة شهدها القسم ( يا ترى نفس الكلام دة اتقال لكل الدفعات ؟؟) وإن المعيدين كلهم بيكرهونا ومش طايقينا ومش عاوزين يدونا تاني أبدا وإن سمعتنا وحشة أوي وما حدش هيرضى يناسبنا (مع إن والله في بنات لسة بتتخطب من عندنا ما شاء الله :)) ) وإننا هيتعلم علينا ك"دفعة 2011 السيئة للغاية" وهنتعب أوي لما نطلع ونشتغل برة .. يا ترى الكلام دة مبالغة ولا بجد ؟؟ ويا ترى إيه اللي دفعهم إنهم يحسوا بكل الحاجات دي من ناحيتنا ؟؟ هل بسبب وجود شخص أو شخصين لم يحسنوا التصرف في موقف أو موقفين (مع إني بردو لسة ما أعرفش إيه اللي حصل) يخلي الدفعة كلها يتقال عليها كدة ؟؟ طبعا مش كل الناس كانت موجودة لما الكلام دة اتقالنا والحمد لله إن مش كل الناس كانت قاعدة وإلا فعلا كان هيكون في ناس اتكلمت أو على الأقل استفسرت عن السبب ... المهم، حتى لو الدفعة دي كانت أسوأ حاجة مرت على تاريخ البشرية والدكاترة والمعيدين كلهم فعلا بيشتكوا مننا ومش طايقيننا، الواحد عليه بنفسه، المهم هو يكون كويس مع اللي حواليه، على الأقل ممكن يتقال إن الدفعة كلها كانت سيئة إلا هو :) ...

للناس اللي مش من دفعتي، بقالنا تقريبا شهر بنعمل في لاب الكونترول بتاع الأسانسير، المفروض كنا أول اسبوع ندخل نجربه وتاني أسبوع نسلمه .. الباش مهندس بيقول من الطبيعي إنه ما يشتغلش صح .. المهم، جينا أول اسبوع بدأنا بالجروب بتاعي والمتكون من 3 بنات فقط، أول ما دخلنا ولسة بنشغل البرنامج، قام الأسانسير واقع .. جابوا اللاب تكنشين والمانيول وهلوما واحنا قاعدين مستنين .. بعد ساعة بالظبط من الانتظار في المعمل، أعلنوا إنه خلاص باظ وهيقولوا لنا لو في محاولة الاسبوع الجاي ولا لأ ... جه الأسبوع اللي بعديه وكان الأسانسير اتصلح الحمد لله والدفعة كلها جربت وسمعت إن جروبين بس اللي اشتغل معاهم (طبعا جروبنا الثلاثي مش منهم) ... الاسبوع اللي بعده كان التسليم نفسه والدرجات بقة والريبورت (مش بس تجربة) .. من بداية السنة والجروب بتاعي بيسلم الأسبوع التاني (غريبة ما حدش لاحظ، ولا حتى المندوب ذات نفسه) .. أول أسبوع بيكون جروب أ ونصف ب ، والاسبوع التاني ج ونصف ب التاني .. المهم، المرة دي باش مهندس من ج اعترض (لسة واخد باله) وقال احنا اللي عاوزين نسلم الاسبوع الأول، مش كل مرة تأخرونا .. المهم، الجدول اتظبط الحمد لله بحيث أنا (ولأول مرة ومن نفسي) أسلم الأسبوع الاول .. الغريب بقة والمستفززززززز في الموضوع إن بعد ما الجدول اتحط ورحنا الكلية، راح المندوب مغيره وخلى الناس اللي كانت هتسلم الأسوبع الجاي يسلموا قبلينا !! طبعا ما ينفعش أتكلم عشان هكون بكلم نفسي .. شاء الله إننا يوميها نخلص محاضرات الساعة 1 تقريبا وإننا نكون الجروب ال 15 (حسبي الله ونعم الوكيل) اللي يسلم، يعني نسلم على الساعة 5-6 ... أنا كنت بقالي يومين عيانة أوي ومش بروح الكلية وكنت لسة في فترة نقاهة بس ما ينفعش أروح عشان احنا أصلا 3 ولو أنا مشيت، بجد هتبقى مشكلة .. الجروبات كلها على الأقل 4-5 أفراد، احنا الوحيدين اللي 3 :( ... قلت معلش أصبر وقعدت أقرأ الكتاب اللي بدأته من اسبوعين تقريبا ولما عدت الساعة 5 ونص ولسة ما سلمناش وقاعدين على السلم عشان الفصل بقة بيقفل بدري (حسبي الله ونعم الوكيل) وانا بقول خلاص هانت، قالوا الأسانسير باظظظظظظ وهنسلم الأسبوع الجاي!!! طبعا البنات قعدت تصوت وفي بنات عيطت (عشان القهرة والاستفزاز والله)... المندوب يغير الجدول بتاعنا كذا مرة ليه ويحط الدفعة كلها في يوم واحد ليه ؟؟ ما أكيد هيبوظ (حسبي الله ونعم الوكيل) ... أنا طبعا كنت مش شايفة قدامي وحسيت إني بجد عييت تاني وبقت شرارات من الغضب قاعدة بتطلع من عيني وحاسة إني لو فضلت في الكلية ممكن حاجة تحصل فمشيت بسرعة واستغلت النرفزة في المشي السريع (أو الطيرااااان) إلى البحر وروحت بيتنا ..

امبارح كنا مع بعض في الكلية عشان مشروع التخرج اللي مش باين له أول ولا آخر واحنا من عادتنا بنقعد نشتغل (أو نحاول) من غير ما نفتح إيمايلاتنا ولا حاجة .. شاء الله إن واحدة مننا تفتح المايل وتصوت "إلحقوا، جدول امتحان السوفت وير نزل على المودل" .. طبعا روحنا نفتح المودل، واقعععععع، فطلبت من نهال تبعت الجدول على الجروب وطلع امتحاني بكرة (النهاردة يعني) الساعة 3 !!! بسرعة لمينا الحاجة وقمنا .. بغض النظر الامتحان عن إيه ولا سهل ولا تافه بس فكرة إن ممكن ناس ما عندهاش نت أو أصلا عيانة وقافلة الدنيا وفجأة يتقال إن الامتحان بكرة (حسبي الله ونعم الوكيل) !!؟؟؟ يعني الحمد لله بجد اننا عرفنا وربنا يرحم بقة اللي ما عرفش عشان ما عندهوش نت ولا أي حاجة (ما حدش يقول إن الناس هتقول له، ما حدش بيفتكر حد، حتى الصحاب) ... المهم، أنا نزلت بقة عشان الامتحان النهاردة وأنا في سيدي جابر أفاجأ بصاحبتي بتتصل بيا (أنا قلت بتستعجلني مثلا ولا حاجة) لاقيتها بتقول (الامتحان اتأجل، هيبقى بكرة الساعة 10)!!! يااااه ؟؟؟ (حسبي الله ونعم الوكيل) ... ما فيش نظام ولا خطة واضحة ولا جدول ولا أي حاجة ، بجد بهدلة وسايبيننا عيمين لا عارفين راسنا من رجلينا ... ممكن حد فيكم يقول الظروف، بس ما هو دة اللي مضيع العالم دلوقت، الحرامي بيقول أنا بسرق عشان الظروف، اللي بيقتل بيقتل عشان الظروف، كل الناس اللي ماشية غلط بترمي اللي بتعلمه على مسمى الظروف ... أنا طبعا كملت المشروع لحد آخره ورجعت معاه عشان لو نزلت في النص، هقعد ساعتين عبل ما ألاقي حاجة اركبها عشان دي كانت ساعة ذروة ..

المهم، أنا أصلا الحمد لله عندي دوار الحركة (90% من المرات اللي بركب فيها أي حاجة، بدوخ وبيجيلي غثيان شديد أوي :( الحمد لله :( ) ومرة حتى ركبت مع خالي عربيته وما أقدرش أقول غير إنه يوميها ودى عربيته للمغسلة وأنا قعدت أعتذر ألف مرة وهو حسبني عيانة بس دوار الحركة دة مش مرض .. للي فيكم عنده دوار الحركة، أنا بتبع الأسلوب دة عشان يخف، بقعد جنب شباك مفتوح او حتة متهوية كويس عشان الكتمة والهواء الواقف بتزودها، ببص برة على العربيات اللي بتتحرك، بمضغ مستيكة أو أمص بمبناية .. أصلا دوار الحركة بيجي من إن الأذن الوسطى بتحس بحركة بس العين مش بتكون شايفة الحركة دي (لو انت باصص جوا المشروع أو بتقرأ حاجة وأنا غالبا ما بكون بقرأ حاجة عشان ما بعرفش أقعد كدة ساعة بتفرج على اللي حواليا أو أسمح لأفكار غريبة تنهال على عقلي المسكين) فالمخ بيترجم التناقض بين احساس الأذن بالحركة وعدم رؤية العين للحركة على إنه سم في جسمك ولازم تتخلص منه عشان كدة شعور الغثيان :( .. أنا كنت بقرأ نفس الكتاب بتاع يوم الاسانسير المستفززززز والحمد لله خلصته النهاردة (أهي ميزة بردو للنزول اللي على الفاضي دة :) ) وكمان بدأت كتاب جديد بالانجليزي (إنسانة عجيبة، ماشية بكتابين ما شاء الله :) عشان لو واحد خلص، أبدأ في التاني :) ) ...

بس كفاية كدة، ولو انت كملت لهنا، أكيد بتقول إيه الكلام الكتير دة وأنا المفروض أستفاد إيه، مش انت قلتي لنا انك مش هتحكي حاجة إلا لو فيها فايدة .؟؟؟ انت ما أخدتش بالك، الفايدة إنك تحترم مواعيدك وتحط خطة لحياتك وما ترميش كل حاجة على الظروف .. الانسان الناجح هو اللي بيتحكم في ظروفه ... وكمان ديما حط خطط بديلة عشان لو خطة فشلت تتشغل بغيرها بدل ما تقعد تعيط (زي الكتابين اللي جبتهم معايا :) ) ... كمان أكيد دلوقت عرفت تتصرف إزاي لو جالك دوار الحركة (ربنا يشفيني ويشفي جميع الناس منه) ... كفاية كدة وحسبي الله ونعم الوكيل في كل الناس اللي في إيديها سلطة أو مكانة معينة وبتضيع الناس معاها حسبي الله ونعم الوكيل على حرق الدم المتكررة من مواقف ذكرتها واخرى لم أستطع ذكرها ....

Failing to plan, is planning to fail …

When u're down, u'll be stepped on !!

You have to get up as fast as you can, NO MATTER how many times you have to do it ... Remember this, success has been and continues to be defined as "getting up one more time than you've been knocked down" ... You have to fail more often than you win :) ...

You want more than you have now, PROVE IT !!

People, just forget the past, thinking of it will make things worse, don't allow yourself to lose all the upcoming opportunities because you are looking back .. Trust me, everything you want and need is out there waiting for you to grab it ...

I heard a Japanese quote saying "Success is falling 7 times and getting up the 8th" ..

There is little background music... I just couldn't find any inspirational, motivating video without music, this was the least "musical" ... Just concentrate on the words and the idea, we ALL need it after all the marks we are getting and all the non-understandable lectures, nonfunctioning labs, unsolvable sheets ... حسبي الله ونعم الوكيل

إن شاء الله كلنا هنعدي بالطول، بالعرض وهناخد أحسن مما نتخيل ونتمنى، أنا واثقة في الله، بس إنسى اللي فات وخد بالأسباب وتوكل وادعي وثق في الله وأحسن الظن به

:) كوكب الأمل :)

وبعد الانتقال من قاع بئري إلى ما هو أسفل ثم العودة إلى الحياة من جديد مثل عودة الرجل من كهفه، قالت لي أياتك يا أرحم الراحمين:ء

ء(الحمد لله الذي أذهب عنا الحزن إن ربنا لغفور شكور)ء

إلهي قلت بيأس : "إني أتالم" !! فقالت لي آياتك : (لا تقنطوا من رحمة الله) وقالت: (أمن يجيب المضطر إذا دعاه ويكشف السوء).. قلت : "لا أحد يعلم ما يثقل قلبي" .. فقالت لي أياتك : (واعلموا أن الله يحول بين المرء وقلبه) وقالت: (فنادى في الظلمات أن لا إله إلا أنت سبحانك إني كنت من الظالمين)... قلت : "ليس عندي أحد" .. فقالت لي أياتك : (ونحن أقرب اليه من حبل الوريد) .. قلت: "إني خائفة منهم" .. فقالت: (فزادهم إيمانا وقالوا حسبنا الله ونعم الوكيل .. فانقلبوا بنعمة من الله وفضل لم يمسسهم سوء) ... قلت: "إني مريضة" .. فقالت لي: "وإذا مرضت فهو يشفين" ... قلت: "لا تنســاني".. فقالت لي: (فاذكروني أذكركم) .. قلت: "أعطني أمــــلاً يارب" ..فقالت لي: (فإن مع العسر يسرا، إن مع العسر يسرا) وقالت (سيجعل الله بعد عسر يسرا) .. قلت : "كيف لأحلامي أن تتحقق"؟؟ فقالت لي: (أدعوني أستجب لكم)ء

5 minutes only !

:) :) كوكب الأمل :) :)

ويعود الأمل ليبقى إلى الأبد بإذن الله :) ... يغيب قليلا من حين لآخر لكنه سرعان ما يعود أقوى مما كان بفضل الله

:( لك الحمد إني حزينٌ حزين :(

وجَرحي يُلوّنُ دَربَ المَدى :( ........ء

< 3 MiMi < 3 ...

I love you Allah ! You are continuously giving me messages when I need them the most !! Sobhan-Allah, I was willing to write about nature and how much I missed it today, I check my email and this is what I find as today's quote !! "Nature, time and patience are three great physicians." ... Yes, this is what I love; nature, this is what I have; time, and this is what I need; patience :) ...

--------------------------

Time wasted with your friends is time worth wasting :) --- Fadwa Ahmad

---------------------------

The longer you wait for something, the more you appreciate it when it comes because the things worth having are the things worth waiting for ;) ……

---------------------------

I love walking under the rain because no one notices I’m crying … I love the raindrops falling on my lips and me tasting them to check if they were "tears" or fresh water… I love the sound of the dry leaves being crushed under my feet as I feel that I am crushing my "fears" … I love the wind blowing through me because it takes my "pains" away with it and leaves me pain-free… I love the sunrise because it’s a sign that a new day has begun and that yesterday has gone with all its "misery" … I love the sunset because it tells me that it’s the end of another "complicated" day of my life … I love lightning because it brightens the whole sky for seconds just as happiness brightens my life for a "few moments only" … I love the sound of thunder as it’s the only thing louder than the inner voice that keeps on telling me that "my dreams will never come true" …

But today, the weather was sunny :( , there was no rain to wash my "tears", no wind to blow my "fears" and no leaves to concentrate my "anger" on and crush and no sunset (yet) to take my "pains" away with it ... But, there was a very great and special friend that did more than what nature usually does for me ... I now know that I love her more than nature and all its wonders ... Thank you my (F) only dear and loving "MiMi" (A) for being who you are; you are one of Allah's most precious gifts to me ما شاء الله ... Thank you Allah for granting me both "MiMi" and nature's beauty as when one is absent, the other is always there ... ( :) :* AF :) :* )

هزتني :(( أبكتني :(( ء

أين أنت يا رسول الله ؟؟؟ أين أنت يا عمر ابن الخطاب ؟؟ أين خالد ابن الوليد ؟؟ أين صلاح الدين ؟؟

اللهم أجرنا في مصائبنا هذه ... من سيعيد إلينا مجدنا وكرامتنا المسلوبة ؟؟؟ اللي بيشربوا سجاير ؟؟ ولا اللي بيتجنوا على ماتش كورة ويقعدوا يصوتوا قدامه ؟؟ ولا اللي بيصاحبوا وبيحبوا بالحرام ؟؟ ولا اللي ثقافتهم أفلام ومسلسلات وأغاني وكليبات ورقص وهلس ؟؟ ولا اللي معجبين بالغرب وبيقلدوهم في كل حاجة حتى في الشتايم ؟؟ ولا اللي آخر حاجة بيفكروا فيها الدين وربنا ؟؟ ولا اللي بيضيعوا الصلاة ؟؟ ولا اللي بيقولوا "انت مكبرها ليه"؟؟ ولا ولا ولا ؟؟؟ مين فعلا هيشيل هم الدين ويحرر الشيشان والصومال وأفغانستان والعراق وفلسطين ؟؟؟ من هيرجع الأندلس ويفتح الروم ؟؟ مين أصلا هيخليهم ما يجوش على مصر والدول القليلة اللي فاضلة ؟؟؟ مين هيقيم دولة الإسلام زي زمان اللي العالم كله كان بيخاف منها ؟؟؟ هل هو اتولد ولا لسة هيتولد ولا خلاص ما عادش حد كدة هيتولد ؟؟ لن يعيد الكلام ولن تعيد الهتافات أي شئ ... كل أما أفتكر كنا فين وبقينا فين، بتمنا إني عمري ما انتميت للزمن اللي احنا فيه دة ... يا ريتني كنت عايشة أيام الرسول وأسلمت معاه ... يا ريتني كنت في عهد الخلفاء أو اللي بعدهم لما الدولة الاسلامية كانت القوة العظمى وكان الغرب بيستمدوا كل حاجة، كل حاجة مننا ... اللهم أجرنا في مصائبنا هذه

شقائق الرجال

افرحن يا بنات ... أنتن غاليات أوي أوي أو ي (وأوي كمان عشان خاطركن) :) ء

في بنات متضايقة إن الرجالة مش لازم تتحجب بقة وتقعد تلبس في حاجات كتيرة وهي نازلة، ممكن تسافر براحتها (وتطلع بعثة وتاخد 5 ألاف دولار في الشهر ما شاء الله الله أكبر :) (الفلوس مش فارقة والله بس إحساس الواحد إن الفرص اللي قدامه ضئيلة جدا وإنه يستاهل وضع أحسن بينرفز فعلا)، بيفكروا بعقلهم وبيلغوا العاطفة نهاااااائيا في التفكير عشان كدة أغلب قراراتهم بتطلع صائبة وبعيدة عن المشاعر اللي غالبا بتخلي الواحد مش عارف يفكر وتصعب عليه نفسه ويمشي ورا عاطفته، أهم حاجة في حياتهم شغلهم، وحاجات كتيرة أوي بس كفاية كدة عشان البنات اللي بتقرأ متتأثرش وتتضايق مني

:D

وأنا بدور كدة، لاقيت أقوال جميلة عن النساء، ممكن الكلام دة يسعدكن شويتين :) ء

بداية، دائما لما تحسي إنك مش حاسة إنك بتاخدي حقك ولا قادرة تعملي حاجة عشان القيود اللي عليك، قولي "اللهم إني أسألك من فضلك"، والله لما بقولها ربنا بيبعتلي حاجات جميلة أوي أكيد ما كنتش هحس بقيمتها لو كنت ولد

عن ابن عباس رضي الله عنه، أنه قال: أتت امرأة النبي صلى الله عليه وسلم، فقالت: يا نبي الله ! للذكر مثل حظ الأنثيين، وشهادة امرأتين برجل، أفنحن في العمل هكذا، إن عملت امرأة حسنة كتبت لها نصف حسنة ؟ فأنزل الله: { ولا تتمنوا ما فضل الله به بعضكم على بعض للرجال نصيب مما اكتسبوا وللنساء نصيب مما اكتسبن، واسألوا الله من فضله } سورة النساء

قال الإمام أحمد : حدثنا سفيان ، عن ابن أبي نجيح ، عن مجاهد قال : قالت أم سلمة : يا رسول الله ، يغزو الرجال ولا نغزو ، ولنا نصف الميراث . فأنزل الله عز وجل : ( ولا تتمنوا ما فضل الله به بعضكم على بعض ) سورة النساء

-------------------------------------------------

يا ريت اللي يعرف أقوال ثانية جميلة يبعتهالي عشان أضيفها

من هنا بقة الأقوال اللي قرأتها، أبدأ بأحاديث حبيبنا محمد صلى الله عليه وسلم

"قال صلى الله عليه وسلم : "استوصوا بالنساء خيرا" وقال أيضا "رفقا بالقوارير

--------------------------

قال الرسول عليه الصلاة والسلام (( إنما النساء شقائق الرجال، ما أكرمهن إلا كريم، وما أهانهن إلا لئيم ))، (رواه احمد) ، فعلا والله، وما أهانهن إلا لئيم

-------------------------

قال صلى الله عليه وسلم: (( خيركم خيركم لأهله، وأنا خيركم لأهلي )) ء

---------------------------

لما بتعلم ولد، بتعلم شخص واحد، بس لما بتعلم بنت، بتعلم أُمّة بحالها

--------------------------

المرأة نصف المجتمع، وهي تلد النصف الآخر

--------------------------

إن العيون التي في طرفها حـور** قتلننـا ثـم لـم يحيـن قتـلانـا

يصرعن ذا اللب حتى لاحراك به ** وهن أضعـف خلـق الله أركانـا

-------------------------

يكفي المرأة رجل واحد لتفهم جميع الرجال لكن لا يكفي الرجل ألف امرأة لفهم امرأة واحدة

:D

--------------------------

فساد المجتمع بفساد نسائه وصلاحه بصلاحهم ... ربنا يصلح حالنا

--------------------------

الأم مدرسة إذا أعددتها ** أعددت شعبا طيب الأعراق

--------------------------

المرأة كوكب يستنير به الرجل ، ومن غيرها يبيت الرجل فى الظلام .. شكسبير

--------------------------

المرأة كالعشب، لاتنكسر أمام العواصف، بل تنثنى أمام النسيم

--------------------------

وراء كل رجل عظيم امرأة أعظم

--------------------------

المرأة إذا ذبل عقلها ومات، ذبل عقل الأمة بأكاملها وماتت

:P

--------------------------

العالم بلا إمرأة، كعين بلا بؤبؤ ... كحديقة بلا أزهار ... كالشمس بلا أشعة

---------------------------

What would men be without women? Scarce, sir, mighty scarce. Mark Twain

--------------------------

دة إيمايل مرة جالي

سأل طفلاً أباه عن المخلوق الذي يسمى المرأة .... فأجابه

هل نظرت إلى كل المميزات والمواصفات التي وضعها الله فيها؟؟

يجب أن تمتلك أكثر من (( 200 )) (مش عارفة جابوا الرقم دة منين) جزء متحرك لتؤدي كل ما هو مطلوب منها
يجب أن تكون قادرة على صنع كافة أنواع الطعام،

قادرة أن تحمل ولعدة مرات

تعطي الحب الذي يمكن أن يشفي من كل شيء ابتداءاً من ألم الركبة وانتهاءاً بألم انكسار القلب
إنها تداوي نفسها عند مرضها، وقادرة أن تعمل (( 18 )) (والله أكتر) ساعة يوميا

اقترب الطفل من أمه ولمسها
وسأل والده : لكنها ناعمة ورقيقة جداً
نعم إنها رقيقة لكنّها " قوية جداً " ، إنك لا تستطيع تصور مدى قدرتها على التحمل والثبات

سأل الطفل : هل تستطيع أن تفكر ؟؟
أجابه والده ليس فقط التفكير، يمكنها أن تقنع بالحجة والمنطق، كما يمكنها أن تحاور وتجادل

لمس الطفل خدود أمه واستغرب
لماذا خدودها مثقبة
أجابه والده أنها ليست الثقوب ... إنها الدموع.... لقد وضع عليها الكثير من الأعباء والأثقال

ولماذا كل هذه الدموع، سأل الطفل ؟؟
أجابه والده : الدموع هي طريقتها الوحيدة للتعبير
التعبير عن حزنها وأساها ... شكها ... قلقها ... حبها ... وحدتها ... معاناتها ... فخرها

المرأة تمتلك قوة يدهش لها الرجال، يمكنها أن تتعامل مع المشاكل، وتحمل الأعباء الثقيلة

تراها تبتسم حتى وإن كانت تصرخ ... تغني وإن كانت على وشك البكاء

تبكي حتى عندما تكون في قمة السعادة .. وتضحك حتى عندما تخاف

تدافع عن كل ما تؤمن به، وتقف في مواجهة الظلم

لا تقول كلمة لا عندما يكون لديها بصيص أمل بوجود حلّ أفضل

حبها غير مشروط

تراها تبكي في انتصار أولادها، أو في حزن يصيب أحد من حولها، لكنها دائماً تجد القوة لتستمر في الحياة

تؤمن أن القبلة والعناق يمكن أن تشفي كل قلب منكسر، لكنها دائماً تقع بخطأ واحد

إنها لا تعرف قيمة نفسها، ولا تعرف كم هي ثمينة

أرسلوا هذه الكلمات لكل السيدات لتعرف كل منهن كم هي عظيمة

وأرسلوها لكل الذكور لأنهم يحتاجون أن يتذكروا عظمة المخلوق الذي يسمى "المرأة"ء

غباء * غباء

Worth Watching ...

ما تخافش، انت اللي عندك ودانين، هما عندهم ودان واحدة

اللي هيتجوز بنتي هديله أربع علب شامبو

عاوزين نجري ورا الناس العاقلين ونبعد عن سكة المجانين

عقاب؟؟؟

قررت أطنش عشان أقدر أعيش ... طنش تعش منتعش .. طنش تعيش، تاكل قراقيش :) ... المهم بس ربنا يكون راضي والناس بقة حرة ترضى ولا لأ، "فليرضى عني الناس أو فليسخطوا ** أنا لم أعُد أسعى لغير رضاك"ء

---------------------------------

"اللهم إني أعوذ بك من تحول نعمتك وفجأة نقمتك وجميع سخطك"

-------------------------------

أكيد الكل شاف إزاي إن البحر اللي الناس كلها بتحب تنزله، تتمشى عليه أو على الاقل تعدي عليه في يوم اتقلب وغرق اسكندرية ودمرها دمار شامل، أنا لما نزلت النهاردة لاقيت سقف الأنفاق بتاعت كامب شيزار والابراهيمية متشالة خالص ومحدوفة على جنب، السور بتاع البحر عند ميامي متكسر، نادي المهندسين اللي الواحد كان بيتتاوى فيه يخلص مشروع ولا حاجة غرق، كافيتيريا لاتينو اللي في جليم على البحر غرقت ... طبعا الصرف زي الفل فالواحد لازم يتعلم فن القفز فوق البحيرات ... الواحد كان خايف إن تأخر الشتاء السنة دي وعدم نزول المطر لحد أول امبارح يكون عقاب وبسبب ذنوبنا، بس اللي حصل دة مش عارفة المفروض يأكد أكتر إنه عقاب ؟؟؟

كافيتيريا لاتينو ... الصورة دي مرعبة، بجد من ضمن الحاجات اللي حسستني بعظمة ربنا وقد إيه ممكن ينتقم من أي حد

النادي

عن أبي هريرة رضي الله عنه قال: قال رسول الله صلى الله عليه وسلم: «اشتكت النّار إلى ربّها فقالت: يا رب أكل بعضي بعضاً فجعل لها نفسين؛ نفس في الشتاء ونفس في الصيف فشدة ما تجدون من البرد من زمهريرها وشدة ما تجدون من الحر من سمومها» [رواه البخاري ومسلم].ء

اللهم إنا نعوذ بك من النار

يا ترى دة كان نفس من جهنم ولا عقاب من ربنا عشان الناس اللي بتستخدم البحر غلط (تتماشى عليه مع ناس غلط، تلبس فيه حاجات غلط) ؟؟؟؟

مش عارفة فعلا بس أنا حسيت قد إيه إن ممكن نعمة تبقى نقمة في ثانية، ربنا بإيده كل حاجة، قادر يبدل بردو النقم إلى نعم

"اللهم إني أعوذ بك من تحول نعمتك وفجأة نقمتك وجميع سخطك"

قد بابا... زي أخويا !!! كلام فارغ

الناس الي بتسلم على غير المحارم ... الناس اللي بتهزر مع غير المحارم .. الناس اللي بتمشي مع غير المحارم .... البنات اللي بتكشف نفسها على غير المحارم .... ولما تكلمهم يقولوا "دة زي أخويا " أو "دة قد بابا" أو "دة احنا متربين سوا" أو "دة بابا واثق فيه" !!! فين في القرآن ولا في السنة ولا في أي حتة على الكوكب موضوع "زي ...." دة ؟؟ ما فيش اتنين اختلفوا إن الكلام دة غلط ومالهوش أي ذرة من الصحة

عاوزين نعرف مين هما المحارم وإيه اللي لا يجوز على غير المحارم عشان في ناس كتيرة أوي متخيلة إن كل اللي في عيلتها محارم، وابن الجيران من المحارم وصاحب باباها وابن صاحب باباها

للنساء: محارمك هما أبوك، أخوك، جدك، زوجك (مش مش مش خطيبك، خلي باااالك، احذرييييي :) )، حماك (أبو جوزك)، ابنك، ابن أختك، ابن أخوك، عمك (مش مش مش ابن عمك)، خالك (مش مش مش ابن خالك)، زوج مامتك، ابن جوزك، جوز بنتك

للرجال: لو انت تعتبر أي حاجة من اللي فاتوا لواحدة، يبقى انت محرم ليها، يعني ممكن تشوفها من غير حجاب وتهزر معاها وتقعد معاها براحتك وتسافر معاها

للنساء، الغير محارم هما: أخو جوزك (احذريييييي بشدة)، جوز أختك، جوز عمتك، جوز خالتك، ابن خالتك، ابن عمتك، ابن خالك، ابن عمك

كل دول صحيح هما أقارب بس مش محارم (أجاااانب) يعني حرام يشوفوكي من غير حجاب، حرام يقعدوا معاك لوحدهم، حرام يهزروا معاك

وطبعا خطيبك وابن الجيران وزميلك !!!! ء

ء(((((( نقطة مهمة: ناس بتقول، طب ابن عمي مثلا من أقاربي، مش احنا مطالبين نسأل على أقاربنا ونصل رحمنا ؟؟؟ أيوة، انت لو سألتي على عمك ومراة عمك وبنات عمك (ومراة ابن عمك، لو متجوز) وسألتي عن أحواله عن طريقهم ("إزاي العيلة كلها؟؟ أخبار الجميع إيه" كدة يعني)، كدة انت سألتي عليه، فمش لازم يعني تكلميه ذات نفسه عشان يكون اسمك سألتي عليه :) )))) ء

نقطة أهمممم: في بنات بتقول "أنا مش بعمل حاجة من ورا أهلي، بابا عارف إني بكلمهم" ، أنا بقول لها "طب ما ممكن بردو بابا يكون عارف إنك مش بتصلي وإنك مش محجبة، هل دة معناه بقة إن ترك الصلاة وترك الحجاب حلال؟؟؟ بعدين انت بتاخدي منهجك من بابا ولا من ربنا ؟؟؟ "ء

وللرجال، انت مش محرم ل: مراة خالك، مراة عمك، بنات عمك وبنات عمتك، بنات خالك وبنات خالتك، مراة أخوك، أخت مراتك، خطيبتك، بنت الجيران، زميلتك

بالنسبة لأخو الزوج (وأقارب الزوج من الرجال عامة)، ليه بقة أنا قلت "احذرييييي بشدة" ؟؟؟؟ عن عقبة بن عامر أن رسول الله صلى الله عليه وسلم قال : " إياكم والدخول على النساء ، فقال رجل من الأنصار : يا رسول الله أفرأيت الحمو ؟ قال : الحمو الموت . رواه البخاري ( 4934 ) ومسلم ( 2172 ) .ء

والحمو : هو قريب الزوج .

وأما قوله صلى الله عليه وسلم " الحمو الموت " فمعناه : أن الخوف منه أكثر من غيره , والشر يتوقع منه , والفتنة أكثر لتمكنه من الوصول إلى المرأة والخلوة من غير أن ينكر عليه

والله تعالى أعلم، جعلنا الله ممن يستمعون القول فيتبعون أحسنه وجعلنا ممن نخشاه هو ولا نخشى الناس

خواطر، مش يوميات (2)ء

ياااا رب :( ... أنت قلت وقولك الحق "أمن يجيب المضطر إذا دعاه ويكشف السوء" ... "ادعوني أستجب لكم" ... "وإذا سألك عبادي عني فإني قريب" ... "إن ربي قريب مجيب" ... "إن ربي رحيم ودود" ... "إن ربك فعال لما يريد" ... "ألم تعلم أن الله على كل شئ قديرّ" ... يا من أمره بين الكاف والنون ... يا من بقبضته ملك السماوات والأراضين وخزائنها .... يا أكرم الأكرمين، يا أرحم الراحمين، يا رزاق، يا حليم، يا معطي، يا منان، يا جواد، يا وهاب، يا رب، يا الله، يا رحيم، يا رحمن، يا قوي، يا قادر، يا جبار، يا من هو أقرب إلي من حبل الوريد، اللهم أنت المجيب وأنا المضطر، فاكشف ما بي من ضر ... اللهم إنك تعلم ما أريد قبل أن أطلبه منك، وتعلم مصائبي قبل أن تحل علي، وتعلم مصيري ومثواي، اللهم فألهمني رشدي وقني شر نفسي ... يا رب طلعني من الدنيا دي على خير

-------------------------------

الحمد لله، لسة الناس فيها خير ... قال صلى الله عليه وسلم "المؤمن كيّس فطن" وقال أيضا "اتقوا الشبهات" ببساطة، لو في احتمال ولو 1% إنك تتفهم غلط، ما تعملش الحاجة دي ... مش عيب إنك تغلط، العيب إنك ما تصلحش الخطأ أو "الشبهة" أول ما تقع

-----------------------------

الحمد لله على نعمة النوم، الواحد بيتعزل فيه عن الدنيا وعن الناس وحتى عن نفسه

-------------------------------

... :) لولا البلاءُ لكانَ يوسف مدلّلًا في حضنِ أبيه، ولكنّه أصبحَ معَ البلاء عزيز

-------------------------------

نفسي أعرف، هل سجاجيد الصلاة فعلا معمولة للصلاة ؟؟؟ أصل كمية الزخارف والزينة والألوان اللي عليها أكتر من السجاجيد العادية ... أنا فاكرة زمان وأنا طفلة في رمضان كنت لما بصلي التراويح بروح المسجد عشان أتتبع الخطوط والمتاهات اللي في السجادة واتخيل نفسي ماشية ما بينهم ومش عارفة فين آخر السجادة وإن في حد بيجري ورايا وأقعد أدور على أفضل مكان في الرسم اللي في السجادة ممكن أستخبى فيه عشان ما حدش يشوفني وأقعد أتخيل كل حاجة ممكنة مع الألوان والأشكال لحد ما الصلاة تخلص وأروح وأنا عملت مغامرة عظيمة مع السجادة المزخرفة وبفكر في مغامرة بكرة هتكون عاملة إزاي ... نفسي أشوف سجادة صلاة سادة

------------------------------

جايز فعلا يكون الواحد غلط وكل حاجة بيعملها غلط بس بردو دة لا يمنعه إنه يصحح حاجة غلط شافها .. أنا ضد موضوع "صلح نفسك الأول بعدين تعالى كلمنا" ... ماحدش أبدا كامل ولو كل واحد اتقاله كدة، ما حدش هيتوجه ولا حد هيعرف الغلط فين والناس كلها هتمشي على هواها أكتر مما هي أصلا "ألردي" ماشية على هواها

------------------------------

أكتر حاجة غايظاني في مصر كمية القهاوي الغير طبيعية والكافيتيريات المهولة ..... القهوة دي أي حد مش لاقي شغل "أو مكسل يدور على شغل" يجي رايح قاعد عليها ومادام راح يبقى أكيد هينسى مسؤوليات بيته وهيبدأ في شرب السجاير والشيشة وال"بحلقة البجحة" في اللي رايح واللي جاي ... والساعات تقعد تعدي كدة وهو ولا هو هنا ... أحيانا فعلا بحس إني نفسي أخد حبة وقت منهم لما بكون مزنوقة وورايا حاجات بالهبل .... اللي يضايق فعلا إنك بتلاقي شباب لسة المستقبل قدامهم قاعدين عليها ومش بيعملوا أي حاجة مفيدة في حياتهم ... ممكن حد يقول لي إنها للتسلية أو الرفاهية، بس أي نوع من التسلية لما تكون محاط بسحب من الدخان ؟؟ أنا لو مجرد شميت سجارة من على بعد مترين، بدوخ وبتخنق وممكن يغمى علي ... الناس بقة مستحملة تدخلها جواها إزاي ؟؟؟ نفسي فعلا أعمل حملة لغلق القهاوي وفتح مراكز للتعليم والتوظيف والرفاهية "العدلة"ء

-------------------------------

في ناس كتيرة أوي عندها مفهوم خاطئ إن الواحدة ممكن تتمشى مع خطيبها كدة عادي (أنا اكتشفت إن مصر كلها تقريبا فاهمة كدة) وهي لا تعلم إنه يعتبر أجنبي بالنسبة لها، يعني زيه زي أي واحد تاني .. الفرق الوحيد إنه يجوز ليه إنه يكلمها في حضور محرم (أخوها أو أبوها أو عمها) ، الأدلة واضحة وما فيش حد حتى اختلف في النقطة دي أبدا بس الناس بتقلد وتعاند وتكابر .. المسلسلات والأفلام متحكمة في الناس بطريقة محزنة

-------------------------------

الناس بقيت تضايق من أي حد يقول لها إن حاجة حرام .. بتدور على اللي يحلل لها كل حاجة، عاوزة تشكل الدين على هواها، مش عاوزة هي تتشكل على حسب الدين ... وفي ناس تقول "في مواضيع أهم من الحرام والحلال اللي بتتكلموا فيه دة" !!! بجد ؟؟

--------------------------------

أول مرة أخد بالي إن في خمور بتتباع في اسكندرية عادي زي العصير كدة وإن في مراقص أو ملاهي ليلية كدة في العلن ... قلبي انقبض ... هل مصر فعلا دولة إسلامية ؟؟؟؟؟

-------------------------------

فى حياة كل منا أشياء ثمينة جدًا لكنها تجعل الآخرين يتهموننا بالتفاهة أو الضحالة أو الجنون إذا عرفوا بها، ونتهمهم نحن بالغباء و تبلد المشاعر عندما يبدون سخريتهم ... د.أحمد خالد توفيق

-----------------------------------

يا أُمّةً ضحكت من جهلها الأُمم :((( ويا أُمّةً داست على أشلاءِ عزتها الأُمم :((( ماذا حل بك يا أمة محمد صلى الله عليه وسلم ؟؟؟ نفسي أشوفك زي زمان بس إزاي وأنا مش عارفة حتى أصلح من نفسي ؟؟ امتى بقة نقول "الله أكبر، فتحت الروم !!!" "الله أكبر، عادت الأندلس" ، ويااااااه لو قلنا "الله أكبر، نحن في الأقصى" !!!! حلمي والله أن تعودي عزيزة والله قادر ... يا رب ساعدني يكون ليا دور في كدة ولو بشئ قليل ... "ابدأ بنفسك"، لو قدرنا ننتصر على نفسنا، هنقدر ننتصر على أي حد والله، بس الدنيا كلها دلوقت بقيت شهوات * شهوات وبجد حاجة تقرف وبيدوروا على طرق لغواية الشباب والبنات بس وغزو فكرهم ودس السم في العسل وتدمير تفكيرهم ومبادئهم ومعتقداتهم وقطع الصلة بينهم وبين المسلمين العظماء بتوع زمان عشان يحسوا إن مالهمش أصل .... يا ترى حد حاسس فينا فعلا إنه من أحفاد "خالد ابن الوليد" و"عمر ابن الخطاب" ؟؟؟ طب لو حسينا وقلنا آه، ليه أعمالنا بتتنافى مع كلامنا ؟؟؟ ... الواحد محتاج ولو قشاية يتمسك بيها .. يا رب نجينا

---------------------------------

إذا وجدت شخصا يتصف بالمرح ويجيد الدعابة وإسعاد الناس، فأعلم أن قلبه ملئ بالهموم .... ء

----------------------------------

هل فعلا الواحد مش بيحس بقيمة الحاجة لما خلاص تجيله ؟؟؟ بيقعد ليالي سهران بيحلم بيها ونفسه فيها أوي وشايفها في تقريبا كل حاجة حواليه بس أول ما تقع في إيده بعيد عن أحلام اليقظة، بيستغرب ليه كان عاوزها قد كدة، طلعت ما تستاهلش كل دة ... ممكن هو الاحساس بالمتعة في الرغبة في حاجة والجري وراها ؟؟؟ ممكن الزهد في الحاجة عشان بقيت خلاص في إيدك؟؟ مش عارفة السبب الحقيقي بس أرجع أسأل نفسي "بس ليه في ناس بتتمسك بحاجة (منصب أو مال أو أي حاجة) أكتر لما تجيلها ؟؟ أكيد الكلام دة فيه خلل بس أنا فعلا مش فاهمة إمتى يطبق وإمتى ينفى ... مصيري أفهم

---------------------------------------

ياليل يا مستودع الأسرار ياموج الظنون *** كم مقلة خافت دياجير الظلام المستكين

حسبته أشباحاً وراحت ترتجي فيه المعين *** لم تدري أن الفجر يطرده أمام الناظرين

من نشيد "يا ليل" لحمود الخضر