I should learn to give more and expect less …..
------------------------------------------------ I Never needed wings to fly ……
------------------------------------------------
أنا غريبة أوي، دة معناه إيه ؟؟؟؟... بقالي كذة سنة بلبس فردة شراب لون وفردة لون، يعني مثلا أحمر وأزرق، بنفسجي وأخضر المهم يكونوا الفردتين غير بعض، بفكر أعمل كدة في الكوتشي كمان ....
-------------------------------------------------
اتنرفزت أويييييييييييي ... شغل 5 ساعات راح مني مش فاهمة إختفى فين ؟؟؟ دورت عليه في كل حتة تاني بس مش لقياه خالصصصصصصصص ... لقيت الملف بس فاضي !!! لا حول ولا قوة إلا بالله ... عملته تاني وخلصت في ساعتين ونص الحمد لله ... آدي اللي أخدناه من مشروع د.أبو جبل (الراجل برئ والله، أنا بتكلم عن المشروع نفسه) !!!!!!!!!!!
---------------------------------------------
خلاص كلمتها واتأسفتلها .... اتصالحنا الحمد لله وما كانش في سبب أصلا للخصام :) ... الشيطان ربنا يكفينا شره ... بجد من أحلى الناس اللي قبلتها في حياتيييييي ... :-***********************
-------------------------------------------------
لما تنام أكتر من الوقت اللي محدده لنفسك وتضايق إنك نمت زيادة (عن اللي معاك في القسم مش عن الناس الطبيعية) وتزعل إنك نمت، إعرف إنك في سي إس دي ... لما تقعد ليالي نسيت شكل السرير وتعدي عليه كدة تسلم من بعيد وتكون نفسك تحط راسك ولو دقيقة على المخدة (لو حطيتها تبقى جنيت على نفسك ومصلحة البلد هتقف)، أهلا بيك في سي إس دي .... لما تقعد طول ما انت شغالة في حاجة تظهر لك مشاكل ملهاش أي مصدر وتقعد تلطم، مرحبا بيك في سي إس دي ... لما نفس البرنامج يشتغل على جهاز صاحبك بس مش راضي يشتغل عندك، منور سي إس دي ... لما تنام على اللاب توب وانت شغال كل يوم وتصحى بعد كام ساعة تلاقي ظهرك بيوجعك ورقبتك ملوحة وتلاقي نفسك كاتب تخارييييييييييف (مرة كتبت جزء من قصة حصلتلي في طفولتي) بدل البرنامج، يبقى انت أكيد في سي إس دي ... ولما تقول يا رب من قلبك وكل خلية في جسمك تقول آمين، تأكد بدون شك إنك في سي إس دي ... لو لم أكن سي إس ديهيا لوددت أن أكون سي إس ديهيا ....
------------------------------------------
مش قادرة أمسك نفسي من الضحك !!! كنت نازلة السلالم وهو طالع، فضل مبحلق فيا كإني كائن غريب قام واقع على وشه !!! صعب عليا أوي بس قعدت أضحك !! حد قاله يسيب السلم ويركز فيا ؟؟؟ طب أعمل إيه أنا وأنا كلي متغطية ؟؟؟ ألبس طاقية الإخفاء ؟؟؟ والله يا ريت، نفسي فيها أوي بس يا ترى بتتباع فين ؟؟؟؟
------------------------------------------
عاوزة أناااااااااااااااااااااااااااااااااااااااااااااااااام ..... zzzzzzzzzzzzzzzzzzzzzzzzzzzzzzzzzzz
:) ويبقى الأمل :)
2 comments:
loooooooooooooooooool men da el w23 3la wsho wllahe el 3azeem mwtene d7k wna m5no2aa loool gamdaaa bgd tool 3omrk to7fa ya fedo wllahe w gamd awe rsaa2 :C :S :D dah w t5yle wente da5la el masjd w btsle 7d bs 3la shrabk 7y3od yd7k wllahe :P:D:D
++ :D ++
هقولك مين اللي وقع على وجهه دة بس بيني وبينك
;-)
وأنا عارفة إني تحفة، كلهم بيقولوا كدة
:P :D =))
looooooooooool
ما هو مرة فعلا واحدة صلت جنبي، واحنا بنركع راحت مسخسخة من الضحك وخليتني أضحك وقطعنا الصلاة وحلفت ما هتصلي تاني جنبي أبدا
:D++
ربنا يسامحني، والله ما كانش قصدي
:P
Post a Comment
comments are always welcomed :)